元朗茶記@夢工房 (已結業)

放假行經元朗，見到呢間前身係夢工房の七福神壽司和食屋既元朗茶記，前身食過，品質係OK的，諗住試試變身後既元朗茶記~只能說，食物種類係多元化，但每樣食物都未見出色~

我同朋友係1900左右去食的，裡面只得小貓三、兩枱，而食到最尾，成間舖計埋我地都只係得2枱咁勇敢試食呢個放題~
價錢唔算太貴..1900前入坐，$188假日要加$10，計埋加一都係二百蚊多DD~

咩剌身都ORDER左D來試試，最特別係有泰式蝦剌身，最唔抵食係帶子剌身..唔係用平時食開既日式帶子，而係用急凍用來炒餸用既帶子-_-'

最有特色係有泰式蝦剌身

壽司都ORDER左小小來試下，飯唔算太大舊~

壽司飯唔會太過大舊，算OK

小菜試左個炒蜆..蜆既份量唔多，大量配菜堆砌上枱都算，最重要係蜆肉完全唔入味-_-'

蜆肉淡而無味

依家好多放題都會有埋火鍋，但從未試過食，因為平時為左值回票值，當然係會喪食剌身、壽司嗰D，但今次剌身只係ORDER左2 ROUND就覺得唔想再食~

咁就試下個火鍋啦..本來想試個蕃茄粟米豬骨湯底既，但劃完之後話無，仲有好多款湯底都1早就刪除左，最後只能食最普遍既莞茜皮蛋湯底...火鍋配料就無乜特別，都係坊間有既野LOR..不過亦係好多食物都係1早就刪除左-_-'