doublewww的個人專頁

前排，老友升職都唔得閒同佢慶祝，約左一段時間終於夾到大家冇咁忙，可以出黎食餐飯，順便補食佢既升職慶功宴。我地book左呢間轉食豚肉串燒既居酒屋 Mokumoku Yakiton。甫入店內就見到日式裝潢既設計，最引人注目既係牆上掛左一大塊豬既模型介紹住唔同豚肉既部位。因為係慶祝升職既關係，我地點起菜上黎都冇就住，大涮一餐。前菜，蒜子蕃茄沙律。配上日本醬汁，酸酸甜甜，對愛茄人士既我黎講作為開胃菜一流。生蠔刺生。日本岩手生蠔。體型碩大肥美，吱上小小檸檬汁，整口擺入口中，十分痛快。刺身盛，分別有5款：海膽、三文魚、帆立貝、油甘魚、赤蝦。黎到居酒屋，點都要食下刺身既，刺身都好新鮮，首推油甘魚，入口係重重既魚油香，香而不腥，大讚。然後當然係今晚既主角，各式唔同既豚肉串燒，由於係即場燒烤既關係，所以可以預先叫定先，正正係慢工出細活。串燒送上果陣仲有一陣陣煙滲出，新鮮滾熱辣。先黎既係豬顎骨肉，肉質偏嫩，醬油塗得串燒光令令，入口滿是肉汁。豬腩肉同豬頸肉則肉與肉中間有少少肥腩，食落卻冇想像中既油膩感，口感多左d煙韌。免治豬肉棒，碟上隨左有由免治豬肉搓成既肉棒串外，仲有生蛋黃。食前可以弄穿蛋黃，然後用豬肉棒來回轉，直至沾滿蛋黃汁。蛋黃汁有畫龍點睛既感覺，令整件事味道既層次感更多，亦都減淡左豬肉串本身既尋咸味。煙燻豬腩，擺盤有小小似中式既叉燒，咁當然內有玄機。呢道菜剛偏向肥膩，但就有肥油同煙燻香，對有quota既男女士們係值得一試。除左林林種種既豚肉串燒之外，仲有雞串燒同蔬菜串燒。本人就特別鐘情呢款大啡菇串燒，除左菇身肉多外，仲保留左好多‘肉汁'，燒烤既火喉處理得十分唔錯。最後，我地都叫左甜品試試，分別係椰子雪糕同柚子雪葩。雪糕係裝於椰子殻上，而雪葩就係柚子皮內，柚子味酸酸咪咪，十分解膩。平時可能會食牛肉，和牛料理會比較多，今日之後對豚肉料理真係刮目相看，不失為一個選擇。…查看更多

老友生日，又知道佢因為轉工關係錯過左一程日本之旅，所以專登同佢食餐豪GE慶祝。位於澳門逸園中心入面唔少日本店都食過，今次揀左呢間磯野水產，一嚐日式海產風味。入座後職員會好細心送上一碟前菜，可以一邊食住前菜一邊睇MENU。前菜 – 生菜、蘿蔔及西芹等等蔬菜當你以為蔬果係主角就大錯特錯，旁邊呢碟醬先係前菜。店員介紹呢碟叫做提魚醬，由多春魚同沙甸魚所拌成。魚醬味道濃郁配上和樣爽口蔬菜一齊進食，效果夠哂突出。因為朋友特別喜歡飲日本酒，所以就點左支 加荗錦 生詰原酒 純米大吟釀。雖然我地隨便揀，但店員話呢支酒好適合我呢D唔係成日飲開清酒GE人飲。酒度數不會過高，入口味帶有甘甜味之餘又有點點餘韻。確實同店員所講一樣好易入口，不知不覺又飲多幾杯了。龍蝦刺身因為見到旁邊另一枱顧客點咗一碟龍蝦望落幾新鮮所以就跟著叫啦。龍蝦刺身口感偏爽，蝦味鮮而帶甜，愈食愈惹味。龍蝦甲羅燒甲羅燒與上一度刺身組合而成的兩食，龍蝦頭用剩餘龍蝦肉配上適量蟹肉再加味噌而燒食。食法配上脆口餅乾一同食下。龍蝦肉及蟹肉混合後會食到2種不同肉質感覺，鬆軟蟹肉配上厚實龍蝦肉交錯口感十分滋味，這道確實出色。岩手縣和牛鋤燒和牛未燒前，店員就會拎上黎比我地望一望，簡單介紹一下。今次枱上和牛評為A4級，油脂分布，紋理，色澤都相當好。和牛燒牛因為油份流失，當然會細份左，不過入口依然充滿油花，入口即溶，牛味亦非常濃郁。松葉蟹腳壽司蟹腳係刺身，生蟹肉口感嫰滑之餘入口較易溶化，既有蟹肉鮮味，不錯！椰子雪榚最後同朋友一齊每人揀左份甜品作完美句號。店內職員會熱心服務，每樣餐品上菜時都會作一個簡單介紹，令食客清晰明白進食方法等等。同樣食物質素的確一流，物有所值。…查看更多

