29
🔘悦和米酒糟漬車厘茄配蕃茄果凍
有層次感嘅果凍杯，米酒糟加車厘茄呢個配搭幾特別，充滿酒香，蕃茄果凍好好味，酸甜開胃~
🔘自家製炸雞可樂餅配悦和極品甜醋
香脆可樂餅嘅外層，包裹住雞肉，甜醋醬相當有存在感，好加分~
🔘悦和潮式辣椒油炒煙鴨胸貓耳朵粉
估唔到用辣椒油炒貓耳朵粉咁好食，個粉煙靭有咬口，又麻又辣好惹味，仲好香蒜味，鴨胸肉質柔軟~
🔘烤悦和混醬日本豚飯.蒜香醋紅椰菜.泰露筍
顏色鮮艷，五花肉肥瘦適中，日本米飯先係呢個菜嘅重點，口感飽滿彈牙有黏性，撈埋悦和混醬同半熟蛋就更加正~
🔘盤鹽梅子咖啡
漸變色好靚呀，一開始七喜同梅味會出啲，飲到尾會慢慢飲到咖啡同鹽味，味道層次豐富~
🔘Guava Oasis
最鍾意飲芭樂汁，清甜解膩~
🔘開心果意大利芝士蛋糕杯
個cream嘅質地比較輕盈，食晒成杯都唔會覺得太邪惡，開心果味濃郁，中間嘅芝士蛋糕唔會太濕啱啱好~
總結呢個Crossover做得幾出色，中西fusion菜，又好能夠突顯出中式醬料嘅特點!!
臨走見到有個corner display咗好多悅和醬料
，俾枝芫荽豉油吸引咗眼球，仲要係香港製造，搵日去買先~
