金頤小館 (已結業)

講咗好耐話想食上海生煎皇，但係唔想出旺角。後尾發現北角城市花園有一間，同一個集團，都有生煎包食，只係改咗個名。星期一下晝一點去到，店舖位置好偏僻，喺商場地庫行到最入。本來以為要等位，但係竟然冇乜人，大把位。坐低左睇吓Menu ,有午市套餐， 兩個人叫咗兩個餐，加多個新推出嘅下海小籠包。最先嚟嘅係兩杯熱豆漿，唔太甜，亦唔會太過熱。叫咗個咕嚕魚塊， 跟菜飯。咕嚕魚塊好鹹，好多汁，好油，但係睇得出佢啲魚唔係交嚟嘅。菜飯好林，唔似其他上海餐廳嗰啲， 不過食落都OK。另一個午餐係上海厚切豬扒麵。以為係炸豬扒，點知黎到原來係好似叉燒咁嘅豬扒，食落又唔錯。個麵好正常，冇咩特別。每一個午餐都要跟一款小食，我哋揀咗生煎包同埋煎餃子兩隻。生煎包好多汁，但係食落去冇旺角嗰間咁好味。煎餃子反而有驚喜，都係好多汁，皮有脆又大隻。最後黎嘅係下海小籠包。我第一隻色黑色個隻，食完都係覺得，下次叫返正常味好啲， 可能因為我本身唔鍾意食海鮮。