ytsousou的个人专页

睇餐牌除了壽司塔司外，其實對呢間餐廳嘅食物和甜品都不算太有興趣，都是見慣的食物配搭，不算很有創意。因為在附近食完飯想吃點甜品，看見他們的抹茶蛋糕和風造型簡約，姑且一試，堂座客滿，我是外賣自取。抹茶mouse 包着柚子mochi 、蛋糕和紅豆餡，這個設計算是有點特色，可惜用料、味道真是太令人失望👎🏻👎🏻首先，抹茶味像羽毛的輕，即是完全食唔到抹茶味，本身蛋糕外層嘅抹茶綠色就很淡，所以不知是否把抹茶粉mix了糖粉造成, 導致抹茶味極淡，而且極甜，這種甜味質素也很平庸，不像日本糖的柔和清甜。姑勿論是否這個原因造成，沒有抹茶味的抹茶蛋糕真是沒有意思，尤其如果你希望嚐到C字日式超市那些抹茶軟雪糕的濃厚抹茶味，真的不要在這裏奢望。抹茶mouse佔了整個蛋糕¾，沒有抹茶味的奶油就很掃興，想夾些蛋糕和mochi 中和不夠空氣感的油膩，蛋糕和mochi 又少得可憐，所以可以吃到的柚子味也很蜻蜓點水。結果，一個沒有抹茶味又甜到漏又冇味道層次的抹茶蛋糕，無法吃完丟了。$78/1件，（不是這裏餐牌寫的$72 ，已加價吧？！）外賣自取九折只限食品，甜品正價，這個價錢，這個質素，太高了吧。不是說不可以吃，如果是地鐵甜品店的價錢比較合理。結論：壽司塔司都沒有興趣吃。…查看更多

之前食過兩次稻成集團，都覺得麻麻，成日行K11Muse，見環境幾舒服，Menu又啱食，就再試下。 Sat無午市套餐，只好單叫。 酸菜魚賣相都算悅目，灑菊花片、紅酸薑片，點綴色彩，道理上不算太影響味道。 味道，唉，其實心裡覺得唔算好有菜式設計思維，湯有點魚腥，還可以接受，但不會想喝太多，最重要是沒有用香料熬湯，魚湯味道完全沒有層次。魚肉大片夠滑，魚頭魚尾炸過都有點腥。整體醋酸偏多，川辣偏少，愛呷醋的可能喜歡。 辣子雞是我最不喜歡的漿粉炸雞，正宗的都是淨雞肉炸，漿粉炸，辣椒味就無法入雞肉了，不過是在吃普通炸雞，而且辣椒一粒都唔辣，亦唔香，無花椒。 蟲草花炒翌翠苗最喜歡這個，一般清炒有青草味，但佢用唔知咩香油，蓋哂，熱辣辣上，炒得夠清爽。 一向唔覺得稻成好出色，但今次遇上不錯服務，挽回整體感覺。 這位原來是經理主管，上菜後會問，味道OK? 說是想幫廚師問下，又問坐得舒唔舒服，上菜倒茶都有禮貌。慨嘆現在餐廳有這種服務、侍應肯做嘢真的很少。當然可能係咁岩遇到呢位經理才有這個服務，第二日嚟唔敢包係唔係一樣😂…查看更多

食左2次。總結是: 戴著川菜面具的粵菜。第1次 : 美好回憶。其實是參考這裡食評的人叫菜的。好喜歡酸辣魚皮，好爽脆，酸度適中，不會太辣 。干燒肥腸，的確夠脆，不會羶，炸得夠乾身，現在肯同你炸到咁脆豬腸很少人做，也不算很辣，even食埋辣椒都，都不覺辣得辛苦，因為佢用左只香不辣的干椒。干煸四季豆，似乎無乜走油，不會太鹹，普通水準，當有碟菜食OK。整體上第一次感覺是滿足的，樣樣都好食，酸辣魚皮最令入回味，干燒肥腸都不錯。因為在食評見到照片都是計辣椒，就認住是間川菜館，我自己本身食得辣，雖然這裡不是辣得過癮那種，但有時少辣都滋味，所以2星期後再來。第1次 : 夫妻肺片，很爽口，我自己略嫌太薄片，太over，失口感，sauce不是不好吃，但感覺像是超市老x媽+自己磨蒜蓉薑蓉調出來，而且最大問題是好難handle咁大片，成日驚d汁整污糟衫，好就住食，同埋無鐵匙，要用中式湯瓷畢汁，好難畢，真係樣靚無用，無考慮到食時唔方便問題。食川菜必叫辣子雞，第一次來無食，點都想試，但成日食雞，難得這裡有做田雞，不多店做，預左田雞雪藏無味，但調味炸功好希望可補，中伏，個人最不同意辣子雞用蛋漿炸，一般是醃味後就咁走油，然後加辣椒乾燒，令辣味供入肉，所以蛋漿只會阻隔辣味，田雞肉無味，醃味又不夠，無醃定，應該是order後才醃，加上入不到辣味香味，整個菜就無可取了。再者，它們都是用干燒肥腸那隻香不辣的干椒，簡單是騷不著癢處。土匪雞，待應極力推介，說: 它不是外面店所見的土匪雞，是熬金瓜湯(即南瓜)，又香又夠辣，好多客食過都估唔到咁好食。見佢讚到天花龍鳳，就試下。大中伏，原來是「辣湯烚雞」而已。我見有湯，想畢入碗仔，但無大湯匙，問待應取，他說: 呢個菜唔預你飲湯的，不過都比你啦。奇唔奇，你present方法係咁大窩湯，竟然話唔係比你當湯飲，叮你何不做sauce，好像上湯浸菜的汁量就可以，廚師個concept係咪唔清晰呢?!我第一啖湯入口，sorry，我感覺唔到有南瓜甜味，只覺是業務用上湯熬辣椒入味，係好夠辣的，啱我，但湯裡只有白烚雞和超多又大舊的萵荀，無其他了，真係好悶。最難頂係，我未見過有食店會比白烚雞人食，好彩雞無雪味生臭味，食了幾件就放低筷子。咁樣煮雞，咁樣配搭，感覺廚師思考菜式還欠水準。兩次是天堂與地獄，往後變個星期都唔想出街食飯，有陰影，嗰窩雞。然後，我理解，原來這是間川菜面具的粵菜，唔怪得叫川粵時光，佢餐牌推介菜式(有廚師帽)全部都不是辣的，都是粵式，eg霸王雞。最後，要說「茶」是欣賞的，是自己入茶葉做茶包，塞滿，所以飲到食完飯都夠茶味，兩次叫了不同花茶，玫瑰荔枝、桂花(好似係，唔記得)都好香。…查看更多

