lbbk的个人专页

已經4-5年無寫過openrice，估唔到一間餐廳燃起我團火。話說呢間餐廳近朋友+就腳，望落野食好似好好咁，就試試啦。我平時鐘意點一啲以為簡單但都會考啲功夫嘅野，試左個soft-shell crab Egg Benedict.第一下賣相好似好好，不過望多一眼，已經知道呢個egg Benedict 係垃圾級別。1. 兩隻poached eggs : 一隻"比較"正常，另外一隻蛋白完全硬，好明顯，無控制住邊隻蛋落水先，邊隻蛋落後。另外，啲蛋完全無蛋味，應該係平價野。2. 軟殼蟹: 一睇就知個軟殼蟹顏色好有問題。第一，翻炸，仲要炸過火， 顏色已經唔好講，仲有一陣陣燶味。第二，本身個粉已經好厚，翻炸後已經變到一塊硬塊， 油益味好重。第三，有咩需要翻炸？一早整定好曬，唔新鮮嘅野，咁唔洗講，大家知道個蟹係咩味道啦？其實望一望個圖，可以以為自己食緊燒味鋪嘅半邊鴨，半邊鴨Egg Benedict 。 其餘最重要嘅係因為佢翻炸，炸過龍，厚粉又無逼返啲油出黎， 軟殼蟹以下嘅包完全變左一pat野。成個碟上面最好味嘅係番茄，因為唔洗煮，新鮮。sorry，$148，只有幾粒番茄可以入口，其它都係垃圾，我一路食，一路擰頭。另外點左個Earl Grey lemon cakecake到！起叉啦(經過Egg Benedict 之後，我已經完全零期望) ！！個頂乾到用叉輕輕一篤就已經成塊頂飛出黎，呢野我已經知道個餅應該又係垃圾，你知唔知咩叫dry？個餅就知啦！第一下入口，要問自己，我食緊咩味道嘅cake？呀Earl grey + lemon！sorry， 兩樣味道都無。點解呢？個頂已經咁dry，去到餅中間都係完全dry，完全無texture。唯一一個問題: 唔知件餅放左幾耐？點儲存？另外件cake有樣奇怪野，件cake中間有大約4粒完粒黑椒，點解會有嘅？(cake嘅野，你識條鐵咩)總結所有: 第一次，都係最後一次，完全食緊垃圾。入去嘅時間係4.30，已經無咩人，竟然都可以整到咁，好明顯餐廳管理同quality control好有問題。…查看更多

因為工作繁忙，好耐都無寫openrice，不過呢間野，完全將我團火逼出黎話說今日想食吓拉麵，見到佢7拆減價又之前見到另外分店都多人排隊，就試試。點左黑叉燒拉麵，同白豚角拉麵。首先個白豚角拉麵，拉麵嘅湯好緊要，熱同濃，而呢度嘅拉麵，剛好相反。湯第一啖入口，以為自己食緊啲乜嘢醬油清湯肥豚膏麵，係，湯真係無咩味，反而有輕輕嘅醬油味。咁又點解係肥膏麵呢？ 嗰嚿豚角一放入口，完全係覺得個口裏面只有一pat肥膏， 如果真係有好好咁煮嘅話，應該食落去係唔會覺得肥膩，而係結實，但呢度嘅豚角完全係覺得食緊一嚿無味嘅肥膏，同埋，呢舊嘢只有5%係肉。好嬲，咬一啖就掉低佢。之後係黑叉燒拉麵，湯第一啖入口，只有黑蒜同輕微嘅醬油豬骨味， 唯一我會食得落嘅就係佢哋啲麵都算彈口。兩個麵總結， 屋企煮即食麵應該會好食過佢，再講，食完之後，超級口乾！！！最後一提 ，呢度員工(無論普通員工同似經理嘅人)嘅服務態度都有問題，明白疫境令大家唔開心，但我完全感受到佢地好唔想做。呢間野永遠blacklist。…查看更多

