iamnumber5的个人专页

THE ONE一向係係尖沙咀食飯既選擇之一今日就黎到四樓既Leviet食啦首先就梗係叫沙律先啦青木瓜絲大蝦沙律 $62個沙律一黎到見佢好似成座山咁而且都好足料,有唔少隻蝦係度另外有個樽仔裝住啲汁比你去撈既撈個時要小心啲,唔好撈瀉個沙律甜甜酸酸,好開胃用黎做前菜就最啱啦原價係$72,特價就便$10跟住就叫左個越式拼盤 $98都係做緊特價,原價係$108佢係由4樣小食所組成既最出色既就係個蝦餅啦厚厚實實,外面一層就炸到又薄又脆入面就充滿住蝦肉,食得出係好足料,因為真係好有蝦既鮮味春卷都好食,外面層皮又係炸到好鬆脆入面有唔同既餡料,所以口感唔錯豬頸肉就肥瘦適中,肉質鮮嫩,係唔會痴牙既最後個個好似係叫扎肉蒸粉包雖然得2舊,但佢係好大舊,係無可能一啖放佢入口既食落去既感覺幾特別,平時唔多會食佢估唔到又幾有驚喜喎下一道就係牛油雞翼啦 $68一上到黎,啲香味就出哂黎最期待就係佢啲雞翼,所以已經急不及待想試啦一放入口,啲牛油同蒜香味出哂黎,食到我好滋味外面層皮又係炸到好香好脆,入面啲肉都好入味唔怪得人人都叫佢黎食啦最後就係滿載椰青飯 $98一開如其實有啲驚佢會唔夾想叫返菠蘿炒飯就算架啦但見佢幾特別,口啤又唔錯,就試下啦賣相相當唔錯,係用真椰青載住啲飯既而啲椰汁又真係流哂出黎既啲海鮮都好豐富好足料,見佢面頭已經有幾隻蝦啦啲飯濕濕地係因為已經吸哂啲椰汁,所以啲椰汁飯係令捨好味既食到中間有驚言,見到好大舊白色既物體,原來好似係八爪魚仔黎,好得意,我都唔係好忍心食左佢,有成4個食埋個飯就好飽嚕最後要讚既係上菜速度好快,落左單無幾耐就已經一碟一碟咁上黎啦…查看更多

早前聽朋友介紹話channel啲野好食我心諗:太子酒吧街都有好食既餐廳!?就黎試一試啦店內大部份都係高枱黎既我就至鍾意坐高枱架啦坐低無幾耐就有粟米片食啦粟米片點一點隔離個醬食落口既第一啖嘩!!個醬好特別,甜甜酸酸咁,食完會想再食,停唔到口好快就食完一盤,侍應就再添過比我地食,正啊問左侍應個碟係咩醬黎,佢話係廚房特別調既本身諗住叫忌廉芝士煙三文魚波同埋炸奶糊既但見佢個小食拼盤有4樣小食,可以試多啲所以就叫左小食拼盤啦小食拼盤 $138首先試下個2碟醬先白色個碟似係忌廉,但係應該溝左其他野,同平時食既忌廉唔一樣,好特別,好滋味橙黃色個碟,食唔出係咩味,所以唔知係咩黎好!開始試下個忌廉芝士煙三文魚波啦外面個層就係煙三文魚,好新鮮,又唔會太咸入面就係芝士啦,成口芝士放入口,好滿足三文魚同芝士同時係個口入面溶化個配搭做得好好跟住就試,左邊個3粒炸波波呢粒個口怠層次好豐富因為入面啲料好似有好多有菇有肉仲有其他添薯角又係熱辣辣新鮮炸起點埋個醬就可以試到唔同既口味啦辣肉腸同西班牙個啲salami, parma ham有同一個特色就係偏向重口味,比較咸既早知都係叫忌廉芝士煙三文魚波同埋炸奶糊啦因為薯角係下面2碟main都包埋辣肉腸我地又唔係好好不過整體黎講,個小食拼盤都係好食既德國蜜汁燒豬手 $188個豬手一黎到就嚇親我地因為真係好大份啊試下個醬汁先...又係好特別,似似地蒜蓉汁豬手外面層皮好脆,入面啲皮都好嫩,唔會太老味道係咸咸地既,好好食板橈西班牙黑豚肉 $198個醬汁好似同豬手個個一樣既唔好睇佢得6-7塊 好似好少咁但其實每一塊都好厚好大舊架舊肉中間就係瘦肉,個邊邊就係肥肉所以咬落口係同時食到瘦肉同肥肉,平衡返食落去係真係食得出同普通既豚肉唔同啲豚肉味係好突出,好有鮮味另外想講呢碟有2片茄子2片翠肉瓜點解要提?因為真係好好食,煮得好腍,好入味!!同埋每人都叫左一杯mocktail,因為大家都唔想飲酒Cinderella $62Fruit Punch $62總括黎講,我朋友真係無介紹錯呢間酒吧餐廳啲食物真係比到驚喜我我相信好大機會會再去食就算唔係食飯,而係夜晚去食杯野,去食下佢啲粟米片,點下個碟好滋味既醬,都已經值回票價啦…查看更多

