missishyuen的个人专页

難得去開寶琳，梗係要嚟食一食傳統嘅鹹豆漿啦，香港真係所剩無己，真正嘅咸豆漿唔係間間識做。今日嚟下午茶，下午茶餐入邊冇得揀鹹豆漿，所以唯有分開叫咗一碗，同埋一件粢飯。鹹豆漿＄14，粢飯＄16等左3分鐘到，兩樣一齊來晒。鹹豆漿依舊好味，材料充足，放左一陣，夾左少少，更加好食。粢飯好似細粒咗啲，但係難得油炸鬼仲係脆嘅，掛住玩電話冇睇佢係咪即包添。間唔時食一次，其實都OK。不過價錢可以接受啦。 有機會就要食多啲。…查看更多

食完晚飯就梗係要搵甜品架啦，行咗好耐終於行到via tokyo, 問吓有條小人龍，排咗十分鐘到都有得坐喇我係厥餅控，厥餅令人有啲失望，雪糕補返數。老公就是抹茶白肉，即係冇餡湯圓，抹茶真係不得了…查看更多

公司樓下有間坐忘，但係未到12點已經有人排緊隊，咁耐都冇試過。今日同老公行街，佢話帶我去食間無味精嘅餐廳，原來就係天后嘅坐忘。呢間餐廳標榜嘅係冇味精，同埋每一個飯都有好多蔬菜，而最出名嘅就係咖喱。喺門口等左5分鐘到，就有得入座，以為係迫左少少。我哋叫咗個豬軟骨咖喱飯同埋牛油咖喱雞飯。豬軟骨超級極之好味牛油咖喱雞就唔係印度嗰種啦，但係味道都唔錯，全部蔬菜都好新鮮。三扒兩撥話咁快就食晒，係咪真係冇味精呢，我就覺得啲咖哩點都有少少。…查看更多

今日公司團年lunch, 食咗好多次enoteca, 見隔離開咗新嘢，係korean fusion所以試下。坐下冇耐，個waiter走埋嚟催落單。 set lunch 有starter +main course, hkd 158-218.我叫咗個湯做starter, main course要soon tofu.湯都正常，但係等個main course足足等咗八個字。不過都好，至少全部人main course一齊上。我個soon tofu, 其實係海鮮豆腐湯，賣相正常，一食落去不得了。完完全全嘅味精湯，得個咸同辣。食咗四分一個就放棄，太難食，呢間真係冇下次。…查看更多

聖誕節期間食咗好多西式食物，所以今日就想食番啲亞洲野。想食韓國菜，嚟到尖沙咀金巴利街行咗幾間，見呢間價錢唔貴，食物睇落OK就入去試吓啦。店員全部都係韓國人，不過都識得講簡單廣東話同埋流利英文， Menu當然就係中文啦。呢間店逢禮拜一至禮拜四都有一樣菜式係特價，我食嗰日就係韓式豬手七折，不過如果兩個人叫碟豬手，之後應該咩都食唔落，所以最尾都冇嗌到。我哋叫咗一個泡菜牛肉飯，泡菜餅同埋一個炸雞沙律。餐前先來三小碟, 味道OK ,不過應該冇得refill。不過唔緊要，因為泡菜牛肉飯好快就嚟左啦。都好味，同出面食嗰啲差唔多，冇咩大驚喜，亦都冇咩唔好。泡菜餅就比較細塊，不過食落味道都OK。至於個沙律呢，炸雞幾好味，菜都新鮮，不過啲沙律醬真係太多啦。間店分開咗兩邊中間係廚房，唔知點解係鋪頭越坐越熱，而且油煙越來越大，如果可以改善下個抽風系統就好啦。…查看更多