經朋友介紹，我地呢日去左荃灣某一間家具店訂購左一個組合櫃。心滿意足之後係前往地鐵路途見到呢間名捌月，係另一半心郁郁之下就走入左呢間餐廳享食。店內既裝修好有格調，四牆都掛滿印有Marvel畫像既牆畫，睇黎店主都係‘同道中人’。另外近門口位有一個細型既自助bar，有沙律、水果供食客享用。我地呢晚就揀左$498，2人套餐，兩個人享用剛剛好。蟹肉純野菌濃湯。湯身比較濃稠，湯匙一起，滿滿一絲絲既蟹肉，味道濃郁但又唔膩，配上隨湯附上既麵包條，味道十分相夾。另一半就加左$18轉酥皮湯，內裏其實都係蟹肉湯，但包上酥皮又會係另一種口感，有興趣不妨一試。法色牛油汁煮藍青口。青口既份量頗多，肉身亦都偏向肥滿，唔會太乾瘦。不得不說個牛油汁絕對係一個亮點，濃濃既牛油香，建議每一舊青口都要沾滿牛油汁，味道會再上一個層次。松子仁青醬蟹肉意粉。因為用松子仁青醬烹調既關係，所以意粉呈青綠色，伴上點點蟹子同絲絲蟹肉，頂層有一塊煎香左既帶子。意粉質感唔會太淋，兩個人一口接一口，話咁快就清晒。美國安格斯肉眼扒，主角中既既主角。我地揀左medium熟度，而主廚係熟度控制上亦值得一讚，恰到好處。外層微微煎香，內裏仍然保留肉汁，每一啖都會感受到濃郁既牛肉香。值得一提既係份量十分之大，我地二人亦差d食唔晒，十分滿足。我地亦點左冰鎮奶茶同冰鎮朱古力。因為冇加冰既關係，味道都會較純，唔會比冰水沖淡，值得一試。荃灣食店選擇多，但如果提起西餐，名捌月確實係一個唔錯既選擇。…查看更多

秋冬臨近，天氣開始轉涼，所以呢日約左個老友行下尖沙咀，順便買下啲轉季衫，添置下個衣櫃。買到咁上下，老友話咁遠水路黎到尖沙咀，不如試下啲特色野，所以我地就入左呢間印度餐廳醫肚。小弟食左咁多美食，印度菜又真係好少食，本人都係本住試下既心態入店。店內既裝潢都頗貼近潮流，仲播緊d流行英語歌。唯一令我意識到呢間係一間印度餐廳係食客大多都係印度人，而侍應、廚師亦是。店員都好體貼咁遞上中文menu。因為我都唔係肚餓既關係 我地都係點左三道菜試一試。印度特色薄荷水配炸圓脆餅。外表好吸引既一道菜，脆餅內有薯、豆蓉，再淋上薄荷汁，小小辣同內餡好夾。印度餡餅。隨鐵盤送上，外皮微焦，外層有小小油，呈軟身，內餡有薯仔、芝士、雜菜，好香口，食落別有風味。素印度黃飯。主要配料都係各種香料、青豆、豆角烹調而成。因為用左好多唔同印度香料關係，味道會比較濃同重。食慣重口味既人士可以一試。飯後，店員會貼心咁送上特色既小食，入面有糖粒、殻粒等，係比我地refresh一下口腔。我地雖然食得唔多，但呢間餐廳都可以比到我地一個唔錯既體驗。…查看更多

