Pinkianna的个人专页

見到有咁好評價，出世廿幾年住沙田都未試過佢既italian,餅店就係常客，既然咁多好評，就試試啦！坐低後覺得所有野都唔錯，setting,招呼都免強可以叫做fine dining.最愛呢個olive oil balsamic vinegar樽Order左一個set lunch.一客雞翼同一個長通粉。set lunch order左羊架。因為男友唔食salad，得我食我又食得慢，西餐逐道菜，佢餓到傻左。之後我叫左個鬼佬可以先上主菜。麵包係圓形餐包，仲要凍既，麵包舖咩？因為想試佢既balsamic vinegar同olive oil.餐包都照點，用料唔錯，但用餐包點有d怪。沙律用既菜几新鮮個湯完全唔掂，辣辣地，酸酸地，好似落左成枝tabasco 落去，落到喉嚨仲拿喉tim.我同男友都變晒臉。到雞翼，認真想打人，大佬，我俾$88食你幾隻雞翼，你用個方形湯碗放，少少佩菜都唔放，賣想非常唔得，翠華放得靚過佢。雞翼非常大隻厚肉，炸到金黃適中，不過如果係茶餐廳茶餐，或大排檔，我會非常讚賞，但意大利菜就稱唔上，因為確實每位屋企廚藝好的媽媽或太太都可以煮到，味道非常普通，跟本就係普通炸雞翼男友羊架到左，賣想終於似返酒店，不過有d細件，兩啖就食完，盛惠$268，不過肉質嫩滑，可以明白用料不錯。我個通粉，做法確實係意大利做法，通粉煮得好硬身（我本身就唔太鍾意）所以唔關佢事，但個肉槳好稀，就咁倒面，好似茶餐廳午餐A.通粉完全唔入味，我只食兩口，既然男友唔飽，順利成章俾晒佢。不過佢都覺得唔好食，有d似超市玻璃樽整熱加上意粉咁，唔似廚師整，芝士亦無溶，真係非常失望。到dessert.係我最鍾意既部份。跟餐係tiramisu.我再點一個chocolate fondant.tiramisu甜味適中，有硬度，唔會一pat野，有層次，微凍，入口唔錯。chocolate fondant,甜度朱古力濃度都唔錯，但竟然做唔到流心，內層熟得掣，雖然係咁，蛋糕仍然滑，所以都好食，當然會流出＂潔＂身既朱古力槳會更好，有進步空間。呢餐lunch食左600蚊，確實貴，亦唔回味，唔會回頭…查看更多

睇雜誌專訪呢度個大廚，話佢係唔同大集團度做總廚，話佢d餸fusion晒岩香港人食，既然諗唔到食乜就去左食Lunch set好抵，平均$28-$50睇下你叫乜，聖子個set都好似係$48。我食喇沙雞米線，友人食青咖哩燒雞。我個喇沙湯同正宗o係馬拉食好唔同，馬拉食個種湯較稀，辣同油，刺激好多，呢一個個味濃得黎但唔辣，可能因為廚師係泰國人（雜誌話） ，所以較喜用椰汁，除左椰汁既香味，個湯好滑，唔會覺有渣，餸方面除左有雞絲，會有魚蛋，豆pot.同生菜，我好鍾意飲個湯，米線煮得適中，唔會太淋，亦唔會個心唔熟。只需$35，我俾85分佢。友人個青咖哩燒雞有半隻，好大呀，青咖哩本來係分開上既，但個經理好細心話我知，但因為我同友人都鍾意lo汁，所以特別叫佢一齊上，青咖哩係同什菜一齊煮，什菜有南瓜，紅蘿蔔，西蘭花，小番茄等蔬菜(似西餐用既菜)，好入味，青咖哩有係泰國食既影子但椰味更重，又香又辣，但雞係本來分開上既，所以就無青咖哩味，不過，燒雞皮好脆，唔算好油，所以無浸住係汁度淋晒絕對正確，重有，呢種燒雞成日都會煮到好鞋，但好勁呢個唔會，肉身仍然好似海南雞咁滑。真係唔錯。$45有90分。今次雜誌無算亂介紹，雖然唔係住附近，但下次想食泰餐我可能會去返呢度試下佢其他嘢。…查看更多

住係度五年，成日都見呢間野一個人都無,既然今日唔係咁想上樓返屋企，不如一試。餐廳座位唔錯，見到廚房有好大個焗爐，唔通所有野都真係自己焗？成個餐牌得好少野揀。亦都好平13蚊就有一件芝士餅。不過味道比百佳賣的saralee的差很多。好像放在凍櫃很久了，心有一點點起冰花了。還是不明為什麼他還能生存在這裡？…查看更多

