bunnymeow的个人专页

食鷄都可以好滿足、好滋味如果唔係朋友介紹，我都無expect過鷄肉串燒原來可以咁特別，咁好食~ 餐廳近海旁，感覺好chill。最搞笑係毛孩都有串燒ｍｅｎｕ！當日點了個omakase set, 有齊多款鷄肉串燒，仲有D唔係成日見到嘅鷄串燒部位，的確夠特別！Order然後見到師傅燒串燒、灑鹽，好有姿勢又有實際。 先食個前菜：酸汁啫喱雞胸串燒，估唔到鷄胸都軟嫩，配埋爽口沙律菜，好開胃。之後就到串燒，有以下由“廚師發辦”款式：✨大蔥雞肉串✨鷄胸肉✨雞心✨雞脾✨雞腎✨雞翼✨雞皮個人最鍾意食雞脾、雞皮，因爲真係燒到超級香脆，鷄皮去曬油脂，師傅仲好有心思地加左惹味調味料，好香口且啖啖滋味。雞脾燒到剛剛好，軟嫩juicy，鷄肉味濃。不得不佩服師傅嘅功力，就連最普通嘅雞翼，都可以整到不平凡。外層鷄皮燒到夠香脆，薄薄一片鷄皮，配上分量剛剛好的海鹽，帶出味道層次，超香口。　另外仲有免治鴨肉串、鷄肉棒，配上蘭王蛋超吸引。鷄肉棒入面都幾多軟骨，口感豐富。迷你雞白湯布烏冬亦都好有特色，布烏冬薄薄地好滑身，鷄湯夠濃。如果你希望食一餐chill d, 難忘D嘅，呢到的確係唔錯選擇。…查看更多

☁️藍色monotone fusion餐廳朋友最鍾意去打卡，前排去左呢間藍色monotone餐廳食下野，估唔到3 course lunch set都幾抵食！🥣是日餐湯- 濃香中帶點薑香味，幾特別！🐟 茴香烤鱸魚柳- 魚肉白雪雪，肉質幾軟嫩，配上脆口外層，口感幾好。底下薯蓉磨得香滑，仲有蕃茄仔，賣相同味道都用心。甜品係tiramisu，香滑得來唔會好甜，同藍色牆更加好襯！估唔到呢間餐廳竟然幾抵去，下次再帶多d閨蜜去！…查看更多

*有水準江蘇菜！夜晚都有點心食🤩*今日同朋友去了位於上環的中菜餐廳江蘇銘悅，主打蘇浙菜。餐廳裝飾優雅，一坐低服務員就好親切咁介紹食物。首先上的是兩個前菜：無錫雙魚兒和梅子美味雞。無錫雙魚兒是香脆可口炸魚條，配上酸酸甜甜的醬汁，真的相當開胃，一條又一條完全停不了口。 梅子美味雞是一碟鮮嫩醉雞，皮香肉滑。吃完前菜，接著上兩個主菜，分別是鱈魚片和紅燒一字排。鱈魚片材料非常新鮮，味道非常鮮甜，米酒更吊出魚的鮮味，有畫龍點睛嘅感覺。紅燒一字排也是相當出色，肉質鮮嫩，肥瘦適中，滿滿醬料香，幾好食！主食係嫩雞燴麵，湯底是濃郁的雞湯，每條麵條都吸曬雞湯精華，真係好正！跟著呢到夜晚都可以食點心，點了傳統奶黃包和小籠包。奶黃包的奶味相當濃郁，小籠包則是湯汁濃厚，輕輕一咬，滿滿的湯汁已經溢出，配上香醋令人回味無窮。今餐蘇浙菜水準相當好，值得下次再來。如果多人去嘅話，仲可以安排獨立房～…查看更多

同朋友去寶琳行街打卡,見到呢間色彩繽紛嘅餐廳，決定入去食下！原來係食漢堡+pizza的，仲有好多特色飲品。同層都係好多連鎖集團餐廳，難得有間係咁有特色嘅小店！一半千島一半咖喱pizza（$88） -真係啱選擇困難症嘅人（例如我），pizza係 一半千島醬+一半咖喱，一次過滿足2個願望。個人幾鍾意香口咖喱配上薄片pizza， 好惹味！另外千島果邊好足料，好多海鮮、蜆！薯格($28) -脆口得來不會好油膩，而且味道夠惹味飲品方面，點了2款soda - 青檸熱情果梳打同柚子檸檬梳打($38) ,飲品溝到好飲得來唔太甜，靠新鮮水果出味，飲落去滿滿果香！ 真係性價比幾高嘅小店！…查看更多