近排眼見個個股票蝕入肉，精明既我反而賺左少少，有錢就唔自在，索線就同另一半出黎食餐好既。黎得呢間鉄人旨花，當然要試一試佢既鐵板燒，所以我地都點左伊勢海老鉄中板燒2人前。入左店之後我地被安排坐左係鐵板bar枱前，一路望住師傅處理今晚既晚餐，一路同另一半傾一傾心，都咪話唔舒服。先黎既手作前菜係芥末沙律配半熟帶子配三文魚子。蔬菜沙律好清爽，淋上小小芥末醬，帶少少刺激感。帶子則外層微微煎熟，上層鋪滿鮮紅既三文魚子，入口粒粒三文魚子既鮮鹹味，然後就會咬到肥厚既帶子肉。然後送上既係海膽汁煮龍蝦。師傅先將龍蝦起肉再加上海膽、牛肉、龍蝦本身既蝦膏烹調。上碟時仲放上食用玫瑰花瓣，十分吸睛。龍蝦肉十分爽口彈牙，啖啖肉，醬汁偏濃，帶濃濃既膏香。之後係法國犬牙鱈魚。即使係鱈魚既魚皮，師傅都可以將佢變做美食，煎香左既魚皮如旗幟般直立在魚肉上。魚皮香脆，十分香口。重點既鱈魚則不失主角之風，肉質嫩滑，醬汁完全地鎖係肉內，唔會出現肉同汁分開既情況。熊本縣產A5和王牛。菜式放上果陣，店員都好貼心咁同我地講可以分別試下唔同既醬汁，會試出牛肉唔同既風味。試均之後，本人都係最喜愛原汁原味，點小小岩鹽就可以完全帶出肉香。和牛炒飯。師傅將和牛肉粒，配上蛋花、蔥花等配料煮成。外相十分吸引，食落味道卻比想像中偏啖，甚至乎有點點甜味，有點意想不到。清酒煮蜆。味道偏向清淡，蜆肉大大粒，為湯汁帶出主要既鮮味。甜品則一如既往，我揀左我最愛既柚子雪葩。雪葩中有粒粒柚子皮，清淡中帶小小酸味，一清口腔既油膩感。係香港生活 壓力太多，有時真係要獎勵自己先有動力，而最好既獎勵有咩好得過食一餐好既？…查看更多

又踏入十月份，為左慶祝另一半既生日，我偷偷地book左呢間日式料理餐廳，與另一半共渡第4個年頭既生日，點可以敷衍？當店員帶我地到預定既餐桌時，入目既係維港既無敵海景。以餐廳環境黎講，絕對係超一流，舒服、寧靜而宏麗。今晚我地食既係Omakase，由師傅發版，保證食材係最合季節同最新鮮。首先送上既係前菜-汁煮田螺。呢款係一款凍食既前菜，螺肉已經被輕微挑起，我地食果陣只要再輕輕一挑，整舊螺肉就可以挑起，帶微甜既醬汁，肉質爽口。繼而送上既係刺身拼盤。餐碟彎月型，碟上放滿各類新鮮既刺身如金目鯛、大拖羅、石垣貝等。 店員係送上拼盤同一塊岩鹽板之際，分別都有同我地介紹如何食用先可以品嚐各款刺身既最鮮之處。先以左口魚卷上一小束日本香蔥，然後係岩鹽板上輕轉2圈，就可以食出左口魚輕淡既魚香再配岩鹽同香蔥既點綴，鮮味更出。石垣貝被切成薄薄一片，肉質且爽且韌，味道較為清甜。除左岩鹽板外，店員另外都有送上一小碟灑滿蔥花的醬油，適合配上秋刀魚等味道較重既刺身。當然唔少得主角大拖羅，色澤粉嫩，夾前一看會見到一絲絲既油脂花。入口果陣，整塊刺身會化成魚油香，滿滿充斥著口腔，十分享受。接著落黎既係壽司拼盤，共有六款。實在急不及待，先試一試佢地既海膽壽司，滿滿一團海膽，入口如香濃既奶油，差d認唔住想encore。三文魚子壽司亦都係十分出色，粒粒鮮紅飽滿既三文魚子鋪係醋飯上。一粒粒既魚子係口中爆發，充滿幸福感。不得不提呢款左口魚邊壽司。面層經過火炙處理，魚油已經可以見到完全被逼出，入口一咬就會即刻溶化，偏咸既油脂配上壽司飯，味道剛好拉上平衡點。大蜆麵豉湯。十分足料，大大粒蜆肉點綴起鮮味，令整碗湯唔會偏咸更會帶上海鮮甜。最後係日本哈密瓜，甜度濃度直達100分，而且十分多汁，甜在口裏，甜在心中。甜品，我地則係點上柚子雪葩，有一粒粒既柚子粒，微微酸，令口腔煥然一新。另一半對今晚既安排十分滿意，單單係呢一點，已經令鮨真係我心中既排名直上雲霄。…查看更多

