Jhcc09的个人专页

幾鍾意呢間餐廳嘅裝修，藍白色為主，有格調又俾到人relax嘅感覺，似一間法式小餐館~晚餐揀咗兩個小碟加兩個主菜 (2A + 2B)，已經包咗餐湯同麵包，都幾豐富~🔘蟹肉牛油果他他賣相精緻，多蟹肉，蟹肉鮮甜，牛油果口感順滑，加咗檸檬汁特別清爽開胃~🔘法式烤黃雞呢晚嘅亮點，朋友覺得每個part都好好食，薯蓉非常綿密滑順，同松露野菌汁好夾，未開始食燒雞已經K.O.晒啲薯蓉，燒雞多汁，肉質嫩滑，雞皮香脆，推介~🔘阿根廷安格斯肉眼牛扒叫咗五成熟，切開肉質粉嫩，口感軟嫩，靚油花，簡單調味已經好好食~🔘火焰橙酒可麗餅講起法式甜點一定會諗起可麗餅，店員會即場燒一燒橙酒再淋上可麗餅，食到橙酒嘅餘韻，加咗橙皮絲作為點綴，餅皮柔軟，冰火交融~🔘Peach Sunrise🔘TropicoladaOrder晚餐可以八折加點Wine & Bar List嘅飲品，兩杯都試咗，自己鍾意Tropicolada多啲~…查看更多

真正隱世嘅餐廳，正常唔會路過，跟佢社交平台有個post講點樣嚟，咁就好容易搵到~餐廳裝修時尚幾elegant，尤其鍾意吧枱設計同兩邊大窗對住綠油油嘅植物，令人可以喺放鬆嘅環境下用餐，今次食嘅High Tea Set係為咗慶祝餐廳開業13周年而推出，$368/2位，價錢其實幾抵，仲送紀念杯墊~🔘Savoury Bites總共有四款鹹點，最鍾意迷你鮑魚撻，鮑魚爽口，撻皮香脆~另外幾款鹹點分別係雞肉漢堡、火腿蜜瓜卷同鮮蝦鵪鶉蛋串，size偏迷你，但幾精緻，味道都唔錯 ~🔘Sweet Bites首先想讚吓個鬆餅，幾好食夠鬆軟，配搭玫瑰士多啤梨醬同Clotted Cream~另外都推介抹茶馬卡龍同草莓蛋白餅，兩者口感有啲似，薄脆帶有咬勁，唔會黐牙，又唔會太甜~咖啡奶凍，咖啡味香濃，口感順滑~芝士蛋糕香滑，正常發揮~🔘Provence Moonlit好靚嘅淺紫色，幾鍾意面頭嘅檸檬蛋白泡，主要係薰衣草同Gin的味道，餐牌有標示Alcohol/Sweet/Sour Level，方便客人揀到心水飲品~🔘Peaceful青蘋果同青檸嘅配搭，小清新好refreshing，冇酒精~總結鹹甜點都出色，環境同服務都好好，大加分，呢個Tea Set係期間限定，供應期直至10月31日~…查看更多

裝修有異國風情嘅西餐廳，坐得舒服，除咗食晚飯，都有人嚟Happy Hour~🔘Tuna Chunks炙燒過嘅吞拿魚肉，外圍包裹住超多芝麻，面頭灑上芒果莎莎醬，口感豐富~🔘Prawn Mango Avocado Salad通常都會揀有牛油果嘅沙律，話晒都係Super Food，份量好足，有大蝦、芒果、牛油果、雜菜、黃椒、蕃茄仔等等~🔘Crab Linguine意粉彈牙，多蟹肉，充滿蒜香同橄欖油香味，調味啱啱好~🔘Surf & Turf豐盛的海陸餐，牛柳叫咗五成熟，外層有炭燒風味，一切開相當粉嫩，肉質細緻，唔會太肥，大蝦用牛油煎香，肉質爽彈，配菜一啲都唔馬虎，有大啡菇、蕃茄仔、原個蒜頭同火箭菜沙律~🔘Tiramisu手指餅偏濕潤，咖啡味出過酒味，忌廉比例比較多，入口順滑~🔘New York Cheese Cake芝士蛋糕口感綿密，有濃厚嘅芝士香，可揀配雲呢拿或朱古力雪糕~ …查看更多

