work_eat_balance的个人专页

🏮5年前喺師大夜市食過燈籠滷味，已經覺得好回味，咁難得而家喺香港都有，一定要食吓啦！ 一直好鐘意台灣夜市嗰種又唔叫唔嬲嘅態度，嚟到香港都有超過30款餸可以揀。香港嘅燈籠滷味比記憶中台灣嘅版本冇咁重口味，略嫌欠缺花椒、甘草、桂皮等香味，不過滷汁依然好濃郁。建議大食嘅朋友可以叫個烏龍麵，索埋啲汁好好食🤤◆Check out the braised dishes (“Lo Mei”) all the way from the Taiwan’s Shida Night Market! The most entertaining part is you get to create your own bowl with over 30 types of dishes. The bowl is quite soupy with the soy-based sauce, still it lacks the aroma of some the herbs. Do remember to order noodles for your bowl to soak up the yummy sauce 🤤 燈籠滷味 𝐋𝐚𝐧𝐭𝐞𝐫𝐧 𝐋𝐨𝐦𝐞𝐢 📍Location: 37-39 Tang Lung Street, Causeway Bay———😛 Follow me on Insta: @eatsy.breezy…查看更多

🍫🍓之前bookmark咗呢間位於韓式簡約工業風Café，因為位置唔近大街，所以都搵咗一陣🤣 呢度嘅飲品同輕食都較IGable，今次就先試飲品！Kactus Strawberry ($45)有少許果肉，感覺似雪糕奶昔，朋友嘅 Kactus Choco ($45) 似香濃版朱古力奶。雖然味道唔錯，但兩杯飲品都太多冰，好快已經沖淡，有啲可惜🥺下次會試輕食！◆Visiting this industrial style Korean café which is famous for its IG-able food and drinks. Kactus Strawberry ($45) tastes like strawberry milkshake and Kactus Choco ($45) a cuppa rich-flavoured choco milk. Both drinks are bit icy so they got watery and bland when the ice melts 🥺 Might try out their food next time!𝐊𝐚𝐜𝐭𝐮𝐬 𝐊𝐨𝐟𝐟𝐞𝐞🔸Location: 47 Man Ying St, Yau Ma Tei——————😛 Follow me on Insta: @eatsy.breezy…查看更多

☕️🍳如果你都鍾意假日蒲Café，Cafe REVOL嘅咖啡同埋All day breakfast 一定唔會令你失望✨ 佢哋不論食具或裝潢，都係行型格工業路線，最欣賞係佢哋食材非常新鮮，而且份量足夠！首先講吓咖啡，Nutty Dirty 味道香醇，一般飲Dirty好怕一嚟到啲奶同啡已經融合哂。但呢度嘅奶夠thick，做到分層效果同口感，見到影咗咁耐啲啡同奶仲未blend哂就知😛佢哋嘅雞蛋用咗日本頂級蘭王雞蛋 🍳色澤偏橙黃，蛋味濃郁炒得滑溜，而Sourdough麵包夠酸同軟綿。個人覺得 Edinburg Cottage 較豐富同多sides，食完會有滿足感，做brunch就啱哂！如果想食得light啲，就推介 Revol Special，多士有乾果同果仁，香脆帶甜，而且仲有細碗藜麥同埋雜果穀物乳酪，係健康之選。Egg Benedict配上muffin burger，連埋完熟牛油果同煙三文魚好夾，而蛋嘅生熟到都控制得好。但自己唔太食生嘢，如果要揀會鐘意之前兩個All day多啲🤣◆Come visit Cafe REVOL for their freshly brewed coffee and all day breakie as it certainly won’t disappoint you✨ Their dirty is rich and nutty, the coffee still stands up to the milk after a while hence you can first taste the hot and cold layers. Trust me, it’s sensational and sip after sip 😛Carefully selected, their eggs are from Japan’s top notch farm 🍳 While the scrambled eggs are creamy and buttery, the buttered sourdough is slightly acidic, soft and moist. If you’re up for a satisfying brunch, Edinburg Cottage would be a great choice as the portion is large and there’re a lot sides. For those who’s up for a lighter meal, pick Revol Special which serves with quinoa and fruit yogurt. The egg Benedict was served with muffin burger, and it’s impeccable with smoked salmon and sliced avocado!◇Eatsy Picks ✨Dirty $45 Edinburg Cottage $138Revol Special Breakfast $108𝐂𝐚𝐟𝐞 𝐑𝐄𝐕𝐎𝐋🔸Location: Fortune Terrace Block A, 4-16 Tak Shing St, Yau Ma Tei——————😛 Follow me on Insta: @eatsy.breezy…查看更多

