karenren135的个人专页

U IZAKAYA 位於Zing! 10樓主打西日摩登居酒屋設有戶外露天座位。室內係西日式居酒屋設計，chill得黎亦十分有情調。前菜 ($38)鯷魚醬用沙甸魚同多春魚混製成，配埋青瓜沙葛等蔬菜，咸香惹味，十分開胃。活生蠔刺身 (各$78)試咗兩款生蠔，加拿大Castillo 比較飽滿，食落啖啖肉同有清爽海水味。西班牙銀堡則偏creamy 爽口，兩款我都中意。黑松露帶子手卷 ($20)、蟹籽沙律手卷($16)、蔥油甘魚蓉手卷($20)、三文魚手卷($16)四款手卷都好新鮮，帶子鮮甜，松露味好香；三文魚好厚切，入口肥美。油甘魚蓉肉質鮮嫩，油脂豐富。配埋爽脆海苔一啖擺落口勁滿足。日本海膽味噌甲羅燒 ($328)蟹膏味道濃郁，三文魚籽新鮮鹹香，再加上鮮甜滑嫩既海膽，鋪滿係法包上面一齊食，簡直一流。蒜蓉牛油燒生蠔($18)除咗生蠔，熟蠔同樣出色。蠔肉鮮甜多汁，配上燒過既蒜蓉牛油，油香十足，非常惹味。蜜糖芥辣牛橫隔肌 ($30)、新彊風羊西冷 ($30)、雞骨豚肉腸($10)、燒牛柳 ($10)、雞頸肉 ($20)叫咗幾款串燒，全部都燒得唔錯。最中意係牛橫隔肌，燒得岩岩好，牛味濃，仲保持倒肉質的鮮嫩，配埋蜜糖芥辣汁香甜可口。另外第一次食雞頸肉，咬落係彈牙有咬口，而非好似軟骨咁。BackPink ($88)整杯cocktail都係粉紅色，由Vodka做基調，加上荔枝糖漿、青檸汁、紅梅汁、乳酸同梳打混合，平衡返個酸甜度，飲落果味好豐富。Earth ($98)依杯則用上Vodka同Gin 做基調，配上菠蘿汁藍糖水，味道好fresh。…查看更多

餐廳以森林系為主題，用上大量原木同綠色植物，再放滿公仔同預擺設，令人有恍如綠洲嘅感覺，好有心思。另外亦供應蝶豆花水代替水，感覺健康又夢幻💙白酒忌廉煮藍青口 ($108)以前菜黎講都算大份，白酒忌廉口感奶香柔滑，唔會太杰，青口大大隻，鮮味厚肉，唔會有空殼。明太子蟹肉扁意粉 ($178)一上枱就見到勁大個蟹肉球，份量都幾嚇人。仲有巨量蟹籽同明太子醬，每一啖都掛滿咗配料，食落非常creamy豐富。餐廳都有提及，因為係傳統煮法，所以扁意粉係偏硬身，口感爽彈有嚼勁。煙三文魚流心蛋大啡菇 ($108)煙三文魚偏熟，鋪滿喺大啡菇上面，中間仲有流心蛋，一切啲蛋汁即刻擁晒出嚟，食落非常有層次感。𝙲𝚘𝚖𝚎芒，占士 ($88)聽個名都覺得玩味十足，飲之前仲要同店員互動，跟住Steps慢慢將芒果汁倒入，變成一杯Fizz，非常適合打卡。飲落泡沫綿密，唔會太甜，除咗芒果味亦有好香奶味。🍹 …查看更多

