janet yss的個人專頁

想係小西灣搵間小食店買個下午茶都幾難下，最近發現富景商場開左間魚旦燒賣店，正！收工返梨肚仔餓 叫左一串燒賣同一份腸粉🍢小食店來講佢都算多選擇，魚蛋都有分普通魚蛋同陳皮魚蛋👍🏻👍🏻無諗過小店會提供自家製咖喱汁，有分三種辣度 唔辣、小辣、大辣。我揀咗唔辣都好惹味😋平時街邊食嗰啲都係得豉油辣油💛燒賣個口感煙煙韌韌，咬落有魚肉香味 ($10 6粒)🧡腸粉質地好滑，配埋老闆嘅咖喱醬好夾，作為小食份量剛好 ($10 3條)有機會下次再試下佢其他野食聽老闆講佢自己試左好多間食材 揀左最好食既賣比客人👍🏻…查看更多

上次飲左一次返尋味，放工去鰂魚涌食飯就同朋友一人梨一杯。今次叫左店員推介的伯爵朱古力堅果奶蓋茶同粉紅莓好堅果奶蓋茶。粉紅苺上次就試過，所以叫左比朋友飲。我今次就試新野伯爵朱古力堅果奶蓋茶上的朱古力奶蓋雖然唔算甜，但都好有朱古力味，而伯爵茶都唔錯，整體都ok。另一杯粉紅莓好堅果奶蓋茶，上次飲完好飲今次介紹比朋友飲。粉紅莓茶好清甜又香，加埋奶蓋，梗有口感，好好味，朋友都好鍾意。有機會既話，下次想再試其他。…查看更多

因為疫情關係都好內無岀街食，完全無發現係九龍灣竟然開左間前排好hit既堅果奶飲品店！中意試新野既我，當然要約埋同事lunch既時間買杯試下。我揀左杯烏龍堅果奶蓋，同事就揀左杯粉紅苺好堅果奶。杯烏龍茶味香，飲到有茶既苦澀味。茶同奶蓋係分2層，可以先試一啖用幾款堅果打岀梨既堅果奶蓋。個奶蓋有小小咸味，飲落有d nuts碎，有d咬口。烏龍茶既苦澀可以中和左奶蓋既膩。飲完都幾飽肚，可以當代餐飲。粉紅色既飲品同粉紅色既杯真係好襯。呢杯紅莓堅果奶好夏天好清新，酸酸地既苺味又帶小小堅果味。由於將堅果同苺打埋一齊整，口感會杰身d。九龍灣分店仲有外賣服務，返office既你地可以叫叫梨飲la…查看更多

難得可以同老公一齊平日放假，岀開銅鑼灣順手搵個地方可以坐耐d既餐廳食lunch。見到呢間餐廳係eatigo app book枱有折，又見高食評，無諗甘多就book左枱。甘岩撞到lunch hour，餐廳開始多人，好彩book左枱。去到餐廳門口show反個訂座code比職員睇就可以。餐廳環境都算吾錯，有d吊燈同植物，幾relax既感覺。因為lunch hour，所以佢有3款lunch set，每款lunch set都有6-7種main course可以揀。我揀左香辣三文魚意粉，老公就揀左芝士牛肉漢堡。我個set有跟餐湯/沙律。我地仲另叫左個黑松靈薯條，叫完先記得漢堡有配薯條。是日餐湯係波菜忌廉湯，個湯偏杰同清，吾係好重味，但飲到菜味。薯條都炸得乾身，配埋個黑松露mix沙律醬既醬，個醬都算重松露。梨到主菜，我個意粉有d fusion菜feel，有小小泰式炒肉碎既味，味道都吾錯，但有小小油。個漢堡幾好食，個牛肉吾乾，不過個包大過個肉好多，拎上手食有d吾方便，d野跌哂岀梨。個包入面有黑松露沙律醬，個醬同小食個醬係一樣。因為係lunch set 所以有包題飲，但最後因叫左好內都吾到我地無飲到就買單走左。可能因為樓面吾夠人，4個人要做哂帶位 落order 上菜 執枱 買單。每個process都要等好耐，呢個就有d減分。…查看更多

