beibei511的个人专页

今日同同事係尖沙咀行街，心血來潮想食雞煲，即刻上openrice睇下有咩好食，見到呢間啲雞煲都好似唔錯於是就上左黎食。間雞煲係山林道銀座38，位置黎講都幾易搵。黎到既時候1800,唔算多人坐落都唔迫，幾好！雞煲佢有唔同口味，有辣有唔辣，睇你鍾意咩口味la~~我同同事四個人今次選擇左全隻雞既極品雞煲翅，冬瓜，牛肉，自創爆芝響鈴，韮菜餃。雞煲翅上檯我哋即刻關心下入面有啲咩la~金黃色既湯底配上嫩滑既雞，足料既翅同螺頭片，真係好好味，本身以為啲雞會愈煲愈老，但其實到左最後啲雞煲到離骨，啲肉都唔老，好食值得一讚既係佢呢個自創爆芝響鈴，一上檯既響鈴係岩岩炸起既，熱辣辣既響鈴加流緊既芝士睇落都好好食，放落雞煲浸完之後仲要索哂啲雞湯，超好食！！另外，佢既冬瓜都好好味~~唔算好厚既冬瓜放入湯一陣就食得，食左咁多肉之後食冬瓜解膩又健康，多汁既冬瓜一放入口就融化！！正！！總括呢間吞pot值得再食😁…查看更多

今日係附近工作，放lunch 都唔知食咩好，同事介紹話有間新開嘅越南野，就走左黎食，呢度lunch set幾多選擇，價錢都幾親民。天氣太熱，叫左個涼拌嘅豬頸肉撈濛，勁大碗，豬頸肉份量好多，配酸蘿蔔絲，青瓜，花生碎，蔥油，落埋甜酸汁，非常開胃，夏天食啱哂！豬頸肉外脆內軟，味道醃得剛剛好，好食！餐飲叫左杯咸檸7，一整罐7喜送上，唔會成杯冰咁偷工減料。再追加1客大蝦米卷，個皮好軟滑，唔會太厚，夾住大大隻蝦，好爽甜嘅配搭，食埋就真係暑氣全消。同事果然好介紹，下次黎開呢頭都可以再黎。…查看更多

今日行完街同frd 黎左食越南野，見到原來有越式香茅雞煲食，一於要滾一滾。除左雞煲 再叫左1個2個餐鮮蝦米紙卷，味道清新，配酸甜醬汁好開胃，米紙軟滑得黎又煙煙韌韌，幾好。二人份嘅香茅雞煲，158蚊，好大煲，好多配料，有好多津白同雞脾菇，仲配左1籃生菜滾黎食，醬汁好香好入味，惹味得黎又唔會太咸。雞肉醃得好入味炒芥蘭苗，惹味爽口。咖哩軟殼蟹，好大隻軟殼蟹，而且好多膏，有火暖住，唔會灘到凍哂唔好食，忍唔住追加白飯喇蒜蓉包，好香牛油蒜蓉味，夠香脆。蒜仔牛柳粒，份量多，黑椒味濃。青檸梳打好大杯，食雞煲不可或缺，冰凍清新。埋單每人160蚊度，已經飽到不行了，好抵食呢！…查看更多

平時響尖沙咀大商場食野多，今次想去地鋪發掘下好野，去左「上岸料理」食日本菜。明太子薯蓉沙律。作為一個前菜，佢分量算多，著蓉堆成一個蛋糕形狀，食時用紫菜包住，保持形狀卷起，既有紫菜脆感又有薯蓉質感。小食燒蒜頭，又香又脆，換下感覺。跟住就係重頭戲——刺身啦！有黑鮭魚、葉血引、深海池魚、池魚。擺盤又靚又色彩豐富，有魚頭魚尾做裝飾，入口充滿鮮味，各有質感，好正！吉列南瓜薯餅。南瓜絲絲清甜，同薯仔好夾，咬上去口感很厚。雖然係吉列炸，但火喉控制恰當，唔會過火，冇焦味，亦冇過份油膩感。最後以清酒煮蛽，蛽鮮嫩，酒清爽，清清地做結束。上岸料理水準唔錯，勝在價格親民，地方就腳，下次會再黎！…查看更多