 一路都有幫襯開肯尼海鮮訂生蠔，可以揀送貨 / 直接到店自取，葵興站行5分鐘就到，好方便。店內亦有好多貨品可以即場買，例如海膽、刺身、清酒等等。見臨近過年鋪頭推出左各款撈起 (有生有熟)，賣相好吸引，價錢亦十分相宜，即刻決定買黎試下。日本吉品鮑魚刺身撈起 (配日式胡麻醬)(6人份) 「撈」係廣東話有為生活而工作既意思；而「撈得起」寓意事業有成，發展如魚得水。 傳統食法係眾人一邊高舉筷子將食材同醬料撈起拌勻，一邊講吉利說話。 愈撈得高，寓意事業將愈撈愈旺，新一年愈加好運!鮑魚刺身撈起有以下食材:🔹鮑魚 (3隻)🔸挪威三文魚🔹日式蟹子🔸帶子🔹赤貝🔸開邊赤蝦🔹蛋絲🔸甘荀絲🔹青瓜絲🔸紫椰菜🔹萵荀絲🔸日本冷拉麵🔹日式胡麻醬每款刺身都非常新鮮，而且都十分厚切，三文魚肥美、帶子鮮甜嫩滑、赤蝦同赤貝亦十分新鮮爽口， 全部質素都好高。配埋各種蔬菜配料同冷麵，再加上香滑濃郁嘅胡麻醬，健康又滋味。日本北海道3.6牛乳麻糬 (紫薯味)手工紫薯麻糬好煙韌，配上芝士海鹽奶蓋醬，味道咸咸甜甜出奇地夾，一款甜品兩種味道。日本3.6冰糖雪燕奶凍一打開蓋就見倒幾乎滿瀉既冰糖雪燕，勁足料，食落一絲絲好綿好滑。奶凍同樣係用特濃3.6牛乳製成，入口軟滑，奶香十足又creamy，加埋雪燕一齊食又係另一種層次。…查看更多

早兩日行街發現銅鑼灣Time Square 後面有間意大利古堡風既 burger 餐廳，店內面積唔大，但裝修佈置好有特色，牆上掛滿油畫，有種歐洲古堡既神秘感。Burger 即點即做，可以選擇跟餐或者單點，想試多兩款仲可以揀 tasting size。餐廳除左burger，Gelato (意大利雪糕) 亦係佢哋嘅招牌，下次有機會都想再試吓。Cauldron Burger 古代漢堡  (Combo $139)頂層鋪滿阿根廷青汁，係餐廳既招牌漢堡。配料有熱熔芝士、蕃茄同生菜，牛肉非常厚身，咬落多汁香濃。配埋青醬一齊食，酸酸甜甜剛好可以解油膩，而且味道好夾，值得推介。👍🏻薯條亦炸得金黃香脆，一食就停唔倒口，好彩加 $15 就可以再追加。Wagyu Burger 和牛漢堡 (Original $119)同樣份量十足，牛肉換成和牛，除左一樣咁Juicy，仲多左層和牛嘅油香，味道較一般牛肉更濃郁。而麵包烤得外脆內鬆，一啲都唔乾。Blackcurrant Mango Drink (跟餐 +$35)跟餐飲品有mocktails、咖啡或其他特飲。黑加侖子味道較出，中和返芒果既甜度，口感清新，解膩一流。…查看更多

最中意港式邊爐，同撈同煲主打港式懷舊風，餐廳無論擺設同裝修都呈現出70、80年代既懷舊情懷。🔸花雕醉美人鍋見倒有醉雞湯底即刻忍唔住叫左，花雕酒味超香濃。醉雞係另上，等湯滾之後再落雞，咁樣可以保持雞既鮮嫩。店員叫我地先飲湯再食雞，湯同雞肉都好鮮甜好有酒香味，亦十分滋補。🔹本地手切牛(細)手切牛都幾高質，肉質鮮嫩，牛味香濃，雪花分布平均。🔸珊瑚蚌中意食珊瑚蚌，次次都係必點之選，今次亦好滿意，食落好鮮甜爽口。🔹鴛鴦滑有蟹子蝦滑同黑松露墨魚滑，蝦滑有原隻鮮蝦喺入邊，好足料。而墨魚滑既黑松露味好突出，但又唔會蓋過墨魚嘅鮮味，兩款食落好滑鮮味彈牙。🔸脆鯇骨腩超大份，仲件件都好厚肉，食落爽口鮮甜冇腥味。🔹甜品十分有驚喜，分別有啫喱同錦鯉糖不甩。啫喱配埋花奶同紙傘，好有童年回憶❤️🔸另外係即煮糖不甩，店員會先將錦鯉放入湯內煮熱，再撈埋黃糖粉、花生粒、芝麻。糯米軟儒，食落熱辣辣，香甜滋味。…查看更多

