真小小明明的个人专页

很久沒有吃燒肉，所以特地約了表姐去吃燒肉酒場。表姐在天后返工，放工後過來很方便。附近有時代廣場，表姐未放工時我就在商場裡逛街。店面：裡面的環境：整間餐廳很日本feel，令我們兩個熱愛日本旅行的人頓時充滿思鄉之情。餐牌很精美：我們最後點了幾道菜：1）唐揚雞軟骨$58聞起來很香，配有特製醬料。在未燒好肉時，拿來醫肚剛剛好。2）紐西蘭羊西冷$118沒太大羊騷味，非常好，適合一般愛食羊肉但又怕羶的人。肉質鮮嫩、多汁，肉味濃郁，脂肪含量低。3）伊比利亞梅頭$88據說伊比利亞梅頭有“豬肉界和牛”的美譽。梅頭是猪身上最嫩的一塊肉，從頸後切割，肉質非常鬆軟。肉汁豐富，烤製义燒，油脂放入口中融化，肉味香濃，是超級享受！4）羊湯茶漬飯$58羊肉油花較少，但肉味較濃，味道不錯。份量夠大，足夠2個人吃飽。醬料：然後也點了每人一支汽水，吃燒肉當然少不了汽水，每支$22。服務很殷勤，點餐後不久就上菜。服務員都是年輕人，很容易溝通。疫情之下時時限聚令，又要打針，已經很久沒過正常生活。這次晚飯其實也約了很久才成真。能夠間唔中同親友食晚飯鬆一鬆，真是賞心樂事，希望疫情儘快完結，讓生活重回正軌。…查看更多

這天晚上約了朋友到觀塘吃晚餐，我們決定吃Hamsta Crown Coffee。店內人頗多，比上次來的時候人多。最特別是店內有一part專門賣日本產品，包括護膚品，有得食有得買，絕對是一種享受。落單後一會就有得吃。原條蒲燒鰻魚炒飯 $148看樣子就覺得很滋味，鰻魚表面有光澤，非常吸引！鰻魚很嫩滑，容易咀嚼。份量充足，不特別大食的人應該能吃飽。汁燒八爪魚丸 10粒 $82醬汁味道較在大阪吃到的濃。每粒計埋加一要$9，在大阪，便宜的可以去到$2.5，稍貴也是$5-6，香港物價真是數一數二的高。鱈魚魚乾 $28煮得很香脆。咬下去質感很特別。對鱈魚魚乾的印象還停留在飲酒的時候吃。鹿兒島豬軟骨野菜鍋 $128很特別，燃料是紅色的。燒完後，燃料消失了。豬肉肉質鮮嫩，還有冬菇等配料，吃後齒頰留香。推薦給喜歡打邊爐但怕肥的人，這個鍋既滿足了想打邊爐的願望，但份量不大，吃完後體內脂肪不會增加太多。雞軟骨串 $22以小食來說味道不錯。埋單$449，平均每人$225，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！…查看更多

很久沒有見到大家，所以約了大家到太子吃晚餐。我們選擇到「慢煮工業」，在網上看到這家店有很多分店。在外面看起來，好像很不錯的樣子：七彩繽紛的霓虹燈光，在夜色下別具氣氛。裏面有兩層，裝修很精緻：很居家的感覺：餐具走粗獷風，像是身處歐洲鄉村的家居裏：仔細研究餐牌後，我們決定點四人餐，再加一個湯。飲品就點熱情果加菠蘿組成的特飲：一大支上，份量很足，每個人都可以飲到多於一杯。焗農夫包湯$28這道菜我之前在歐洲吃過，中間是湯，外面是麵包。飲完中間的湯後，可以把外面的麵包吃掉。我們選擇一邊吃麵包，一邊飲湯。四人慢煮星級盛宴（$698）包括很多道菜式：美式搖搖海鮮盤店員在我們面前搖動裝着海鮮的膠袋，然後把袋裏的海鮮倒進盤子裏。值得一提的是它的醬料，名為「蒜辣卡真龍蝦汁」，跟海鮮非常合襯，用來跟麵包一起吃也很合適。材料非常豐富，包括魷魚、八爪魚、青口、薯角、扇貝、蝦和粟米。西西里肉醬芝士焗意粉剛上菜時，盤子是熱的，所以要注意不要燙傷。意粉煮得很入味，肉醬份量夠多，值得一試。最後就是欺辱，上菜時我們也嚇了一跳，因為真的非常大盤！左邊的是烤雜菜，包括紅蘿蔔、番茄和焗薯。鹹蛋黃炸大雞肶兩隻這是我全晚的最愛，雞肉肉質鮮嫩，肉汁充足，雞髀夠大隻，骨和肉的比例近乎完美。如果真的要挑剔，就是沒有怎麼感覺到鹹蛋黃的味道。烤豬仔脾四支剛剛好一人一隻。肉質較雞髀結實，配合燒烤醬料很惹味。可因應個人喜好決定吃附送的粟米。慢煮肉眼牛扒12安士朋友最喜歡這個，夠牛味，口感彈牙。廚師非常細心，在上菜時，已經切好一件件。總括而言，這個四人餐是夠飽的，味道也很不錯。…查看更多

