亞秋的个人专页

今日呢係你都要生日月份嘅慶祝節目最後一回，我哋就揀左呢間銅鑼灣時代廣場11樓，開咗冇幾耐嘅韓式西餐廳mad for garlic喇！餐廳嘅位置非常方便，位於銅鑼灣繁華中心點時代廣場，佢哋嘅裝修非常有格調，仿泥石磚嘅牆身，加埋一盞盞嘅吊燈，柔和的光線，玻璃食櫃，仲有佢哋嘅主題蒜頭做裝飾，而佢哋嘅廚房用咗Open kitchen style，可以一路食嘢嘅同時睇住廚師精心咁為你烹調食物，簡直係視覺同埋味覺都有一大嘅享受。而今次我哋揀選嘅食物就有，MFG特色蒜蓉麵包塔， 呢個蒜蓉麵包塔，我認為佢係鎮店之寶，其他地方絕對搵唔到，首先講講呢個麵包嘅外型佢係一個長法包切開咗上邊將大量大量嘅蒜蓉鋪成一個三角金字塔整成，最特別嘅係當佢送到你枱上面嘅時候，店員會將三個金字塔所整成嘅蒜蓉一推推入去整個麵包嘅核心內圍，然之後將成個包包按偏，確保全部蒜蓉都均勻沾染麵包嘅內層，然後佢就會幫你分成細細件類似多士咁，之後就可以慢慢一件一件咁食，外層鬆軟內層鋪滿均勻嘅蒜泥，精緻嘅外表，有趣新奇嘅食法，美味嘅滋味，呢個MFG特色蒜蓉麵包，黎呢度一定必叫番個黎試吓！ 再嚟我哋就叫咗個烤MFG招牌澳洲肉眼扒配蒜頭山，來得MFG鍾意garlic 既點可以唔試吓佢哋嘅特色蒜頭山，成件澳洲肉眼扒比無窮無盡嘅蒜頭包圍着，蒜頭嘅香氣充斥着係我哋嘅面前，我要嘅係五成熟，牛扒嘅質感一啲都唔un 唔鞋，外層焦香外層仲保持粉嫩，而呢個牛扒既食法呢同平時美式嘅牛扒有啲唔同，平時美式嘅牛扒牛味係比較濃小小嘅，而呢個呢比較着重嘅就係蒜蓉同牛扒融合起來既感覺，蒜蓉同埋各種配料烤炒到濃濃香香，將配料再配合買啲牛肉一齊食，有別於傳統嘅烤牛扒又係另一番滋味，鍾意蒜蓉嘅朋友就一定要試吓啦！ 到最後我哋點左個招牌蒜片墨西哥辣椒炒意粉，炒意粉既香濃，仲有一片一片炸到金黃色既招牌蒜片好似秋天嘅落葉咁鋪滿一整碟意粉，而意粉食落仲有Q彈嘅感覺，如果食意粉將啖意粉擺到入口裏邊，一咬落去果下，食到廚師能夠可以煮到仲可以保留到呢種Q彈嘅感覺係有幾咁滿足，而且碟意粉炒得都好爽身，配合買啲墨西哥辣椒蒜頭非常之野未，令人食指大開，但係呢個意粉係真係幾辣嘅，開頭都見到餐牌上面寫住三隻辣椒架啦但係都估唔到真係有咁辣，如果食得辣嘅不妨叫嚟試吓，一定可以刺激到你嘅味蕾。由於我哋唔食得辣嘅關係辣嘅關係仲叫左兩杯飲品，一杯MFG西柚特飲同一杯MFG檸檬特飲，兩個感覺都好相似口味比較清新，又唔會太甜，我平日呢就好鍾意呢啲咁Fresh嘅飲品，飲完即刻有一種清新嘅感覺，我就比較鍾意西柚，連聞落去都可以仲好清好夏日嘅感覺，食完一餐飯再叫一杯清新特飲，立即refresh 曬。 **mad for garlic**一間韓風嘅西餐廳，確確實實咁樣貼近佢地既主題，由擺設到食物甚至甜品都加入蒜頭嘅元素，我仲見到隔離叫左一個蒜片Pizza都好吸引，如果下次有機會再黎我都要叫一個試吓，入到去由頭蒜到落尾，如果你係蒜頭嘅愛好者，黎都銅鑼灣一定要黎mad for garlic感受下呢份蒜頭的狂熱！…查看更多

