alexaegg的个人专页

本身我唔係特別鍾意食下午茶, 但係朋友係個超級fans, 就揀左呢間都幾特別既期間限定 -西班牙庭院下午茶~ 入到酒店大堂, 樓底好高好elegant, 即刻覺得好grand好靚~ 仲有個落地玻璃望住個海, 好適合休閒既weekend哈哈!提子Scone + 鬆餅🍇聽講食scone就可以判斷到一間餐廳既下午茶既質素, 試左提子Scone, 口感幾鬆軟又有提子乾增加左唔同口感, 如果可以再熱d就應該更好食~ 搽左butter但味道唔凸出~精選西班牙醃肉及芝士拼盤+西班牙蕃茄多士🥓🧀我不嬲係呢個platter既fans, 醃肉幾香之餘又唔會太鹹, 而且芝士好有奶香味, 係個好開始!比堅尼三明治🥪呢個三文治有D驚喜, 睇落無咩特別, 但鹹甜既口感幾豐富, 外皮煎脆左令到整體更香口~炸馬介休球+欖油蒜香蝦🍤呢兩款都做得相當惹味, 炸馬介休球外脆內香, 欖油蒜香蝦幾新鮮又開胃! 蕃茄凍湯杯🍅我地唔知咩黎, 一飲落去好酸! 之後先知係西班牙既特色, 但攪勻之後就甜甜酸酸咁, 可以解下油膩, 再繼續轉戰甜品 哈哈!西班牙油條配朱古力醬🍫呢個西班牙名甜品我諗大家都唔陌生, 擺左一段時間都依然好脆口, 呢個真係值得一讚!巴斯克芝士蛋糕🧀綿綿密密既口感, 加上唔太濃既芝士味, 雖然朋友覺得可以再濃香d, 但我覺得去到呢到已經好飽, 淡淡地反而仲好. 大家口味唔同haha~香橙米布甸🍊大家食既時候都食唔出係咩, 原來係用米造既甜品, 幾有趣可以一試! 🥢總結: 好耐無食港女下午茶既我, 今次覺得係絕對有驚喜同值得試試, 性價比幾高! …查看更多

假期既午餐總係諗唔到食咩, 所以就是但入左呢間韓國野啦. 記得幾年前食過其他分店既初雪炸雞, 印象好深刻 覺得好好味. 但係今次睇黎已經降低左好多水準…芝士炒年糕🧀黎到見到芝士好多, 係份量方面都幾大方. 但係食落去年糕已經腍哂, 無彈牙既口感, 而且年糕個醬汁都偏淡, 唔似係落左好多香料或者配料整成. 仲有雞蛋都比較唔新鮮, 魚糕就正常d. 人蔘雞湯🐔男朋友叫左呢個, 但係雞肉好散又無肉味, 唔似新鮮既雞… 個人蔘湯就還好, 有d配料, 都可以飲多幾啖. 最後佢食左一半都無就無食了. 🥢總結: 呢間野都幾肯定唔會再訪, 食物唔好味之餘又唔太新鮮. 性價比好低~ …查看更多

係黃埔搵野食真係成日心大心細, 好多有特色又好味既小店, 今日好掛住一年前食既米氣, 所以拉左男朋友再食! 假期既夜晚特別多人等, 等到20分鐘終於入得啦 ><! 每次睇到個menu都好開心, 因為好多選擇, 岩哂我呢d三心兩意既人lol. 松葉蟹薯仔沙律🥗好fresh好開胃, 亦都有一條條既松葉蟹肉, 幾足料~壽喜燒牛肉🍗呢個主菜第一次食, 真係推介!! 做到壽喜燒汁既甜甜口味, 仲有超多份量既牛肉, 菇 洋蔥同豆腐都係入哂味. 真係無得挑剔關東煮🍢係香港好少食到, 就叫左一個試下. 雖然味道不錯, 但係無其他菜式咁多元化, 大部份都係大根同魚肉類, 食到有d滯~蒜蔥燒牛肩肉卷🍖呢個都推介!好香既蒜蔥味, 配埋好厚嫩又重牛味既牛肩肉, 食完再想食, 差d食埋男朋友個份lol醬油蛋飯🍚大家好似大推呢個, 但我就覺得雞蛋幾香, 但其他無咩特別~可能我個人唔係好喜愛雞蛋蜜柑白玉🍊係jelly加白玉, 食飽後食呢個甜品幾清新, 唔會滯, 白玉又好煙韌, 係一個幸福既完結~haha🥢總結: 呢間高質既日本料理選擇多又好味, 下次經開呢頭都要再訪!好味!…查看更多

