Big Eater J的個人專頁

荔枝角依頭唔算係食店林立既地方，工廠大廈為主，適逢路經依頭，搵食實在不易。咁岩經過依間西餐廳，見佢雖然位於大街但門口細細，有啲神秘感一於試一試佢，點知有驚喜我同朋友坐低後，每人叫左個午餐，先上麵包和餐湯麵包同湯都好夠熱，味道都不錯我餐飲叫左凍mocha ，味道可以但略為淡一啲。依味水牛城雞翼簡直無得彈！！熱辣辣、帶點辣，個醬汁做得非常好！必食推介我叫左招牌至尊簿餅批底薄脆，亦都熱辣辣，配料都好夠，好食依味黑毛豬扒係餐廳既攞介菜式單看樣子已經極為討好肉質偏乾身，十分入味好食至於個配菜就咁睇已經同普通薯條有少少唔同，食落原來是蕃薯條，脆卜卜甜甜地，有另一番味道，都好好食再講下間餐廳內部格局，設計令人幾舒服:)如果好似我地咁慢慢係度坐黎傾下計食下嘢著實不錯…查看更多

由於公司早放工，所以就同位同事去附近食個early dinner 吹吹水途經依間店面設計幾特別既食店，於是就入去試試從店名可見，應該是專吃豚肉既店:)先睇餐牌，只得一頁，好簡單易睇主餐主打同豬肉有關既菜式，包括豬扒、豬手、豬軟骨、梅菜扣肉、肉燥、午餐肉等，配飯或撈麵食仲可以追加配菜同小食價錢大部份都是50幾蚊，依區黎講算係相宜。落完單後周圍望下店內環境，裝潢模仿古代古裝片既食店場景，幾得意飲品如點果汁近餐加8蚊，我地揀左蘋果汁同橙汁:)同事叫左肉燥滷蛋飯賣相不俗，肉燥唔似係台式？！見同事係男仔食晒都覺飽，而且味道不錯至於我就叫左沖繩豬軟骨撈粗麵粗麵份量都好夠，口感都略為彈牙，本身有汁入味，不錯豬軟骨份量都算多，口感幼滑，配埋麵食好夾整體都好滿意餐廳既食物水準，價錢相宜，環境都乾淨，如果想食有水準既快餐不坊考慮下…查看更多

韓式雞林林種種，但通常都係乾乾地既，但原來仲有濕既韓雞今次就同友人一齊試試餐廳提供既冷盤前菜亦有韓式小食繼續有韓式小食，款式都算多韓式鍋品同冷麵韓式釜飯都有最後到以餐廳為命名既奶奶雞啦，必食我地就揀左痾手邊果款元祖雞先黎個前菜，揀左燒濟洲鯖魚肉質都幾鮮嫩，燒得幾入味，點埋檸檬汁仲雖然有少少骨但都容易吐出黎既:)主角出場！新安東元祖奶奶雞（半隻）比想像中大碟，起初仲驚兩個人食半隻雞夠唔夠食，結果我地二人一齊食都剩少少雞肉都幾嫩滑，帶骨的，而數量都好多下個醬汁好濃味，適合重口味人士味道有少少似咖哩但無咁辣，同酸味重少少，醬汁入味令啲雞更好食其實成碗奶奶雞用料好豐富，入面有大量似是河粉咁既麵，都好入味配料仲有紅蘿蔔、薯仔等。餐廳服務不錯，坐得都舒適，如果想食韓雞但又唔想咁熱氣既話，這個奶奶雞會係一個不錯既選擇…查看更多