個麵黎到，賣相真系100分，都超級期待個麵嘅味道。第一下飲個湯，超級香喎，仲要好滑，不過再飲，就明白到呢種香係因為有好重嘅椰奶，唔係平時嗰種香料海鮮十足嘅香，所以真系美中不足。麵底都係米粉加油麵，不過米粉啱啱好，唔會過淋，又唔會過硬。之後到個香茅骨，好入味！！個香茅味完全爆發出黎！不過加加減減，始終個重點湯底帶左啲啲失望。至於個咖喱牛腩飯，第一下食落去，都係普通啦，咖喱粉嘅感覺比較重，牛腩未撈好啲咖喱汁，見到有啲牛腩仲係一舊未有汁嘅牛腩，而整體炆得未夠淋。順帶一提，呢度感覺衛生有待改善，見到筷子兜裡面嘅筷子有好多都仲係有積，甚至有啲有一pat pat未洗乾淨嘅野。食後感: 喇沙算幾好，但又未到好，咖喱就可以skip啦…查看更多

睇黃子華之前搵食， 本身諗住求其可以快靚正，點知食完之後，我就覺得竟然搵到間比較好質素嘅小店。首先係叫咗個鹵水大腸第一下食落去，每舊大腸都完全畀佢炆到透曬， 鹽滷水嘅調味又做得十分之好，好味！！第二個就係牛筋拉麵麵黎之前已經見到個師傅喺廚房裏面拎住就麵粉喺度拉下拉下咁，其實我感覺已經喺感官上有安慰，我之後發覺原來佢每婉麵都會拉一次，至少喺你面前拉嘅呢個小動作係加左分。第一下飲咗個湯底先，個湯底因為加咗蘿蔔，所以非常之清甜，不得不讚嘅係個湯底嘅肉味唔錯，飲落去都比較好味麵，輕微煙煙靭靭，咬落去啱啱好，同平時食嘅麵有少少唔同牛筋做得十分之好！又係一樣地有心咁樣去炆得好林好透好入味 食後感：好味！坐得都ok舒服。會再返去！順帶一提，可以試試下佢哋嘅辣椒油，幾香…查看更多

一入去小店嘅時候老闆就好熱情咁樣招呼，一路做咗好幾個麵嘅介紹，亦都好大口氣講話啲完全係冇味精，真材實料，用咗好多骨同香料去淆個湯底， 仲要話保證飲兩碗都一定唔會口乾，口乾嘅話就搵佢算帳， 咁好呀，就睇下你有幾巴閉！？我叫咗個小辣紅油牛肉粉，第一下一定係飲咗個湯底先，驚喜，真係驚喜，好好飲！個湯底有少少香料、花椒、酸菜、芫茜等等夾埋一齊嘅味道，湯真係十分之惹味。之後就到牛肉，啲牛肉除咗有牛肉味之外，心機係完全明白嘅，牛肉炆到透左！超入味！不過唯一一樣嘢係需要下次再試時食嘅就係個粉，而唔係食麵，老闆亦都介紹咗下次去到要試試佢哋個口水雞。好，睇埋你有無講大話先啦！？最後湯，我完全飲曬，過咗好耐都真係冇口乾！好耶！最後要留意：湯底因為有油，所以先帶到鮮香味道，所以可以叫少油，如果唔係，都真係幾油（不過當然，味道又會有小小唔同） 食後感：銅鑼灣寸金尺土，坐係比較迫，但當日去到因為冇乜人，所以都ok舒服，嘢食嘅味道同心機令我一定會再返去試試其他野。…查看更多