行開尖沙咀韓印紅發現原來開左間自家餐廳，入口係正門市隔離，環境乾淨闊落，大部分都係梳化位，坐落幾舒服。店員大部份都係韓國人，態度好NICE 好熱情，亦都有好多韓國客人幫襯。咁岩今晚有其他客人生日，店員出黎送上蛋糕同唱生日歌，仲有生日皇冠俾客人帶，非常有氣氛。食物好有水準而且好正宗，價錢亦合理，CP值超高。前菜每日有唔同款，今晚有白飯魚、泡菜、蟹柳青瓜沙律等等。蔬菜生拌牛拌飯 ($108)生牛肉肉質鮮嫩，配上新鮮蔬菜同者其他配菜，再撈埋韓式大醬，既保留了牛肉既原汁原味，又增添左豐富既口感同味道。柚子炸雞 (半份 $98)柚子醬味道清新酸甜，唔會太甜OR太酸，炸漿好薄而且一啲都唔油，炸得酥脆，咬落仲好嫩滑Juicy。海鮮火鍋 ($388)大大鍋海鮮好足料，有新鮮大蝦、蟹、鮑魚、魷魚、帶子等等，湯底仲用多一款韓國蟹去煮，非常濃郁鮮甜。店員仲會落手剪埋鮑魚同魷魚，等我哋方便食用，非常貼心。烤韓牛肉餅配飯 （$138）我都係第一次食韓式烤牛肉餅，入口同想像中既唔同，有少少似中式蒸肉餅，肉質軟糯。牛肉撈埋洋蔥同調味，肉味濃郁，食落香口入味，配埋飯一流。…查看更多

位於蘭桂坊既 Porterhouse 一向都好高水準，餐廳樓底高，環境舒適有情調，浪漫又幽靜，氣氛好好。店員殷勤友善，食物精緻又出色，CP值真係非常高。而家逢星期日同一晚只需$1880 就可享用三至四人餐，包括頭盤生蠔、龍蝦湯、上等腰肉牛扒同精選甜品，另外仲可以追加青口同小食。頭盤 - 是日精選生蠔唔算大隻，但非常新鮮，仲有淡淡海水味，食落偏爽口滑身，鮮甜多汁。龍蝦湯龍蝦肉同法式酸奶油會預先放係碟底，店員再係面前倒入熱湯，儀式感滿滿。龍蝦湯口感順滑、味道香濃充滿龍蝦鮮味。牛扒西班牙草飼乾式熟成牛有三款選擇，除左西班牙仲有澳洲純種和牛、美國無激素濕式熟成牛。T-Bone 意思一邊係西冷一邊係牛柳，而多於3隻手指厚既則稱為 Porter House。西冷取自牛既外脊，油脂分佈均勻，食落有嚼勁、肉味偏濃。牛柳係取自內側的肉，脂肪含量比較低，食落非常鮮嫩。1kg份量亦十分大，完全足夠4個人分享。甜品拼盤今晚有Lemon Meringue、Chocolate Tart同雪糕三文治。白酒香蒜羅勒汁煮紐西蘭青口 (+$298)青口細細隻，但肉質肥美，羅勒汁清爽咸香，如果白酒味道更出會更有層次感，另外用麵包蘸汁食都好正。卡律風味薯條 (+$58)薯條新鮮熱辣，食落好香脆 。忌廉菠菜 (+$58)忌廉汁鹹鹹香香好creamy，同菠菜好夾。厚切蜜汁煙肉 ($108)同平時食既質感唔同，煙肉十分厚身，肉味濃郁帶少少焦香，配上蜜汁鹹鹹甜甜特別有風味。…查看更多

餐廳主打浜燒水產，意思係唔會過度調味或者整太多花巧野，重點將海鮮保持原汁原味。店員會係餐廳中央位置即燒海鮮俾客人，一啲油煙味都無。前菜 - 緹魚醬+蔬菜棒 ($34)一坐低會先上前菜，緹魚醬係由多春魚同沙甸魚醬混合而成，味道咸香惹味，配蔬菜棒黎食十分開胃。浜燒盛合 ($698)店員會首先每款海鮮介紹下，冇問題就會另去中間張磯燒枱到燒。海鮮冇加任何花巧調味，反而更突出最原始的鮮味。燒赤蝦、白貝同貴妃蚌肉質鮮嫰，入口彈牙。西班牙蠔亦十分肥美鮮甜。日本文蛤 (兩隻 $196)文蛤蜆燒得火喉剛剛好，唔會乾哂水，厚肉飽滿，口感爽彈，鮮甜美味。鹽麴五花腩 (兩串 $58)五花腩肥而不膩，用鹽燒簡單帶出肉嘅味道。而且燒得香脆 juicy，好惹味。自家製免治雞蟹肉棒 (兩串 $116)一口咬落啖啖肉，免治雞肉被濃濃既蛋汁包住，口感十分有層次。鹽燒白鱔串燒 (兩串 $88)大大塊，肉厚肥美，亦好 juicy。鹽燒時令鮮魚 ($688)今晚係燒依佐木魚，魚皮燒得勁香脆，入邊既魚肉亦keep倒嫩滑多汁，油脂感唔錯，唔會好乾或者好鹹。另外，而家成為會員仲可以享有全單85折優惠同有4張 $50現金券。除左迎新優惠，更有積分兌換、生日同每月優惠，真係好抵!…查看更多