話說依棟商業大廈新開以來我都未黎過，只知門口大大隻發光字562，點知原來係有好既搵食地依間餐廳好似新開唔到兩個月，見評價唔錯就試下，一試就好令我印象深刻，算係近期食過鮮有既高質西餐廳:)室內裝修極新，走簡約風路線，好有自然美店內面積雖然唔算好大，但都留有一部份坐位靠窗，另有一小片空間留俾客人晚上飲嘢走走或坐底傾計用，感覺似是可搞大型聚會咁前菜係例牌湯同餐包，餐包係跟法式食法點油醋食，本身亦帶點油香，很不錯:)小食點左單骨雞翼，雞肉嫩滑，骨肉易分離，食得極方便水牛城味道多汁酸辣甜味豐富，好味炸魚薯條新鮮滾熱辣炸好魚表面炸漿恰到好處，魚肉口感偏實，薯條則採用粗薯條，整體質素都不錯既:)友人點左豬鞍架，賣相一流連骨既模樣好有霸氣肉質鮮嫩，近骨既部分更為爽口口味唔會好濃，只有淡淡既炭燒味，反而突出豬既肉香依份就係我叫既安格斯肉眼扒外觀亦好討好傳出陣陣既炭燒香氣我叫左medium rare ，肉質同樣爽口，牛既油脂分佈亦不錯，肉味很濃郁只係可能用多左少少油燒，但整體仍然係水準頗高的牛扒，推薦最後叫番個甜品作結雪葩賣相很治癒很吸睛味道係好濃既水蜜桃味佢似係以整個水蜜桃挑空果肉然後放入雪葩拎去雪，果皮都可食埋架餐廳很乾淨企理，但仍提供木箱放袋，很細心:)整體來說，很感覺到餐廳很用心經營，店主亦樂意聆聽客人意見，而環境舒適很合朋友聚餐，食物質素亦有水準，我覺得第日將會是幾hit的一間餐廳…查看更多

依間餐廳係朋友帶黎先識黎，本身諗住位置唔算開揚就應該少啲顧客啦，但上到黎發現都接近滿座一試後就知原因應該係因為佢服務同食物質素真係太好有關我地被安排坐係一幅大油畫牆旁邊，就咁睇都覺幾靚幾有意境:)依個係是日午市套餐既餐牌，價錢一律$158加一，包括有餐包、是日餐湯或沙律、主菜及餐飲餐包好佢有幾款包俾人揀，我揀既依舊雖然樣子普通，但熱辣辣，好香牛油味，配埋醋油一齊食好好味我個餐揀左巴馬火腿、車厘茄、羅馬生菜沙律配日式芝麻沙律汁即使係沙律前菜，餐廳都做到佢賣相好靚用料絕不馬乎，巴馬火腿都用上不下四塊，生菜極新鮮，配埋芝麻汁同芝士粉一齊食，好味道友人就點左餐湯，味道濃，口感幼滑之後就上主菜啦友人揀左是日新鮮海捕魚柳無記錯的話職員話依塊係鯛魚:)外觀已經很美，像藝術品碟上每件食材都放置得很自然很美我試左一舊，魚既味道的確好鮮，肉質很嫩滑，同個醬汁亦很夾職員有提及餐廳廚師每日都親自去揀魚攞貨，保持食材較高品質到我點既主菜啦係炭燒加拿大有機帶骨豚配香茅黑豉油汁樣子極美碟上佈局別緻佢既薯蓉味道口感都好好，成件藝術品咁肉質鮮嫩雖然係豚肉但更勝牛肉既口感，而味道亦極佳炭燒味剛好之前總覺得食牛扒會抵啲，但食好既豬扒比食好既牛扒更難畢竟要搵塊靚豬扒比靚牛扒難，要煮得比牛扒好味更難食晒後就上餐飲，都係常規嘢，我叫左凍咖啡，都幾唔錯既:)整體黎講，餐廳服務好，坐得好舒服，見星期六黎食，雖然位置唔係大街但都坐滿人就知啦更重要係食物質素好好值得黎試！…查看更多

日不落既食肆要數其中一樣真係日式放題依間放題都係朋友訂左位帶我黎，餐廳面積好大，但閒日黎到都仍然坐滿人先叫指定動作既魚生同壽司壽司質素不錯，出面最易中伏既海膽依度都做得合格啦:)魚生都味道不俗依度既熱食有幾樣都做得意外地出色首先係上圖右面既牛柳粒，真係燒得多汁好食鰻魚亦燒得十分好，魚夠軟熟，汁極惹味推薦鰻魚今時今日算貴價，專登番叫左幾次tim 依味撈烏冬係冷食，口感彈牙，用上不錯既烏冬，麻醬味夠，都好食推介放題必點既炸物我特別鐘意佢既炸芋丸炸蠔同雞翼都做得很不錯:)天婦羅炸得鬆脆可口，又唔覺太油。餐廳出面仲有一大個區域放置食物飲品飲品有齊冷熱溫度，值得一讚仲有好幾盤熱食春卷同葡撻都好食:)放題雖然無好似出面咁包一杯名牌雪糕，但就有好多其他雪糕雪條任食，岩晒大胃王依間放題咁多人幫襯，質素係有番咁上下值得一試。…查看更多