見openrice呢間鐵板燒都幾人氣，前排就同朋友去食下，點知發現了超高質嘅鐵板燒！個set充滿高質食材，但2位價錢都係$2000多，以佢地食材水準來說，真係好高性價比！❤️日本赤鮑魚鵝肝和牛2人前套餐先來的是前菜三小點+吞拿魚沙律，雞肉刺身真係第一次見同食！煙葷過的雞肉刺身肉質幾嫩滑有咬口，的確不錯。個人最欣賞係沙律的吞拿魚是厚切的，味道鮮甜。個人最喜歡係當日嘅生牡蠣🦪，食落去超鮮甜爽香！另外極上刺身竟然有入口即溶toro 同第一次當刺身食的雪場蟹腳，原來雪場蟹腳生食都幾鮮甜。🔥燒物方面，都係款款出色用心。大大塊好有厚度的香煎鵝肝外皮脆香，入面充滿油脂香，食得好滋味。赤鮑已切好一片片上，味道鮮甜。由於朋友唔食牛，師傅安排了豬肉。豬肉咬落去超juicy有肉汁，原來豬都可以好好食！同朋友都幾鍾意食個炒飯，加了不同配料口感脆香惹味，還可以變茶漬飯食埋甜品雪芭就大滿足！…查看更多

同朋友都好鍾意周圍去cafe食嘢，呢間在618的cafe的確係幾有水準的cafe！當日和朋友點了個pizza同自家製龍蝦沙律牛角酥·薯格·雜果沙律，兩款賣相同味道都好好！簡單的龍蝦包一點也不馬虎，上面以花花deco、魚子醬點綴，而龍蝦包內的小龍蝦頗多且彈口新鮮，還加了粒粒蟹子令口感更好，真係非常有心思。另外值得讚的是薯格香脆得來不會油膩，而且味道不會太鹹，非常難得😋真的是非常有心思的餐廳，而且服務幾好，價錢合理，值得再來！…查看更多

有一日星期六呢就要去葵興嗰度學瑜伽附近因為工廠區好多餐廳都冇開咁橋見到呢一間門口都覺得乾淨光猛同埋幾舒適入到去呢就嗌咗一個烏冬同埋嗌咗個多士另外飲品呢都嗌咗個提子特飲同埋咖啡咖啡拉花都叫有心思而且給舖頭環境係好寧靜嘅咁所以同個朋友傾偈傾咗一個下晝先走最後埋單價錢係合理嘅我覺得都唔錯如果你經過葵興星期六日都可以去呢度其實佢個烏冬煮得多恰到好處牛肉嘅份量都係正常多係好熱嘅飲品都係好熱嘅衛生情況係呢個舖頭最識得稱讚嘅地方…查看更多

好多人去荃灣行完宜家傢俬之後都會覺得好肚餓如果宜家傢俬覺得啲小食唔夠飽嘅話都好推薦大家可以落去地下金鳳茶餐廳因為呢一間餐廳好有歷史嘅價值同埋每一次嚟到都會飲佢個羅宋湯係好足材料啦同埋飲完之後都唔口渴嘅如果係星期一至五食午餐平時正常食大家樂都要$60啦但係呢度$60有找仲要送埋餐湯嘢飲同埋餐包真係好難搵到一間餐廳比呢一間更加抵食同埋佢嘅份量真係超大件正常係唔會食得晒你會睇到同你魚都好香腸仔份量都好大薯菜嘅薯條都唔差港式嘅薯條的確係唔錯唔錯有機會都要你試吓Hi 😚…查看更多

護心肉出色🔥去喜來稀肉才認識護心肉這種罕有的肉類，原來一隻豬只有400-500克的護心肉，怪不得一吃難忘。護心肉沒有油份，燒過後非常香口，口感有嚼勁，所以前排帶朋友來吃過後，她都大讚呢！如果唔係果日點了其他菜，真的可能會再叫多碟。同時都好鍾意烤爐旁的泡菜蛋和芝士蛋，泡菜是正宗的韓國辣味，而芝士溶化後同蛋香好match好滋味😋😋😋同時都好鍾意佢地的前菜，是正宗韓國的味道，esp fresh kimchi！下次lunch再想食韓燒時，再拉多啲同事來燒其他肉😋…查看更多