Omakase即係日文嘅壽司廚師發辦，冇固定菜單，視當日材料而定，模式好新穎。銅鑼灣鮨金和食料理正係出名omakase，今日同朋友去試一試。點左mini kaiseiki ，午市其實仲有其他固定丼飯可選。先上左口魚，本身賣相已經靚，白雪雪，擺碟美觀，有少少青蔥，入口爽利鮮甜。平貝肉厚多汁，唔會乾身，而牡丹蝦非常大，晶瑩剔透，肉又彈牙，入口就一陣海水新鮮感。吞拿魚拖羅鋪上金箔，乍看之下似和牛，脂肪如雪花般均勻散布，為舌尖帶黎軟膩感覺，悠久不散。螺同飽魚口感相若，所以一齊上菜，先用竹籤食螺，爽口感中和番拖羅帶黎嘅油膩，帶黎另一種滋味。最後加個甜品就完美。今次淨係食lunch，價錢相對比晚飯平，人均580+10%，食物水準絕對值回票價！…查看更多

今晚同好姊妹慶生，搵到呢間意法私房菜，menu 睇落好吸引好正宗，仲要帶有蠔吧，可以食埋生蠔，今晚要食豪d! 先點飲品，我揀左法國白提汁，係白酒廠用嘅白提子造成，飲落好幼滑好香甜。生蠔叫左每款2隻，因為買一送一，折左都係40幾蚊1隻，分別叫左pinky, krystal, ancelin special, gillardeau, 我覺得最正係ancelin special, 蠔身好爽好厚肉，一食有一陣海水咸鮮味，食落非常鮮甜，after taste 好甘香，鮮味長留不散，值得一試。餐包係自家制，好鬆軟，個皮仲脆脆地，配獨創嘅香草茄子汁同辣肉腸南瓜醬，食餐前飽都變左一種享受。前菜我揀左法式油封鴨腿塔，制作油封鴨腿好考功架，呢度做食味道非常好，保持到肉質嫩滑，鴨肉咸香，配上蕃茄他他，中和油膩感。龍蝦湯，好香濃，飲得出落足料，如果可以嘅話，我想加個白飯跟住黎個香煎鵝肝，鵝肝厚切，兩邊煎脆，帶海鹽胡椒調味，內裡嫩滑juicy, 鵝肝味濃郁，真係會愈食愈開心！非常邪惡！餐廳細心安排左蕃石榴雪芭，清一清味蕾，飽左8成，終於食到主菜，我揀左燴澳洲和牛牛面頰，上枱份量好有睇頭。一切開見到燴到肉質已經鬆軟到化開，條理分明，食落非常軟滑，帶點膠質黏黏嘅口感，牛肉可以做到呢個柔軟嘅口感，真係好巧手！飽滿感100分，最後上個櫻桃乳酪芝士慕絲，完成慶生節目，姊妹們當然非常開心滿足。700幾蚊可以係香港食到頂級法式水準，媲美5星級酒店嘅法式自助餐水準，絕對值回票價。…查看更多

今日同朋友喺酒店食完靚靚afternoon tea同shopping後，行經呢間餐廳，好得意呢，開喺地窖度，同朋友決定食個light dinner先!!餐廳環境裝修都幾格調。餐牌種類都幾多元化，而且drink list仲有好多選擇。餐前包點油醋食，酸酸地，幾開胃!前菜有炸魷魚，炸得脆卜卜，熱辣辣，而且炸衣唔會厚，魷魚軟嫩，唔會乾身同唔油膩，very gd!!叫左一個主菜share食，香煎鱸魚。賣相好精緻，好似一幅畫甘靚!! 魚肉夠滑唔腥，加上橄欖醬，味道好香濃，好味!!最後，甜品叫左地道的tiramisu，賣相一如既往甘靚，tiramisu入口好幼滑而且唔太甜!! 咖啡味剛剛好，perfect match!!侍應服務唔錯，有笑容同禮貌，而且會提供暖水，幾甜心!!…查看更多

