christiebobo311的个人专页

形點新開張，我們行完街見到食肆都大排長龍，但仍然想嚐鮮，決定試試家上海。5:45攞完籌，再等5分鐘左右已經可以入座。餐廳內部清幽，坐得也萛舒適。因為餐廳新開，所以也不知什麼菜式好味，所以隨意叫了幾個菜式。茶和前菜沒有太特別。第一個餸係清滋小排骨，原本味道不錯，有鹵水和菜葉的香味，但入口非常硬，近乎咬唔開，好似嘴饞柴皮一樣，真的不是一個好的開始。第二樣黎既係蜜汁脆鱔，這個好很多，入口香脆，而且仲係暖既，明顯係新鮮做好上枱。第三樣係乾扁四季豆，肉碎和味道做得不錯，而且夠乾身，但略有些嫌油膩。第四樣就係金牌小籠包，這是全晚最好的菜。裡面的湯汁填滿兩個大湯匙。而且肉質鮮嫩，皮也夠薄。第五樣鍋塌豆腐，上枱賣相不錯，但略嫌凍左小小，豆味香濃，如果熱騰騰上枱，一定好好味。第六樣係八寶辣醬麵，但有一些名不副其實。因為絲毫沒有辣味，只能食到海鮮醬和甜醬的味道。麵質亦無甚特別，亦無一般拉麵煙韌的口感，而湯也像是減咸版出前一丁湯。最後一道菜係家傳丁香雞，值得一讚的是沒有骨，真的跟海南雞很像。肉質鮮嫩，香草醬汁卻沒有太大香味。總結的是家上海價錢偏貴，每位茶錢10蚊，前菜也要10蚊一碟，再加一之後，這一餐要六百多元，但味道卻不萛非常突出，只可以話食野要食埋裝修。…查看更多

星期日下午，度度也要排隊，但這間日本咖喱竟然不用等，見裝修靚環境舒適，一於入去試試。假日都有lunch set, 價錢不貴，有飮品有沙律。叫了一個吉列豬扒奄列咖喱飯，加$10加了芝士，一上枱就覺得好靚。豬扒十分讚，外脆內軟又有汁，奄列厚身又ok滑，芝士反而可有可無。朋友叫了蒜香雞咖喱，咖喱汁香甜又夠辣，但雞件平凡，而且有雪味，下次可以叫其他。每人都係$90不到，但服務態度好，坐得又舒服，下次一定再黎！…查看更多

約好開會，早到所以在Simply Life 食早餐。地方細但裝修舒服Cozy, 在忙碌的返工地方也很relax!叫了Mushroom & Ham Quiche 加 latte, Quiche 在加熱後變得很香，淡淡的芝士和蛋味令這個早晨很可愛。Latte也很香，一杯大size 啱啱好！簡單一餐早餐，Simply Life is simply good!…查看更多

星期六行旺角，行到攰想坐得舒服D，黎左味吉試拉麵⋯因為天氣很熱，比佢個蘋果酒配炸雞吸引左，蘋果酒又涷又香，配炸雞加紫菜蔬菜餅非常好味，就算熱氣也要豪一豪，結果和男友再encore多一支蘋果酒^但拉麵卻平平，豚肉太厚太肥，望到未食先飽。湯底豬骨味不夠，而且有些太咸，配料沒甚特別，而且隻溏心蛋十分細，加錢加得不太抵。沾麵比拉麵更咸，完全食不到其他料的味道。總結是，當味吉是居酒屋，食小食加酒便好，食拉麵都係返達磨丶拉麵來丶或䐁王啦！…查看更多

今日想喝茶，兩個人睇Open Rice找到這間點一龍，賣點是創意點心。星期日12：30去到竟然不用等位，入面裝修ok,未算非常豪華。一睇餐牌即知走貴價路線，三隻蝦餃要$36，必食推介如鮑魚雞粒酥一隻要$50！點完點心等了10分鐘有得食，除了脆網皮腸粉外其他所以味道平平，甘嘅價格不太抵食。全餐唯一推介，入口又軟又脆，雖然不太食得出其他材料，但還萛一個特別的點心。這個雪影杏汁包乃是西苑名菜，但點一龍板本又硬又涼，入口全無一口酥的口感。小籠包十分普通，皮太厚而湯不多，上枱時仲有些冷，我情願去唯一麪家食過。糯米雞屬普通貨色，而且家鄕一詞令人以為會有肥豬肉加添香味，但點一龍也沒有，材料普通，不值得再試。蒸吊筒頗香，而且夠熱，萛OK之作，但$33又的確貴了些。總結是：貴又普通，不會再來！這樣的價格，大把其他選擇…查看更多