今年生日男朋友仔帶咗我去咗一間新酒店嘅餐廳食生日飯。間餐廳都幾難搵，因為酒店有分東翼同西翼，要首先搵到西翼嘅酒店大堂跟住搭lift上23樓。一出lift就係reception，職員好有禮貌咁問我地有關訂座資料同埋安排位置。我哋張枱就係日式吧枱前邊。呢度環境都幾清幽同汽油闊落，好適合鍾意清靜地食飯嘅人嚟，餐廳仲設有VIP房，啱晒多人食飯嘅朋友。呢度位於酒店頂樓可以睇到維港景色，仲有戶外場，啱晒鍾意飲酒約埋三五知己嚟傾計嘅朋友。坐低之後職員會先問我地飲啲乜嘢水，又有汽水礦泉水等等嘅選擇。喺倒水前職員會加兩片檸檬同埋薄荷葉係隻杯入面，令到杯水又唔同嘅香味。Menu方面有別於一般酒店餐廳嘅西餐，呢到主要係東南亞同亞洲嘢食，有中式、泰式、日式、越式、星加坡食品等等。Drink Menu都有好多選擇，以酒為主，酒嘅種類比較多，無酒精飲品就有果汁同埋mocktail。我哋叫咗一個椰子湯、牛肉鮮蝦米紙卷、炒蘿蔔糕同埋雜錦刺身拼盤。五星級餐廳酒店來講，價錢唔算貴，我哋兩個人食咗四樣嘢食同叫咗一杯嘢飲都係七百幾蚊，留意番匯豐信用卡係有折嫁。落完order職員會放低一碟炸蝦片，食落好脆，仲有小小辣味。等左一陣就有刺身食啦，一大盤有10個款，每款有2件。主要有唔同嘅魚類同埋貝類，仲有大大隻嘅牡丹蝦。啲刺身都好新鮮完全冇說未或者係魚腥味，可以品嚐都唔同魚嘅質感同原味道。食完刺身，職員就會開始上熱點。職員會按照你進食嘅速度而決定下一樣嘢食幾時開始烹調。跟住嚟嘅就係椰子湯，椰子湯同我想像嘅有D唔同。呢個椰子湯飲落有啲似冬陰公，辣辣地酸酸地，好開胃。跟住之後蘿蔔糕就送到。蘿蔔糕加左XO醬炒，仲加咗蛋同菜脯齊炒，菜脯啲鹹香味好香，辣辣地好好食。米紙卷好大條好足料，入邊包左啲牛肉、蝦同埋菜，點左啲酸味味嘅汁好夾好開胃。…查看更多

開心星期五 - 媽咪懶得煮飯，所以買咗唔同嘅外賣返嚟食。我都唔執輸，買咗個雞返嚟加餸。店面雖然唔係好大，冇堂食位置，但係都有好多選擇，有唔同款嘅雞 : 有海南雞、文昌雞、鹽水鴨等等。除咗呢啲平時餐廳都有得食嘅口味，佢仲有啲比較有特色嘅口味 : 霸王麻香口水雞、醉鄉花雕雞同藥膳雞。個人對呢重口味啲特色口味就冇乜興趣啦，最後我都係叫左口味清清地嘅文昌雞試下，半隻都係$88，唔算貴。隻文昌雞唔算好肥，皮薄有肉汁，啲肉食落去好滑好爽，應該係煮完有過冷河。本身隻雞都有少少鹹味，但都配有豉油、姜蓉同醋，可以迎合唔同口味嘅需要。我好欣賞佢個姜蓉，唔係好油但好重薑味。呢間鋪頭可以再試，有機會下次要試埋佢其他雞。…查看更多

之前搭巴士經過彌敦道有一棟全部都係餐廳既大廈，想試好耐。咁啱今日約咗朋友食飯就約咗佢去呢幢大廈搵食！係個lobby睇到樓高二十幾層既餐廳簡介，有好多餐廳真係揀到眼花撩亂。最後我哋揀咗呢間打邊爐，事關天氣開始轉涼，係打邊爐嘅好季節。一出lift餐廳門口有個好大嘅魚缸入邊有好多唔同嘅觀賞魚。餐廳面積雖然唔大，但目測都有十幾張枱，可以坐20-30人。坐低左之後職員會介紹湯底，湯底選擇都好多除咗有平常嗰啲湯底之外，仲有雞煲、辣煮海螺雞湯、花膠雞湯等等。我地先揀湯底之後再慢慢揀餸。因為我同朋友都keep fit中，所以揀咗個好清嘅豆腐清湯鍋。等左一陣湯底就到la，估唔到咁清嘅湯都有架都唔同嘅配料，好似大蔥、蕃茄、秀珍菇。個湯雖然好清但飲落好清甜，啱晒女士或者有小朋友嘅朋友。睇咗個Menu都好多款嘢食可以揀，有丸類、餃類、肉類、海鮮類、菜類等等。我同朋友得兩個人，食得唔多，更係揀啲特別啲嘅嘢食啦。我哋叫咗個廚師推介嘅爆芝響鈴，響鈴係即炸，嚟到嘅時候係熱辣辣，中間見到有芝士溶。水滾燙大約一兩秒就食得，口感好脆，入邊d芝士味有啲似車打芝士，好好食同響鈴好夾。打邊爐我最鍾意就係食啲手打嘅丸。佢呢度好多選擇，我哋就梗係叫一個乜都有嫁啦，一次過試哂吾同味。最好食係芝心牛丸，牛丸好爽口，一咬入邊有好多芝士爆出嚟。最特別嘅係黃金海膽黑墨丸同埋蟹粉墨魚丸，入邊真係包左啲海膽同埋蟹肉，估唔到海膽用來做熟食都幾好食。我同朋友本來都唔係好食牛，肥牛打邊爐就見得多啦，牛柳粒打邊爐真係第一次，我哋叫咗一份嚟試吓。因為牛柳粒比較厚，打邊爐有啲難掌握幾時食得，我哋試過幾次，大約煮6分鐘就剛剛好唔會太熟又唔會太生。食落比起一般肥牛牛味更重，中意食牛既朋友值得一試。我同朋友兩個食咗大約五樣嘢，埋單五百幾蚊，價錢都唔算平，但質素唔錯。…查看更多