去完馬灣1868諗住搵晚餐食，嗰邊啲食肆似係輕食同埋好多人，最後返嚟沙灘呢邊食飯，揀咗呢間西餐廳，裝修係度假風幾chill~🔘Mixed Mushroom Salad好少見到沙律會加蘑菇，凍蘑菇好爽口，加埋蕃茄乾，配搭油醋醬汁，好清新嘅前菜~🔘Baby Pork Ribs用濃郁嘅燒烤醬醃製，又甜又辣夠晒入味，肉質軟嫩，輕易離骨，幾肥美多肉，配菜係偏粗身嘅薯條，仲有三款醬汁，總有一款啱口味~🔘Seafood Risotto傳統嘅意大利飯，帶有咬勁，要讚吓個醬汁，質地濃稠，仲好香蝦嘅鮮味，飯裏面加咗魷魚粒，口感豐富~🔘Pineapple Lemonade🔘Fruit Punch呢晚坐近窗位置，對住青馬大橋，望出去幾靚，唔少得要叫返杯Mocktail慢慢飲，如果天氣涼返啲，坐Outdoor枱應該仲正~ …查看更多

極近朗屏站嘅一間酒吧餐廳，一出地鐵站喺天橋度仲睇到個靚日落，餐廳有個輕鬆愉快嘅氣氛，斜陽照射落嚟幾chill，適合聚會飲嘢~叫咗Set Menu for 2 ($698)，竟然可以揀三個主菜，食完都幾飽，大滿足~🔘Stuffed Chicken Wings釀雞翼飽滿多餡料，外皮香脆，點埋佢個秘製醬汁更惹味~🔘Ceaser Salad沙律菜新鮮爽脆，食到芝士嘅鹹香同香脆嘅麵包粒粒~🔘Chicken Yuzu Carbonara賣相吸引，加咗勁多parmesan cheese，醬汁creamy偏濃厚，整爆隻溫泉蛋，意粉撈勻啲蛋黃一齊食非常正~ 🔘Lamb Shank羊膝大隻，肉質軟嫩有肉汁，輕易同骨分離，冇咩羊羶味，肥瘦適中，啖啖肉~🔘Truffle Mushroom Risotto飯嘅口感煙靭有咬勁，醬汁充滿松露菇菌味~🔘Tiramisu自家製甜品，有兩層手指餅，濕潤度剛好，酒同咖啡味都平衡得唔錯~平日星期二、星期三都分別有steak同wine嘅promotion，幾抵~…查看更多

呢間Cafe好有空間感，多綠色植物，俾人感覺好舒服，嚟到先知佢同悅和醬園做緊Crossover，作為荃灣街坊梗係有聽過悅和醬園，係僅有嘅香港品牌，門市喺荃灣街市街，佢哋嘅醬料都好出名~🔘悦和米酒糟漬車厘茄配蕃茄果凍有層次感嘅果凍杯，米酒糟加車厘茄呢個配搭幾特別，充滿酒香，蕃茄果凍好好味，酸甜開胃~🔘自家製炸雞可樂餅配悦和極品甜醋香脆可樂餅嘅外層，包裹住雞肉，甜醋醬相當有存在感，好加分~🔘悦和潮式辣椒油炒煙鴨胸貓耳朵粉估唔到用辣椒油炒貓耳朵粉咁好食，個粉煙靭有咬口，又麻又辣好惹味，仲好香蒜味，鴨胸肉質柔軟~🔘烤悦和混醬日本豚飯.蒜香醋紅椰菜.泰露筍顏色鮮艷，五花肉肥瘦適中，日本米飯先係呢個菜嘅重點，口感飽滿彈牙有黏性，撈埋悦和混醬同半熟蛋就更加正~🔘盤鹽梅子咖啡漸變色好靚呀，一開始七喜同梅味會出啲，飲到尾會慢慢飲到咖啡同鹽味，味道層次豐富~🔘Guava Oasis最鍾意飲芭樂汁，清甜解膩~🔘開心果意大利芝士蛋糕杯個cream嘅質地比較輕盈，食晒成杯都唔會覺得太邪惡，開心果味濃郁，中間嘅芝士蛋糕唔會太濕啱啱好~總結呢個Crossover做得幾出色，中西fusion菜，又好能夠突顯出中式醬料嘅特點!!臨走見到有個corner display咗好多悅和醬料，俾枝芫荽豉油吸引咗眼球，仲要係香港製造，搵日去買先~…查看更多