glasshouse今日去到元朗一間玻璃屋食晏晝其實幾年前食過嘅覺得嗰陣時嘅廚師冇而家咁好價錢係好合理而且佢選擇好多如果喺附近返工或者喺樓上住嘢食都唔會厭呀個餐牌好多選擇首先佢前菜係一個南瓜湯都幾有驚喜㗎個南瓜湯好夾呀都好足料係用成個南瓜打爛佢煲嘅所以會飲落去好順令到對之後嘅菜式都好有期待呀跟住帶咗一個全素食嘅蘑菇卡邦尼意粉呢個真係不得了係我最近食過最好食嘅因為食得出佢意粉係手做嘅係啱啱好掛住每一條邊條麵都有濃厚嘅白汁我覺得個廚師即時炒呢個意粉都幾有水準之後再食一個前菜係沙律呢個沙律都好有驚喜嘅因為平時食嘅沙律都比較少咁多新鮮嘅菜佢嘅菜好新鮮份量好多而且佢加咗柚子蜜所以會覺得好甜好清新之後叫嘅澳洲和牛漢堡反而漢堡就相對地冇咁大驚喜但係個麵包都係脆嘅漢堡扒都係足料而且啲薯條炸得啱啱好呢度好有驚喜就係飲品有好多選擇可以午餐就嚟一杯Cocktail 我叫呢個杯係心動The floating heart晏晝就飲酒好chill!味道好好👍以我嘅朋友就飲荔枝玫瑰冰茶呢度嘅飲品水準好高成餐飯都好有心思最後太飽啦食唔晒佢仲送咗個藍莓芝士蛋糕最後都忍唔住食咗幾啖呢個芝士蛋糕我覺得個份量都岩芝士滑溜藍莓將都好好食…查看更多

