簡越

今日係附近工作，放lunch 都唔知食咩好，同事介紹話有間新開嘅越南野，就走左黎食，呢度lunch set幾多選擇，價錢都幾親民。

天氣太熱，叫左個涼拌嘅豬頸肉撈濛，勁大碗，豬頸肉份量好多，配酸蘿蔔絲，青瓜，花生碎，蔥油，落埋甜酸汁，非常開胃，夏天食啱哂！

豬頸肉外脆內軟，味道醃得剛剛好，好食！

餐飲叫左杯咸檸7，一整罐7喜送上，唔會成杯冰咁偷工減料。

再追加1客大蝦米卷，個皮好軟滑，唔會太厚，夾住大大隻蝦，好爽甜嘅配搭，食埋就真係暑氣全消。

同事果然好介紹，下次黎開呢頭都可以再黎。