黎呢度最主要係睇到啲叻沙同海南雞飯嘅相非常之吸引，所以先想黎試試嘅首先係個叻沙其實一嚟到賣相已經覺得非常之吸引！飲落去，個湯底十分之香口！好重嘅椰香同蝦乾味，個湯底好惹味！好回味！麵方面，佢地加入左米粉同埋少少嘅油麵，咬落去唔單止咬口好好，同時可以索到個湯底嘅湯汁，呢個麵令人有驚喜！第二個係海南雞飯 個油飯味道算係ok，普普通通嘅味道，無咩好出色嘅油飯香。雞唔知點解有一半係好嫩滑，另外一半係好鞋口，有一兩件都仲有少少啫喱，味道都係普普通通，無咩特色。但不得不提，嗰三碟醬完全個味道就唔知點，豉油唔夠香，個辣嘅就唔夠酸辣，個薑蓉亦都唔夠薑味。 食後感：叻沙比海南雞飯味道好得多，如果係要食嘅話，我只會再返去食叻沙。順帶一提，下午茶係冇下午茶餐，係午餐嘅價錢…查看更多

喺紅磡有好多其他嘢都食過，但係呢間就完全未試過，而我係中意拉麵嘅人，當然就去試試啦我叫左個黑天王，配濃湯，硬麵第一印象， 個賣相相當唔錯 ，但都見到個湯底完全唔夠熱。首先講下最重要嘅湯底：第一下飲落去唔算有太濃嘅豬骨味，但可以接受，黑蒜味亦都唔算太出色，普普通通，唔係有咩特別嘅驚喜。隻蛋都算係入味，但用左比較平價蛋，蛋味唔濃，流心都做得未夠好。舊豚肉比較肥，唔算油，食落去都唔會覺得好肥膩，味道算唔錯。麵方面，咬落去都好有咬口，麵都有麵應該有嘅味道，應該係自家作品。最後要篤篤個蔥，蔥要切得薄先可以發揮功效，而呢個蔥，大細不一之如，仲要有啲係好大舊，加上個湯唔夠熱，個蔥咬落去生得好緊要。最後順帶一提下午茶時間為三點至四點，所有拉麵都係半價，超值呀！食後感：唔係咩太特別，都算係唔錯嘅選擇，如果下午茶時段嚟嘅話，半價就真係好超值！…查看更多

見到有好多人讚呢間舖頭，當然想試一試啦。首先係個花雕醉雞賣相唔錯，啲肉亦都好靚，但賣相同實體成日都係有啲失落感，咬落去嘅肉質還可以，都算係有小小滑，但係肉反而唔太入味，需要額外用匙羹去淋啲酒上去先有一啲味道。第二度嚟嘅係小籠包 個皮算係普通，裏面嘅肉咬落去，汁同肉質都算係普通，其實除咗講普通知外，我都唔知有啲咩其他嘢可以講 第三度嚟嘅就係個流心豬扒 一切開嘅時候，我其實都有少少興奮，因為個流心真係爆曬出嚟，但係一樣，食落去同賣相都係有小小差別，塊豬扒好似完全無醃過咁，感覺比較乏味，其實炸咗嘅嘢，應該乜鬼嘢都好食架？但呢個炸完之後嘅味道真係爭咗小小......最後就係個擔擔麵一嚟到嘅時候我望到佢已經覺得有小小中伏嘅感覺，個湯底完全唔擔擔麵。食落去，個湯底竟然有啲花生味，不過以我係一個超食得辣嘅人都覺得個湯底過辣。最後，無論係湯底，麵，咩都好，都係普通嘅味道，無咩特別咁出色嘅地方。食後感：全部嘢都係普普通通，喺呢一區嘅價錢嚟講其實算係ok，不過不失啦。…查看更多