唔知由幾時開始，中秋都變成左另類既情人節。因為同屋企人早兩日已經預先食左飯慶節，所以正日就留比另一半，過一個月圓情人節。有睇過我地以前既食評都知道我倆對生蠔都情有獨鍾，所以我地首先先點左日本真蠔。當真蠔送上果陣我地都好驚訝，皆因佢既size太大，我地都忍唔住拎隻手去比一比，上面有少少青蔥粒。身為男子漢既我，嘗試一啖就食晒佢，滿滿既鮮味同奶香係口入面爆發，十分滿足。然後係刺身拼盤。各式各樣既魚類、貝類刺身湊滿整盤，常見既海蝦、帶子、活北寄貝刺身等唔少得之外，仲有海膽、池魚、石恆貝等等高級食材。海蝦刺身。師父已經處理左蝦頭，所以可以直接享用，肉質肥厚，咬落爽韌，好鮮甜。中拖羅刺身。刺身色澤呈鮮嫩既粉紅色，夾起時似粉紅玫瑰，外型上已經贏晒，入口後魚油香慢慢滲出。池魚刺身。池魚係刺身界一直都有貴族之稱，皮薄肉厚，點少少豉油更顯鮮甜。馬糞海膽。呈鮮橙色，入口係滑溜溜既乳香同濃郁既香甜，再可以配上紫菜，直呈可以「落手」食海膽。刺身之後呈上既各類串燒。先係華味鳥雞心串，睇落酷似雞腎，但食落略帶軟淋，配上燒汁更係令我地一試愛上。豚肉蒜心卷。食第一啖好似有小小偏鹹？但之後我地濟上檸檬汁後卻為佢大翻身，鹹酸鹹酸，十分惹味。煙肉荔枝卷。令我地最為驚喜既串燒。一咬入口係略帶清甜味而不油膩，作為一款帶甜味既熟食，絕對係令人喜出望外。在月圓夜下品嚐精緻既美食，絕對可以為呢個節日更添色彩。…查看更多