今朝在又一城附近見完客，見到天氣很好，好想找一個見到陽光的室內地方食一個悠閒午餐，突然記起Rice Paper。Rice Paper 的lunch set由$85起，如果要埋飲品連加一差不多$110，一個人的悠閒浪漫也不便宜，哈哈。但我實在好中意這個地方的舒適感，落地玻璃窗、白米藍色的牆，木製吊扇⋯一切都令這個星期三下午變得美好。睇左一陣lunch set menu, 決定試試個豬頸肉撈檬，而且個小食拼盤睇落仲好吸引，另加了青檸梳打，成個餐聽落好refreshing!小食拼盤首先送到，有春卷、炸蟹肉、雞肉串燒、紙米卷、及涼拌青瓜絲。由於餐廳人人也差不多order lunch set,所以人人也有這個小食拼盤，所以春卷同炸蟹肉非常新鮮熱辣，一啖咬下去會有肉汁衝入口腔中，十分美味！加上配以甜酸汁的紙米卷及涼拌青瓜絲，大大中和了炸物的油分，仲好開胃！跟餐的青檸梳打十分足料,有些人可能中意，但我卻覺得有點太酸。但作為餐飲都萛合格。之後主菜到場，豬頸肉咬落好脆口，有些肉薄薄一片比厚切好得多，這個豬頸肉加上撈檬，絕對食得零付擔，感覺清新！這個午餐非常悠閒舒適，食完又可以返公司博殺了！各位上班族，食得好更能走遠路，加油！…查看更多

今日瞓得晏，起身想食麵暖下胃，就想起呢間人氣拉麵店⋯去到已經差不多兩點，但仍然要等一陣。小店沒有太多位置，一張吧枱坐滿人，倒也充滿日本風味。在等位的時候已經可以在點菜紙上選擇拉麵，連麵量及口感也可以選擇。一入店，非常nice的店員就為我們拉椅及掛手袋，真的未食麵心已經好暖^我選了魚介豬骨湯拉麵，朋友選了伊台風。因為未食嘢而加了麵底及叉燒，之後先知大件事⋯麵一到先發現甘大碗，比平時的拉麵量多左成倍，但一飲個湯就覺得非同凡響！個湯好濃，好似每一啖也充滿骨膠原。我聽從指示，喝左好幾啖湯才加入魚介粉，魚介粉令湯更鮮，而且越食越感到不同的香味，香味濃郁由蔥、胡椒粉、魚介粉引出不同味道。唯一美中不足是叉燒有點硬，尤其在入口溶化的豬骨肉比較之下。朋友的伊台風未到，已經先聲奪人，因為師傅用火槍把麵上的芝士燒溶，平凡的拉麵也突然變得特別。朋友話口感很好，麵很彈牙。之後見到原來師傅用的是小麥拉麵，而且煑每一個麵也會用計時器計時，難怪口感甘好。由於朋友食嘢比我更慢，我就在開揚的廚房中更加留意到師傅怎樣用心做好拉麵，師傅會用熱水為每一隻碗加溫，為免麵的溫度會因碗而改變，從而影響香味。食完之後，店員竟然為我們調低高椅的高度，仲要我地大聲叫「降落」，實在食得開心之餘，服務更是100分，成間店入面人人都笑，氣氛令這間小店在光速餐廳林立中顯得十分可愛！…查看更多

日日返工茶記米線車仔麫，想食餐好，價錢又未必要豪，因為千両有五個lunch sets,價錢由$70至$130不等。因為一點到兩點太多人，為免同人逼，一係早D一係遲D，我就兩點半到達，唔駛等位叫左個海鮮刺身定食，見到在迴轉帶上好靚又新鮮的壽司，先攞一碟季節限定的柑味油甘魚！柑味好清新，加上油甘魚的甜，好味！之後個海鮮刺身set到左，刺身好新鮮，但個冷烏冬不夠涷，而且同沙律一樣用芝麻醬，有D重複左的感覺之後唔夠喉，再追加了香蔥呑拿魚腩軍艦、特大帆立貝、及炙燒左口魚背。香蔥呑拿魚腩軍艦入口非常香，但紫菜有D林左。特大帆立貝真係特大！一口一定食唔哂，非常有口感！炙燒左口魚背入口即溶，魚油一下子在口腔入面徘徊⋯真不愧係我的最愛！本來已經十分滿足，但朋友堅持要用甜品完美地完結這一餐，所以叫了綠茶糯米糍及菠蘿雪芭。綠茶雪糕配糯米糍，100分之作，綠茶雪糕不太甜，糯米糍又軟又有咬口！相反個菠蘿雪芭就太差了，涷到結哂冰，直情要加熱水入碗坐熱先可以食到少少，味道亦不似菠蘿！總結：來食刺身同壽司一定不會失望，lunch時段平D，食得開心D又返工努力博殺了…查看更多