合成糖水呢間老字號又細食到大，由我細細個幾歲嘅時候已經跟住媽媽，拖住我隻手仔帶我來呢個呢度食佢哋嘅清心丸，到到我大個過左之後，輪到我夜晚帶着清心丸糖水返屋企俾媽媽食，一粒一粒晶瑩通透嘅清心丸，清甜嘅蓮子百合糖水，每一碗糖水每一個故事，陪着香港人你同我長大嘅一間老店今日約咗認識10多年嘅老朋友，黎返呢間糖水店，蓮子百合清心丸糖水，蓮子百合嘅清香，甜絲絲嘅糖水，仲有我嘅最愛煙煙Unun晶凝通透嘅潮州清心丸，完美無瑕配合，味道依然，全香港最好食嘅清心丸糖水，識食一定係食熱既， 已經係晚上11點仍然係座無虛席，有時食得太多好西，反璞歸真，食返啲美味又平凡樸實嘅中國傳統無花巧，單純嘅味道，未嘗唔係一件好事？朋友就點左紅豆沙一碗綠豆邊馬蹄沙清心丸，綠豆邊唔係度度都可以食得到，綠豆邊係類似端午節種裏便嘅綠豆咁，去咗殻，放入湯水裏面煮，傳統又好味地道嘅潮州糖水，一間陪着獅子山下你同我成長嘅出色中式糖水老店！ …查看更多

之前去過APM個間牛太.本陣，日本燒肉放題，食後感都好唔錯，今日突然間又想食燒肉，想book返觀塘嗰間牛太.本陣，但係唔知佢full晒咁，我就想我Open rice再睇下佢有冇其他分店啦,原來佐敦都有一間，嗱嗱聲打電話試吓book位,點知佢又有位喎!唔使諗咁多今晚就一於去食本分日本燒肉放題啦! 佢哋嘅燒肉放題分開幾個級數嘅第一種大概$200可以食到Menu裏面少量d嘅款式，＄300到可以食到差唔多Menu裏邊八成嘅牛肉款式，第三種就係可以食埋日本和牛嘅大概＄400到上次我哋都係是中間嗰款大概＄300嘅牛肉所以今次都照舊， 我哋又點左絕稀少腹胸扒，厚切牛肋肉，厚切牛舌，蔥盛牛舌，粟米，芥末八爪魚（魚生），XL肋肉條 最令到我哋回味無窮記得吃厚賜牛舌同埋絕稀少腹胸扒，後設牛舌有趙口咬落爽脆口又有剛剛燒好牛舌嘅香氣，但係薄切就比較輸蝕好似冇味味，另一個絕稀少腹胸扒都唔錯既，燒到啱啱熟熱辣辣擺入口都唔鞋唔un，濃厚嘅牛味係個口腔度慢慢慘出嚟，呢款牛夠香濃，二零一款X L肋肉條比起上黎口感就冇咁好，雖然肉味都濃郁但是肉質比較鞋口嫩， 魚生方面芥末八爪魚做得相當唔錯非常新鮮配上芥茉恰到好處，總括兩間分店你講我同女朋友都一致認為觀塘分店嘅牛肉質素比較好，雖然係同一品牌嘅餐廳但係觀塘分店嘅牛肉，每種質素都比較平均樣樣都幾好食，但係佐敦分店就係空腹下同埋厚賜牛舌比較出色。 但係上次2次我去觀塘分店嘅事後因為佢哋嘅燒紅豆年糕甜品暫停供應所以兩次都冇笑道，但係今次嚟到佐敦有得試啦，一試難忘，年糕出面燒到一層焦黃色，裏面燒到軟林林煙煙unun 嘅年糕再加埋佢哋嘅綿綿既紅豆醬，簡直係上癮年食三件！…查看更多