睇完近期唯一值得期待既戲鐵血戰士之後就同個fd去搵野食醫肚。途經呢間拉麵店 被佢挑起左我既日本癮，所以就決定食拉麵一解思日之情。呢間拉麵店并承日本既傳統，先有係拉麵機買飛再入內比師傅去烹煮。我地初見呢間機既時候都覺得好有日本既感覺，先揀邊一款搵面，當中可自選直麵或曲麵，需唔需要走蔥，然後可再選加麵或加其他配料、飲料等，操作十分簡單直接。入到店內亦滿有日式既感覺，有拉麵店既bar枱或普通餐枱。另外 店內既電視會不斷播著日本廣告同日文歌 凝造出客人處身於日本既感覺。我就點左辛味辣麵，係各種款式中唯一既一款辣麵。鮮姐色既湯底，上面浮左一浸辣油，但佢唔止咁簡單，另有一團豆瓣醬同芝士粉。將各款配料撈均之後 令到個湯底更加完整，有少少既辣味 唔會好辣，再有淡淡既芝士味，重口味之餘 你又會覺得佢係本應如此。另有兩大塊叉燒，相比起一般拉麵店，佢係比較大塊，肉質軟淋，但肥脂位亦有少少韌口。半熟蛋既處理都唔錯，蛋黃半熟半生，值得一讚。友人則點左櫻花蝦拉麵，櫻花友落既份量十分之多，可謂落重本。同樣地都會有兩塊大叉燒同一個半熟蛋。聽友人講鮮度、咸度恰當，也是值得一試。我地都各點左一枝汽水，都係日式汽水，襯晒配麵。呢間拉麵店無論從點餐、裝修、食物飲料都滿滿地散發著日本既感覺，估唔到荃灣都有咁傳統既拉麵店。…查看更多

呢日大陸既一個兄弟走左黎香港買結婚戒子，準備求婚 成家立室。作為兄弟既我就陪佢去行一轉鑽飾金鋪，買完心頭好之後 就諗住試下呢間火鍋店。呢間老鍋台式火鍋，顧名思義係主打台式火鍋，相對於依家興行既四川麻辣火鍋，可以係話近親之餘又獨樹一格。係門前等待埋位之際，見到牆上貼滿明星光顧既相，其中仲有我既超級偶像發哥周潤發，眾星拱月。我地就點左鴛鴦湯底，分別係麻辣鍋同酸菜白肉鍋。麻辣鍋我地揀左中辣，所以整鍋鮮紅色，滿滿辣椒，麻椒等調味料，另外隨鍋仲會有鴨血、凍豆腐等等配料。而酸菜白肉鍋就好有驚喜，除左主打既酸菜同白肉外 仲有蕃茄、冬菇、扁粉等等，材料好足。我地點左一碟手切牛肩肉，兩個牛魔王既最愛。肉既色澤鮮紅，雪花分佈都好靚，肉片厚度不會太薄、略厚，麻辣與牛肉味重疊，味道一讚。魚肉小籠包。我地都係見個名得意，所以試一試新野。初睇外型同我地平時打邊爐食開既蟹子丸相似。但原來入面壤左魚肉，仲裹住高湯，十分鮮甜。黃金咸蛋黃豬肉丸。我地點左半份，共有4粒。外層豬肉丸好彈牙，肉味濃，咬到中間會食到咸蛋，咸蛋既香味即刻就充斥住口腔，力壓肉味，味道不俗。兩個麻甩佬唔少得會叫白飯黎打邊爐，男人既浪漫。淋d麻辣湯汁落飯到，飯粒索滿辣香，十分滿足。眼見有一位兄弟就要成家立室，鄧佢開心之餘，亦都祝福佢求婚成功 娶得美人歸。…查看更多

落完觀塘巡鋪收工，咁岩經過附近想去食下台灣嘢，就上網睇下邊間價廉物美,就揀入左去哈豆。入面裝修好企理，唔會好似一般快餐店咁普通，有種家式小店嘅温馨。最重要入面的畫，擺設，好有台灣的感覺。上個月先同女友去完，感覺即刻返晒黎。坐低一陣服務員立即拎餐牌比我，知道出面落緊雨又送上左一杯暖水，服務質素唔錯。見餐牌有一人分量火鍋，就自己叫一個四川麻辣鍋試下、味道夠麻，香，辣俱全，值得一試，而且配菜也幾新鮮！蛋皮餃子好飽滿，食落爽口配上少少辣味十分好食。尤其是牛肉，半肥瘦口感好好，有肉香。關廟麵好爽口，煮耐啲更能吸收麻辣湯嘅精華。值得推介！由於本人非常懶，平時甚少食水果，所以飲品方面叫了哈豆鮮果茶試下，味道清新，酸甜度適中。加上繽紛色彩的顏色帶來人一種喜悅的感覺。鮮果茶入面有香橙，熱情果，蘋果。全部新鮮即製絕非罐頭食品！最後結帳，$157，不算貴，而且不收加一服務費。如果要我再來品嚐，是肯定的。因為好少係香港的台灣餐廳咁有特色同服務咁好。…查看更多