上星期四晚，我約咗舊同學食飯。地點坐落喺人來人往嘅朗豪坊旁邊，方便得黎又唔難搵，蠻有大隱隱於市嘅氣派💆由於我哋早一晚book咗枱，所以即使未齊人，貼心嘅侍應都安排座位俾我入去。我哋坐低一邊睇menu，一邊等frd。☺️房間嘅燈光唔算太猛，亦冇嘈吵嘅背景音樂，絕對適合一班朋友悠閒咁傾計，喺聊天嘅好環境呀！👯餐牌上有好多選擇，我同朋友order咗A+B嘅set dinner (HK$288)，包餐湯同2杯$29嘅飲品。如果大家想飽肚得黎又豐富啲，不妨考慮呢個二人餐啊！😋職員落單同出單都好有效率，所以我哋坐喺角落位，都唔怕被忽視啊！首先上枱係雜菜湯，唔太油膩之餘又幾開胃👅飲品係凍水蜜桃綠茶同柚子蜜，甜味同果酸配搭得岩岩好! 夏天消暑一流👍🏻然後，上主菜啦！A餐喺令人驚喜嘅蒜香黑松露炒雜菌闊條麪。本身喺黑松露控嘅我好滿意濃郁嘅松露味，啖啖嘅芝士食落口令人好滿足😍蒜蓉味嘅意大利面唔會太creamy，值得推介😚B餐喺炭燒安格斯肉眼扒配黑松露菌汁。扒肉薄身得黎大小適中，咬落好juicy，伴碟嘅炸薯條唔太鹹，味道唔錯💫★ 五成熟嘅肉眼扒★我哋食完main dish已經好飽，所以就冇叫甜品。總括而言，今餐真喺非常抵食啊！…查看更多

鼎鼎大名既韓燒放題店推出左全新既韓式宮廷海鮮鍋，鐘意韓式既我根本忍唔住於是就搵埋同事一齊黎食我地係7點左右黎到，果然係頂級既韓式食店，人客極多，好彩我地一早book左位，侍應好快就帶左我地埋位，招呼十分良好。坐低冇幾耐，店員就將一大盤既海鮮抬到我地面前，真係豪華到不得之了。侍應為我地既海鮮鍋加濃湯同埋開火既時候，隻龍蝦仲係非常生猛，好彩即刻冚蓋，唔係隻龍蝦一定飛出黎。係煮緊鮮鍋個陣我地拎左好多熟食黎醫肚，有糖醋排骨同埋豬手，排骨炸得岩岩好，醋既酸味唔會太搶，用黎開胃真係恰到好處。豬手更加唔洗講，非常之咁入味，豬皮入口即溶，好食到不行。係多種野飲提供之下我揀左最鐘意既蘋果綠茶。一開蓋個下海鮮既香氣轟炸式咁衝出黎，我同同事已經忍唔到夾完一舊又一舊，即使龍蝦仲係好熱我都堅持一下一下咁剝開隻龍蝦，黃黃既蝦膏非常吸引，我地好快就清晒滿滿既宮廷海鮮鍋。…查看更多