前幾日睇到個frd去食醬油蟹, 為左解個醬油蟹心癮, 男朋友就帶左我去食啦🥺平日既lunch time都幾多人, 我地去到已經無位要坐出面, 有d熱但係問每侍應可唔可以有位轉返入面. 佢話依家無呀, 我: 我知呀, 如果有. 佢應承左但後尾有既時候, 又比左其他人入去(雖然我地已經就食完)... 服務真係好一般般...醬油蟹🦀價錢係香港黎講都算幾平, 唔洗200有埋紫菜飯. 黎到既時候, 肉仲有d結冰未溶哂雪, 不過醃得夠味. 蟹膏雖然唔算多, 但都好香, 撈飯好好味呀! 撈撈下已經食哂個飯haha海鮮豆腐辣湯+星星炸雞🫕🍗男朋友就叫左個lunch set, 超大份足料. 海鮮豆腐辣湯好好味, 辣得黎又有海鮮既鮮味, 豆腐都吸哂鮮味. 星星炸雞就不錯啦, 無咩特別~🥢總結: 食物味道都唔錯, 性價比算高. 但服務態度同上菜速度就可以改善下. …查看更多

本來想book位但前兩日已經滿左, 當日假期我地就walk in, 去到2:30pm左右, 店員話要等到3:30pm左右. 不過由於我同個frd專程黎打卡, 所以等下都要既, 就留低左電話去附近一路飲咖啡一路等啦! 好彩3點未到已經有位, 可以入坐啦~ 裝修好精緻好法式, 由餐具都配合哂, 睇得出好用心, 是但影都好靚呀!牛油果 明太子 蝦肉 croffle🥑🍤🥐係香港真係好少見croffle, 難得呢到有就要試試佢! 一上菜時見到好足料, 配料舖滿哂croffle, 都好多蝦肉. 呢個配搭幾清新, 唔會好膩. 不過其實大半碟都係沙律, 要share食就唔係好夠飽啦 威士忌水牛城汁 單骨雞翼🍖個汁幾夠味, 不過唔係好食到有酒味. 炸得都幾脆既, 不過有dd硬, 唔知係咪再炸過呢(?) 利伸返, 唔係好識haha香印提子忌廉雪糕waffle🧇🍦超級推介!!我本身係好鍾意食呢d麵粉類既野, 呢個waffle整得好厚實好香脆, 熱辣辣夾埋提子+忌廉+雪糕, 係超match既配搭呀, 每一啖都好幸福hahaa 提子我就覺得唔係超甜, 唔係係咪忌廉同雪糕已經搶左個甜味. 不過佢既忌廉好輕盈, 雪糕都有好香vanilla味. 整體黎講都好高質!🥢總結: 估唔到呢間打卡餐廳既食物都好認真高質, 會為左個waffle再訪, 鍾意waffle既推介大家試試!!!…查看更多

男朋友同我都係燒肉怪, 勁鍾意食燒肉🥓! 最近好多自助燒肉店都不停咁開分店, 我地行街經過呢間就一於試下! 點知發現性價比都幾高, 有驚喜😆!唔知係咪weekend夜晚去既關係, 無其他時間咁多(抵d既)餐揀, 咁我地就食好d haha. 餐牌有兩個二人餐omakase, 我地揀左個貴少少既, 有埋和牛係入面 個餐包埋兩份主食+泡菜+飲品🥤. 減肥既可以好似我咁揀生菜包🥬哈哈. (仲叫cream soda都話自己減肥lol). 男朋友叫左花生味啤酒🍺, 唔太飲到花生味但幾香幾甘. 餐入面有幾種牛+雞+洋蔥調味🐮🐔🧅, 但我地最鍾意既係和牛同牛舌🐮. 和牛好嫩, 擺入口輕輕一咬已經咬開, 而且牛味好香, 以呢個價錢食到唔錯既和牛, 的確係幾抵! 另外牛舌好難整得好食, 呢到就燒完都有d咬口, 但又唔會太韌, 岩岩好! 推介大家試下佢既和牛!👍🏻總結: 如果想抵d食就平日去, weekend dinner雖然比較貴, 但和牛質素都唔錯, 性價比高! 可以一試!…查看更多