一間細細漢堡小店，坐落去有少少擠迫， 不過人流嚟得快去得快， 唔使點等就即刻可以有位坐。座位上可以自便紙巾同茄汁。坐低之後就叫咗個芝士牛堡套餐， 等咗大約5分鐘到個漢堡同薯條就已經到。第一下感覺，所有嘢嚟到都好熱辣辣，薯條超級新鮮炸， 第一下咬落去差啲辣親個嘴㖭，呢種咁新鮮炸出黎嘅薯條感覺已經好耐都食唔到， 我個人比較鍾意呢種比較粗身嘅薯條， 咬落去薯條味好重，有少少鹽調味。黎呢度個重點係個漢堡，一咬落去，味蕾已經跳曬舞，抄返個經典對白：“好好味呀” ！個肉扒有牛味，juicy，調味都唔會太重而無左原本嘅牛味，個扒好明顯係自己人手搓咗唔同嘅調味落去，配搭嘅汁非常之惹味，個包完全唔似平時啲大連鎖店食落去嗰啲爛鬼包咁 ，成個漢堡，一試難忘，點知試左可能失常。當我周圍望嘅時候，一路諗，點解佢哋啲肉可以咁嫩口juicy咁有味，原來佢哋有部慢煮機響度一路煮住啲肉扒，慢煮機可以將肉嘅纖維溶解，$50牛扒都可以做成$300貨仔，佢地一有客人order時就立刻放落去煎盤度煎幾下，個香味就已經可以出曬嚟。食後感：有心之作，無論調味同肉扒嘅質量都做到非常好，性價高，一定會再去…查看更多

喺門口望入去，見到舖頭裝修簡單，帶住一絲絲台灣小店嘅風味，坐低之後，廚師疑似係老闆娘，講純正嘅台灣國語，其他員工都要同佢講國語第一味，滷雞腿肉燥飯：第一下食左個娃娃菜先，一入口，驚喜喎！用蝦米湯浸嘅菜，菜甜+蝦米調味，誠意同味道分都加左。第二口係撈左嘅肉燥飯，又係一入口，再次驚喜！味道濃，有小小黏黏質感， 有肉口感，唔油，甜鹹調味好好，味道好豐富，有去左台灣嘅味道，用心製作！第三口係雞脾，反差太大，入味嘅，不過味道普通，唔係咩太特別，肉質都比較“鞋”，應該放左好耐啦。第二味，麻辣牛肉麵我通常第一啖就會試左個湯底先嘅，湯係比較清+甜，反而我本來希望佢係比較濃湯底，但呢個湯底係一種清新感，但我個麻辣呢？辣椒好似唔辣嘅？牛肉唔係咩炆牛腩咁濃嘅味，反而係牛味重，麵方面，軟身，麵味濃，應該係自己整嘅麵。食後感：肉燥飯比牛肉麵嗰個味道較出色，價錢都輕微地較高，但俾呢個心製作，都算ok…查看更多

朋友話見到呢間野好得意，所以去試試啦，不過我一路理論都係，呢種新派嘅餐廳，我真係比較麻麻，因為原本嘅野食已經改良得太緊要，無左原本應該有嘅風味。首先，不得不提，一入去，環境好舒服，裝修都令人舒服，好寬闊。第一味：小聚拼盤$69三款 雷椒茄子 ：冷盤，四川風味，唔會太辣，好輕微嘅麻，茄子入味，調味都做得恰當麻辣香腸：其實係普通辣腸，有啲似意大利辣腸咁，無咩特別好味唔好味，可以唔洗叫辣汁花螺：都係四川風味，不過有酒香，麻同辣都好適當，螺都完全入味第二味，白玉王鴿：賣相好好，但望落比較偏瘦， 不過咬落肉鮮嫩多汁，只係調味差左啲啲（所以得唔到五星），不過都算好味道。第三味，棗蓉合桃：其實只有3粒可以食，下面嗰啲合桃係裝飾，最初一黎到以為真係一粒合桃，成個人，我就咁拎起膽粗粗咁咬，原來係糕點。第一口，好有驚喜，咬落有小小咬口，個皮整得好似合桃，不過佢只係呃人，裡面個feel好似軟嘅雞仔餅一樣。合桃同紅棗嘅味道係個完美配合，我好怕食得太甜，而呢個嘅甜味好恰當。第四味，紅油抄手：新派做法，有啲固體嘅醬配餛飩，醬有小小麻辣味道，唔係唔好食，但又唔係好出色最後一味，黑金流沙：軟，香，甜味剛好，唔會太膩，不過鹹蛋黃就可以再微調唯一我唔中意嘅係個內陷太過晶瑩（可能唔夠鹹蛋黃嘅顏色），無左應該有嘅風味食後感：食物+手工啤，好似高檔嘅大排檔咁，適合大班人聚會，坐得好舒服，食物質素算同味道好，環境舒服，但唯一問題價錢係偏高（咁當然啦，坐得咁舒服，係有代價嘅）…查看更多