今日約咗朋友去觀塘到行街，咁岩之前聽講呢間大滿屋有中午第二位半價優惠，所以我哋今日就去咗試佢嘅日式放題啦！中午一點正嘅時候我哋嚟到觀塘大滿屋，一出到電梯，見到佢哋嘅裝修都相當好，而且靠近住窗口嘅位置風景都非常唔錯，落地大玻璃遠眺觀塘裕民坊嘅景色 我哋一行三人就被安排到卡位坐，一坐低我哋瘋狂咁樣攞住啲餐單係咁畫，呢度嘅食品供應都有好多嘅種類各適其適，各小食日式食品想食咩嘢大部份都有齊，例如手卷刺身小食炸物，呢度仲比其他放題屋唔同嘅就係佢哋仲提供埋少少泰式嘅小食譬如泰式鳳爪咁，泰式鳳爪都酸酸甜甜小辣夠晒醒胃，簡直令我哋胃口大開呀 我哋點左唔同嘅刺身有三文魚包片油金魚飯粒杯三文魚件件都後設新鮮入口鮮甜肥美油脂分布平均，靚靚咁樣鋪係噴煙嘅刺身船上面，簡直係視覺同味覺都有大享受呀 我哋重點咗一啲好特別嘅炸物，除咗平時有嘅就蚱天富羅之外，仲有炸玉子同埋一個好特別嘅炸泡芙天富羅，開頭覺未食得會怪怪地，但係原來炸嘅泡芙天婦羅都幾唔錯喎，好特別係一個新嘅嘗試，同埋佢哋嘅天富羅都係即叫即炸熱辣辣仲唔會好油膩 我哋仲叫咗啲唔同嘅串燒有雞肉串燒，黑椒豬肉腸串燒，仲有賣飛佛雞腎全消全部都燒到香香脆脆搽咗啲啲燒汁喺面，真係越食越起勁食放題就會有呢，可以各人都點到自己鍾意食嘅嘢利息而且呢間放題都那樣唔錯嘅就係每一樣都件數咁樣上菜，唔會一次黎來得太多令到你叫唔到其他想食嘅野 壽司方面我哋都點左黑松露三文魚腩壽司海曼壽司花之戀火炙蟹棒壽司黑松露三文魚腩壽司啲黑松露好濃郁，未放到入口淨係係枱度啲黑松露未已經擁晒出嚟，火場壽司都做得好好飯同埋面頭嘅蟹棒都燒到微微既焦黃，再點啲沙律醬簡直係你嘅配合！ 食完所有嘅鹹點梗係要點返個甜品你做個完美嘅句號啦，以為日式放題屋嘅甜品都係麻麻地交行貨，但係呢度嘅甜品都唔錯喎，我叫左桂花糕唔好以為桂花糕係普通野，呢個簡直係佢地甜品系列裏邊嘅重點，佢嘅桂花中間仲加左都曾懶惰同埋姐你寫落好清新，淡淡桂花糕嘅香仲有奶凍同啫喱襯托著，比起平時普普通通嘅桂花糕真係好食好多真係估佢唔到！ 想舒舒服服食返餐日本放題，黎開觀塘行街呢間大滿屋都唔錯，如果有機會我都會再黎…查看更多

本身我係好鍾意食澳洲菜，有一位係觀塘做野既朋友仔 介紹我去巧明街嘅呢一間幫d cafe， 見媽咪話我成日淨係自己食好野 ，唔帶佢去，於事襯平日day off就同佢嚟試下啦。 雖然係工廠區,但落左巴士之後，穿過一條天橋 ，行兩分鐘左右就到啦。 bondi雖然係 停車場的入入邊， 但係出面已經有一個好大既logo標誌佢既位置，lift都唔洗搭 真係幾方便。本來望到門口果一幅牆畫，以為入面會係暗黑為主題 ，點知一入到去感覺都幾光猛同舒服，因為唔會好似 其他餐廳咁樣坐位唔會密密麻麻。Lunch menu都有8個set 選擇， 種類都ok ，唔會 好難簡， 我就揀咗意松露野菌意大利雲吞，$118。 餐湯係周打海鮮湯，配小法包1個~湯就啖啖都有海鮮粒，夠哂味！平時食個d包又細，又凍，哩到就夠哂熱，又大個~飲完個湯加個包都飽飽地~Main既 松露野菌意大利雲吞 ，侍應過來既時候已經聞到好香的松露味，一 放上枱已經急不及待 ,拎起個义去食， 個忌廉汁唔會太杰，又唔會太稀，味道淡淡地，岩岩好可以中和番芝士味比較強的雲吞！ 最驚喜既位係 ，原來雲吞下面仲有一層厚厚的菠菜 ，令到成餐唔會咁溜~ 而雲吞份量都算多，夠哂飽！最後叫左杯ice fruit tea做餐茶，好有果味，係食完咁飽既情況下，飲完即時消返d濟左既感覺~Overll哩間餐廳都唔錯，環境 舒服，食物有質素，同d 侍應都好nice~下次有機會都會再黎試下，可能dinner會仲正！…查看更多