上次試過樓下嘅燒海鮮時，已經見到備長呢間居酒屋，今次同朋友嚟試試!!!餐牌都幾多選擇喎!!! 豚之大腸好吸引，可惜朋友仔唔食呢～淨係燒鳥都有咁多款!!除咗串燒，仲有沙律，天婦羅等等嘅食物，所以唔怕揀唔到食物，只怕胃仔細，試唔到咁多款呢!點餐後，侍應送上前菜，蔬菜都好fresh，點下味噌醬，幾match!溫泉蛋牛油果沙律係我嘅favourite之一，溫泉蛋滑溜同牛油果嘅濃滑好夾呀!!! 沙律菜用上芝麻醬調味，好好味!!!鵝肝多士賣相一流，鵝肝煎得好香，用上燒汁調味，入口即溶，非常嫩滑呀! 多士香脆，好夾!汁燒原筒魷魚好大隻，汁燒後魷魚仍然軟嫩之中帶彈牙，不得了呢，送酒一流呀!雜錦天婦羅脆卜卜，熱辣辣，又唔會過份油膩，天婦羅蝦有三隻，都算多呢! 仲有啲蔬菜㗎，好似南瓜同青椒仔。明太子茶漬飯好大碗呀!!! 熱湯加上紫菜，好香呀，明太子加上熱湯飯，食完令人好溫暖。朋友仔同我都食到好飽，捧腹而回呀，而且坐得舒適，係一個傾計嘅好地方。…查看更多

另一半請我食好嘢慶祝，仲一早book晒位，心情就當然好喇，不過呢到啲嘢食都係好有質素嘅我地兩個人叫咗個晚市2人餐，包晒沙律、前菜、刺身、海鮮、主菜同甜品，先講沙律墨魚籽蕃茄蟹肉他他，蕃茄個汁唔係好重，無搶到蟹肉嘅味，但兩樣嘢食夾埋一齊都幾match，加埋墨魚籽個味都唔係好重，無cover晒其他食料，食落口感好豐富，加埋麵包嚟食簡直一流之後前菜蟹膏釀北海道帆立貝，外貌賣相好得意，waiter介紹食之前先將透明筒入面嘅醋整晒落去先，不過就算加晒醋先食帆立貝，都感覺到鮮味，醋同底下嘅沙律菜亦都match，味道唔錯刺身方面有3款，三文魚、帆立貝同埋深海池魚，3樣刺身都係厚切同新鮮，個人特別like池魚，好鮮甜同咬口，gd海鮮方面狩餐有香草檸檬煮蜆，個人一直都好怕檸檬會好酸，令到個海鮮味道被cover，不過先想講個蜆好大隻，好有咬口同埋新鮮，另外香草檸檬個汁餐廳整得好好味，唔苦，加入香草好似西式餐湯，我地二人吃完個蜆之後忍唔住係咁入湯XD其實食完前面嗰啲嘢食已經好飽，但重點主菜有黑松露蟹肉鴨肝煲仔飯，個煲飯好大好多   (可能因為已經飽咗7成)，本身黑松露味好香，一開個煲就已經聞到好香，啲飯睇到係一粒粒，仲有飯焦，好食，另一個係西班牙乳豬仔，燒得好脆，無咩肥膏兼有肉，very gd最後仲有甜品埋尾，我地兩個都脹住個肚咁走，我個人當然滿意，首先有人安排，加埋環境同嘢食都好好，感覺好滿足，過了開心的一晚…查看更多