早排去完上海之後一直都好掛住上海啲生煎包同埋小籠包就搵下香港有無得食啦見到呢間正宗上海生煎皇幾受歡迎一於去試下佢啦點餐紙夠簡潔,一目了然每張枱既角落都有貼住張生煎四步曲教你點樣先係正確食生煎包既方法上海生煎包 (2個) $18自己一個,叫左2粒生煎包試下先一黎到真係熱燙燙架一定要跟佢咁咬開包頂吹一吹佢先唔係既話一定會燙傷個嘴同埋條脷會麻哂,食唔到好野架啦咬完吹完就吮一吮包入面啲湯先,但唔好飲哂,留返啲連埋啲皮同肉食跟住就可以開始食啦包皮上面薄薄地,方咬開飲汁底下就煎到脆脆地味道令我諗返起上海既小楊生煎一樣都係咁鮮甜多汁,回味無窮本身諗住試埋期間限定既咖哩芝士牛肉生煎包同埋墨魚汁麻辣豚肉包架可惜已經過左'期間限定'啦,見到人地影啲相好吸引,唯有怪自己遲左黎啦蟹粉小籠包 (2個) $36跟住就試下個蟹粉小籠包啦雖然價錢係貴少少但當我咬開個包頂時望到入面,見到係好足料,有唔少蟹粉係度既所以食落都係有好鮮甜既蟹粉味,好滿足,好想再食不過因為肚餓,同埋想試其他味,所以叫左個有4粒既小籠包芝士鮮肉小籠包 $36又係一開始咬開包頂,望下入面先見到都有唔少芝士想流出黎跟住就開始食啦好彩啲芝士都唔會太漏,同啲鮮肉既味都好夾不過如果要揀既,首選始於係蟹粉小籠包凍豆漿 $12另外叫左杯凍豆漿味道夠甜,唔會有渣,解渴一流!埋單$102就可以飲返上海既味道,性價比都算高!…查看更多