Happy Friday，弟弟提議我們一塊兒外出用膳。也好，我們姐弟二人很久未有一聚了。為了遠離市區紛擾，我們特地挑選一間位於佐敦跟尖沙咀交界，又略為偏遠的西餐廳。餐廳燈火通明，但基於它被不少樹木環抱，令我們彷彿置身恬靜青丘，好不舒暢。Season Plus分為內室和外廷兩處地方。由於內室環境跟其他西式餐廳無異，故我們決定坐在外面，細心感受叢林之美。葡萄梳打(左): HK$28 ★ 橙汁(右):$38先來點飲料吧！弟弟點了一杯鮮橙汁; 我就要一杯葡萄梳打吧！兩杯飲料酸酸甜甜，屬餐前的開胃良品。更重要的是，我們嚐到啖啖新鮮果肉，真是充滿驚喜呀！炸日本廣島蠔(6件): HK$48本來我們想大吃這裡相當馳名的生蠔，但由於弟弟前兩天才吃過這道菜，故我們決定品嚐另類蠔品。這款「日本廣島蠔」，體積比本地生蠔小，應該算是中等size吧！每隻蠔仔炸得香脆金黃，肥大肉質更將何謂鮮美表露無遺。太棒了! 我跟弟弟都忍不住連續叫了兩碟炸日本廣島蠔打頭陣呀！煙三文魚Salad: HK$58弟弟說他要減肥，所以想先吃一點蔬菜。於是，第二道菜就成了煙三文魚Salad了。每片煙三文魚切得厚薄均勻。雖然它沒有普通三文魚嫩滑，但煙燻口感十足，別有一番滋味。至於擔任主角之一的沙律菜，則新鮮可口，跟配料橄欖油及白醋互相輝映。韓國燒汁魷魚筒: HK$98這款魷魚是以原筒 (即完整一隻大魷魚)方式進入煮食器皿中。整隻魷魚烤得香口彈牙，配上於韓國擁有舉足輕重地位的燒汁後，更加惹味十足，值得一試。吃過數道小食後，我跟弟弟一致認為，是時候來個正統西餐作結了。熊本霜降西冷: HK$198這款西冷牛扒，跟我們以前吃過的安格斯或美國西冷扒大有不同。它的脂肪比例相對較少，且呈網狀形。由於其脂肪平均分佈於筋肉之間，故有「霜降」之美譽。一呷，我們就發現其肉質幼滑，入口有瞬間即溶之感。加上肉汁鮮味濃腴，我跟弟弟都忍不住大讚一番。吃過多款菜式後，我和弟弟都滿足地漫步回家了。…查看更多

數數指頭，我已有數月不曾吃過韓國食品，於是特地約了一班朋友同行，往這間名為The Joomak 的韓式食肆享用晚餐。店舖裝潢簡潔宜人，讓人如同回到家中，格外親切。侍應領我們到近窗邊的位置用餐。在該處，我們能夠欣賞璀璨夜色，以及浩瀚大海，真是棒透了。我們原本想吃韓式火鍋，但一想到早前吃了不少燥熱之物，故打算簡單吃數道韓國料理便是。韓式牛肉炒粉絲 $108有朋友特別推薦這裡的牛肉炒粉絲，故我決定點這道菜來嚐一嚐。朋友果然沒有介紹錯! 牛肉厚薄均勻，爽口清香; 彈牙粉絲則吸收了鮮牛肉的精華，予人愈吃愈想吃的感覺。我們兩，三口，就把整碟粉絲吃個精光。吞拿魚卷 $98這碟看來平平無奇的吞拿魚卷，竟為我帶來無比驚喜。紫菜緊緊包着吞拿魚跟青瓜，完全沒有一絲鬆散之感。我想特別稱讚內裡的那條青瓜，因為我平日很討厭瓜類食品，但這條青瓜異常新鮮，爽脆，讓我吃得十分滋味。黑蒜雞 $158這道菜一碟大約有8，9件雞。金黃雞塊炸得香噴噴，但毫不油膩。黑蒜醬微甜，均勻地塗在各件雞塊上，讓它們平分秋色。我們個個都吃到停不了口......今次吃貨旅程真讓人高興，希望我們可以再來這兒吃，吃，吃吧！…查看更多