話說呢幾日都不斷落雨，正值當日滂沱大雨，同女朋友一家book左呢間中華滙館食飯，同時亦都慶祝女友農歷生日。因為同另一半一家人食飯，所以特登地揀左一間中式餐廳。呢間中華滙館裝修得好別緻，古色古香，餐具、茶具都別有新意，精緻細膩。我地點左普洱作餐茶，茶色一貫偏重橙紅色，但入口卻比茶色略淡，茶葉味仍香濃，以一杯茶就可以略為睇出整體餐廳質素之高。因為慶祝另一半生日既關係，我地點起菜黎都不作考量，想食就叫。金磚豆腐，本人十分喜愛既一道前菜。豆腐外皮炸到香脆，顏色呈金黃色，十分香口，內層則非常嫩滑，一放入口就可以享受兩種口感，無論口感、味道也是一流。花鵰乳鴿。花鵰酒撲鼻，未食就散發著陣陣的酒香味。鴿肉嫩滑，如果鐘意飲酒既朋友，應該會更愛這說菜。日本豚肉叉燒，整頓晚餐最為驚喜既一道菜。叉燒選料十分上乘，外層燒到橙紅色，泛著肉油同密汁。叉燒既肥瘦比例剛好，帶適量既油脂，入口既口感好豐富，肉裹仍鎖住肉汁，肉汁同醬汁混合。本人層係另一間米芝蓮餐廳食過一道畢生難忘既叉燒，而呢道則不相上下。香茅蝦球。主要既香料係香茅同辣椒粒，再爆炒鮮蝦球。用料新鮮，蝦肉差不多有半個手心咁大，入口爽口彈牙。加上香茅既獨特香味以及辣椒粒滲出既微辣，十分惹味。話梅炆豬手。整件豬手都好入味, 炆得好軟淋，入口唔會覺肥，入口即溶 骨膠元含量非常高。整道菜既重點係用左話梅去炆煮，所以會有陣陣既話梅香，令豬手食落去清新點，減薄油膩感。水煮石斑。石斑肉厚身有口感，湯面鋪滿辣椒乾，鮮紅既湯底且麻且辣。入面仲有小量芽菜等配菜，配菜吸收曬麻辣味，食起黎更加惹味刺激。四川辣子雞。滿滿既辣辣同雞粒混合埋一齊。淨看已經感覺到個辣度。雞肉細細粒及去埋骨，炸得小小酥脆，又香又麻，絕對係送飯既首選。麵醬三香條 。呢道菜由茄子絲，豆乾絲和四季豆配麵醬爆炒而成。四季豆圓而幼身，食落好爽口，茄子絲同豆乾絲則十分入味。呢道菜有鑊氣之餘，調味都剛剛好。素菜腐皮卷。外層香脆，內裹有木耳令口感更加豐富，入口有一點點油，但偏偏就令整道菜更香口。最後係甜點，芝麻卷合桃酥同懷舊芝麻卷。合桃酥鬆化，估唔到咁傳統的糕餅都有得食。懷舊芝麻卷則口感煙韌及散發濃郁既芝麻味，但甜而不膩，岩曬我地口味。一餐滿足後，鋪外仍然滂沱大雨，我地則繼續係店內飲茶、談天，說不出既休閒。…查看更多

