妹叮b的个人专页

路經天水圍西鐵站附近既呢個新屋苑，見到呢間寫住試業中既360餐廳，比佢門口餐牌中既溫泉蛋胡麻醬冷烏冬吸引左入去。入到去就梗係order呢個啦，餐飲order左水果茶，侍應話唔使加錢，咁我係睇到menu有寫，係學生優惠，學生order水果茶唔使加錢。自問冇做學生都n咁多年，不過，你話唔使加，我又冇必要同你爭論既。飲品送上枱，係飲緊既時候，侍應行來同我講，因為水果茶係凍飲，所以要加3蚊。雖然，佢冇乜禮貌，明明係自己對自家餐廳既收費唔清楚，誤導左顧客，都一句唔好意思都冇講，而且亦冇理我有咩回應，就自行拎左張單去改，不過，我覺得都尚係可接受既範圍，我忍。再過多陣，一位睇穿著應該係高級d既職員係應該廚房既位置出來，邊行邊講，唔好落(單)烏冬，之後就行來我張枱。咁我就問佢"咁之前落單嗰d呢?都係冇?"佢答我"係呀，烏冬未準備好，食第二樣啦"，又係一句唔好意思都冇，仲要我問佢先比個menu我。如果係落單時你同我講冇，我覺得ok，但係我落左單，仲要係一段時間後，你先同我講冇，連最基本既一句唔好意思都冇，我覺得呢個真係餐廳對員工既禮貌要求十分缺乏。而係我打緊呢個食評既時候，我見到隔離枱上左一碟溫泉蛋胡麻醬冷烏冬，時間同我改單既時間相差半個鐘左右。點解唔問下我會唔會等呢?…查看更多

今日試左yoho mall呢個新商場裡面既安南..由於唔係周末、周日，所以唔使等位就順利入座。呢個蟹肉粉絲不過不失，唔會炒得太濕/太乾，係略嫌冇乜蟹味同無乜解肉。呢個椰青煮蜆，店員話湯底係由雞煮既湯(唔係用來調味嗰d雞湯)加椰水煮成。飲落仲有大量黑胡椒，味道有d似冬陰公。1煲有6隻大蜆，隻隻都有碗咁大湯既份量大概分到4-5碗，算係好多。order呢個魚既時候，問過店員會唔會好多骨，誠實既店員話佢未食過，所以唔知..唔緊要，我地都係決定一試。到上菜既時候，第1個想法係..睇來頭先應該問辣唔辣好過問多唔多骨。因為同行友人不喜食辣，所以煲湯已經係我飲晒，如果呢個魚辣我就飽死都似。好彩呢個魚並唔辣，外皮炸得剛剛好，小小脆，唔會燶，d細骨唔算太多，大既骨就炸到脆脆地，可以食埋落肚。呢隻魚以前未食過，肉質頗鮮嫩…查看更多

同朋友一行5人去試試呢個都幾出名既雞煲，叫左個小辣既煲，不嗜辣既朋友都食到..ok~雞既份量都唔算好小，1人都有幾舊食..ok~食物、飲品既種類都算多..ok~最唔ok既就只有侍應既服務質素..話說呢個任食限時係2 hrs，侍應係20分鐘前就來last order同埋單，呢樣我係可以接受既，但我最接受唔到既係..限時到既時候，我地last order既食物先落煲無耐，唔通要我地生食！？好準時咁就已經開始有侍應用好負氣既語氣同我地講「時間夠了，要交枱」，咁我地都好有禮貌咁同佢講「哦..知道了，就走了」其實佢係邊行邊講，根本就無聽我地既回應..fine..過左都無10 mins，另1個應該係主任/經理級嗰d又來催，佢既態度比剛才既侍應更差，佢係話「你地唔可以再食了，夠鐘了」我想講..我知道限時係2 hrs..所以係早20 mins既時候你地來要我地埋單，我地都好合作咁埋左單，限時到你地要我地交枱亦係有道理，但態度需要咁差嗎！？而且你地有無諗下，你地來埋單既時候，我地係last order左食物，由食物拎到來，到落煲再到熟點都需要時間掛，難道你要我生食，咁如果食物未熟我食左，肚瀉係唔係你地負責！？仲有..如果係外面好多人等位，咁你要「嚴格」執行呢個時限，我都仲可以理解，但當我離開既時候，外面係1個人都無，你唔係等住張枱比下一輪客人，而且嗰時亦只係9:00唔夠，你唔係話比我聽你要趕收工下嘛~…查看更多