今日同朋友食lunch，地點揀左比較就腳嘅尖沙咀，極尚大喜屋，食日本料理。呢間平時都係夜晚食放題多，第一次試lunch。首先我地點左幾款壽司。帶子甜蝦蟹膏壽司、和牛鵝肝壽司、芝士玉子壽司、每款都大大舊，一啖咬落去，鮮味滿溢成個口腔。當然唔少得天婦羅啦！脆卜卜、熱辣辣，又唔會過份油膩，內裡有汁，冇過份乾身，唔錯！刺身係冰鎮，材料新鮮，而海膽都幾厚肉，齒頰留香，三文魚不過不失。熱食方面，有炸榴槤波波，咬落係醬爆，粒粒鬆脆，好好食。另外叫左個花甲海鮮粥醫肚，暖笠笠，既令個胃舒服下，亦可以飽肚。有6款特飲可揀，甜品係Haagen Daz嘅乳酪，一食即刻覺得值回票價。今次每人248加一，喺尖沙咀黎講價錢算係咁，坐得舒服，地方又就腳，下次會再黎！…查看更多

朋友仔話帶我食好嘢，雖然糧尾，但想先想後都係覺得食咗先，之後先算，好彩最終有嚟咋跟朋友仔搭𨋢上到嚟，餐廳都已經8成坐滿，waiter有跟我地作多樣介紹，以及向我地推介咗餐廳正做緊煙燻祭，可以將啲海鮮燻製，想起都幾得意先嚟前菜，最特別係個醬汁，係用鯷魚醬整成，即係加入咗多春魚同沙甸魚，配合菜、西芹同紅蘿蔔好食，令本身無味嘅後三者帶有鹹味，第一次試咁嘅食法，感覺好fresh之後嚟到主菜之一嘅刺身喇，刺身盛合5款，樣樣個size都厚切兼非常鮮甜，吞拿魚腩厚脂，個魚亦特別用火灸燒過，吃完十分滿足！另外刺身類方面仲叫咗個火灸刺身沙律，本身已經佢細細份，點知嚟到咁大盤，食極都有，醬汁雖然酸酸地，但同幾種刺身配搭上都幾match，吃完幾開胃同醒神去到重點嘅煙燻海鮮，今次晌貝頖出發，一次過叫咗煙燻白蛤、文蛤同白貝3種，事實上3種都好新甜，晌海鮮上面加入煙燻味，感覺好特別，本身海鮮上面仍保持到份，白蛤細細隻較少少乾身，但另外兩款夠鎖死水份兼爽口，相對他比較吸引另外仲叫咗個燒魚頭，雖然上碟時感覺佢個表面好黑，但食落好脆口，第一次食金目鯛魚頭原來都唔少肉，加埋醬汁同檸檬汁一齊食一流整餐飯加埋呢支鈴鹿川，絕對係perfect，待應介紹入口易，的確飲落清爽兼有果甜，會情不自禁入咗好多…查看更多

放工後相約同事一行三人到上環呢間餐廳食飯！雖然上環係有少少遠，但呢間餐廳勝在好近地鐵站，好易搵！餐廳喺二樓，鋪頭細細，但裝修都幾有格調同情調，好適合三五知己食飯聚下傾下計㗎！坐低之後就開始點菜啦！首先送上嘅係小餐包，每一個都不同味道，外表睇落似硬硬的，但原來非常鬆軟，沾上黑醋很不錯喔！連小餐包都認真看待㗎！👍🏻👍🏻我哋點咗個沙律，呢個係燒帶子柚子沙律，帶子都大粒新鮮嘅，煎過所以好香！而我最喜歡嘅係啲柚子，柚子唔酸仲幾甜添，配上沙律菜同蕃茄，真係好fresh呀！而且仲非常健康，食完好開胃呀！讚呀！👍🏻👍🏻😋😋然後係忌廉白酒煮青口，青口好新鮮呀！個忌廉汁好creamy，如果可配埋麵包真係無得頂！😀到意粉我哋點了腐乳忌廉汁羊肉扁意大利麵，從前覺得腐乳同西餐難一點址上關係，但呢個意粉讓我想法改變了！腐乳同忌廉好夾，個汁好特別，仲食到獨特的腐乳味，而羊肉好軟，好味！😃最後仲有個香煎鵝肝伴黑松露雜菌意大利飯，呢個鵝肝不得了，煎得好香，入口即溶，非常嫩滑呀！😋意大利飯煮得剛剛好，忌廉汁包住每一粒意大利飯，有啲雜菌可中和一下無咁漏！呢餐食得好開心，有美食又可同朋友輕鬆聚下傾下計，很不錯！😊…查看更多