又係打風嘅日子，去咗食泰式火鍋放題，叫咗Set B，$288/位/120分鐘，如果揀食90分鐘價錢仲會平啲 ($248)~湯底揀咗椰汁雞湯同芫荽皮蛋湯，自己比較鍾意椰汁雞湯，酸辣味帶有椰奶香，溫和醇厚，同肉類夾啲，烚菜就用返清清地嘅芫荽皮蛋湯~一開始會上個雞煲，一個餸咁上，唔使阻住打邊爐嘅時間，雞件幾肥美同入味~肉類最鍾意牛板腱，肉質柔軟又有牛味，鍾意食肥少少就叫卡樂Beef同M7牛胸腹，另外西班牙豬梅片都幾好食，唔會太肥~蔬菜同丸類就要出去攞，款式都足夠，啲菜仲會refill一啲新款~唔少泰式小食/炸物/熟食供應，好似泰式鳳爪、粉絲沙律、炸蝦片、地瓜丸、春卷、豬手、豬頸肉、豬牛羊串燒等等……數唔晒呀……最後食埋泰式甜品椰汁糕同斑斕千層糕，好香椰汁味同埋煙煙韌韌嘅口感，呢兩款都啱我口味，仲有多款韓式雪條，如果食台式火鍋食到悶，不妨嚟試吓泰式火鍋~…查看更多

打風嘅夜晚，慢慢食埋晚餐返到屋企先掛8號風球，裝修幾型格，個環境令人幾relax，都適合飲嘢，主打印度/英國菜~🔘Prawn Pakora Basket炸蝦香脆，加檸檬汁同點埋佢個特調醬汁，辣辣地又充滿印度風情，另外嘅炸物完全係芋蝦嘅變奏版，薯仔同洋蔥切絲，然後炸到一個波咁，又幾好食喎~🔘Masala Garden Salad加入多種新鮮蔬果同堅果，顏色鮮艷，好refreshing同開胃~🔘Lamb Shank Rogan Josh🔘Garlic Coriander Naan慢燉羊腿肉，肉質軟腍，可以輕易切開食用，醬汁係紅咖喱，口味濃郁，加入多種印度香料，味道好豐富，印度烤餅有蒜蓉味，煙韌香口，餅底仲有少少脆，點醬一齊食非常正~🔘Sticky Toffee Pudding店員會即場淋上拖肥醬，個醬汁簡直係靈魂，配搭雲呢拿雪糕同朱古力布甸，整體好夾好好味，甜品有驚喜~🔘Mango Lassi🔘Strawberry Lassi食印度菜成日會飲嘅Lassi，其實即係Yogurt Drink，口感濃稠順滑，兩個口味都幾好飲~…查看更多

第二次到訪嘅日本料理，餐廳座位唔多，印象中刺身好高質，所以回訪，呢日有人book咗VIP房慶祝生日，成間餐廳有好歡欣同熱鬧嘅氣氛~🔘廚師發辦刺身 （池魚/油甘魚腩/鯖魚/帆立貝/日本生蠔)席間有個客問師傅點解啲刺身咁好食，師傅答佢話新鮮就自然好食，的確冇講錯，食得出款款都高質，最鍾意池魚，晶瑩剔透肉質細緻，油甘魚腩厚切，好肥美，油脂豐富，生蠔肉厚，柱頭位好鮮甜，鯖魚炙燒過，好少食到鯖魚咁有油脂感，正~🔘串燒 (秋葵/雞頸肉/雞腳筋/牛舌/豬腩肉/雞子)最好食係牛舌，口感柔軟帶少少脂肪，鍾意食軟骨嘅人要試吓雞腳筋，比雞軟骨更加有咬口，最特別當然係雞子，店員推介話今日有新鮮雞子先食，我都係膽粗粗試吓，口感綿密，有佢獨特嘅味道~🔘炸墨魚餅估唔到食日本菜會食到咁好味嘅墨魚餅，墨魚味香濃，食到墨魚粒粒，非常彈牙~🔘苦瓜炒豚肉苦瓜甘甜，豬肉隱藏咗喺炒蛋裏面，感覺好家常菜，清爽唔油膩~🔘沃川黑醬油拉麵湯底超級香，兩大片五花肉，肥瘦均勻~…查看更多