今日去天后搵我閨蜜食午飯 順便睇吓佢做嘢做成點 我哋就去咗佢介紹嘅大飯桶 聽到個名覺得好搞笑🥰 唔知份量係咪真係好大嘅呢！ 我見到佢哋有好多唔同類型嘅小食！我就叫咗一個肉鬆凍豆腐～ 真係超好食 估唔到原來肉鬆同豆腐都可以咁match haha 😂 另外一個就係酸辣雲耳可以令自己開胃少少🤏 雖然係小食，但係其實份量一啲都唔細 最鍾意食牛舌既我 當然點咗一份燒牛舌嘅套餐！我哋嘅份量都有啲發呆 因為真係太多飯，同埋太多肉啦 建議食得唔多個女仔可以同佢講少飯！！！ 佢哋嘅套餐都好豐富 會有啲小配菜 蓮藕真係好好食 好入味 仲可以拉絲 🥰🥰💓 佢哋嘅牛舌都係好厚 咬落去好Juicy 好好食～ 好重牛味💓 仲有好多翠玉瓜 佢哋嘅翠玉瓜都係烤過給剛剛好 配埋個牛告真係一流🤤 而我嘅閨蜜就點咗另外一個餐😏佢點咗一個沙嗲牛肉飯 份量佢都係超級多 佢哋嘅沙嗲調得好好食 😋 配埋佢哋嘅牛肉真係一流 最估唔到嘅係竟然下面仲有啲炸薯條 haha my favourite 人均$100 我餓住個肚去的 真係做到捧住個肚走😋😗😗…查看更多

平時都鍾意食烤魚但又懶得返大陸食，今次俾我搵倒間正宗四川風味嘅酸菜烤魚。🐠係尖沙咀，位置都算方便易搵。餐廳名符其實係小魚兒，由樓梯入口位至整個室內環境都圍繞住魚。店員服務態度亦好好，會主動走黎檢查食客有咩需要。古鎮水碼頭毛血旺 配江團魚 ($456)烤魚有9款口味，辣度同麻度都可以按自己喜好選擇，入門級有BB辣。我地今次揀左江團魚 ($348)再加毛血旺小麻小辣 (+$108)，江團魚肉質肥美，油份重，仲含豐富膠原蛋白。一上菜已經聞倒陣陣既香味，烤魚好大條，炸過後味道更加香口，魚肉非常多，好鮮甜嫩滑同肥美。鍋底亦非常惹味，味道夠濃郁黎而唔會蓋過魚既鮮味，小麻小辣亦岩晒我依啲想重啲味但又唔太食得辣既人。另外配料亦好豐富，毛血旺份量好多，鋪列滿一滿，完全蓋過晒底下啲本身既配料，食極都仲有咁。而烤魚本身既配料包括芽菜、粗薯粉、滑豆腐、金菇、青瓜、芫荽同紫洋蔥，吸晒啲汁，非常入味。 我最中意係佢個粗薯粉，十分煙靭彈牙。兩個人食唔洗加其他野食都已經飽左8成。蒜蓉燒生蠔 (3隻) ($88)蠔肉鮮甜多汁，咬落啖啖肉，配埋炒香咗既蒜蓉，非常美味。咸檸七 ($26)鹹檸配上七喜醃，經典組合，鹹鹹甜甜，解膩一流。草莓乳酸爆珠梳打 ($38)乳酸味道唔會過甜，帶有陣陣士多啤梨香，十分清新解辣。…查看更多