今日起身諗住出銅鑼灣行下街，路經燈籠街，想食拉麵既癮起，見到呢間Bari-uma 拉麵鋪買相好似唔錯，外面餐牌既相片d叉燒大大塊好juice就試呢間 入到去我同男朋友就先黎一人叫左一碗拉麵，叫左大大塊叉燒招牌菜，特盛灸燒豚玉拉麵，醬燜雞叉燒味玉拉麵，兩麵拉麵上枱時熱到出曬煙，d香味同d煙一陣陣咁飄埋黎， 招牌菜真係招牌菜食落塊d麵質軟硬適中有q彈既感覺，炙燒豚肉燒到一陣濃香既炙燒香味，一大啖咬入口juice陣陣肉香簡直係刺激味蕾，佢呢個湯底都襯番碗麵既主題係比較濃郁既但濃得黎唔會過咸，而湯上面仲會配上一少塊特製香辣醬令成碗面有畫龍點睛既校果，令到成碗麵口感更加豐富起黎，配埋拉麵既好朋友香蔥木耳點會唔口水流，喜歡濃味啖啖肉既朋友仔黎到就一定要叫呢碗特盛灸燒豚玉拉麵試下，炙熱豚玉好正呀，一定唔會令你失望！ 而另一碗醬燜雞叉燒味玉拉麵，就選用左燜雞黎做一塊塊既叉燒，份量方面都唔會輸，都係大大塊叉燒，呢個雞叉燒係小小甜味，相對炙燒豚肉冇咁濃厚肉感，湯底係濃而不膩，仲有半熟既玉子蛋，一啖麵再一啖半溶蛋黃，蛋香同麵不停係口腔打轉最完美既配答，真係忍唔住食多兩啖，呢個燜雞叉燒味玉拉麵一定會是女士們既心頭好 以後我地再追加左羽根餃子燒同沙拉唐洋炸雞羽根餃子燒好特別，師傅會做到好似日本居酒屋食到既餃子咁餃子既底部會煎到有一層好薄既薄脆，食落就脆卜卜咁，餃子就係比比較淡味唔會係好濃味個種餃子都唔錯既 沙拉唐洋炸雞，外層炸得好乾身，但裡面既雞肉仲係好嫩滑又juice，但如果比我再揀我會間無沙拉醬既炸雞，因為我地已經食左碗拉麵，炸雞再叫有沙拉醬包住係外面既話就真係有少少飽over 左d，但炸雞係好味既 如果路徑燈籠街想食下大大塊炙燒叉燒拉麵既話不防試下呢間bari-uma 拉麵，價錢合理，味道不錯，喜歡大口大口炙燒肉，濃濃湯底真係一個唔錯既選擇！…查看更多