依間大排檔開店並唔係好耐，但都已經見過雜誌採訪過佢好幾次，起初感覺都只係傳媒造勢唔會有咩特別，依日咁岩行經依頭試佢一試，就發現佢係有真功夫！係堅好食！佢餐牌有好多頁有好多菜式揀，我只係俾大家睇佢最拿手既小菜餐牌大排檔風味梗係要啤啤佢但見佢竟然仲有依隻Apple Cider供應，就叫支啦，仲包隻戰鬥碗倒黎飲咁樣飲晒法真係好有豪氣既感覺古法香煎水菓牛肋條係店舖既推介菜式，賣相靚，一上枱已經香噴噴:)牛味濃厚，煮得岩岩好仲好食過出面西餐廳鋸扒啊必點！另一味必點推介係依隻楚撚原隻脆皮炸豬手外觀已經好有霸氣，第一眼覺得值得一讚係佢已經砌好一塊塊一食落就覺得真係好意外，佢煮得極為鬆脆可口同時每一塊脆皮連帶住均勺既油脂同埋肉，薄薄一片，並無用上任何調味黎煮既味道都已經好好，熱辣辣好食佢仲可以配芥辣或泰式酸辣醬食又係好食過出面啲西餐廳鑊氣豉椒炒蜆係食大排檔經典菜式之一，鑊氣夠、豉汁濃，都不減蜆既鮮味唔覺得有太多沙粒都值得一讚之後黎一煲鮮甜鴛鴦雞粥（細鍋）叫細碗都足夠兩人食。所謂鴛鴦雞即是田雞加雞雙併黎煲粥，都係經典粥款，依家並不常見架，依度有得食就試下用料極為豐富田雞肉質其實同雞都好似，兩者味道亦充份帶入粥粥米入面，而粥就較為傑身一點，好食食左咁多邪惡嘢叫番碟菜清清佢最後店舖仲會送蕃薯糖水整體黎講，雖然店舖位於土瓜灣，暫時未有地鐵而交通唔算便利，但佢既菜式堅係好食店員服務又唔錯，好值得一試:)…查看更多

依間叫古早味既台灣食店，聽聞係銅鑼灣有間分店做得不錯，我就未試過，但依日咁岩經過旺角依頭見佢原來都開左間分店，於是同友人一齊黎試試有提供午市套餐，價錢合理，款式又多，都有齊主要台式地道菜式最後每人叫左款午餐:)黎得食台灣嘢，當然要叫番啲台式飲品啦加少少錢要左杯奶蓋紅茶大大杯奶滑茶濃，清涼好飲午餐我就叫左酥炸雞扒麵賣相已經好吸引個麵係採用番台式粉麵底，厚身彈牙好QQ個湯清清地但仍很入味雞扒酥脆可口，熱辣辣脆卜卜，好食餐廳仲提供好多台式小食我地都叫左幾款試試首先有鹽酥豆腐豆腐外脆內軟，十分香口，質素好過唔少大酒樓推薦之後上既依味係宜蘭蔥餡餅亦係餐廳既推薦小食層皮煎得微脆，餡料充足入味，食落唔會覺得油膩仲帶少少汁，好食最後叫番樣甜品，就係手工（紅豆）三色芋圓好大杯佢有差不多成15粒以上，粒粒都好QQ，又唔會太甜，好味（提提會食得幾飽）講番店面環境乾淨企理，黎食當日時間尚早仲未放飯時間，之後都漸漸多人整體黎講，食物質素好，價錢公道，服務算不錯，值得一試:)…查看更多

