Sat無午市套餐，只好單叫。
酸菜魚
賣相都算悅目，灑菊花片、紅酸薑片，點綴色彩，道理上不算太影響味道。
味道，唉，其實心裡覺得唔算好有菜式設計思維，湯有點魚腥，還可以接受，但不會想喝太多，最重要是沒有用香料熬湯，魚湯味道完全沒有層次。魚肉大片夠滑，魚頭魚尾炸過都有點腥。整體醋酸偏多，川辣偏少，愛呷醋的可能喜歡。
辣子雞
是我最不喜歡的漿粉炸雞，正宗的都是淨雞肉炸，漿粉炸，辣椒味就無法入雞肉了，不過是在吃普通炸雞，而且辣椒一粒都唔辣，亦唔香，無花椒。
蟲草花炒翌翠苗
最喜歡這個，一般清炒有青草味，但佢用唔知咩香油，蓋哂，熱辣辣上，炒得夠清爽。
一向唔覺得稻成好出色，但今次遇上不錯服務，挽回整體感覺。
這位原來是經理主管，上菜後會問，味道OK? 說是想幫廚師問下，又問坐得舒唔舒服，上菜倒茶都有禮貌。
慨嘆現在餐廳有這種服務、侍應肯做嘢真的很少。
當然可能係咁岩遇到呢位經理才有這個服務，第二日嚟唔敢包係唔係一樣😂