呢日個個都有街出，得返我同老媽子兩個係屋企，我地索性就決定兩母子撐枱腳，係附近食返餐:)。呢間泰星匯就係葵涌運動場隔離，過條馬路就到。店內似有家庭式經營既感覺，四周牆上都掛住滿有泰國特色既畫。餐牌選擇都好多，另外仲有晚市套餐，實惠得黎又滿足有選擇困難症既我地。我地一共叫左套餐C再外加一道青芒果皮蛋沙律。先黎既二選一，我地揀左冬蔭公海鮮湯，黎到泰國餐廳點會唔叫最有泰國特色既冬蔭公湯？！湯呈鮮紅色，入面煮滿各種香葉，內有大鮮蝦同鮮魷等海鮮，食落先係濃郁既香葉味，然後係辣，最後才帶出酸味。青芒果皮蛋沙律。老媽子點名要食既一道菜，連我自己之前都未食過。作為一款泰式沙律，少不得既係佢甜甜酸酸既感覺。帶有青澀味既青芒果絲夾住皮蛋一齊食，清新得黎又有皮蛋既厚感。馬拉盞炒通菜。亦都係一道特登點比老媽子既一道菜，蒜香、乾蝦、辣椒等炒成一碟，唔會好辣，媽媽級數都食得到，十分惹味。肉碎生菜包。用生菜將滿滿既肉碎包住，再一次過擺入口，微辣既肉粒同清爽既生菜一齊食，令整道菜都唔會咁膩，可以不繼咁食。泰式炒金邊粉。主要既配料有大蝦、蛋絲、芽菜等。主要味道偏向酸酸甜甜，味道不俗而且份量十分之多，最後食到飽到上喉嚨仍然有食淨。整體而言，食物質素很不錯，價錢亦好平民，下次應該約埋一大班人食，可以點更多菜式一齊share。…查看更多

適逢好耐都未同另一半撐枱腳 食西餐，所以特別地搵左呢間餐廳，享受一下二人世界。呢間Amour Corner既位置都好方便，油麻地地鐵站行出唔洗5分鐘就到。店鋪入面唔算好大，但正正就係咁凝造左一股浪漫 柔和既氣氛，店內情人一對對，愛意十足。食物既價錢亦都好親民，以西式餐廳黎講絕對係誠意十足。未點正餐，我地已經比店鋪現正推廣既生蠔優惠吸引住，128蚊任選6隻，平均22蚊一隻，十分吸引。我地選了其中兩款各三隻，肉厚肥美，唧少少檸檬汁，更加帶出生蠔既鮮甜味，眨眼食完 有種意猶未盡既感覺。除此之外，我地點左經典二人晚餐。先送上既係頭盤青蘋果鵝肝多士。最上面一層係煎至金黃色既鵝肝，中間夾住一片青蘋果，底層則係細多士。一入口先係滿口鵝肝既油脂香，然青蘋果既清甜味滲出，最後會咬到香脆既多士，我倆對呢個頭盤評十分之高。一同送上既仲有Parma ham melon, 層次上同上一道相似，但相比起油脂香，取而代之既係火腿既鹹香同甜度更既蜜瓜，雖無上道出色，但都很不錯。隨之送上既係南瓜湯同凱薩沙律。南瓜湯偏向清淡，有淡淡既南瓜香，如果再加多少少南瓜蓉 效果會更佳。凱薩沙律酸酸甜甜，用料亦新鮮。黎到主菜 燒醬烤原味豬肋骨。因為係醬烤既關系，外層係塗滿燒烤醬 烤至微焦。肉質軟淋，餐刀一切就開，加上甜酸甜酸既燒烤醬，十分惹味。另一道主菜則係烤澳洲牛柳扒。我地點左五成熟，主廚係熟度既處理上拿捏得不錯，不會過熟過生。肉質偏淋，唔會韌同無筋，牛肉味偏濃，無疑係水準之上。最後甜品係士多啤梨奶凍，一點點酸，然後係濃郁係牛奶味，簡單而完美。得閒同另一半享受一下浪漫既二人晚餐，唔需要太隆重，但絕對唔可以敷衍:)。…查看更多