長沙灣俾人感覺都係較為較平民化，依間餐廳位置仲係算偏算靜架tim ，本身經過都唔抱有大期望，但見門面幾特別，就試一下佢，點知佢不單只好食，我覺得程度仲高過出面高質既西餐廳，真係估唔到一入到去，猶如置身於列車入面，真係獨特窗口其實係影像黎，模仿從列車望出窗外既情景上面仲放有行李架，像真度好高餐廳唔算大，但坐得十分舒服，光線柔和，令人放鬆而餐牌造形係模仿一本旅行日記，經過精心設計，入面似有店東既旅行相，我就無影餐牌出黎啦，大家即管去幫襯時望望我地首先叫左碟意粉，依味白酒煮蜆意粉其實係好經典既意粉，出面餐廳好多時都有得食，但依度整得份外出色:)白酒味濃而不烈，配埋較稀既汁煮意粉帶出蜆肉既鮮味中間夾著微小既辣味作調味係好食每粒蜆肉都好鮮甜，蜆既數量都好多下，都有成十幾隻意粉採用扁意粉，煮得岩岩好，唔太腍而有咬口第二度菜揀左西班牙伊比利亞黑毛豬梅扒真係超好食係必食推介！賣相已經好吸引，成件藝術品咁未試過食豬肉可以食到咁好味雖然肉仲見紅，但其實唔係血黎，已經熟的。佢肉質極其鮮嫩，油脂同肉既比例同分佈岩岩好，食落有口感，可謂齒頰留香，色香味俱全我地仲叫左個side dish 食，依味薯蓉採用甜薯，樣子同一般既薯蓉唔同，但食落口感差唔多，薯味濃之餘帶一點甜，很不錯聽店員講餐廳既甜品亦相當出色，有客人黎食反而為左食多一點甜品於是我地就叫左是日甜品Explorer (意思要向店只「explore」一下）依味soufflé 甜品一上枱，已經俾佢個賣相吸引住成個小花園咁食落creamy ，甜而不油膩，成個甜品連埋莓粒一齊食味道層次更豐富，配上既藍莓雪糕亦很不錯，又係一伴色香味俱全既藝術甜品…查看更多

依間叫阿來既東南亞餐廳之前都略有所聞，依日行開依頭，見佢開左間分店，正想搵地方食lunch，就試一試佢依頁係廚師推介主餐牌都有齊所有傳統東南亞菜式仲有三款二人套餐同埋各式甜品同飲品午市套餐四十幾蚊有交易，今時今日算抵仲可以加錢追加小食嘢飲當然叫番個椰青啦簡直係夏天消暑恩物椰汁爽甜清涼叫左個炒金邊粉即叫即炒熱辣辣鑊氣夠味道十足午餐黎講份量好大，我覺得一個人食會好飽叫番碟菜清下胃馬拉盞炒椰菜苗係東南亞傳統炒菜，依度炒得香而入味，我相信就算本身唔鐘意食菜既人都會鐘意食食東南亞菜點可以少得串燒沙嗲沙嗲醬一早已經淋左上去，好處係串燒上大部分肉都已經淋上醬，平時食串燒其實點醬有點困難講番味道，佢係豬肉同雞肉，兩者肉味夠，有咬口，而且份量都好足菠蘿炒飯並非用菠蘿上，仲好，因為人地成日都話個菠蘿係用過既，而依度唔會有依個問題用料好足，放上好幾隻大蝦，食落菠蘿夠多汁配上新鮮炒好既飯依味鹽燒則魚即叫即燒肉質鮮嫩美味，燒得好入味而且啲骨好易夾出黎，適合我依類唔識食骨又鐘意食魚既人推薦依味蛋黃雞翼係另一必食蛋黃味好濃而且佢採用單骨雞翼黎燒，易啲食又美味又易食，而且出面食肆唔易搵到蛋黃雞翼，真係推介…查看更多

依間專食撻類甜品既店舖評價十分出眾，本身都佢既實力都幾懷疑，於是就試左幾件，一試就覺得真係天外有天講真，佢既味道真係好過唔少坊間食甜品既知名品牌店舖位置幾偏僻下，係上環一條小街入面，一個店面都唔知夠唔夠二百呎既舖頭仔黎門口掛係牆既掛畫，一次過顯示所有撻既款式，現場買既好似只有其中十款依啲係暫時賣剩既款式，所剩唔多，皆因店舖既撻係佢地手整既，生產需時數量亦唔太多最右手面既大盒就係禮盒裝另外亦有四件禮盒裝，我就係叫左四件每件價錢$45，講真，價錢唔平，但一食就覺得係值既依度門關上，似係通去廚房其實店面真係好細，細到應該做唔到堂食生意。牆上掛上好多外國歌手名人親筆簽名既餅禮盒睇佢唔出既係，佢地既抹茶係獲得日本認證，有品質保證架:)我之所以話睇佢唔出，係因為打理店舖既都係外國人，應該係法國人，都會係抹茶方面注重質素依張卡片顯示店舖賣緊既十款撻件件造型同味道配搭都好特別同有創意，真係難揀架四件裝禮盒係咁既，最值得一讚係佢每件另外再獨立包裝，令整個包裝更乾淨整潔:)每個小盒上貼有既數子就係卡片上每件撻相對應既編號我揀左以下四款：Raspberry Chocolate 一望就知係濃郁既朱古力味不過濃得黎又唔會遮掩raspberry 既甜味，咬落有層次得黎似食緊朱古力批咁，好食Earl Grey Orange 配搭極為創新，香橙既鮮甜味配埋伯爵茶味交疊一齊，口味極爽，以茶入饌甜品入面我就最欣賞Mango Jasmine同樣以生果及茶來入饌既撻，清新鮮甜既芒果配埋陣陣既茉莉花香味，真係好Sesame Matcha 係皇牌之一抹茶味香濃，不愧為得到日本宇治抹茶證書認可混埋少量芝麻味一齊食，令茶味更濃整體而言，店舖既撻都做得出色，軟硬度適中，咬開會見到每件撻既料都好足好有層次，賣相靚，味道好而我由買起計一小時先食，中間無雪過既，都仍保持水準。依間甜品店果真臥虎藏龍…查看更多