前幾日朋友send左幾幅相比之我睇，話黎左大瀛喜食放題，見佢影出黎d魚生又幾靚，佢又話唔錯，所以今日特登黎試下！大瀛喜既位置都好方便，係正旺角朗豪對面個商場，坐𨋢直上5樓就到 我食既時段係17:30，準時17:30去到排隊入坐，都唔算好多人坐低第一時間就緊係填菜單錫野食，佢地食物方面都好多款式，魚生刺身炸物小色樣樣都齊 首先黎到既係魚生刺生，三文魚刺身厚切勁新鮮，塊塊都切到好厚身，象拔蚌刺生入口爽脆又鮮甜，三文魚同象拔都值得推介，刺身方面都做得好好， 成餐飯最令我難忘既係佢地既珍寶赤海蝦，一黎到個時真係哇一聲，唔只係珍寶啦係巨寶珍，超大隻有隻隻手掌咁長，真係忍唔要立即咬一大啖，講真超甜勁肥美， 呢個真係超級推介一定要點，如果鐘食蝦膏中岩，d蝦頭隻隻都勁多膏，真係食到舔舔利 除左刺甜之外仲有燒物類羊架送黎個時都熱辣辣，香口唔鞋推介 炸品有炸一口芝士，外層炸到脆卜卜，一咬入口全部都係溶緊既芝士好味 仲有到個比較特別既榴連炸彈，榴連迷一定唔可以錯過，炸彈既涵全部都係香濃既榴連溶，一咬落去bit曬d榴連涵出黎，驚喜之作而壽司方面都做得唔錯，好多款式可以揀，火炙壽司系列都做得好好，火炙三文魚壽司火炙左口魚壽司，輕輕炙一炙表面，散發住香氣入口肥美有少少溶溶地既口感，正！總括黎講呢間放題真係唔錯，合理既價錢，地點又夠曬方便，最重要係食物有質素同其他我食過差不多價錢既放題黎講其他真係質數好好多，其實仲有好多唔同款既食物都唔錯，不過真係冇咁大過胃食唔落，我見格離台兩個小女生點左勁多野，驚多隻珍寶赤海蝦，壽司，熟食，又比佢地清曬，食得到既朋友真係可以一試，d食物真係有保證可以一試無防,正！…查看更多

以為呢間係新野，點知上到黎先知係歷史悠久既檔口，由於觀塘區重建計劃，移獅呢度再大展拳腳。呢度係任食既，每位258，星期五六日及公衆假期都只係加10蚊炸。要等齊人梗係要嗌個冷盤食吓先啦，嗌左個麻辣木耳，雖然要另外加錢，但真係有驚喜，麻味辣味配合得啱啱好，唯獨是係鹹左啲，連我個乜都唔鐘意食既姊妹都食唔停口，我見到佢鐘意食就好似見到BB終於有便便咁開心，40蚊，真係乜都抵番哂。個自家煲製五花茶甜度啱啱好，唔會好似出面嗰啲甜到好似糖漿咁，啱哂我呢啲要保持纖腰既少女。招牌雞煲小辣，呢個雞煲直情拍得住我最愛既一品啊，我鐘意一品係因為佢麻辣中帶點甜味，而呢度亦都一樣，係帶有少少甜味既雞煲，最好就可以再麻啲同埋少啲油。而食之前跟左個邪惡油炸鬼亦係一絕，油炸鬼索哂個雞煲汁，又夠哂脆，超正！食完雞煲換個湯底打邊爐，注意係換，呢度唔係好似出面咁加啲湯落去個雞煲度打邊爐既，而係換過個新湯底，仲有三個湯底揀添！有豬骨，水魚同花甲蟹，我地揀左花甲蟹煲，一次過滿足哂兩個願望。隻蟹雖然擺喺煲入面但係絕不欺場，都好大隻同好鮮甜，不過記得一熟就撈起佢先啦，滾耐左就無哂蟹味架喇。跟住就講吓邊爐料先，炸魚皮勁脆勁好味，獅子狗中間有爆口既芝士，正。鮮手切牛頸脊，夠哂牛味，好滿足。鮑魚，聖子，象拔蚌仔，扇貝，大蜆，蠔，鮮魷及脆肉鯇，全部海鮮都極度新鮮，尤其是鮑魚同蚌仔，嗰種鮮甜既程度攪到我依家一路寫一路流口水。最後送個有heart甜品，係3.6牛乳燕窩燉蛋白，堅有燕窩，加上牛乳味濃，堅有heart！最後埋單1595，位位319，抵到爛啦。…查看更多