今日一丁友，返近地去左位於卓爾廣場既呢間百份百餐廳，新裝修後第一次來。下午茶時間，客人唔多，直接入座。order左個海南雞飯拼碗仔翅下午茶餐，呢個餐之前都有食過係ok既，估唔到第二次來食，已經令我萌生冇下次既念頭。首先。。侍應係完全冇知會過既情況下，轉左碗中湯比我，仲要係係放低既時候望都唔望我就講左句“碗仔翅賣晒，轉碗中湯比你“，亦冇理會過我同唔同意就走左去。跟着講下個“海南雞飯“。。應有既醬一滴都冇，根本係薑蔥雞飯。連埋凍飲，今餐係盛惠32大元。。食左一個迷你燒味飯。同样既價錢，我起可以食個雙拼啦。…查看更多

呢間組長日式放題，係正平時逛完mk搭車歸家既車站對面，一直都未去食過，今日終於去試佢一試!!由於有book位，加上過左暑假，又係平日既關係所以唔使等位，而且因為人流唔多既關係，所以亦無漏單既單題。佢係用1個menu list晒d野食，order紙就係寫食物既no. & 數量，食物種類唔多，1頁menu已經寫左3~4個類別。指定動作，先來左1 round剌身..再來sushi值得一讚既係..飯既份量唔會好多，想用飯質飽你咁。跟著來燒物..整體來講，我覺得燒物係做得比較差既1環，與其話係燒，更似係咁易用火興1興。環境方面，座位空間比較狹窄。服務方面都ok，侍應都好快清走枱上既吉碟。…查看更多

因為見到openrice有75折既優惠券就去試下呢間buffet..整體來講，將價就貨，算係不過不失既選擇~環境：地方唔算好大，1上完樓梯就係放食物既長枱，座位唔算多，1眼睇晒。座位係窗邊，可惜無景觀。服務：book左19:30既枱，馬上安排入座。中途雖然發生出錯單既誤會，但侍應都好有禮貌地道歉。食物：冷盤－凍蝦唔新鮮、長腳蟹只食到浸過糖水既甜味、生蠔新鮮但好細隻、三文魚刺身算係最好既1款冷盤熱葷－有換過款，但種類不多，焗蠔、焗扇貝都係細細粒，只食到配菜既味道。甜品－有朱古力噴泉，但我冇食到，仲有幾款既cake，但賣相唔吸引，所以都冇試到。甜品唯1係食左雪糕。湯－只有中、西湯各1款..中湯味道較好；西湯味道怪怪的。飲品－只有橙汁同咖啡。…查看更多

放假行經元朗，見到呢間前身係夢工房の七福神壽司和食屋既元朗茶記，前身食過，品質係OK的，諗住試試變身後既元朗茶記~只能說，食物種類係多元化，但每樣食物都未見出色~我同朋友係1900左右去食的，裡面只得小貓三、兩枱，而食到最尾，成間舖計埋我地都只係得2枱咁勇敢試食呢個放題~價錢唔算太貴..1900前入坐，$188假日要加$10，計埋加一都係二百蚊多DD~咩剌身都ORDER左D來試試，最特別係有泰式蝦剌身，最唔抵食係帶子剌身..唔係用平時食開既日式帶子，而係用急凍用來炒餸用既帶子-_-'壽司都ORDER左小小來試下，飯唔算太大舊~小菜試左個炒蜆..蜆既份量唔多，大量配菜堆砌上枱都算，最重要係蜆肉完全唔入味-_-'依家好多放題都會有埋火鍋，但從未試過食，因為平時為左值回票值，當然係會喪食剌身、壽司嗰D，但今次剌身只係ORDER左2 ROUND就覺得唔想再食~咁就試下個火鍋啦..本來想試個蕃茄粟米豬骨湯底既，但劃完之後話無，仲有好多款湯底都1早就刪除左，最後只能食最普遍既莞茜皮蛋湯底...火鍋配料就無乜特別，都係坊間有既野LOR..不過亦係好多食物都係1早就刪除左-_-'…查看更多