一家人聚餐想食下中菜, 就揀左係香港中心點既鼎泰豐啦. 環境幾舒服, 一家人坐圓台都幾闊落. 🐟醬汁黃花魚: 呢個睇落幾香口, 味道都唔錯🐔紹興酒醉雞: 醉雞照計黎講應該好正路, 調味都有酒味, 但肉質好奇怪 好鬆散, 好似完全唔新鮮咁. 🫛台式四季豆,四喜烤麩: 兩個菜式都唔錯, 調味夠. 🫓小籠包: 呢個招牌菜黎講都算表現正常, 皮既厚薄適中, 咬開有肉汁幾juicy,  但肉香味就無特別出. 🍖台式酸辣湯,油炸排骨: 正常表現, 就係個d食完一般既感覺, 你唔會話難食, 但都唔會令你想再食. 🍤雞絲蝦仁春卷: 呢個幾脆又無咩油, 入面既餡有唔同口感, 反而係咁多個菜式黎講幾特別. 總結🥢 環境舒服, 但食物味道平平, 如果普通一家人聚餐都可以試一兩次, 但再訪就未必了. …查看更多

食飽行旺角經過呢間糖水小店, 就即刻口痕想食甜野啦!決定買外賣返屋企食, 順便落一落格 (肥妹就係咁, 飽都要食lol) 拎到返屋企都仲係暖暖地既hehe🌑生磨香滑芝麻糊真係好耐無食過足料同認真製作既芝麻糊. 質地好杰撻撻, 一杯就知道好足料! 未食已經聞到淡淡既芝麻香, 食落口感好濃, 有細細粒既芝麻口感, 甜度岩岩好! 真係推介! 😋🫚🥚薑汁燉蛋養生之選haha. 平時食燉蛋都係覺得愈滑愈無渣就愈好, 但係今次呢個有少少粒粒既口感, 反而顛覆左我呢個印象! 薑味濃得黎唔會搶左蛋既香味. 下次都要叫返呢個食! 💛🥢總結: 呢間小店製作糖水真係好認真好足料, 絕對推介大家去食! 我都要再訪!!哈哈…查看更多

同一大班朋友最鍾意就係去大排檔食, 勁為食既我就可以樣樣都食D哈哈. 平日夜晚都唔算多人, walk-in等左15分鐘左右就有位啦~🍯蜜椒薯仔牛柳粒呢個應該係每一間香港大排檔既名菜lol! 蜜糖包著哂薯仔粒, 咬落好脆又好香, 而牛柳粒都好有黑椒味, 炒得都幾嫩, 真係好唔錯!🌽黃金椒鹽粟米之前都無食過, 呢道菜真係有驚喜!出面香噴噴又邪惡既咸蛋黃粒, 加埋粟米, 真係食唔停~ 推介大家👍🏻🍚豬油撈飯朋友們都叫左呢個復古飯, 都讚豬酒好香, 撈飯配小菜好味!🍖沙拉骨、小炒王沙拉骨正常發揮, 調味都幾夠. 小炒王就略嫌有d咸啦. 最後仲送左甜品紅豆沙, 一人一碗🥢總結: 一大班frd最岩黎食, 每人都係唔過$200, 呢個質素同環境係幾高性價比既!…查看更多