最近因為疫情大家都無得去旅行,又有消費券的刺激，唔少唔捨得比一千幾百食OMAKASE的朋友都加入了關注組，一探簡約裝修的日式吧枱，枱下埋伏了多少鮮味技術正等大家依潮流如貫入場品嚐。壽司櫻 Sushi Sakura以刺身、壽司為主打，全店時尚日式風格為主。望着年輕的廚師發辦進行互動，用肉眼觀看整個料理流程，簡單直接又純粹。位於老銅正中心，價格算合理，印像深刻反倒是師承MARCO POLO酒店西村日本料理Nishimura Restaurant師傅，束著一頭利索短髮，由6點講到10點，不斷講解壽司和酒肴時，筆者我懂日文，師傅中間考我日文又講下日本文化，由佢學師的過程到傾食omakase材料歷史，整晚除了肚皮填滿了美味的壽司和魚生,更多旳是填滿了香港本地師傅對omakase的尊重和執著。雖然忘記了問師傅的名字，全程太好傾，反倒尷尬再問師傅貴姓！小妹贈言兩句，師傅你對食材和架步真係好有職人執著，好難响香港搵食!不過,這個心態做出品，對食客老饕來講係好事of course，但係你好難SUSTAIn回本讓我們再去找你覓食的!不過如果拍拖嚟怕悶親無乜話題食三個鍾，揀呢間都幾好，叫做入門級別，師傅毫不吝嗇教你食omakase，可以學完一套基本理論再去食鮨．齋藤　HARE 天鮨 ARAKI，一步一步登頂。講食魚生前，想講一講呢間omakase的舍利，我已經唔想再提係鮨中本食到熱飯既回憶殺。壽司櫻 Sushi Sakura唔係用魚沼越光米，亦唔係用華X結既銀河女王白米，反而採用秋田小町米，師傅由選米、洗米到炊飯，氣溫、濕度、保存方法都會影響米粒的品質。師傅有刻意將米粒氧化速度減慢，令米粒更香更鮮。舍利しゃり溫度比室溫低少少，飯味酸度鹹度水份都適中。不過佢一個人，無助手，備料、上酒肴尚算流暢。不過失望是我個人喜歡偏酸的，師傅稱沒有赤醋的來貨，也作罷了。飯粒係比較分明，味道比較清淡，唔會有偏酸或者偏甜，我自己個人比較鍾意稍為微溫嘅舍利しゃり。夕食套餐分別係「Omakase – Kin」每位$1480及「Omakase Gin」每位$1280。是晚選了Omakase - Kin, 包括先付3種盛、刺身6種盛、和食料理2款、壽司6貫、汁物、果物。(雖然最後朋友生日師傅私人請我地食多件壽司)夕食套餐-先付3種盛擺盤十分打卡able，木托盤放了松葉枝，冷色為主，由左至右，包括蟹肉豆付，磯煮鮑魚綴三文魚籽及金箔冷盛蕃茄。三款都各有千秋，集鮮香味一身，我最鍾意食磯煮鮑魚綴三文魚籽，雙重鮮美不會遮蓋，反而出奇地令鮮香double up，鮑魚彈牙入味不俗。刺身6種盛先上一件胖嘟嘟的日本岩手縣真蠔， 粒貝（黑椒），平貝（岩鹽蔥火炙），深海池魚 （海藻），牡丹蝦（蝦頭膏伴麵豉醬及菊花），小獅魚（紫蘇花）真蠔配上正氣既紫蘇花，女士多食無妨，可以中和生冷食物對肚漲既感覺！肉質肥美鮮甜，口感Creamy，金屬味和海水味不重，配淡淡的醋啫喱更能突顥它的鮮甜 夏天向來都是吃超爽貝類的好季節，今次去選用粒貝加少少黑椒調味，清爽！再來平貝加咗岩鹽加咗蔥， 平貝同一般貝類唔同嘅佢係屬於日本海產裏面體積比較大嘅師傅，是用作火炙，其實唔係想逼出佢嘅油脂，反而係想將貝類帶有少少燒魷魚嗰種焦香！喺稍後會食一啲比較油分重既魚之前，食呢個比較香口嘅前奏，呢個安排都係恰當嘅。深海池魚，味道比較重，食落喉嚨係舒服嘅。牡丹蝦係我自己最鍾意食嘅私心推介！因為蝦肉鮮嫩，師傅亦都用咗牡丹蝦嘅蝦頭裏面嘅蝦膏，另外製作左一啲麵豉醬去到撈勻，所以成個配搭就會係幾有牡丹蝦，鮮嫩肉的爽脆，肉質亦都帶有蝦膏嗰種濃郁，齒頰回味無窮嘅效果。食咗之後唔好咁快飲茶 等佢快啲回甘！鰤魚，其實即是油甘魚之類，我自己本身唔係咁鍾意食呢隻魚，感覺是細嫩甘甜，不錯。刺身完，先暖胃，來一客舞茸菇清湯，菇味輕柔，魚鮮湯清。和食料理兩款1.燒波士頓龍蝦球，炸禾稻米花，口感像爆谷，富米清香，有驚喜！直程有想叫師傅另外再炸米花給我們吃，真的十分好味！好有驚喜的伴葉菜，叫人難忘！　龍蝦球啖啖肉，拉油以鎖住肉汁同去腥，咀嚼了彈牙的 龍蝦，好滿足的感覺！2.北海道帆立貝三文魚籽海膽汁：香煎肥美的帆立貝，又香口又厚肉，海道海膽質感柔軟，入口時海水味道很重，入口即溶，配上醃製過的鮮味三文魚籽，更襯托出美味，壽司6貫包括真鯛，手釣池魚，金目鯛，根室馬糞海膽，關西鯖魚，大拖羅，及額外追加的乒乓波三文魚子（柚子皮）真鯛係踏入5月份正值的鯛魚季節，OMAKASE就是不時不食。鯛魚是傳統日本人每逢喜慶不可或缺的料理魚種，外皮鮮豔，肉質細緻，鮮甜美味。手釣池魚，來自北九州，一般池魚更細條更矜貴，豐厚油脂，入口滑，魚味重。金目鯛，體色係淡淡嘅櫻花粉紅色，嬌嫩柔美肉質，油分甘香。根室馬糞海膽，師傅不吝嗇放入手中，打卡一流之外，海膽放入口中隨即化開，味道甘香濃郁，回味無窮！呢個時候真係好想配清酒，但是要揸車，可惜！關西鯖魚，是類似昆布箱押的口味，灰綠色有油光，身體緊實且飽滿，質地很細膩。鹽味鮮明。愛吃拖羅刺身的人，必定最愛中拖羅！但今次師傅就有驚喜，用大拖羅來炮製壽司！大拖羅不負所望，油香味道濃，配合舍利的酸度，整件壽司增添層次。乒乓波三文魚子（柚子皮）三文魚子壽司上一粒粒橙紅的三文魚子，師傅指出要挑選最彈牙且無添加的三文魚子，秘密地放了秘方，所以三文魚子可以好似乒乓波咁彈下彈下，仲即時示範了！好神奇！師傅一點也沒有誇張，魚子確是飽滿彈牙，加上柚子皮的加持，令這件追加之作提升了不少！一輪生冷好滋味過後，待者送上一碗高湯，聽說這碗湯用掉了五十餘斤鮮魚骨熬製，難怪魚香撲鼻。甜品 靜岡蜜瓜蜜瓜瓜肉爆汁，軟滑如蜜， 女士限定的一件熊仔威化紅豆餅，可愛又都幾好食！糾結去食咗蜜瓜先好食。過紅豆餅不過我覺得其實淨係食蜜瓜都夠如果唔係鍾意食太甜嘅話可以要師傅唔好俾紅豆熊仔餅你其實係一個空心嘅威化純粹係啲紅豆餡俾阿偏甜係我自己好鍾意食紅豆餡十勝紅豆餡好甜嘅紅都係我自己好鍾意再睇返自己個人口味 熊仔餅是女士限定才有的，入面是甜糯的十勝紅豆餡。回想喺整個製作omakase嘅過程，我都見到師傅一板一眼，一個工序，每一個步驟，佢都好清楚自己要做咩。你唔會感到慌亂，呢一個，就係食廚師發板，我自己好鍾意睇師傅去工作嘅態度。呢一種日本職人有條不紊嘅工作次序大大增添左整個用餐嘅感覺 因為睇到佢認真用心去預備食物其實成個過程就好似製造緊一件藝術品，好似人哋玩陶藝喺度拉坯一樣。這個價錢下，沒有用大量炙燒遮蔽技術或魚材質量，初入門的朋友，可以一試。…查看更多