夜晚去沙田行下街，發現原來kiss the tiramisu 原來開咗喺連城廣場。唔係好多人，食完晚飯又需要食下甜品，啱晒啦。店舖好細，只有一至兩個店員，但係佢哋服務都唔錯，買完我杯雪糕之後都，見到有四五個人排隊買，佢地都有笑容。呢排賣緊聖誕節雪糕，所以就算原味都要＄46。叫咗原味試吓，不過我冇要到嗰啲聖誕裝飾，因為只係多兩塊餅乾加一粒朱古力。最低嗰層係whipped cream, 唔係好甜，亦都唔係好滑，主要作用係托起杯雪糕。Cream之後就係雪糕再落啲咖啡糖漿落去，然後有啲朱古力粉，餅乾碎，跟住有一層雪糕，再落啲糖水同埋咖啡糖漿，最頂就係朱古力粉同埋朱古力，朱古力係原塊朱古力即刨。本來期望都唔係太大，但係食落去，真係好似tiramisu.一個人好難食晒一杯，一定要兩個人share ,如果可以出迷你杯就好啦。…查看更多

星期二去迪士尼玩，梗係要試吓裏面啲餐廳呀啦。食晏時間 1:00 ,見到皇室宴會廳唔係好多人，就入去兜個圈啦。餐廳入邊其實好大油煙，因為其實佢啲餐真係喺餐廳入邊煮，唔係中央廚房整好送嚟。見到樣樣都好想食，但係每人得一個胃，唯有揀啲有抵食睇落又好味嘅嚟試。啲餐其實都唔算貴，大約＄120至到＄150有一個。我哋今次就食咗肉丸意粉，同埋焗豬扒飯，再加多個豬仔叉燒包。肉丸意粉($125)好抵食，見到佢喺後面即炒意粉，肉丸仲有成八粒。肉丸食落幾好味又有香草味，意粉都好好味。豬扒飯($125)真係好有驚喜， 豬扒但係好多汁，粉漿又唔怕過多，又夠厚。炒飯底唔怕好油，炒得又均勻，執又唔怕過多。最後見到豬仔叉燒包($36)咁得意，都係抱住食個樣嘅心態。豬仔叉燒包係即蒸嘅，要等10分鐘。食落超級有驚喜，餡料就唔算多，不過成個包食囉好balance。麵粉食得出係靚野。依家餐廳真係又抵食(樂園嚟講)又好味。…查看更多

同事聚餐，一行10幾人。環境比較逼夾，不過，最緊要啲嘢好味道。叫咗十幾樣野，又真係樣樣都OK喎 北京style腸仔除咗麻醬太多之外，雞絲粉皮都好好紅油炒手10分好味，皮薄，又有肉味。推介片皮鴨，啲鴨片得好靚，每一件都有皮有肉，鴨肉又多汁。其他菜其實都好味都好味，但係另一個一定要推介嘅就係拔絲番薯，同埋拔絲萍果。減緊肥都要食多舊。…查看更多

講咗好耐話想食上海生煎皇，但係唔想出旺角。後尾發現北角城市花園有一間，同一個集團，都有生煎包食，只係改咗個名。星期一下晝一點去到，店舖位置好偏僻，喺商場地庫行到最入。本來以為要等位，但係竟然冇乜人，大把位。坐低左睇吓Menu ,有午市套餐， 兩個人叫咗兩個餐，加多個新推出嘅下海小籠包。最先嚟嘅係兩杯熱豆漿，唔太甜，亦唔會太過熱。叫咗個咕嚕魚塊， 跟菜飯。咕嚕魚塊好鹹，好多汁，好油，但係睇得出佢啲魚唔係交嚟嘅。菜飯好林，唔似其他上海餐廳嗰啲， 不過食落都OK。另一個午餐係上海厚切豬扒麵。以為係炸豬扒，點知黎到原來係好似叉燒咁嘅豬扒，食落又唔錯。個麵好正常，冇咩特別。每一個午餐都要跟一款小食，我哋揀咗生煎包同埋煎餃子兩隻。生煎包好多汁，但係食落去冇旺角嗰間咁好味。煎餃子反而有驚喜，都係好多汁，皮有脆又大隻。最後黎嘅係下海小籠包。我第一隻色黑色個隻，食完都係覺得，下次叫返正常味好啲， 可能因為我本身唔鍾意食海鮮。…查看更多