這天晚上約了朋友到尖沙咀吃晚餐，我們決定要對自己好一點，所以選了一間高級餐廳。棉登徑一向都是高級餐廳的聚集地，如果想去尖沙咀吃高級晚餐，絕對可以考慮這裏。「Cozy Corner」位於棉登徑的開端，我們從大街走進來,一眼就看見。燈光閃閃：裏面裝修非常精緻，就像是近代的歐洲貴族家居：看樣子就知道沒有改錯名字，環境真的很cozy。以ipad點餐，非常先進，最難得是iPad完全沒有反光，不用擔心眼睛健康：圖文並茂：我們二人每人點了一個set dinner。每人都有一個前菜：Daily salad有珍珠茄、橄欖、菜。既新鮮又清新，爽脆鮮甜。酸酸甜甜，絕對是醒胃之選，吃後胃口大開。份量充足，食量小的人吃後應該接近半飽。Daily soup美味的蔬菜湯，質地夠濃，青翠的綠色很養眼。熱騰騰，喝後很溫暖。另外也點了香煎焗美國銀鱈魚伴時令蔬菜配白蘭地忌廉汁 $328銀鱈魚表面有光澤，質地偏稔身。白蘭地忌廉汁很creamy，濃郁惹味。魚肉肥美無比，完全無腥味。質感綿滑，彷彿入口即溶。Set dessert蛋糕上面的蝴蝶活靈活現，輕輕按它一下，它的翅膀立即動起來，就像是正在飛翔的樣子。蛋糕口感輕盈，充滿層次的味道在口裏一次過綻放，甜度適中。周圍有綠茶粉和士多啤梨，增添更多不同的味道。我們都很滿意這頓晚餐！…查看更多

放工之後約左個friend落旺角食飯。一落新世紀廣場就見到水務處對面，開左間新越南餐廳。個裝修好得意（特別對於鍾意cartoon嘅我，keke），所以就衝左入去啦!牆邊玻璃櫃擺左一D金邊粉模型、啤酒擺設之類，真係好cute cute呀～扎肉撈檬 $42系越南餐廳唔點撈檬當然唔得啦～所以我地就點左個扎肉版先～個人覺得呢碟野嘅賣相唔錯，味道不過不失～呢個價錢黎講，性價比算系唔錯嫁啦！蒜仔牛柳粒 $68我一睇餐牌，就好想要碟蒜仔牛柳粒試下，因為已經點左扎肉撈檬，怕食得太飽，所以系[小食]度揀下先。分量岩岩好～好適合細食嘅人～哈哈，做人要惜食啊！炒芥蘭苗 $48無菜不歡嘅我，當然要點碟炒芥蘭黎食啦！芥蘭好有鑊氣，而且蝦醬味重，拎黎撈飯食一流！可惜今日，我地無點到白飯呀～～～>,<青檸梳打飲品方面，我就叫左杯青檸梳打。因為叫左「少冰」嘅原故，侍應哥哥好好人咁拎左隻空杯同梳打水黎，畀我自己「沖調野飲」呀，哈哈……不得不提嘅，系呢間新餐廳嘅員工服務態度好唔錯呀～宜家遇到好侍應好似好難啦～所以要畀個大Like先！…查看更多