🍪Cookie Vission 嘅曲奇係世一🤍 如果你鐘意美式曲奇，一定要嚟大坑買！佢哋嘅曲奇偏厚身同比較濕潤，雖然甜但勝在夠香濃，怕漏嘅朋友建議先試吓茶味，而最大賣點就係佢嘅流心/ 軟心餡，一咬落去滿口都係夠哂邪惡嘅滿足感。不過佢哋嘅曲奇比一般大塊，足足有150g，一次過食哂會太飽，要分開幾次慢慢食🤣 Cookie Vission 另一賣點就係每小時會輪流有8-10種唔同口味，鐘意食甜嘢又試新嘢嘅人，不妨試吓唔同時間去買，可能會有驚喜㗎！◆ Cookie Vission serves No.1 cookies in HK🤍 Don’t miss out their cookies from if you’re into American cookies! Indulge in the moisture and sweetness of the freshly baked soft cookies, and the satisfaction from its the lava centre simply goes beyond description! Each BIG cookie weights 150g so why not share it with your friends🤣 For sweet tooth and cookies fans, do check out their daily rotation of 8-10 flavours, you might be surprised!◇✨Eatsy Pick:Matcha Macademia $50Hojicha $50PB&J $40Blue Cheese $50 (limited ed)…查看更多

唔講唔知原來大埔舊墟附近有一間越南黃店💛越南屋嘅廚師全部都係越南人，平時經過都見到有人排隊，所以今日我同男朋友就嚟試吓佢😛🌿越式海鮮湯檬 $60越式海鮮湯檬用咗蕃茄湯底，酸酸甜甜幾開胃，好啱女仔食！湯檬入面有青口、蝦、魷魚同豆腐，全部都幾新鮮，份量亦足夠。🌿越式特別牛河 $60越式特別牛河湯底清甜，相比一般嘅越南牛河唔算濃郁。牛河材料有牛丸、生牛肉、牛展同埋金錢肚，味道正常。🌿越南滴漏咖啡 $30 (跟餐另加$22)出於好奇，我哋叫咗呢個咖啡試吓🙈 越南滴漏咖啡其實即係凍咖啡加煉奶，味道好香濃，飲完之後會好醒神！咖啡會裝喺一個滴漏容器入面，之後慢慢滴落裝有煉奶嘅杯入邊，幾分鐘後當咖啡完全滴落杯入邊就可以將佢倒入冰杯㗎啦。喺香港其他餐廳比較少機會可以品嚐到呢種有特色咖啡，幾有趣！🌿越式拼盤A $99凍食嘅扎肉新鮮好味，感覺就好似自助餐嘅凍肉盤🤤春卷、蝦餅、香茅雞翼都係即炸，所以都係熱辣辣，春卷皮煙煙韌韌，口感豐富。不過呢個拼盤唔太抵食，份量偏少，但價錢比主食仲貴，下次未必會再叫。🌿小結：越南屋食物新鮮，味道算唔錯，都幾有越南風味。呢度一個主食$50起跳，小食或小菜由$32至$99不等，以價錢同份量嘅比例嚟講，小食唔太抵食，而且星期六日同公眾假期仲要加一，大家有機會可以平日下午茶時段嚟試吓，除咗平啲相信仲會少人啲。…查看更多