今日同媽咪去開尖沙咀行街shopping，行到累累地就去左美麗華地庫間habitu坐下食下野，貪佢呢到夠靜。同媽咪都未食lunch，所以叫左好多野食。我地叫左一個粟米周打湯、茹pizza。睇menu見到有個意大利飯個名好特別-這是蔬菜不是飯，所以叫梨試下。媽咪仲叫左個 黑糖薑母咖啡。等左一陣個咖啡同湯就梨左，個咖啡飲落好似黑糖薑母奶，薑味好重👍🏻 個湯既賣相好靚，有d粟米粒同辣椒粉係上面。個 這是蔬菜不是飯 一放落梨好香黑松露味，d飯比正常既risotto細粒同碎。一食先知原來係椰菜花粒，論味道同risotto好似，仲做到芝士拉絲。…查看更多

又梨到Happy Friday食好野！今日去咗emax試一間新開未食過嘅日本餐廳，餐廳主打食丼飯。選擇吾多，有生嘅魚生丼，都有熟食嘅親子丼。呢區梨講食物價錢算貴，最平既丼都要$90另收加一，每個丼都有跟一個湯同小食，個有茶類飲品，有烏龍茶同綠茶揀，其他飲品就要加錢。我同同事分別叫咗海寶丼(並)同(上)，兩個嘅分別就係(上)丼多咗蟹肉。上菜都算快，等一陣就有得食。呢間餐廳啲飯食法幾特別，d飯本身無落壽司醋，分開上一碗唓喱醋比你伴飯食。個醋酸酸甜甜，同平時d壽司醋有d吾同。加左個唓喱醋之後都好夠味，可以吾洗加醬油。我個(並)丼上面有帆立貝裙邊、三文魚籽、章魚、蛤蜊、青瓜、不同嘅紅肉白肉魚生肉，全部都係切到一粒粒。小食方面，今日係醬燒茄子，上面有d木魚。同事個個(並)丼d餸大致一樣，係多左大半碗蟹肉絲。…查看更多

上個post講到要等朋友仔放工食飯，所以搵咗地方飲嘢。今個post就講返晚餐。我哋一行三人去咗佐敦一間日本餐廳食嘢，位置好近地鐵站。餐廳位於一樓，地下有個Staff幫手帶位。上到去都好full。餐廳已淺色木為裝修風格，有啲似傳統日本餐廳嘅感覺。我哋叫咗好多嘢食，有壽司、焗烏冬、燒飯團同埋啲小食，total 8樣野買單都係四百幾蚊，吾算貴。最值得推介嘅係芝士忌廉焗蠔，隻好大隻右手掌心咁大，燒完都仲好juice。焗蟹膏就冇乜特別，蟹膏份量唔算多，反而入邊加做蟹肉，仲配埋白飯同紫菜包住食。壽司都好新鮮，我哋叫咗三文魚同吞拿魚，油脂分布均勻，仲食唔到雪味。肉醬焗烏冬就麻麻哋啦，有啲似肉醬意粉變咗做烏冬底，但烏冬焗完之後太淋。燒飯團好香，外面搽咗啲醬油梨燒，飯團入邊加咗三文魚肉碎，如果可以燒到外脆內院就會更加好食。…查看更多

今日約咗幾個朋友去佐敦食飯，但有一個朋友未收工要加班，所以我同另一個朋友近近地就去左尖沙咀美麗華行街。行行吓有啲肚餓就走左上去搵小食充飢。之前有一間韓國甜品店開咗好耐都嘗試，一直冇機會今日機會嚟啦！間鋪頭喺美麗華最頂果層，唔難搵，扶手電梯一上就見到。全間鋪頭粉紅色，好少女味，啱哂鍾意打卡嘅女仔連同朋友食個hightea，又或者靜靜地坐喺度等人hea下都得。我同朋友本來想試士多啤梨乳酪帶已經賣晒，最後叫咗一個士多啤梨奶茶share一齊飲。杯嘢飲係即叫即整，職員整好會入樽，個樽好靚，好似一個玻璃個奶樽咁。個奶茶顏色係比平時既奶茶更淡既淺啡色，飲落好香紅茶味，但士多啤梨就唔係好出，奶茶味道偏甜。如果叫士多啤梨牛奶，仲會有啲新鮮士多啤梨粒粒添。鋪頭除咗有士多啤梨飲品賣之外，仲有好多細細件嘅蛋糕仔，下午茶你食幾件蛋糕仔加杯嘢飲就啱晒啦。…查看更多