係屋企食完晚餐，成家人慶起要去大埔食甜品，本來想去舊墟，但家人話直街附近開咗好多新餐廳，就去睇下。點知附近除了佳佳甜品，就得間殿糖級。望入去坐港，以為要等位，點知原來有二樓😏。叫咗三個甜品。五分鐘很到嘅係呢個 學圖片不符嘅少料同水汪汪，食落冇咩，係得好少材料。然後等咗三個字，要催單就有嘅合桃糊湯圓-不過不失四重奏-心太軟好味，雪糕係維記，士多啤梨新鮮，吉士都唔太甜，雞蛋布丁就好好味。…查看更多

星期二晚有去飲嘢前食個晚飯。反正去行去大坑，就周圍行下，搵好嘢食。男友超鐘意拉麵，見到富山麵家，二話不說就要去食。七點去到無乜人，富山同Garfield crossover， 周圍都有Garfield身影。等咗十分鐘，我地個拉麵到喇。我叫咗牛奶拉麵，麵質比豚王硬，我個湯ok, 好重奶油味，不過叉燒就麻麻，好厚，好鞋，無入口即溶嘅感覺。男友叫原味，湯比較咸，可能係富山口味，我地食唔慣。間餐廳service都好，又有免費橡筋提供俾長頭髮嘅人。…查看更多

難得去到西環，梗係睇下有咩好味。男朋友做咗啲research ,最後決定黎到西環嘅呢間韓式炸雞店，炸雞熱潮黎左香港咁耐，我終於食到炸雞啦。 yeah！間鋪都幾容易搵到，八點半去到，坐一半人。睇下Menu，有九成嘅菜式都係炸雞，其他就有沙律，飯團，同埋韓式拉麵。因為第一次食，所以叫咗一半一半（$198）。即係一碟有兩款口味，一款叫左original，另一個係豉油辣味雞亦&drumstick。等左15分鐘到，炸雞終於來啦。原味炸雞底下，有幾舊年糕同埋炸餃子。成碟都幾好味。我冇叫飲品，但係侍應都不斷同我加水，服務十分好。食到夜晚九點鐘，出面開始要等位。大雞幾好味，有機會都會再嚟食。不過真係好熱氣 XD。…查看更多

係天后食完晚飯，想搵啲甜品食，行行吓就行到嚟夢見屋。一入到去，見到冇乜人，可能因為係禮拜二，啲侍應感覺好hea。坐低嗰個甜品Menu ，叫咗杯黑森林牛乳雪，同埋一個抹茶甜品。雪糕好快黎到，但係同照片不符。原本有啲紅桑子都冇左，不過啲藍莓都幾大粒既新鮮。個抹茶甜品，比想像中難食，杯熱抹茶仲要係唔熱的。呢間真係無下次…查看更多

同男友去海洋公園拍拖，天氣炎熱，所以去啲好凍嘅餐廳涼下。3點到，估唔到都要等位。不過等一陣就有。一入到去，原來係企鵝嘅食魚時間。佢地特登係餐廳個邊餵，睇得好清楚。太好睇，掛住睇，所以冇影相。😅😅今次散叫，叫咗pizza, 熱狗餐，同飲品。啖啖肉pizza, 芝士味好香，好足料。個底唔會好油，咁當然冇手拉個啲咁好味。熱狗.煙三文魚沙律.薯條熱狗腸ok，個包就一般。三文魚有三塊，大大塊，感覺抵食。沙律有驚喜，菜新鮮，欖油好香。薯條熱辣辣，係粗薯條，好味。特飲，幾好飲。Server 都好nice, 冷氣好夠，嘢食都幾好，價錢合理。最好係可以坐定定睇企鵝。🐧🐧…查看更多

同男友拍拖六週年，佢帶咗我嚟Bella Shine.係工廈入面，餐廳環境都四正。我地叫咗set dinner $200-300 一個。首先有個南瓜湯，好普通冇咩特別。然後餐包，個包反而好有驚喜！係nuts 包，暖暖地，十分好味，似係自家製。前菜 幾精緻，不過味道十分普通我地叫咗豬架同牛面頰。豬架好太舊好爽，有豬味 。牛好惗，咸咗啲，但係都滑。不過跟餐碗明太子飯就好難食。甜品都係跟餐，其實都幾好味，中間舊糯米糍不得了。總括，唔難食，不過呢個價錢，可以再好啲。…查看更多