冬天正式來臨，又到打邊爐既季節，我同朋友不約而同都想試下羊腩煲宵夜，於是選擇左非常近我地公司既靚煲王。我地係11點左右黎到，人客唔算好多，侍應好快就帶左我地埋位，坐低冇幾耐，店員就幫我同朋友介紹幾款煲，招呼十分良好。我地係等羊腩煲個陣叫左店員推介既豉油皇靚鵝腸，色澤好吸引！味道好岩我，唔會太濃。啲鵝腸肥瘦度亦都岩岩好，有適量既脂肪係底部，口感彈牙！另一款前菜小食係泰式墨魚餅，清新既墨魚比香脆既炸皮包裹住，金黃既外貌好有氣勢，食落入口香脆，咬落又彈牙，非常過癮，再配合泰式酸辣醬，可以話係有今生冇來世。主菜登場，羊腩煲一上枱，個煲就好似一個羊肉味既香薰一樣不停將羊肉既香味噴出黎，羊腩煲非常足料，除左滿滿既羊肉之外，當然唔少得既係枝竹，馬蹄同埋冬菇，幾種食材係羊肉既炆煮下，非常之咁入味，係主角羊腩既面前完全唔失色。再黎就係羊腩煲既主角—羊腩，羊肉愛好者既我一睇就知道呢啲係黑草羊腩肉，黑草羊肉一向都係冬季滋補佳品，好適合我呢啲怕凍既人食。食完直情覺得成身都比股暖氣包圍住。再加上炆煮過後羊肉變得入口即溶，食完一舊又夾一舊，可以話係難以置信既美食。除左羊腩煲打頭陣之外我地仲嗌打邊爐既配料。金黃既響鈴未落湯已經勁香，而經過羊腩煲既洗禮過後更加升華到極致，實在估唔到常見既響鈴同香濃既羊腩湯係咁配合。新鮮牛胸爽十分有𡁻勁，係吸收左羊腩汁過後，咬既每一啖都好似飲緊羊腩既精華咁，牛同羊既香味一次過品嘗得到，真係好滿足！…查看更多

這晚跟朋友到尖沙咀吃飯，她之前吃過這餐廳，覺得不錯，所以今天我們專程來試。是日本餐廳來的，位於棉登徑，很寧靜的一條街。遠處看去是這樣子的：裡面地方不算很大，但既有吧枱，又有普通枱，能滿足不同人的需要。一個人來吃或是一堆人來吃也可以。師傅在努力工作：牆上貼的餐牌：店員拿來的餐牌：店員送上熱茶：茶香十足，飽滯時喝絕對是一流。前菜：最左邊的像是蘿蔔，因為醬料的關係，有wasabi的味道，喜歡wasabi的人不容錯過。中間是小蕃茄，上面有點點柚子，一次過能滿足兩個願望。右邊的很脆，又很香，個人最喜歡這個前菜。壽司 $240 & $136裝飾得很漂亮，有一片紅葉。其中一件壽司是用豆子包著，可以吃下肚，真是很特別。魚子很彈牙，很享受咬下去時有醬汁咇出來的感覺。雜錦天婦羅 $88既然是雜錦，的確是包羅萬有：茄子﹑蝦﹑豆等，你能說都有。蘸上醬汁，鮮味無比。大根煮沖繩豬手 $158聽名字就覺得別具日本風味。豬手偏甜，骨和肉很容易分離。肉質偏腍，質感綿滑。湯底是無添加的，味道鮮甜。這頓晚餐真是令人心滿意足。…查看更多

這晚家裡沒飯吃，便跟家人外出覓食。平時工作已經很辛苦，我們決定善待自己。到了家附近的一間酒店，我們發現裡面有餐廳！最後選定'壹壹漁一'，好像是吃日本菜的。看上去很高級的樣子：裡面是這樣的：餐具是典型的日式餐具：我們決定吃一漁前， $208，是一人份量，但我們本身不是吃很多，加上不是太餓。有很多食物，只說其中一些我覺得印象深刻的：枝豆這是其中一道小食，是日本餐廳很常見的一道菜。弄得毫不馬虎，上面有調味料，把豆擠出來時，能嚐到鹹鹹的味道。豆很有益，據說能令牙齒更健康。汁燒煙熏黑豚肉腸醬汁很惹味，黑豚肉腸的皮很脆，咬的時候覺得很彈牙。肉質結實，滋味無窮。天婦羅海苔竹輪卷炸得金黃香脆，竹輪卷味道獨特甘香。醬汁裡有紫菜碎，所以吃的時候有紫菜味。…查看更多