香港人愛吃日本嘢，但其實主要都係食魚生壽司拉麵，日本料理其實都較少利舞臺成棟都有嘢食見依間岩鹽日本料理好似人氣幾高，就同友人黎試一試餐廳重點推介係佢既特色釜飯，即係類似鍋飯咁，用鐵鍋載住黎燒既飯門口已經見到師父既製作過程:)餐廳舒適好坐，有卡位又有普通餐桌燈光柔和早黎既關係仲未係多人，亦可見環境舒適:)坐低後睇餐牌，按店員既推介菜式而散叫其實佢既套餐都幾唔錯咁，下次試第一味上枱既係日本紫薯蓉伴薯仔沙律賣相十分靚用所既碟配埋燈光更襯托出貴氣用料十分豐富，放上大量魚子，沙律醬味道適中，保留住薯仔既鮮味，同時間有紫薯甜味交疊埋一齊，口感層次同味道都很好之後上既依味叫日本茄子田樂燒成隻茄子放上黎配上香濃醬汁，未食都已經覺得好惹味有匙羹筆起黎食，茄子汁好juicy，食落柔軟，配埋燒汁食，真係惹味兼好食依味炸甘鯛魚並唔花巧，但內裡出色，表皮爽脆，肉質鮮嫩，雖然有骨但亦都易去骨，好食最後係壓軸出場既廣島蠔釜飯好有氣勢飯上既漏斗係用黎計時，職員話計時完畢後就可以打開個蓋食飯啦一打開個蓋就係咁樣，有成五六隻蠔，隻隻都唔細隻架食落都十分鮮味，係蒸海鮮既味道個飯用料豐富，連啲飯都煮到入味飯到咁上下，如果想轉食泡飯，可以倒入茶再搞拌，一味飯兩款食法啲茶同啲飯好有化學作用，出其地夾，鍋氣依然，帶出淡淡茶香，好特別整體來說，餐廳坐得舒服，食物好食得黎款式並非其他餐廳可食到，真係推介…查看更多

依間叫郵意既cafe係好耐之前都聽過架啦，係以旅遊為主題既，店內仲擺放好多名信片同埋地圖等，好有旅遊風可惜當年想去既時候搬左新舖，依家黎依間係尖咀新舖，一入到黎發現地方大，裝修風格舒適:)我所見餐牌就只得以下幾頁，差不多係全日適用既餐廳主食都係以意粉、沙律、全日早餐同埋薄餅為主甜品選擇好多值得留意既係晚上8:30後設甜品放題，68蚊就任食，堅抵可惜我係黎食晚飯我就叫左卡邦尼意粉以紙兜裝住，感覺好外國原野風友人叫左黑松露汁雜菌意粉黑松露同埋芝士既味道好濃其實兩款意粉賣相好相似，味道都有相同之處，都係好creamy ，用料都幾多架，而佢既份量真係食飽一個人，起初仲驚食唔飽叫多個全日早餐全日早餐睇落都好靚最突出係採用車厘茄常規嘢包括腸、煙肉同埋炒蛋都做得幾唔錯:)但重中之重係依個牛角包啊係特別好味鬆軟得黎散發出淡淡牛油香，新鮮焗好係好食整體而言，餐廳食物質素不錯，而且價錢都算相宜，最特別既地方，係佢位處一個人流唔算多既商場入面，舖位佔地甚廣加上環境清幽，好多人都黎嘆杯飲品食住嘢黎傾功課同埋吹水，真係難得既悠閒寫意好地方…查看更多