每次經過都好想試💛一起果醬呢間餐廳！除咗俾佢各種口味嘅手工果醬吸引，仲因為餐廳成個設計係清新嘅田園風，一入去仲有貼滿memo嘅連儂牆，相信已經俾唔少人懲罰過！由於太肚餓嘅關係，我哋嗌左兩個Tea set之後，仲叫多咗半份豬肋骨同一份鬆餅🙈🙈🌿士多啤梨果醬燒豬肋骨 $109除咗燒豬肋骨配士多啤梨果醬，配菜仲有沙律菜同埋薯角。豬肋骨嘅味道比較淡，由於煮得較熟，肉質好稔，食嘅時候骨同肉已經分離，唔需要用手食都得，配埋士多啤梨醬都幾夾！個人比較喜歡薯角，炸得好脆，味道都好好！🌿 手撕燒豬肉野菌忌廉湯長通粉 配玉桂蘋果茶 $58呢個野菌忌廉湯長通粉意外地好味！通粉好軟身，手撕豬肉質都幾滑，但最好味就係個湯底！有好香濃嘅菇同忌廉味，唔知係因為太餓定真係好好味，我哋最後連湯都飲埋😂😂 玉桂蘋果茶味道甘甜，有清新嘅蘋果味，夠解渴。🌿果醬奶油窩夫 配冰糖木瓜雪耳 $58相比鬆餅，呢度嘅窩夫就稍為遜色，雖然焗得幾鬆脆，不過味道比較淡，冇咩蛋香味。木瓜雪耳好好飲，有木瓜粒同雪耳碎，好似木瓜糖水一樣。木瓜粒鹹鹹地，味道好得意🙈🌿英式鬆餅 配蛋黃菠蘿果醬 $22個人非常推介呢度嘅鬆餅！我哋叫咗蛋黃菠蘿果醬味道嘅果醬配鬆餅，蛋黃夠香濃，同菠蘿非常夾，味道極似蛋黃鳳梨酥🤤🤤 係必試嘅口味！🌿小結：呢度唔單止環境舒適，食物質素都令人非常滿意，特別係各款嘅果醬，同環境一樣咁清新☺️下次嚟會一定試試其他果醬！如果大家食完覺得好味，仲可以買佢哋嘅手工果醬返屋企添。…查看更多

今日下晝嚟到旺角💛雞蛋屋呢間小店試吓佢嘅午餐！朋友叫咗一個台式滷肉飯 ($42) 同埋百香果多多 ($38)，我就叫咗牛肉湯烏冬 ($52) 同炸花枝丸 ($28)🌿和風牛肉湯烏冬 $52呢個烏冬用咗醬油湯底，味道不過不失！烏冬煙韌滑溜，肥牛份量都夠，但係口感有啲散碎，好似唔太新鮮。老闆對配料同烏冬嘅份量一啲都唔吝嗇，除咗牛肉同埋烏冬，仲有溫泉蛋、紫菜、粟米、魚片，夠哂飽肚！🌿 炸花枝丸 $28花枝丸賣相唔錯，表皮炸到金黃色。由於係即叫即炸，一咬落去除咗幾彈牙仲非常熱辣辣😛 入面有墨魚粒，味道幾鮮甜，點蛋黃醬一齊食，又會有另一番風味。不過價錢略貴，平均要$7一粒。🌿小結：雞蛋屋嘅食物味道唔錯，以午餐嚟講價錢可接受。餐廳有溫暖小屋嘅感覺，窩心舒服，食嘅除咗係味道，仲有對同路人嘅支持同鼓勵。相信呢度比其他黃店少人懲罰，所以大家經過都可以上嚟食個lunch，懲罰吓佢！…查看更多

觀塘嘅阿元來了已經開咗好耐，今日終於有機會試吓！上次夜晚嚟食，發現晚餐嘅食物選擇比午餐少啲，所以今次下晝嚟，就可以試到蚵仔麵線同蛋餅啦！🌿阿元魯肉飯 $42顧名思義，阿元魯肉飯就係阿元來了嘅必食招牌魯肉飯。醬甜肉香嘅滷肉配埋滷蛋同小白菜，真係好有台灣風味！個人認為如果飯多啲仲好，因為個滷肉實在太「送飯」😛🌿 蚵仔大腸麵線 $40由於之前去台灣食過嘅麵線一試難忘，所以嚟之前我非常期待呢個麵線！雖然冇想像中咁好食，但阿元嘅麵線質素都唔差㗎：麵線口感豐富，相比台灣較硬同粗身，蚵仔新鮮大粒，大腸就較薄片同咸。🌿 肉鬆起司蛋餅 $30蛋餅相比其他食品就普通啲，不過呢度嘅醬汁幾好食，又有辣汁，點少少一齊食會開胃啲。🌿 芋泥蛋黃卷 $30呢個芋泥卷意想不到好食！雖然係炸物，但唔會好漏，芋泥餡夠香綿，配埋蛋黃仲多咗咸香味，值得一試！🌿 鹽酥雞 $37鹽酥雞有胡椒鹽香，亦夠香脆，無骨又可以一啖食哂，非常方便！唯一唔好就係份量比較少，得十小舊左右，唔算好抵食。🌿 九份芋圓 $32三色芋圓彈牙好味，入面有芋頭粒，口感豐富，非常推薦！🌿小結：總括嚟講，阿元來了嘅食品都非常有台灣風味，想食台灣嘢嘅時候，就可以嚟呢度過吓口癮😆不過以食物份量同價錢嘅比例嚟講，唔算好抵食，平均每人要叫一個小食同主食先夠飽。…查看更多