*chill住食「芝」味burger*最近去西環出動周圍打卡，發現一間小cafe質素都幾好，啱曬大熱天行完入去涼下食好野食😊餐廳內佈置都好西式，座位幾舒適，好多人都想坐窗口位😂點了個bbq pulled pork sandwich，一上碟覺得賣相實在太吸引了！大大個漢堡飽入面有塊熱溶了的cheddar cheese，還有洋蔥、豬肉等，配搭有心思至餘好match。最特別的是漢堡包的底也烘得好香脆，還有好香薯仔味的薯條。望住外面嘅寧靜環境食野，感覺特別relax☺️…查看更多

有人推介話呢一度食啦好好食個喎但係我想講 我食完之後只係想講中伏從來未食過一間米線店嘅雞可以完全冇味所謂嘅香辣雞就係白烚嘅雞雞係雪藏味上邊鋪咗少少辣粉但啲辣粉係冇辣味同埋冇味呀完全唔明呢個香辣雞發生咩事之後講吓佢啲米線勁幼一啲口感都冇仲要米線主導好淋完全唔掛湯湯底先係劣質中嘅劣質湯底冇味嘅剩係得麻辣，而佢嘅花椒亦都唔係做得非常之出眾呢度呢坐到好迫你的搭枱店員雖然有禮貌而佢嘅湯好熱嘅呢個都係出邊米線店譚仔係好少又好熱嘅湯反而食星林居或者雲貴香啲湯都係好熱嘅…查看更多

山長水遠有朋友話想試吓香港道地嘅大排檔於是就去到深水埗大埔道呢一間嘅大排檔茶記先唔講香港係2021年經歷過疫情之後天氣何其炎熱店員態度係良好嘅都算係幾有笑容而且佢見到我好熱佢都有叫我轉位但係一間茶餐廳最基本嘅奶茶佢哋都可以沖到淡而無味奶嫵媚茶冇味好似係一杯稍為有少少啡色嘅水一樣然後沙嗲牛肉麵牛肉同埋沙嗲汁完全冇結婚失敗中嘅失敗我已經喺香港唔知幾多年冇試過食一個面係可以水泡泡又唔彈牙係好明顯煮到完全過火嘅一個面其實沙嗲牛肉用大個面會係好食但係冇諗過個面係可以煮到咁難食真係難食到醫院嘅健康餐都好食過佢一個勁難食嘅面加一杯奶茶都要$40…查看更多

*蒸氣海鮮x串燒x天婦羅放題！*經常都會和朋友說，吃過這餐後才減肥，前排在黃埔見到有$298蒸氣海鮮放題，仲有好多唔同嘅小食選擇，就拉了同樣愛吃的朋友去！包了的龍蝦、帶子和鮑魚是分兩層上的，店員會教你漏斗時間過後就可以食第一層的帶子，然後才到第二層的龍蝦🦞和鮑魚。海鮮都幾新鮮，上碟時還在動的。最喜歡是龍蝦和鮑魚，鮮味十足，而且熟度剛剛好，食到最佳狀態的鮑魚。然後就可以無限追加蜆、蝦等海鮮，蜆份量十足，一客有16-17隻，而且好多都厚肉鮮甜。蝦亦幾彈口，同朋友encore了2round！小吃方面，個人最喜歡天婦羅金菇，非常特別的款式，非一般地方可以食到。金菇炸得好脆香，而且感覺不油膩，還保留了金菇的香味。另外還有雞肉/豬肉串燒，肉質都幾好。最後想不到甜品都幾好食，係大菜糕+奶油，香滑得來不會太甜。假期放縱一下，感覺不錯！…查看更多