今日同老友鬼鬼安排完佢結婚既事之後，我地就經過左附近呢間十二味貴陽牛肉粉，天氣又凍凍地咁不如就食碗熱送辣辣既貴陽麵暖暖胃 雖然店鋪小小但環境都好骨子好乾淨，亦有花心意去裝修，餐廳既牆上面仲用左三隻牛仔黎做裝飾 鋪頭係用先到櫃台點餐既形式黎黎運作，係櫃台後面就有一大張既餐牌 我同老友鬼鬼就點左餐廳既招牌菜全家福牛肉粉，牛肉粉相當足料大大碗，用左牛既唔同位置黎煮有：牛跟、牛肚、牛腩，牛展，仲有唔同既配料：酸菜，鹵豆腐，鹵蛋，第一口飲落去啖湯超濃一陣陣牛香仲有帶點花椒八角既香味但又唔會太搶味，而且湯濃得黎唔會帶有牛蘇味，再夾d牛黎試下，牛跟唔同平時食起黎個d炆到林patpat既牛跟，食起黎係有趙口既，牛肚就最濃牛味一放入口未食牛味都已經散左出黎，牛展就煮得剛剛好一d都唔un,而我最成碗麵最欣賞就係d牛腩，佢係用左d特別既料去炆一炆左佢先，食落有牛腩香得黎仲帶小小甜味，而且佢唔係肥牛腩但一d都唔柴皮，鹵豆腐大大件鹵得好入味，一啖麵再食d酸菜配料正呀，湯底又夠曬濃 之後我仲發現台上面有一樽調味料，咁就放小小試下，一試有驚喜，原來係d麻辣粉，審小小落d湯到間直係畫龍點睛，成碗麵再加小小麻麻辣辣，中意辣既朋友一定唔可以錯過！ 如果黎到銅鑼灣真係可以值得黎呢間有貴陽風味既牛肉粉店試下，店店鋪小小但係看得出是有誠意既作品，走既時候仲發現櫃台上放左免費既小報章，真窩心牛肉麵！…查看更多

繁華鬧市中的質素cafe星期六約左男朋友朋友推薦既一間cafe共進晚餐，朋友話呢到既甜品好食而且晚飯都唔錯所以心旭旭黎試下 餐廳既環境唔錯，白色既主題走甜甜溫馨既路線，地位幾大適合情侶黎溫馨小聚一下我地就見到餐牌上有原個菠蘿同西瓜點，餐廳既招牌係菠蘿但最後尾我愛人呢都係比西瓜吸引左，西瓜係原個上既飲落都幾新鮮，我就叫左杯草莓鳳梨蜂蜜乳酪，呢個係好清香好fresh既草莓鳳梨加入蜂蜜乳酪，入口甜甜地好滑，中意士多啤梨既女生一定要點，我就相當中意 前菜我地就間左脆香雞翼香辣檸檬汁，上台既時候熱辣辣出曬煙，隻隻都到脆卜卜，咬再去脆得黎又唔油，加埋d香檸酸辣沙律，食起黎又幾合，出面都好少有呢隻醬夠曬特別，唔錯既前菜 主菜我地就點左個梳扶芝士海鮮意大利焗飯，一上台非常壯觀，意大利飯上面既梳扶利焗到脹卜卜金黃色，一篤開就飄出下面意大利飯既香味，意大利飯用左香草、磨菇，大蝦，帶子，每粒飯外面都包住濃濃既芝士同香草醬汁好味，而且一個份量足夠曬兩個人食 甜品我地就楊枝甘露奶凍幕絲同法式梳扶利蛋蛋士，楊枝甘露奶凍幕絲淡淡既芒果香唔會太甜中意唔係太甜，法式梳扶利蛋蛋士我覺得係一餐結尾最好不過既甜品，法式梳扶利蛋多士每一件都是新鮮煎起每一件都煎都金黃色一陣陣淡淡既牛油香味，一咬落去滑到好似燉蛋咁，再配埋香甜既蕉糖醬間直係最完美既配搭，食完再筆小小拖肥醬雪糕中意食甜品既女生呢個一定係必叫之選！ 今晚同男朋友黎到小甜谷，溫馨共進左一餐豐富美味既晚餐，食物質素好甜品非常美味，實在太開心！ …查看更多