💛榕基滷水專門店1992而家由兩位年輕嘅店主打理，食嘢嘅時候都會見到佢哋！除咗堂食，仲有好多人選擇外賣滷水，為晚餐加多個餸。而堂食就可以選擇套餐，自由配搭：先揀主菜(五選一)，再揀飯麵(四選一)同小食(三選一)；我哋就揀咗招牌滷水獅頭鵝($58)同滷水南姜豬手($42)🌿 招牌滷水獅頭鵝拼手工湯麵 $60大家一定要試吓榕基嘅川麻辣汁！夠香夠辣夠麻，同湯麵一齊食一流😛如果想飲吓個雞湯，可以叫店員將麻辣汁另上，咁就可以保留湯底原有嘅味道。鵝嘅份量非常足夠，有近5至6件鵝；我哋另外加咗滷水蛋($5)，都幾好食。🌿 滷水南姜豬手拼湯麵 $44相比滷水鵝，呢度豬手就比較遜色。豬手嘅賣相唔錯，咬落有滿滿嘅膠質，不過味道較鹹，而且冇咩薑味。因為味道比較重，個人覺得豬手比較襯同白粥或者白飯一齊食。🌿小結：食物嘅選擇足夠，小食亦好好味 ！餐廳亦好細心，會額外俾一個碟客人放骨 ，食物擺設又精緻，令人食得好舒服。而且份量足夠又抵食，係好味抵食又親民之選！…查看更多

喺上環返過工，就知道呢度好多嘢食🤤🤤今日下晝就同男朋友嚟到💛我愛慢煮食嘢，可能因為過咗lunch hour，餐廳都無咩人，亦唔需要等位。一入去，店員先請我哋叫嘢食再坐低，我哋就叫咗兩個set lunch。🌿牛板腱扒(平鐵) $100牛板腱扒即係牛肩胛內側的部位，而每一隻牛大概只有兩公斤的板腱。因為烹調手法係慢煮，所以牛板腱扒調味唔多，令客人可以品嘗到肉嘅原汁原味。牛扒肉汁豐富，不過近白筋位置嘅肉比較難咬，我哋最後都無成塊食哂。🌿法式油封鴨脾$60 鴨脾嘅皮脆口，而肉面滿有油脂，質地偏乾，但鴨味濃郁，整體唔錯。反而值得一讚嘅係配菜同薯條：雖然係配菜，但生菜爽脆，而薯條就香脆，再配蛋黃醬一齊食非常滋味。不過呢度嘅鮮奶咖啡真係唔太好飲，因為要加$15 ，對個咖啡會有啲期望，點知大失所望：杯咖啡本來已經冇咩咖啡味仲要太多冰，淡上加淡😢😢🌿小結：相比之下，油脾嘅味道同口感較為出色，配菜亦不錯，作為午餐份量啱啱好。除咗牛扒餐，其實其他喺中上環地區嚟講都算抵食。餐廳環境乾淨，設計係工業混西餐廳嘅風格，外面亦有塗鴉牆可以打卡。如果下次有機會喺夜晚再嚟，會試試佢嘅蕃薯條同菠菜苗。…查看更多

唔講唔知大埔有間隱世咖啡店🌿 今日下晝嚟到💛家 · 啡，除咗環境優美外，飲品同甜品都值得一讚！🌿Coffee Jelly Latte $85咖啡香濃，啫哩彈牙爽口，口感豐富，好好飲🤤🌿Charcoal Latte $80相比之下，無Coffee Jelly Latte咁香濃，口感比較厚；而我最欣賞嘅地方就係呢度嘅冰係用咖啡做，即使用咗咖啡亦唔會變淡或者影響咖啡嘅味道。🌿Apple Danish 蘋果酥餅 $40酥餅即叫即焗，所以熱辣辣！酥皮非常脆，一咬落去有粒粒蘋果，非常好味，不過份量好少，一人食啖就無。🌿Japan Strawberry Cheesecake 日本士多啤梨芝士蛋糕士多啤梨除咗紅卜卜，仲好香甜，配搭蛋糕唔會太漏。🌿 小結：呢間咖啡店環境清幽，唔單只可以影相打卡，仲可以睇書做吓文青，不過室內坐位唔多，如果夏天要坐出面都幾熱同曬。食物質素高，甜品幾出色，但係價錢偏貴，一杯飲品同一碗拉麵嘅價錢差唔多。…查看更多