平日lunch hour咁岩黎到tst, 呢間係同事帶我黎食既, 意外發現呢間高質既韓國菜! 個位置偏入, 所以唔係人地帶我都未必發現到呢間野haha😆Lunch menu由傳統韓國菜, 去到韓式燒肉都有🥓, 都幾多選擇. 韓式小菜都醃得唔錯, 特別鍾意豆芽同菠菜. 我就叫左泡菜豬肉豆腐湯年糕鍋配飯, 就咁睇個名好豐富咁haha. 個豬五花肉黎到係一長條既🐷, 份量好足, 店員會幫手剪開 方便食. 個湯好好味 辣辣地好開胃🌶️, 豬肉係浸埋湯就入哂味. 年糕即使浸耐左, 我去到最後先食, 都無淋哂. 而個飯配埋紫菜, 再加泡菜豬肉就好夾, 一啖一啖食唔停哈哈. 🥢總結: 呢間唔係平既韓國菜, 質素都幾高 對得住佢既價錢. 如果下次有機會再黎試下佢既燒肉哈哈😝…查看更多

成大班frd係冬天, 總係好岩BBQ 今日就跟著班frd去到大埔, 個位係去大尾篤既半路, 係weekend可以超平泊車~ 我地都見到唔少人係踩單車黎食🚴🏻‍♀️weekend既價錢都好親民, $18x每人就可以任食呢個晚餐時段. 去到個場超大, 每張枱中間既空間都好闊落, 唔洗驚嘈到/整到大家. 仲有好多狗仔一齊🐶😍食物選擇都算唔錯, 有丸、腸、肉、菜、麵包+唔好既公仔麵🥩🥬🍞, 有個煲仔可以煮麵同菜. 肉類同丸類既調味都不錯, 係某d會咸左d. 我地幾鍾意佢有得煮麵, 冬天加埋配菜一齊食就好暖笠笠哈哈. 🥢總結: 如果有一大班frd想BBQ會再揀呢到, 時間充裕地方又大, 係無揸車既朋友黎會麻煩d~…查看更多

香港人不嬲都3分鐘熱度, 但鍾意食米線呢樣野都幾長久, 我自己都係哈哈. 呢間係男朋友係米線關注組見到有人推介, 經過就去試下佢!雞肉+豬紅+蜂巢豆腐+滷水蛋麻酸辣米線麻酸辣既湯底好足料, 食得出好香 落左好多料去煲. 酸菜帶出個酸味, 而唔係有D舖狂落醋去加酸. 而麻味都好夠, 食食下就有嘴唇痺痺地既feel哈哈👍🏻而配料都好多選擇, 如果食幾日都唔會重複lol. 🐔雞肉幾嫩, 豬紅唔腥, 蜂巢豆腐吸左個湯之後好麻, 超正! 🥚滷水蛋都醃得幾入味~🥢總結: 淨係個湯底已經好值得再黎, 配料都好多野揀, 推介!…查看更多

呢間餐廳好似法國入面既當地小餐館咁, 好有特色, 性價比非常高! 原意係同鍾意食法國菜既識食朋友慶祝生日, 佢提議左呢個餐廳, 我地大家都係第一次試, 點知非常有驚喜. 必須讚朋友好有眼光hahaWeekend brunch 有2 courses同3 courses既選擇, 兩個都係唔過$200, 非常親民! 我地都揀左3 courses, 食埋個甜品圓滿一下哈哈. 餐前包係做得唔錯, 好鬆軟, 個牛油好似係佢地自家製既, 都幾有誠意. 前菜: Bayonne Ham 火腿醃得好香, 唔會太咸. 加埋個甜生地既沙律同酸瓜, 咸+甜+酸, 但係每隻味都balance到 出奇地夾! 而且好fresh好開胃, 拎黎做first course真係好適合. 推介!Onion Soup 朋友飲既洋蔥湯, 用料好足而且焗到表層金黃色, 睇落好吸引主菜: Steak Frites 長條既steak黎講, 佢都整得幾嫩, 伴碟既菇好juicy! 薯條都係熱辣辣, 即炸好脆! 熱氣之鬼們應該好鍾意hahaSteak Tartare 朋友叫既, 試左少少都好新鮮, 份量幾大下, 佢最後差d食唔哂 哈哈~甜品: Tart of the Day - Lemon Tart 對我呢個鍾意食酸既人黎講都有d略嫌酸左d, 不過配埋則邊既cream食就可以中和下酸味Creme Brulee 呢個推介! 入面做得好滑 好濃蛋香, 份量岩岩好, 下次黎要叫返呢個先哈哈🥢總結: 呢個價錢+咁有誠意既質素令到呢間既性價比好高, 店員們都好nice好helpful, 係一間令人想再訪既法國小餐館! 推介! …查看更多