$128牛粉牛尾夠腍，生牛肉片另上，夠軟。湯，好清，冇乜乜牛味，睇片話2位越南人打理，相信現在已人面全非。$88炸春卷太大碌，1條開2條差不多，餡肉太多，冇乜木耳洋葱粒粉絲，冇哂炸春卷精髓，肉太令皮好快腍，好似食肉卷，好漏。最離奇係青檸梳打Menu寫$28，埋單計$38，問點解，答：印錯左，改唔到。你可以用label,可以點歺時講比客知，你點可以中意收幾錢就幾錢。香港仲有咁嘅事发生！And 冷氣不足，食粉红熱。…查看更多

睇OpenRice 評語，知差的，潮州菜下午茶做薯條雞亦，又賣埋燒鵝，可以有几正宗。隔離沙田一坐滿佢一半枱都冇人，早叫自己唔駛去。但放工，想去食個間疫情早休，唔想行，就比次機會佢。衰左。小炒王，腰果腍，九菜花幼過牙簽，呢樣加啲嗰樣加啲，魷魚絲想搞創意炸過當脆卜卜，但係切得粗炸得干好硬𡁻到口軟。 鹵水，超市好味過佢，冇肉味、冇鹵水味，完全唔香。淨牛丸，係比較可以入口，佢話係汕頭，唔明點解咁大窩收人$88，一般粉麵收40幾會合理d.冇冷氣，坐唔夠一半，都咁焗，街仲涼過佢，一邊食一邊手動撥扇，疫情期間，空氣不流通，真危險。低質大排檔上舖。:(…查看更多

叫了辣子雞、夫妻肺片、干扁四季豆午市套餐。1. 夫妻肺片，個兜細到...， 我以為嚟咗碟花生咸菜小碟，冇乜紅油，切片厚，少少硬，碟細，好難夾，味道OK。2. 辣子雞，炸得唔算好脆，味道OK，有好多舖頭做得好過佢。3. 干扁四季豆，四季豆走油唔夠時間，唔夠乾身，有水味，調味OK夠麻。3. 已經揀沒有coupon的時段去，想靜靜地食飯，疫情期間，成間餐廳得三枱客，唔明點解要將人客安排咁近嘅座位，雖然是卡位，都可以隔一卡坐，餐廳靜，後面卡位人客講嘢聽到晒。4. 冇茶冇水冇花生小吃，賣單、叫上菜都要自己去counter搵人，唔明收加一係for 乜嘢。5. 最經典係個廁所，唔算太污糟，而係好雜亂好生銹好多雜物冇人打理咁，近住後樓梯，貨、用品、吉盒、雜物全部堆晒喺度，好似廢置嘅後樓梯咁。一間唔算好差，但係試過就唔需要再來嘅餐廳。…查看更多

1. 肉冇肉味，菜冇菜味，好似唔識煮飯嘅人煮出嚟，最有味係墊底嘅青瓜。2. 擔擔面，好似湯水，食盒飯套餐送俾你嘅碗仔麵咁細碗無肉又稀麵又稔，未食過咁差咁唔似擔擔面嘅擔擔面。3. 神奇係食食吓飯個侍應走埋嚟話借個餸比佢影張相，我冇話俾佢影，又唔知佢影黎做乜，自己攞個手機嚟影相，你試過食飯遇到呢種事情未？4. 侍應戴着藍色膠手套來上菜，真係好核突好唔衛生，好似洗完碗出嚟順便上菜。5. 價錢唔係平，食物質素和煮功都唔夠水準，呢個價錢出面好多餐廳都好過佢，好似初入行嘅廚師。永不錄用。…查看更多

味道做得纖細，不是不好，也不是最好。如果是米字蓮，好多都好過佢。想吃得悠閒的話，建議勿lunch time, 咀未抺淨便收哂全枱野比單你，對面couple食完傾耐左就趕你走。完全感受到在吃”營運”而非美味的牛肉粉。也非常感受到香港食店只求生意不求質素服務食飽趕你走的經營方式。美心都坐得耐過佢。😂一次，只一次便足夠。…查看更多

湯、粉、辣油，未試過三樣都唔掂的店。招牌墨魚，一個字：實魚旦魚片：硬、冇鮮味粉：厚、鞋湯：冇味辣油：全無特式由細到大食魚蛋粉咁多年，呢間算👎🏻👎🏻👎🏻唔緊要，你唔好講到咁巴閉，$38碗粉同茶餐廳冇分別。只有牛丸可以，但跟一般食得過粉麵店的差不多。不値得特意來。基本上，做生招牌的墨魚、牛丸，都是虛有其名。以前的泉記究竟還會再開業嗎？有沒有好心人知道動向的請分享。…查看更多