帶頭盔先，我個食評真係因為我無好好睇每個openrice嘅食評寫咩而去食呢間野，原來呢間睇黎只係食甜品比較出色，無留意到拉麵唔係主打，都無留意到其他人已經一早警告定拉麵唔得。其實去呢間係一心想去試試個拉麵，但第一啖試試個湯底，我真係食唔到啲咩味道，甚至覺得係xx一丁湯粉溝左好多水同奶而煮出黎，之後到拉麵，真係普通到無得再普通，流心蛋都唔係用靚蛋，所以無蛋味，最後個叉燒，唯一我覺得可以接受嘅地方，外面比較膿，所以有一陣肥香味。不過講真，咁嘅價錢，想點呢？但sorry，真係接受唔到。食後感：食完覺得。。。算啦，下次讀清楚其他人嘅食評先啦…查看更多

老媽子有滿$150減$50 coupon，好就試試佢一打開個menu，奇怪啦，個menu上有好多傳統嘅上海野食都無，有嘅反而係好多時尚fusion 但根本唔係上海菜嘅疑似上海野..... 已經覺得大打折扣。第一味 四小拼：烤麩 + 口水雞 + 花雕雞 + 糖醋骨烤麩重點係醬油香，但呢個烤麩，唔好意思，係無嘅！只有覺得係求其撈左一堆糖同小小豉油，甜，只有甜味。口水雞第一眼望到個醬嘅顏色已經知有啲唔同啦.... 第一下入口，味道好矛盾，真係唔同呢！呢種味，同我喺四川店買到嘅麻辣辣椒油完全一樣，重點，好似加左d 是拉差辣椒醬，呢個係fusion 定係咩食法？我一路同自己講，新派餐廳，要接受，要接受，要接受！順帶一提，雞有啲“梅”，有啲羶味，有啲雪味。花雕雞一樣地，雞唔入味，酒底好咸，用左類似玫瑰酒嘅味道，總之唔係傳統嘅花雕酒，有啲羶味，有啲雪味，但偏偏無乜酒味.....:(繼續講...... 新派餐廳，要接受，要接受，要接受鎮江骨味道還可以，但都係一樣，醋味未夠入，未夠濃，肉質好“鞋”。頭盤後，已經知道，好多求其製作，求其撈一堆野，其實呢啲菜係要用時間去蚊同醃架......第二味：乳鴿半價$29，任叫，只係唔可以帶走，賣相好好，但唔敢期望，第一口咬落，簡直要搵搵容祖兒唱唱“大概也夠我 送我來回地獄又折返人間”，得喎！ 肉鮮嫩多汁，調味好好，咩都唔需要落，就咁食已經好味道 （其實我寧願全晚食兩隻乳鴿算）第三味：蝦肉紅油抄手一夾，好幾舊雲吞已經痴埋一齊！ 個汁無咗原本應該有嘅醋同辣香味（簡單講，無咩味！）， 第一舊雲吞個餡整得好好， 肉好嫩，皮好薄，第二舊，一咬，好腥！第四味：鮮肉小籠包 小籠包皮薄餡靚多汁，肉餡鮮調味剛剛好，呢個要俾返分！第五味：生煎包嗰底煎得唔夠，不過同小籠包一樣，肉餡鮮，做得唔錯最後：擔擔麵第一眼望，又覺得係一個伏，一夾起啲麵，已經聞到一陣唔係擔擔麵嘅味道，再食落去，幻覺黎嘅！完全係唔使擔擔麵！湯底香料味太重，好重嘅麻辣+孜然粉嘅味道（其實我係咪食緊X哥麻辣麵？），香料重到第一下飲嘅湯有陣苦澀味 ，蝦米味呢？花生味呢？麻油味呢？無！自問本人都好食得辣，但呢碗野令我食左幾啖已經辣到出汗，感覺只係好似好似就咁放咗一大堆辣椒醬同麻辣辣椒醬落去，個麵，好得意，其實好似意粉.... 我食完有啲奔潰，其實係咪大台喺裡面拍緊美女廚房？？？食後感：我只係想簡單咁食餐傳統嘅上海菜，其實嗰啲咩翡X，XX姥姥等，我都覺得麻麻地，呢間，真係但如果你去係食乳鴿，鮮肉小籠包，都可以嘅，不過其它就真係....... you 諗 you啦…查看更多