餐廳做緊夏夜煙火主題，只要點選「夏夜煙火物語」主題食品，影相並上載至社交平台，即可獲得花火貼紙包或金魚風鈴，另送免費甜品，個金魚風鈴幾靚架~ 🔘夕暮夜煙燻牛舌蛋包飯 鍾意食呢間嘅蛋包飯，雞蛋相當嫩滑，煙燻過嘅牛舌有獨特嘅鹹香味，口感出奇地柔軟，好食~🔘喫茶夏祭屋台小吃盛 好豐盛嘅小食拼盤，最鍾意小蕃茄，用青梅汁醃製，酸甜開胃，炸物又點少得炸雞，加上芝士粉更惹味，仲有粟米、香腸同章魚燒，呢幾樣都發揮正常~🔘旨醤油大蝦胡麻風冷麺 有雞肉、青瓜、雞蛋、紅蘿蔔…仲有最重要嘅韓式醬油蝦，醃製得非常入味，配搭芝麻醬同爽滑冷麵，好清爽~🔘夏夜花火白桃刨冰 賣相精美，香甜白桃整齊排列，白桃醬汁都有果肉，另付一小杯醬汁，質地係一粒粒嘅冰感，食完透心涼~🔘Latte🔘和香芋泥米麻薯牛乳茶好鍾意佢麻糬嘅口感，軟糯唔黐牙，用飲管可以輕易吸到，香芋泥唔會過甜，飲完好飽肚，好似食咗一碗甜品咁~ …查看更多

酒樓位置近悅來坊，街坊生意多，海鮮二人餐幾抵食，$688/2位，呢個價錢食到咁多海鮮，性價比唔錯~🔘燒鵝拼叉燒皇燒鵝有驚喜，外皮香脆帶少少肥膏，最緊要鵝肉一啲都唔柴仲幾嫩，叉燒斬得大嚿，半肥瘦，如果多啲燶邊會更香口~🔘上湯焗波士頓龍蝦伊麵原隻波士頓龍蝦，肉質彈牙鮮甜，最好係全部肉都好容易拎到出嚟，食得好方便，伊麵底好香牛油味~ 🔘古法蒸龍躉斑件龍躉均勻切片，上面鋪上一層肉絲、香蔥同木耳，魚肉鮮甜結實，啖啖肉無骨~🔘果皮蒸南非鮮鮑魚鮑魚大隻厚身，口感爽彈又鮮甜，食到陳皮嘅清香，好食~🔘薑汁炒菜心爽脆嘅菜心，炒得唔油膩，都幾大碟~🔘桂花糕淡淡桂花香味，唔太甜~ …查看更多