朋友仔話突然間好想食pizza ，本身個人就麻麻，因為平時晌屋企叫得外買pizza太多😂，不過朋友仔話呢個著名明火烤製，咁去試下喇嚟到餐廳都有6-7成坐滿，呢到畀我好印象深刻嘅就係個餐牌，因為好似人地水晶結婚相簿，印刷精美，好穩重嘅感覺😂😂不過都係入返正題，睇過簡介睇到佢地嘅pizza嚟自拿玻里，而晌最傳統嘅pizza入面只包括芝士、蕃茄同埋羅勒葉, 正正同我地叫嗰個瑪蘇里拉芝士非常配合...pizza吃時好鬆軟，料嘅味道好豐富，幾樣村材嘅分配好像都恰到好處，無話是旦一樣材料嘅味蓋過另一種，唔錯唔錯👍🏻👍🏻👍🏻另外仲叫咗個酥炸雞翼，雞翼睇落雖然唔大份，但雞翼好入味同嫰口，皮夠脆，值得一試💪🏻…查看更多

好耐無行旺角，成日落雨不如行下大商場，見到呢間日本野又幾精緻咁，排左一陣隊就有得入，坐位都幾闊落。叫左1個398嘅廚師發辦壽司拼盤，集合店中最新鮮最矜貴嘅食材，有我最愛嘅toro 海膽同金目鯛，仲有大大隻赤貝，海膽都好鮮甜，高水準之作！中Toro 入口即溶，充滿油脂香同魚肉鮮味，個人覺得中toro比油脂更重嘅大toro 更加好食。刺身劍魚腩海膽非常鮮甜，一d 都唔腥，絕對要叫！三文魚牛油果飯burger，d 飯充滿醬油味道再煎香，愈食愈有味，材料十足，好特別嘅配搭。鐵板燒雞腿肉，用日本嘅雞肉整，好嫩好多汁，正。海膽黑松露茶碗蒸，三樣野都係我勁鍾意食，又點可以錯過，先食海膽嘅鮮甜，再嚐蒸得好滑嘅蒸蛋，滿口黑松露香味，連淨底嘅湯汁都唔可以放過！仲有個炸物摩天輪未試到，下次黎旺角唔怕無好野食了。…查看更多

同班frd 去打邊爐唔需要搵原因，想打就打！今晚就去！麻辣鍋是必點啦，雙拼唔使加錢，試下酸菜白肉鍋，原來早黎仲有7折，好抵！麻辣鍋免費跟多1份鴨血，酸菜鍋就跟左好多豬腩肉同冰豆腐，唔使叫咁多火鍋配料，店員亦好細心提我地唔使重覆叫，讚有時令海鮮可以揀，見到隔離枱個碟象拔蚌刺身，晶瑩剔透，流哂口水，可以小人物要節衣縮食，食返火鍋料一樣正。雙拼鍋非常足料，鴨血好滑好嫩，無渣好入味，加多幾份都食得到！牛肉眼好有牛味，份量足！黑豚肉好爽嫩，推介！丸拼盤，最鍾意黑松露墨魚丸，好鮮味，黑松露夠香。流心芝士牛丸都好正。響鈴即炸夠哂脆墨魚滑加入彈牙蟹籽，鮮味口感十足。炸芋頭可以唔使淥，熱辣辣即食，芋頭夠哂粉。蔬菜拼盤份量夠二三人分，粟米超甜！8點半前埋單，7折左每人都係2百幾，已經飽到反艇，非常滿足，下次會繼續幫襯。…查看更多