今日閒來無聊，難得近近地係元朗有間放題，就試下呢間朋友既朋友介紹，都算新既西日式餐廳－緣聚好彩有訂位，因為其實舖頭唔算大，更好彩既係今日並唔係假日，所以雖然晏就先訂位，但一樣ok~預早1日訂位會有九折，估唔到即日訂位都比個95折我地，雖然要收加一，但都叫做有d優惠丫我地本來book左7:30p.m.，但因為交通關係，我地去到都接近8:00p.m.好彩有打去叫佢地hold枱，事關去到都見到幾full下~1坐低就有個侍應好詳細咁話我地知枱號、用餐時間、last order時間、浪費食物會罰錢...等~整體來講每個侍應都尚算親切、有d笑容~除左拉麵、飯、要加錢既食物外，我地咩都試下咁~刺身－推介:甜蝦、鱆紅魚、雕魚..其他的:赤貝有小小腥、吞拿魚切到有d似吞拿魚碎、八爪魚咸左小小sushi－推介:北寄貝、帶子..其他的:牡丹蝦其實係天使蝦、海膽三文魚手卷..海膽&三文魚既份量真係好小炸物－每樣都係即炸..上到枱到仲係熱滕滕..仲好食覺得係海鮮卷甜品－木槺布丁好正，芒果布丁賣晒無得試><另外仲有幾款cheese cake，不過太飽了，下次再試整體來講，以呢個價錢食到1個質素算係中上既放題..就算唔係物超所價，都絕對值回票價^^…查看更多

雖然有訂位，不過都係要等左10多分鐘先可以入到去..1開lift門已經係大堂，地方相當狹窄，如果安排入座唔再快d既，真係會塞到搭lift上來既人出唔到lift~1坐低即刻order返轉剌身先..無耐就拎來~雖然任何1間放題都係唔使旨意寫既份量可以來得足，但呢盆剌身就太明顯唔係我地order嗰張lor~同我地落既order完全唔同..求其樣樣剌身都比少少你食住先咁啦~其實份量來唔足/同我地想要既唔同都已經唔係1個好大既問題..最大問題係我地前後入左單order剌身4、5次，但除左頭嗰round好快來之外~第2 round再來既時候起碼係半打鐘後既事..嗰碟既剌身份量少得誇張，仲要係凍都未解晒、出緊水~_~"之後又隔左20~25分鐘，寫都費事寫了，直頭同佢講order左剌身好耐都未來，跟著隔左5~10分鐘，終於來左我地last 1 round既剌身(其實係懶得再叫)天婦羅算係炸得不錯、清酒煮蜆無酒味，似係味增湯多d、d蜆肉亦細粒到唔使咬就吞左落肚，咩味都食唔出~最好味既要算係海膽三文魚手卷..海膽算新鮮、份量亦唔算少得過份~最後既甜品係紅豆雪糕..侍應哥哥話每日都只會入1隻味，冇得揀~總括而言..呢間青葉服務態度唔算差、環境亦唔算太逼、食物方面雖然同好味仲有1段距離，但亦唔可以用難食形容~不過如果要再去就興趣不大~…查看更多