位於中環嘅中菜館，粵菜、川菜、fusion菜同海鮮咩都有，餐廳前身喺中環三小漁，裝修明亮簡約，坐得舒服，有個侍應姐姐非常talkative，好主動為我哋介紹菜式~ 👍🔘頭盤（黑磚豆腐/煙燻糖心蛋/蝴蝶蜆皇)豆腐外脆內軟，非常嫩滑，侍應姐姐重點介紹嘅蝴蝶蜆皇，係季節性菜式，有緣遇上先有得食，用日本酒同西柚調味，清爽鮮甜~🔘野生菌鵝掌煲呢款野生菌有種特別嘅菇菌香味，鵝掌煮到腍晒好有肉食，感覺食咗好多骨膠原~🔘沸騰魚上菜嘅時候仲有少少沸騰，加入大量青花椒同干辣椒，味道係辣加少少麻，唔食得辣嘅我都接受到，油而不腻，魚肉切薄片份量多，肉質滑嫩帶爽脆~🔘鮮沙薑油泡蟶子沙薑雞食得多，沙薑蟶子真係第一次食到，薑蔥油好香，帶出蟶子鮮味，蟶子肉厚又鮮甜，食得出好新鮮~🔘椰香麻薯奶酪賣相精緻，麻糬口感軟糯充滿椰奶香，淋上芒果汁，加埋幾款不同脆片，甜品有新意得嚟又好食~整體味道好有驚喜，菜式新穎又好味，難怪平日夜晚都多人幫襯~…查看更多

平日夜晚都多人幫襯，好彩早少少到，如果唔係就要等位，叫咗二人套餐B，幾豐富，仲要唔使加一，抵食~🔘沙茶牛肉鍋有牛板腱、牛丸、鵪鶉蛋、蛋餃、金菇、甜不辣同蚱巢豆腐等等…鍾意佢多蔬菜，湯底本身都好夠味~🔘滷肉飯肥瘦相間嘅五花肉，唔會切得太碎，個汁撈飯一流~🔘蔥油拌麵拌麵醬汁可以揀蔥油或者麻辣口味，加咗滷肉汁、酸菜同蔥花，麵嘅質感係煙靭有咬口~🔘士林鹽酥雞炸得香脆， size剛好可以一口一件~🔘古早烤台灣香腸肥瘦適中，唔會好肥膩，重口味啲可以加埋生蒜一齊食~🔘大甲芋頭芋圓鮮奶🔘台灣奶茶食台灣菜點少得台灣飲品，兩杯都叫咗少甜，味道偏清淡少少~…查看更多

呢日朋友帶我去海港城食韓式燒肉，食物質素好好，仲要環境同服務都幾好，滿意嘅一餐~🔘日本產和牛肩肉盛肉質柔軟適中，帶有濃郁油花同肉香，每款口感有少少唔同，但整體都高質，簡單點海鹽食已經好正~🔘燒鵝肝多士用上匈牙利鵝肝，連埋錫紙兜燒一陣就食得，口感綿密，濃郁脂香~🔘蔥燒厚切牛舌全晚最愛，驚自己燒會跌晒啲蔥，店員都好樂意幫手燒，厚切牛舌燒完仲好有肉汁，同青蔥好夾，肉質爽口清脆，帶少少油脂~ 🔘醬油蝦大隻入味，鹹中帶甜，食到有蝦膏，口感Q彈，風味濃郁~🔘嚴選牛骨髓石頭鍋飯首先會擺得靚靚拎過嚟俾你影相，之後店員會幫手將牛骨髓嘅精華撈落個飯度，油脂令到個飯好香，可能個鍋夠熱，比平時食到更多鍋巴，正~🔘韓式泡菜煎餅煎得夠薄夠香脆，點埋辣醬食更好味~🔘西柚乳酸梳打🔘荔枝梳打…查看更多

「魅KTV」係內地連鎖唱K品牌，喺國內有多間分店，唔講唔知原來喺蘭桂坊都開咗香港首間分店，地理位置好方便，飲完嘢過嚟唱K啱晒~裝修新淨cyber feel，間房乾淨，細房都有兩個螢幕，仲有個小舞台~間房冇任何控制器或者平板電腦，全部都係智能化，scan螢幕上個QR code，調教音響、燈光、冷氣同點餐等等都可以用個app處理~ 新舊歌手嘅歌都有，仲有啲內地音樂比賽翻唱嘅歌都有得唱，但呢晚係懷舊之夜，唱咗超多容祖兒嘅舊歌，有啲舊歌嘅MV係韓劇片段，有啲搞笑，音響同支mic都幾好，仲有得玩AI評分，即刻唱得認真啲先😅價錢喺呢區算合理，$268/位唱三個鐘包一杯飲品，因為口痕，另外再叫咗少少串燒嚟食~…查看更多