Happy Friday 同同事黎上戶酒場 chill 住 lunch，餐廳以木系為主，坐位寬敞舒適，係好傳統日式居酒屋的感覺。我地叫左兩個午市定食同串燒套餐。午餐有沙律、麵豉湯同小食 (餃子)，值得一讚既係個麵豉湯唔同平時是旦煮果啲，除左味道唔死咸，仲有好多配料，有蝦、蜆、豆腐粒同海帶。牛舌薄燒配三文魚炒飯 ($98）燒牛舌用鐵板上 ，每塊都鋪滿蒜粒同蔥花，個人建議唔好反啲牛舌直接食，咁樣個生熟程度就岩岩好。入口充滿濃郁既牛舌味同蒜蔥，好惹味。三文魚櫻花蝦炒飯乾身香口，粒粒分明，唔會食到食口油，好快食完一碗。上戶刺身盛配迷你烏冬 ($208)一上黎個靚靚擺盤已經好吸睛，刺身有油甘魚、三文魚、帶子、赤蝦同黑松露帆立貝，每款都肉質鮮嫩，鮮甜肥美。啤酒、自選串燒套餐 ($98)套餐可選四串串燒，款式多樣，例如雞頸肉、魷魚、雞翼黑豚肉腸、明太子蓮藕、油揚、鰻魚肝、雞腎、燒茄子田樂、同露筍等等。串燒燒得脆嫩香口，帶有焦香的味道，配啤酒一流。提提大家，餐廳而家仲做緊 Asahi 買一送一優惠($48)，唔想食串燒 / 一杯啤酒唔夠喉既可以無限追加，岩晒黎飲酒 Chill 返晚!❤️…查看更多

Amplifier 位置好好，從大圍港鐵站步行幾分鐘就到。餐廳屬復古工業風，坐位係卡位同梳化座位，夠闊落坐得好舒服。MPLIFIER SIGNATURE SET For Two ($988)Dinner Set 包括三款頭盤、湯、兩款主菜、甜品同飲品。Starter【精選新鮮生蠔4隻】🦪我地加咗$108要多4隻，total 8隻。生蠔肉質偏向爽滑，鮮甜多汁，有海水味得黎唔會太重，比較清新。【香煎鵝肝】(+$30)大推! 鵝肝大大件，煎得外脆內軟，油香十足。多士亦好脆，配埋少少蘋果醬酸一齊食，酸酸甜甜，同鵝肝勁夾之餘亦可以減低膩感，忍唔住食多幾啖。【慢煮西班牙八爪魚薯仔沙律】八爪魚大大粒厚肉又彈牙，配埋薯仔同沙律，都幾開胃唔錯。Soup【蟹肉龍蝦濃湯】味道好濃郁有龍蝦鮮味，入面有蟹肉，若果份量再多啲會更好。Main【帆立貝茄汁意大利麵】帆立貝鮮嫰，意粉口感爽彈有嚼勁，醬汁亦好creamy，鮮茄味濃郁，口感豐富。【威靈頓牛扒係重頭戲】厚切既威靈頓牛柳用上慢煮方法，非常入味唔會乾身。外層酥皮鬆脆有咬口，內層牛柳軟腍有肉汁。兩大件再配上焗蒜頭同豆苗等配菜，好滿足。Dessert 【Tiramisu】是日精選甜品係Tiramisu，面層既可可粉比例啱啱好，食落質感軟滑挺身，有咖啡香同奶油香得黎又唔會太甜。…查看更多

大圍美林邨早前重新裝修過，由以前既冬菇亭變左而家既粉紅色小屋。餐廳以粉紅主題佈置，充滿少女心，亦十分適合打卡。座位寬闊，全部都係卡位黎，舒適得黎亦有足夠私人空間。餐應除左定食，晚市仲有燒肉放題，我地今次試左<竹の放題>，食物款式非常多(70品)，仲要好高質，性價比一流。除咗<梅の放題>嘅食物之外，竹既肉類額外有澳洲和牛肩胛、赤身、安格斯胸腹同日本豚肉眼。澳洲和牛油脂分布平均，肉質鮮嫩。更冇日本和牛食落咁膩，反而牛味香濃，入口即溶。肉無醃，可以自己加鹽、七味粉等調味。但我偏愛原汁原味，直接燒，再沾少量醬汁吊味，更食得出牛肉既鮮味。而海鮮類有牛油帶子、味醂魚乾、鹽燒虎蝦、壺漬魷魚鬚頭等等，全部質素都唔錯。帶子好香牛油味，虎蝦爽口彈牙，魷魚鬚醃得好入味。熟食方面亦有好多選擇，炸物有多春魚、牡蠣、大蝦等等，炸粉唔會太多好香脆，食多兩件都唔會滯。壽喜燒係用日本 A4 和牛，牛肉味濃郁，口感嫩滑軟腍。配菜亦好足料，有冬菇、豆腐及娃娃菜等，吸埋香甜濃郁既湯底食落好鮮甜。驚唔夠飽仲有沙律、冷麵同紫菜飯。飲品櫃除左汽水仲有自家製飲品: 菊花普洱、鳳梨烏龍同洛神花，好健康解膩，加$20仲可以啤酒任飲。至於甜品亦有自家製布丁、啫喱同紫米露，要每樣都試晒既話真係要黎多兩次先得。…查看更多