男朋知我一直好想食呢度個buffet.所以預早2個禮拜訂位同我食。睇openrice好多人都話做緊italian主題，但係去到1d italian都無。仲有佢呢度既lunch同dinner buffet出既食物應該大致一樣又因為男朋友返工係夜晚，所以只係差$30都去左 lunch。book 左12：00noon. 佢話枱只會留15分鐘，我地1205到左，一個人都無，因為個buffet準時2：00pm完，所以我地怕食得慢唔夠時間食，到左12：45d人先開始慢慢黎。佢本來俾左張好似酒吧用既矮台我，我怕食得辛苦，叫佢調，佢個度有一半都係矮台，地方唔算好nice.buffet 既食物台亦好細，食物好少，最有睇頭就係中間既一隻冷盤船，上面有魚生standard三文吞拿，仲有唔錯既甜蝦，壽司又係standard,特別既有火灸三文壽司，不過凍左所以味道一般，有長腳蟹，大大隻生蠔，凍蝦，螺，全部用料唔錯，几新鮮。我好重視buffet salad bar d夠唔夠多款同新鮮，男朋友成日叫我唔好食左人塊田，不過佢selection好少，得四款，d dressing 有無名牌，所以揀左無死既ceasar dressing.新鮮但唔計corn同豆，其實得兩種。不過佢有6-7款係lo好左既，好似泰式沙律都ok tasty.另外仲送左每人一隻大閘蟹,味道過還可以之後到熱食，真係輸晒。擺明得d呃鬼佬野，sweet and sour pork?!上海粗炒，炒飯，小籠包？炒清菜？發生乜事？total 得十款熱食，仲要無燒牛肉，有羊扒，男友話味ok，但始終羊架會嫩d。仲有個cheeseboard 好唔吸引。攪到男友好似無啖好食。食左一碟沙律，一碟熱食（得一件牛腩，一碗上海旦旦麵only.)之後就開始今日既主題-文華全城最強-出擊蛋糕！首先一件朱古力蛋糕，口感好有層次中間有薄層海綿蛋糕，chocolate mousse 不會過軟或太漏，再加上一層好似opera cake 既iceing，味道好濃好rich,味道帶有苦同微甜，食完第一啖真係講唔到野，雖然巳經吞左但因為香味持久留係口中，所以會回味一陣先食下一啖，講起我又好掛住。第二件係chocolate tart.夠硬身好緊要，咁先有咬口，含住仲會係口慢慢溶，比之前一件甜，亦都好好味，同蛋糕既朱古力味唔同，不過撻底未算超香超crunch.下件芒果mousse cake好滑好香，海綿蛋糕底夠清，好match.我諗如果個面加上些少芒果果粒，口感會加分。raspberry cake都出息，但最估唔到係佢件馬荳糕surprised me地好食，佢唔似平時好似落著膠咁彈彈下，有d似淋身既布甸，入口會溶化加上黃豆可以咀嚼一下，好新既味道，真係第一次食咁好味既馬豆糕。生果粒粒無特別甜too bad. 其他甜品一樣讚，不過最好味既巳經highlight.總括黎講，兩個人加埋一699（當日公眾假期前席，$318／位，平時$298）甜品win晒，熟食輸晒，如果用$350去佢個餅房淨買切餅都好夠食，唔一定要食buffet，quality會仲好.因為佢地方又細又唔係好靚。仲要其實有三分一到一半人入黎係order，眼見出左n份海南雞同burger.証明其實個buffet唔會好吸引…查看更多

呢排每晚都好想食甜品，尤其係.去到邊都點呢個, 心太軟。(第一下影,三秒後就flood)我明白糖水舖不能同酒店比，但佢話得係酒店師傅出品就要保持水準，呢個心太軟朱古力味好假好糖，最總要係真係太軟，一切落去好似水塘flooding，d朱古力水絕對唔係d槳成碟都係,而且蛋糕好薄呀。佢既雪糕有得揀味（綠荼朱古力同vanlila)明明知道傳統係雲利拿，但又鍾意食朱古力，最後發現朱古力甜上加甜係好錯架。另外order左creme brûlée, 佢個味調得唔錯，可惜個糖面做得太硬，唔脆，下面亦唔會係口到溶，口感一般。下次明白，黎到係應該order返d港式d例如楊之甘露或台式綿綿冰會更好…查看更多