呢間餐廳好似法國入面既當地小餐館咁, 好有特色, 性價比非常高! 原意係同鍾意食法國菜既識食朋友慶祝生日, 佢提議左呢個餐廳, 我地大家都係第一次試, 點知非常有驚喜. 必須讚朋友好有眼光hahaWeekend brunch 有2 courses同3 courses既選擇, 兩個都係唔過$200, 非常親民! 我地都揀左3 courses, 食埋個甜品圓滿一下哈哈. 餐前包係做得唔錯, 好鬆軟, 個牛油好似係佢地自家製既, 都幾有誠意. 前菜: Bayonne Ham 火腿醃得好香, 唔會太咸. 加埋個甜生地既沙律同酸瓜, 咸+甜+酸, 但係每隻味都balance到 出奇地夾! 而且好fresh好開胃, 拎黎做first course真係好適合. 推介!Onion Soup 朋友飲既洋蔥湯, 用料好足而且焗到表層金黃色, 睇落好吸引主菜: Steak Frites 長條既steak黎講, 佢都整得幾嫩, 伴碟既菇好juicy! 薯條都係熱辣辣, 即炸好脆! 熱氣之鬼們應該好鍾意hahaSteak Tartare 朋友叫既, 試左少少都好新鮮, 份量幾大下, 佢最後差d食唔哂 哈哈~甜品: Tart of the Day - Lemon Tart 對我呢個鍾意食酸既人黎講都有d略嫌酸左d, 不過配埋則邊既cream食就可以中和下酸味Creme Brulee 呢個推介! 入面做得好滑 好濃蛋香, 份量岩岩好, 下次黎要叫返呢個先哈哈🥢總結: 呢個價錢+咁有誠意既質素令到呢間既性價比好高, 店員們都好nice好helpful, 係一間令人想再訪既法國小餐館! 推介! …查看更多

一直對車仔麵都無咩特別, 覺得好食極都係咁, 撈埋d餸一齊姐. 直至到有日search到附近野食, 入左去試之後, 顛覆左我對車仔麵既睇法...☄️好似好誇張咁🤣🤣weekend既中午去到仲有位, 唔洗等~間舖睇落細細間, 但入面都仲有d位, 坐得幾舒服 唔會好迫. 揀食咩既時候, 懶人既男朋友就揀何車10餸唔洗諗, 我就睇住佢有like既揀, 揀左燒牛舌芯🐮, 蘿蔔同豬頸肉🐷+粗麵微辣. 🐮牛舌芯有d咬口但又唔會好韌, 好香有牛味,  就算我擺耐左都仲keep到口感! 推介! 🐷豬頸肉燒得幾香. 蘿蔔真係...一d渣都無不得止, 仲要係食到中間都係甜既👍🏻👍🏻 呢個蘿蔔我真係可以次次都叫lol 睇得出老闆同廚師對每一樣配料都好有心機!! 同埋每樣餸好似五餅二魚咁, 食極都仲有haha, 真係超抵!!🥹繪之雞排🍖絕對係熱氣之鬼必食既lol🔥 個皮炸得好脆, 咬落去係脆身 一咬就分開, 唔係超硬個d. 同埋食家男朋友表示, 應該係落左牛油炸, 超香牛油味🧈 令到個雞排有雞肉juicy汁之餘, 仲有牛油香, 幾層口感🤤🥢總結: 我太遲遇到何車啦, 如果經過太子我只會食何車lol 推介牛舌芯🐮, 蘿蔔同繪之雞排🍖! 必試!!…查看更多