之前返工都好想去💛Jacomax呢間意大利餐廳，今日終於有機會試試佢！ 除咗因為呢度嘅嘢食正，亦因為開呢間餐廳嘅老闆都係非常黃，所以更加懲罰吓佢！🌿炸魷魚圈配他他醬 $88第一樣食嘅炸魷魚圈，一食落去非常香口，炸粉亦好食，唔會太厚；魷魚新鮮彈牙，配啤酒一流！除咗他他醬，亦有檸檬，如果怕太漏可以唧少少一齊食！🌿藍芝士蘋果薄餅 $168呢個藍芝士蘋果薄餅真係不得了，嗰陣芝士嘅奶羶味芬香撲鼻，絕對值得推介俾鐘意食芝士嘅朋友試吓🤤🤤 薄薄嘅蘋果片夠清甜，上面有糖粒，配搭芝士，令pizza唔會太油膩。呢個pizza係連老闆都大大推薦嘅本店招牌，一定要試！🌿麥啤煮藍青口 $138因為太鐘意食海鮮，所以引唔住叫埋藍青口試吓。有別於蘋其他會用白酒嘅餐廳，Jacomax就用咗小麥啤酒🍺煮藍青口。酒味好出，同時亦有小麥嘅香味，原來配搭啤酒都可以有另一番風味。雖然價錢偏貴，但份量足夠3-4人食，所以都可接受。🌿小結：我對Jacomax呢兩個小食同pizza都非常滿意，呢度環境亦唔錯，好適合喺附近放工嘅人嚟傾吓偈飲吓酒。唯一覺得價錢頗貴(因為喺中上環區？)，一個小食加埋一要差唔多$100，如果想試多幾種唔同嘅嘢食，建議都係叫多兩個朋友一齊食好啲。…查看更多

每一日都係食拉麵嘅好日子🤤 今日下晝同男朋友嚟到荃灣嘅💛團日式拉麵食嘢，不過由於鋪頭離巴士站都有一段距離，加上唔識路，我哋都行咗10幾分鐘。入鋪頭前要先喺自動販賣機買票，感覺好似喺日本拉麵店！本來幾想試黑蒜油拉麵，但聽朋友講呢度黑蒜油拉麵比較重口，所以我哋叫咗櫻花蝦拉麵($88) 同埋魚介拉麵($80)🌿 櫻花蝦拉麵 $88呢度嘅麵底可以揀曲麵或者直麵，我就叫咗曲麵，口感唔錯，亦掛湯汁。拉麵除咗有櫻花蝦，仲有原隻溏心蛋、叉燒、竹筍、紫菜。櫻花蝦拉麵湯底偏鹹，叉燒其中一邊係火灸，但除咗邊位有少少肥，其他都比較瘦，如果肥啲厚啲會好食好多。至於其他配料，都尚算滿意，而且拉麵有一大碗，份量充足，就算係男仔都好夠食。特別要讚一讚呢度嘅溏心蛋，咬落去之後，啲蛋黃流晒出嚟，又幾香滑，搞到我食到一半都忍唔住要影吓佢🤣🌿魚介拉麵 $80男朋友就試咗直麵，以直麵嚟講，呢度算好食，因為可以掛湯汁，而且麵條硬度適中。拉麵上面鋪咗一堆木魚絲，材料豐富，湯底亦有淡淡魚香，相比櫻花蝦拉麵就比較淡口。🌿小結：總括嚟講，團日式拉麵價錢合理，拉麵同配料味道唔錯，個人特別鍾意溏心蛋，只係略嫌湯比較咸同埋叉燒偏瘦。餐廳環境舒服坐位整潔，可惜座位比較少，而且位置偏遠，所以唔係好多人幫襯，住附近嘅朋友不妨去試吓支持吓佢😛#黃店 #拉麵 …查看更多