呢間係屯門市廣場既爭鮮..開張既頭3日，做左個半價(碟碟$4)既推廣~都算幾成功既，因為路經此地，確係見到排到出商場外既誇張人龍~之前都有食過呢間既外帶同埋荃灣分店，我覺得係出奇地好的..不過呢間分店，去過既朋友都係1致劣評..今日等睇戲既時間，就抱著無希望就無失望既心態去試1試~呢間分店比起荃灣既大好多倍..不過亦因為咁..迴轉帶水蛇春咁長..d食物由師傅製作完再轉到過來，都已經唔新鮮了..1入座就見到擺左張mark低入座時間及remind幾時要離場既單比你..不過我地都無食足50 mins..so唔知係唔係1夠鐘就會趕人走~呢個係朋友食既吞拿魚sushi..賣相就好似唔錯~帶子sushi..尚算鮮甜，不過賣相就真係.....差d玻璃蝦sushi..有少少既甜味呢個蝦剌身，應該唔係甜蝦來，毫無甜味，係爽口的~_~"最後食左total 16碟..埋單連+1...$141...因為唔係好肚餓..所以勉強都可以話係飽既..另外1提既就係海膽sushi唔新鮮，1放入口就1陣腥味、壽司既賣相亦好差..芝士蟹柳sushi，真係芝士、蟹柳、飯係完全分開3 part野咁係隻碟度衛生亦頗差，見到1碟sushi既蓋邊痴住幾粒蟹子、服務可以話係0服務咁濟，除左帶位、食完數碟之外，完全無人會理你...迴轉帶上佈滿蓋都無人處理....另外食物轉來轉去都係嗰幾款、有款cake朋友除左剛坐低既時候見到有人食過，1值到走都等唔到再出嗰款cake…查看更多

今日既節目係去愉景新城既hello kitty展既，不過朋友未到齊，就去左地鐵站附近既呢間爭鮮試試..呢間野聽就聽得多..但食就真係第一次..估唔到咁平既sushi都有咁既質責，真係值得1讚再讚~星期日既晏就來講，唔使排好耐既隊都算好彩~限時入座計50mins..我地因為都要趕住走，所以無食夠50 mins..都唔sure係唔係夠鐘就會趕人走~呢個蝦sushi賣相很精美..拆開會發現係一個心型..真係好有心思..讚!$8食到海膽來講.呢個算係超水準之作..海膽唔份量唔算太少，最重要係新鮮..讚!張單會mark低入座時間，同remind需要離場既時間~最後2個人食左total 16碟野，計埋+1都只係$141...抵~仲有無影低到既1d剌身..$8既價錢可以食到剌身..真係抵到爛…查看更多

早前見到呢度既食評，見呢間既評語似乎OK，放假去開CITYWALK睇戲，咁就去試一試啦~試完之後又覺得..算係一間中上質素既放題喎~價錢－2100後入座平日$148，星期六、日都只係加$10，又唔使加一..價錢唔算貴環境－舖頭面積唔算大，枱與枱間既距離好窄，如果想坐得舒舒服服既，呢間確唔會係心水之選..順帶一提，去食之前最好預先BOOK位，因為嗰度都幾FULL，全院滿座，仲要係舖外多加左幾枱..當晚我地想BOOK 2100既都無，要到2130，仲要只係得返1張枱~服務－OK..限食1.5HRS，催交枱就預左架了，當晚見到侍應「催」附近人客交枱既時候都幾有禮貌，又唔該又唔好意思，而且有D笑容，比好多坊間既放題好好多食物－漏單情況唔算嚴重，只係白肉拖羅(剌身)同埋火炙芝士帶子壽司1直無來過、剌身份量同寫既份量多數都不符(不過呢個情況都預左，坊間好多放題都係咁)、剌身都幾新鮮，賣相亦唔錯，雖然人多，但睇得出師傅都幾有心思擺靚佢最後提一提今次試左以下食物:食物種類都算OK多牛油粟米－用鐵板慶住上枱，唔會搞到凍冰冰．．讚:)清酒煮蜆－完全無清酒味，有好多蔥+芝麻..本人不太喜好:(炸物－略嫌凍冰冰左D:(壽司－海膽:略嫌份量少得誇張左DD玻璃蝦:正海膽魷魚:都係略嫌海膽份量少得誇張剌身:師傅幾有心思，擺得幾精美..係白肉拖羅ORDER左幾ROUND都無出現過..整體來講OK..係赤貝唔新鮮同埋吞拿魚切到肥牛咁…查看更多

好耐前食過金太郎..不過係旺角食既..今次行完書展，灣仔d野又唔係好食又貴，咁就去左深水埗覓食~鋪頭內唔算多人，1去到就有位唔使等..食物都算來得快...總括來講食物新鮮、價錢算抵..值得一試再試:)…查看更多