我好中意食越南生牛粉，不過講真，好多嘅味道都係差咁d，搵唔到一間真係好味。行過後巷見到小店，竟然後巷小店都能屹立不倒，好，就去試試。入到去聽到職員介紹話菜式係老闆娘親自炮製，而聽到老闆娘嘅中文口音，我肯定佢係個越南人。首先係越式蒸粉卷，味道比較清淡，餡料都唔太多，粉卷晶瑩剔透，拉得好薄，個人覺得呢個順化style比較普通。職員重點推介漁村湯檬曉，一入口，嘩！好濃嘅海鮮風味，好似係有膏，蝦同魚熬嘅湯底，飲第一口湯已經愛上個湯，好濃，好鮮，好好味！肉碎應該似加左咸魚/蝦醬醃製，好濃嘅鮮味爆發出黎，記得試試幾淡湯底，然後加魚露，更加可以特出湯底鮮味。札肉方面，無平時食嗰d咁肥膏feel，咬落味道濃，都結實，應該自己處理過。如果唔怕海鮮味道嘅，呢個絕對係推介！最後係生牛肉湯河，誠意係湯底，所以我一定會試試先，第一下飲落個湯，又要嘩！竟然勾起到我之前越南粉嘅回憶，湯底嗰個牛味都算係我試過咁多數一數二，好多地方係用好多調味料去煮個湯，但呢度應該係真材實料去做，雖然未有之前我系加拿大試過嘅咁好，但呢個湯底好明顯係有心機之作。食後感：價錢平民，味道一流，心機一流，最怕香港嘅越南餐廳用好多調味，但今次食完無口乾，會返去再試其它野…查看更多

大家好評嘅餐廳，一定要去試試啦！餐廳標明係天然無添加，No MSG，好，就試試有無誤導食客。第一個試嘅就係雜菇茄子牛肋咖哩飯，第一下入口嘅感覺係：無言，好味道出唔到聲。日本咖哩香味好好，香料十足，濃度剛好，無論辣鹹甜嘅味道都調得好balanced，所有配菜都有咖哩香味，個牛甚至有先煎過嘅香味添。個係珍珠米，溝左一d番薯，加上咖哩汁，甜香無得頂！第二個試嘅係7小時慢煮豬軟骨，唯一一個大問題嘅係應該先食呢個，後食咖哩，因為咖哩味道比較濃，而豬軟骨味道比較清，所以感覺有d反差。豬軟骨味道好好，入口即溶，唯一希望嘅就係可以多小小汁可以撈飯。飯都係用左珍珠米，好一粒一粒黏黏嘅感覺，口感好好。食後感：用心製作，係天然食材，新鮮材料，份量十足，價錢平民，味道滿分，一定再去！…查看更多