琴晚同屋企人接男朋友收工，之後一齊去食野。夜媽媽吾知去邊到食好，駕車經開九龍城見到有間飲夜茶既餐廳好多人食，我地就決定揀佢。坐底見到個枱上面張紙寫住<新假期推介餐廳>，可能因為呢個原因所以甘夜都甘多人食。除左九龍城，上環都有分店。呢到落order好似酒樓甘，係點心紙上面畫所需數量，之後比職員落單。餐廳細細但都幾多野食，仲有分蒸點、炸點、即拉腸粉、煲仔蒸飯同甜品。價錢都吾算貴，$17-$30，茶介都係$4/位。可能因為即叫即蒸，所以都要等一陣先有後食。坐左一陣，點心開始送上枱。蒸飯d飯整到好似煲仔飯d飯甘，好乾身，粉粉分明。佢個黑松露水晶餃好香茹味，反而黑松露味吾係特別岀。鮮蝦莧菜餃值得一試，皮好薄但吾會爛。腸粉就皮太厚吾夠滑，吾似係即拉。瑤柱灌湯餃有驚喜，仲吾到真係有瑤柱，湯頭吾係味精湯，好清甜。鮑汁炆鳯爪個汁好濃，d花生雞腳吸哂d味，好入味。最後食埋個棗皇糕作結，呢個紅棗糕椰香味較重，岩哂中意食椰奶既朋友仔。…查看更多

香港人愈梨愈著重健康，市面上都因而愈梨愈多健康食品推岀。米水一向對腸胃健康都好有益，記得細個腸胃炎，咩都吾食得，媽咪都會煲米水/粥水比我飲。最近香港都有間開米水飲品既飲品店，聽講係一位營養師創業開既。今日同媽咪、婆婆行街經過就買左三杯梨試，我地叫左紫薯燕麥米水、柚薑米水同蘋果雪梨菊花茶。紫薯燕麥米水嗰杯顏色係淡紫色，飲落好重米味，婆婆好中意。柚薑米水好重薑味，辣辣地，吾係好甜。蘋果雪梨菊花茶個杯岩哂宜家呢d轉天氣甘乾既天氣飲，個底有d jelly，吾係好甜。除左有即叫即整既飲品，店舖仲有吾同既米水包同茶包，飲完岩飲可以買反屋企自己焗水飲。…查看更多

去完第一站群記食豬手麵，去得聯和墟梗係要去埋其他必食餐廳，其中一間係四眼仔腸粉，佢d腸粉魚蛋係必試。今日唔算多人，吾洗點排隊，可能過咗早餐時間，前面只係有幾個人排隊，好快就到我。呢度最低消費每人要買$7野，腸粉最少要買四條魚蛋最少要買$4。野食都順係平民價錢，腸粉$7四條，魚旦$4七粒。終於到我食啦腸粉都算滑，我最欣賞佢個魚蛋魚蛋係陳皮魚蛋，都好香陳皮味，質感都好爽口。食完兩間已經飽飽地，已經食唔落雞腿包同其他嘢啦，唯有下次再嚟過啦~…查看更多

聽講粉嶺聯和墟呢度有好多必食美食，今日渣車去粉嶺掃街。第一站去咗群記食豬手麵，佢個餐牌唔係好多選擇，同埋唔會知自己食咗幾多錢，因為個價錢係用中國傳統數字來寫，完全睇唔明。餐廳好友舊式風情，但夏天梨都幾熱，只有風扇。搵為方式都有啲似傳統酒樓架，自己行入嚟等位，有位就坐，坐低就叫嘢食。我哋樣樣都叫啲，當然唔少得呢度最出名嘅豬手。佢個豬手望落去冇乜顏色，但係處理得好乾淨，無豬味，鹹鹹地d肉又爽，又幾好食。我哋仲叫咗牛丸米同埋牛腩米。見到餐牌有個叫酥炸牛肉卷，未食過又叫梨試吓。牛丸同牛腩冇乜特別但係好食嘅，食粉麵呢度最正係佢啲辣椒醬，香得來唔係好辣仲好惹味。高牛肉丸就用腐皮包住啲鹹牛肉嚟炸。…查看更多