係荃灣打邊爐出晒名既一鍋堂竟然係旺角開分店？！另一半發現後就話點都要試下。依家一鍋堂book位都好易，dl返佢個app就可以book到，但就實在太full，所以都要預返d時間去book。因為我地book左位既關係，所以等左一陣就可以拎到枱。初入間鋪，呢間旺角分店既裝潢同荃灣果間有好多既唔同，唔單止更加華麗，而且好多細心位都有更細緻。例如多左自助區，某d蔬菜、丸類都可以自己因應份量去夾。另外仲有前菜區，提供一d沙律、小食。自從有左自家手機app之後，一鍋堂既點單都開始變成用app點，某程度上都方便左好多。我地叫左一個鴛鴦鍋底，分別係台式養生麻辣同潮山湯。麻辣鍋唔算太辣，帶有點點麻，附湯仲會有台式鴨血。潮山湯就更加不得了，送上時仍然有整條大地魚係湯底中，越淆越濃。按照國際慣例，去到任食火鍋我地都會瘋狂咁點，想食咩就叫咩，實行撐爆個胃。雖然係任食火鍋，但一鍋堂係出左味食料一d都唔馬虎。海蝦十分新鮮，比手指更粗幾倍。食落都好鮮甜，啖啖肉。白鱔片同脆脘魚片更加係回本之選。所俾既份量好足，叫左幾次都唔見有偷工減料既情況。打邊爐又點少得肥牛？一鍋堂有得點呢款美國肩胛肉眼。內質色澤紅潤，亦有油脂花紋分佈。厚度切得略薄，但食落帶牛味，以任食黎講，水準已經不能再高。當然唔少得其他火鍋配料，例如手打墨魚滑、帆立貝、水魷等等，碟碟都大大份，實行開張大贈送。每人埋單二百都唔洗，但可以有高既質素，難怪可以場場爆滿，火鍋必試。…查看更多

近排迷上左Hottoys模型，每兩三日都會走一轉旺角交低份糧。呢日又一次上去，死心塌地落左訂之後就同另一半係附近覓食。行一行女人街果頭，見到兩邊食肆中有間主打粥底火鍋店，見價錢又唔太貴 就試一試 反正我地都好耐未食過粥底火鍋。我地揀左$158套餐 包10款海鮮，然後再揀佢主打無味精、無色素既粥底。另外仲有一d丸類、肥牛、蔬菜，一律8蚊一份，十分之抵。未幾就有沙律送上，蔬菜清新爽脆，撈均沙律醬，十分開胃。相隔冇3分鐘，鍋底已經送上。我就點左椰子粥底，顏色呈乳白色，毫無雜質，仲有淡淡既椰香。另一半則點左粟米，粥底呈奶黃色，認真真材實料，望落亦十分治癒。同一時間海鮮拼盤亦都送上。見菜單表明，每款海鮮都分別來自日本、越南、印尼等，橫跨多國 非常吸引。當中有鮑魚、肉蟹、海蝦、東風螺、鮮魚片等等。餐廳亦都好細心，將海鮮既煮食次序、時間都印左出黎。跟住佢黎煮咁就唔驚淥過龍啦。生魚片切得唔薄唔厚，厚度適中，淥1、2分鐘就食得，無乜骨，淡淡既椰香更加襯托出魚鮮味。食粥底火鍋點可以冇貴妃蚌？貴妃蚌出味肉厚，味道鮮甜。放入鍋中 更加係同椰子粥底溶為一體，外表上更白，味道上更甜。大蓮鮑魚，餐廳貼心地已經預先開左殻，方便我地一夾就食得。淥大概5-6分鐘就食得，肉質唔會太韌而又有咬口。另外我地見d配料太平，已經失控咁點，搞到差d食唔晒。分別有烤魚皮、雲吞、迷你拼盤、玉子豆腐等等。每碟份量唔算太多，但二人食足夠有餘，質量亦係水準之上，首推迷你拼盤同烤魚皮，好美又抵食。最後記得叫職員將鍋入面湯水煮食粥，佢會將南瓜粒、芋頭粒同米糊倒入去鍋中，然後keep住搞，值到我地覺得濃稠度適合既時候就可以熄火。本身因為太飽既關係都心諗未必食到，但個粥底吸滿左先前海鮮既精華，再加上本身係椰汁湯底，煮出黎既粥出呼意料地鮮甜，食下食下已經食左一大半。呢間係以一人一鍋既型式呈現，睇落似各有各食，但我地又可以揀返自己想要既粥底，多人黎既話 直程可以試晒佢主打既各種湯底，確實係唔錯。…查看更多