最近公司真係好多野做，不過見一班朋友好耐無見所以幾攰都會出黎。大家食飯之前都一致決定要搵個靜靜地既地方傾計。呢間Homemadecafe之前都黎過，雖然地方唔算好大，但勝在人唔算好多可以坐得舒舒服服。呢間cafe都有幾多boardgame玩，原本諗住邊玩邊等遲收工既朋友，不過朋友最後好快黎到，所以今次就無玩到。本來我地想貪方便叫個4人combo，但睇完menu後，大家都想試多d唔同既款式，所以就決定散叫。呢個cafe叫野食既方式有d特別，就係要將想叫既菜式號碼寫落塊板仔度。呢個烤雞闊條麵 ($98) 裏面有好多雞肉，闊條麵彈牙得黎又唔會太硬，配埋個清清地既汁，食完之後唔會太膩。隔離個羅宋湯酸酸味味幾開胃，如果有多d菜就更加好啦!呢壺水果茶原價要$65，但因為叫左其他野食既關係，所以加$20就飲到。開頭我地都會擔心太多種生果擺埋一齊，個味道會唔會好怪呢？但出黎個效果又幾好，因為有水果既甜味，我地飲完唔會太口渴。我地4個人share——每個人飲左大約3-4杯，仲可以食埋裡面d果肉，呢個價錢算係好抵飲！呢餐飯最好食就係呢個綠茶窩夫($82)。個窩夫餅軟硬適中得黎仲係暖粒粒。我食個陣，將件餅切細先後配左朱古力醬、忌廉同雪糕。我地發現，同件餅最夾既係雪糕，個種一冷一熱令到棚牙都痺埋既感覺真係好爽。如果唔係有4個人要一人一舊，我諗我會成碟食哂！P.S 今次我地有好多野食要分，所以成日要額外再問個度d職員攞多d餐具，佢地每次都會好快應我地，同埋態度都唔錯。返左工成日最怕放左工都要受氣，所以今次既體驗真心唔錯！…查看更多

下班後約了朋友到佐敦吃晚餐，我們決定吃burger。上次跟另一位朋友來過Bigger Burger Cafe，感覺非常好，所以決定來多一次。店面：餐廳內部的牆上畫滿了美味的食物：燈光尚算充足：餐單印刷精美，有很多圖片：我們決定每人選一個套餐、一杯飲品。另加幾個小食一起分享。三文魚凱撒沙律本來要＄68，但因為我們是跟套餐點的，所以可以減＄20，絕對是超值！沙律醬不算太多，不喜歡沙律醬的人也可以試一試。三文魚大概有三至四片，非常鮮味，極度柔軟，幾乎入口即溶。麵包烤得香脆，咬起來非常有口感，但不算太硬，不怕咬崩牙齒。蔬菜很新鮮，感覺非常健康。墨西哥辣肉醬薯條這是由套餐裏的薯條加＄25轉配的，如果不加錢的話，就是普通薯條，沒有特別口味。肉醬就像是平常肉醬意粉裏的肉醬，非常香口，又有點點芝士。鵝肝安格斯漢堡＄128上次吃的時候不知道有黑醋，所以在上菜後後悔不已。這次我決定復仇，來一個沒有黑醋的鵝肝安格斯漢堡。店員很醒目，說一次就能做到。最上面的是鵝肝，極度柔軟，入口即溶，香味不停在口裏迴旋。下面的是芝士和安格斯牛肉，牛肉肉質鮮嫩，充滿牛的香味，吃完後齒頰留香。薯條外脆內軟，還有茄汁醬作配襯。松露蛋漢堡＄98喜歡黑松露的人絕對要試一試，非常棒，松露的味道能留在口裏，久久不散去。我們都不約而同決定點橙汁，跟套餐的話，只需加＄5就可以。甜度適中，有橙的香味，很能止渴。埋單$588，平均每人$147，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！…查看更多

晚上約了朋友到諾士佛臺飲酒，事前當然要先填飽肚。去了Spice Restaurant & Bar，裡面地方寬敞，燈光明亮：店員清一色是外國人，我沒見到有操廣東話的服務員。餐牌：不求飽肚，只求不要空肚飲酒，點了些食物，其中包括一些蔬果。蒜蓉炒椰菜苗 $88選這個絕對是明智之舉！椰菜苗碧綠新鮮，火喉剛好，咬下去爽口又清新。加上蒜蓉，味道更豐富。時令水果拼盤 $68有菠蘿、西瓜和芒果。芒果的樣子很特別，之前從未試過。有很重的芒果味，幾乎入口即溶。甜甜的，但不膩。西瓜清爽多汁，夠甜，很天然的感覺。菠蘿酸酸甜甜，夠新鮮，估計是剛切出來的。吃完後，出發去下場！…查看更多