因為去大角咀買探朋友,時間又未到肚仔又有D餓經過呢間May Day Burger 比佢店鋪嘅裝修同埋貼住既招牌漢堡相吸引左雖然店鋪小小但係真係五臟區全,每一個各落都睇得出店主好有心去經營店鋪環境店仔細細五臟區全,仲用左開放式廚房,師傅路煎D漢堡牛肉D香味一路飄出黎我地呢坐低睇左一輪餐牌之後呢就選左美國全統芝士漢堡 加薯條汽水&招牌雙層芝士煙肉漢堡加奄列汽水美國全統芝士漢堡一黎到D漢堡勁香已經引唔住要大啖咬落去,食左去真係有驚喜,個包面頭勁脆係脆到聽到聲,而包中間係好軟熟,D漢堡扒滴滴肉汁支曬出黎,正到暈,而且D生菜蕃茄好新鮮,係我地落左ORDER先切出黎唔係格左幾個夜晚整定招牌雙層芝士煙肉漢堡招牌雙層芝士煙肉漢堡,超級大個份量十足,足曬料,一個女仔一定食唔曬,雙培牛肉芝士仲加埋煙肉,大滿足!即炸薯條熱辣辣脆卜卜仲加埋小小辣蕉粉好味,真係要小心燙口餐牌可以自已掦中意品再比師傅小黎大角咀,一到就發現到有驚喜,小小店鋪別緻裝修,合理價錢,新鮮出色既食物,有機會一定要試下!…查看更多

之前經過雪山茶餐廳好幾次，每次都比佢咁道地懷舊既鋪面吸引住好想入去試下，今日經過到有時間終於可以試下啦！我一坐低就叫左個常餐，餐蛋麵配凍奶茶，凍奶茶濃而不澀仲好滑好飲，餐蛋麵一送到黎香噴噴煎蛋同餐玉就好似細個去跟亞婆去茶餐廳食既個一種懷念既味道，蛋煎得好香半生熟，再加一啖麵，簡直無野可以再挑剔！好吃！周圍既環境冇咩裝修保留住普昔日最樸實最古舊既味道，如果想再懷念一下兒時既味道雪山餐廳係一個好既選擇！…查看更多

未到食晚飯既時候但又肚餓，好朋友就推介左我黎呢間星座冰室，聽朋友講原來呢間冰室都好出名，好友帶我經過一間大廈既入口再行入條巷仔，終於黎到呢間神秘又出名既冰室,我地一個叫左餐肉茄蛋麵一個叫雞翼茄蛋麵，未到一陣陣新鮮番茄味已經飄到埋黎，茄蛋麵好特別，茄蛋不婁都係夢幻組合配埋公仔麵冇得頂，佢地既茄蛋係做到好似好濃既醬汁撈係麵到，每啖都食到香滑既茄蛋加麵，而雞翼都做得不錯，好香，餐肉都係平常餐肉味啦，配埋茄蛋麵正！…查看更多

今晚凍凍地,食完飯最好就係去食個暖笠笠既糖水，大約十點半既時候黎到甜姨姨坐無虛席，好彩咁岩有走所以先唔洗等，一黎到叫左個木桶豆腐花（大）同一個芒果三重奏豆花底，芒果三重奏好特別又好味，有芒果汗芒果肉同芒果乾做成，新鮮既果肉果汁同芒果乾夾埋一齊超夾，芒果乾好好食。而木桶豆腐花都唔輸，一上台cup住住做蓋等四分鐘，其間唔準偷睇，夠鐘就打開蓋放隻匙羹上去睇下long唔long得起，得左就食得，木桶豆腐花做到十級滑，有濃濃既豆香，而且熱辣辣配埋黃糖食簡直無得頂呀，好食又好玩正！…查看更多

新旺記茶餐廳係天后一間價廉物美，質素高既茶記。今日冇煮飯餓餓地第一時間就諗起新旺記，我就叫左全店最好食推介既咖哩班腩同咸魚肉餅，佢地既咖哩做得相當唔錯，唔會太辣，但係味道相當香濃足料，而咸魚玉餅都做得唔錯，煎得好香非常送飯。如果有機會經過，不防一試呢間天后街坊既老友記新旺記茶餐廳！…查看更多