有日行開灣仔銅鑼灣一帶，見門面光鮮既潮洲菜館，原來係一間新店，反正潮州菜我都鐘意食但又唔常食，就試試佢店舖唔算大，全店容納到四十至五十人左右，勝在環境夠光猛枱櫈餐具等都好乾淨企理坐得算舒服:)餐廳有二人及四人餐揀依頁係小菜餐牌，提供晒所有潮州主要菜式潮州菜當然唔少得嘅就係滷水小食啦仲有潮州粉麵食，有好多料揀仲有多款潮州粿、小食同埋甜品我就點左滷水鵝片配粉麵而麵揀左粿條，賣相很不錯:)鵝片好靚，質素幾好，又唔會特別肥，用黎送麵食都好而且佢份量都唔少架所謂粿條其實係好似河粉咁，食落仲彈牙一點而佢個湯底都很不錯，清清地得黎又令啲粿條好入味，好食食潮州嘢一定要叫番條凍魚食叫左條潮式凍馬友條魚都幾靚，肉質幾鮮，咸得黎帶點點酸既味道令人食起上黎好醒胃點埋醬油食更入味依碗清湯牛腩真係筋肉份量均勻，咬落鬆軟彈牙，而個清湯亦好入味，配埋牛腩一齊食真係很不錯潮州嘢另一必食係潮州粥我就揀左菜脯滑雞粥粥好惹味雞既味道配埋菜脯既微咸酸味真係幾夾，會好想一啖啖咁食晒佢:)潮州粥同平時既粥其中一個幾唔同既地方，係佢米粒同湯分得幾明顯，食落似湯飯多啲，飽肚感多啲整體來說，餐廳家庭式經營，服務不錯，以依區既物價黎講價錢算公道，而食物味道很不錯，愛食潮州嘢既人要注意下啦…查看更多

近年多左日本拉麵店來港開海外分店，大路嘢相信好多港人都食過晒架啦，大家都知道拉麵精髓之一係湯底，而依間同樣來自日本既麺匠 真武咲弥，湯底真係落足功夫，係用鑊鏟炒出黎架今次一試覺得真係極為推薦一坐低即睇餐牌，依個係主餐牌，全部散叫的。三款主打拉麵都係80蚊-85蚊，屬正常香港拉麵價。另有小食兩款，我就打算同友人一人一碗麵，另加兩款小食飲品方面，有汽水、支裝綠茶、檸茶同埋啤酒，都算幾齊全。依個係下午茶餐牌，我地係食晚餐所以用唔著，不過就咁睇覺得下午餐都好抵食，40蚊包飲品，又可以平啲既價錢另加小食餐廳仲有丼飯食睇樣覺得幾靚，留番下次先試啦下午茶餐都有丼飯食不過今次我地唔係食下午茶。我就叫左支綠茶黎飲，話晒食啲熱辣辣既嘢，搵支凍飲黎送會爽啲支茶係無糖既，清涼可口又有陣陣煎茶味，比想像中還要好:)第一款小食係侍餃子煎得很不錯，入面包住既應該係豬肉，咬落去表皮雖然並非走香脆路線，但質地軟熟得黎有咬口，肉味香，整體食落又唔會太濃味同太油，不錯第二款小食叫左依味自家製炸雞依個真係推介佢炸皮唔厚，新鮮炸好香脆之餘，亦唔會太油太肥，入面既雞肉仍然保留肉汁，點埋沙律醬一齊食味道更有層次終於到主菜出場我叫既係炙熱味噌拉麵一上枱已經俾個賣相吸引住究竟依個湯底有咩咁特別？即刻睇睇個湯底係由師傅係鑊中炒出黎架炒到火紅紅咁樣除左可以將湯底既材料爆香出黎，更可將湯既溫度保留得更持久個湯底一上枱熱辣辣，到我慢慢食晒成碗麵後都仍然係熱架講番碗麵，拉麵質地彈牙，即使俾熱辣辣既湯浸住都仍然保持豐咬口既質地，做得幾好叉燒只有一塊，厚度適中唔太肥，味道亦唔太濃以免搶走湯既味道流心蛋完整既一隻咁上，做得算可以整體來說，拉麵從賣相、麵質、叉燒、流心蛋同埋配料方面都做得不錯，獨立地去食未必覺得份外好食，但每樣食材浸於皇牌鑊氣湯底入面，互相輝映，整體質素係上佳鑊氣湯底這個idea 其實頗簡單，但食拉麵就係食佢既純樸簡單既組合砌出一道美味食物既藝術黎啦…查看更多