Spiga位置好方便 ，地鐵站行幾分鐘就到。餐廳樓底好高，環境舒適有情調，浪漫又復古。枱與枱之間好寬敞，亦設有獨立包廂同戶外用餐區，私隱度好高。餐廳更是由米芝蓮星級主廚指導，菜色展現出最精緻同創意既風格。點餐後會送上餐前麵包，附有橄欖油同黑醋。麵包籃有多款麵包，包括黑麥包、酸種麵包。 Tartare di manzo Piemontese ($238)依個tartare同平時食既有啲唔一樣，牛肉非常嫩滑多汁，亦冇筋，入口即溶。配上辣肉醬同Mozella cheese，入口層次豐富惹味，令我一試愛上。Tagliere di affettati selezione "Coccia Sesto" ($238)來自拉齊奧地區既每週精選冷盤，有不同款式既風乾火腿同辣肉腸，搭配 Gnocco Fritto 油炸小面包、橄欖、日曬番茄乾、洋蔥醬。份量非常多，就算多人都好夠食。另外"Coccia Sesto"火腿製作非常講究，只採用豬後腿臀部最有肉既部分。意大利既風乾火腿顏色相對較為粉紅色，油花均勻，鹹香味較重，適合配酒享用。Merluzzo Nero ($238)烤黑鱈魚配檸檬「bagna càuda」醬、義大利捲豆、瑞士甜菜。鱈魚軟滑有肉汁，皮脆肉嫩，魚肉夠鮮有淡淡魚油香，配合檸檬醬更能提升鮮，非常有驚喜。Linguine “Mancini” ($298)細扁麵伴波士頓龍蝦、羅勒、檸檬。食落啖啖龍蝦肉，醬汁亦好creamy，扁麵亦十分爽彈有嚼勁，口感好豐富。Bumble Bee (Cocktail) ($128)造形適合打卡，味道酸酸甜甜，但又唔會太甜很有層次。…查看更多

第一次嘗試日本巴西 fusion 菜，比較少有，餐廳裝修好靚，帶有日本與巴西的獨特風情同浪漫既氣氛，個 vibe 好好。地方亦夠大，座位好舒適。油甘魚刺身、鹽糀虎乳汁 ($170)油甘魚鮮甜肥美，足足有8大片，配上亞馬遜鹽糀虎乳汁，食落酸酸甜甜好清新開胃。巴西炸木薯芝士粒配辣芒果醬 ($90)外層口感酥脆，內裡芝士煙韌有咬口。配上辛辣芒果醬，增添左層次感，可以感受到巴西既風情。當然唔點醬亦可以，更加食得出濃郁既芝士味道。手握壽司精選 ($130)今晚有吞拿魚山椒、帶子配海膽泡沫同煙燻鴨壽司，每款都精心製作，完完全全帶出日本巴西既fusion慨念。我特別喜歡帶子配海膽泡沫壽司，帶子同海膽泡沫既組合充滿住豐富同獨特既口感。炭燒肉眼扒 (300g) 配紫蘇青醬、烤蕃薯、木薯 ($340)牛扒份量比較大，叫左 medium rare，上菜真係岩岩好，唔會 overcook，底部亦傳來陣陣炭燒味。牛扒肉味比較重，肉質相對嫩滑結實，配合甜甜既烤薯，既飽肚又健康。非常值得 revisit 既餐廳，無論 weekend chill定閒日晚飯，都可以滿足倒。…查看更多