今日係尖沙咀收工就決定黎呢間入選2017 3月好評餐廳十強既食店食飯啦溫馨提示地址華源大廈門面搭緊棚架,唔易搵個門面去到樂道,7仔對面就係架啦一入到華源大廈,右手邊就有條樓梯入去,好似入左個秘密小窩咁,幾有趣一入到去,見到幾有特色,尤色係啲卡通公仔,好得意連廁所門口都有可以見到連餐牌都係設計得好有心機炸薯條.黑松露蛋黃醬 $65一黎到拎上手熱辣辣咬落真係食到佢炸得岩岩好唔會太硬唔會太腍而且好有薯味,好新鮮食完1條之後就停唔到口黑松露蛋黃醬甜甜地咸咸地同啲薯條都好夾好少可食到啲咁高質既薯條對比起前幾日係尖沙咀另一間餐廳食既薯條呢度真係好食好多,仲要便少少添掛住食薯條,冷落左個主菜添半邊波士頓龍蝦.龍蝦忌廉汁意式燴飯 $168見到個賣相已經好開胃雖然上左菜一段時間 (因為我掛住食薯條)但係都係仲熱熱地既 (好彩姐)雖然個龍蝦係得半邊但係都好大隻,好多肉而且啲龍蝦肉都係鮮甜幼嫩個龍蝦忌廉汁唔單止金黃,仲甜甜地,好好味由於配搭得好好,所以食呢個主菜個時都好享受Candies $42呢到candies foodie,點可以唔試佢地個signature drinks呢見佢個樣係漸變色由透明去到黃黃橙橙咁,就覺得吸引啦飲落口就已經好鍾意,因為係甜甜地既飲品同埋用左我最鍾意既水蜜桃同埋士多啤梨整既另外仲有蘋果汁,同梳打水因為太好飲,所以話咁快就飲完啦成餐飯都食得好滿足,好飽,應該會再黎食最後,2018最新有個4人同行1人免費既優惠午餐可以搵4個同事一齊黎食仲有如果like佢地facebook page就可以免費夾一包糖…查看更多

今晚朋友生日,同佢出尖沙咀食飯星期五晚間間都好多人,要排好耐搞搞下成9點先黎到呢度唔洗等位見佢又拎獎又咁多好評,應該有水準既好肚餓,叫啲小食食下先黑松露醬芝士薯條 $68原來芝士係就咁灑上去一拎起啲薯條,啲芝士都跌返落個兜到,哂料黑松露醬咸左啲薯條味道口感只係一般食到後期已經覺得膩$68貴左啲,唔係好值呢個價加多$20要個fish&chips好似抵啲焦糖單骨雞翼 $58有4隻雞翼,點解睇落有8隻?因為單骨即係半隻啲焦糖黐住個底盤,唔易夾上黎第一啖食落,有啲苦,應該係因為啲焦糖所以整體感覺一般始於都係蜜糖同雞翼夾啲西班牙黑毛豬薄餅 $108薄餅算唔錯,夠脆口材料都好足不過要預左啲黑毛豬同埋salami比較喊海鮮西班牙炒飯 (一人份) $138一黎到見到好細兜一人份,其實都未必夠不過係勝在幾足料但係除左魷魚,其他都好似唔夠新鮮整體味道都只係一般埋單4百幾蚊感覺有啲失望原來啲芝士就咁灑上去…查看更多

由一開始係禮頓道時期,就已經開始支持炊豕店炊(吹):煮飯豕(始):豬顧名思義,炊豕店係一間整豬扒既專門店再準確啲黎講,係炸豬扒專門店睇返菜單,除左豬扒,仲有其他選擇既不過我每次都會叫豬扒飯通常都係叫肉燥個款,但有時都會試下其他尤其是係佢周不時都會推出期間限定既口味早前係慕油豬扒,而依家最新既係避風塘豬扒見到有避風塘口味咁特別,今次一於就試下你啦避風塘豬扒 $58一黎到見到,個賣相已經嬴哂味道亦都係一流,見到啲紅椒已經知道會辣辣地加上上面一粒粒既配料,真係好惹味另外有好多好多紅洋蔥調返少少味(紅洋蔥係有啲清甜味,咬落都係爽口啲既)至於主角,即係塊豬扒,水準同以往一樣外面塊皮炸得又薄又脆,入面啲肉半肥半瘦,仲有啲汁濟出黎每一啖咬落去都好滿足而且塊豬扒又大塊又厚,好大方,每次都會食到好飽五十幾蚊可以食到啲咁有質素又有份量既飯,真係夫復何求正當我苦惱緊點樣入手/入口好,因為面頭舖滿豬扒,好難撥開食飯店員即刻主動比多左個碗我裝,夠細心,,抵讚可能大家都已經發現隻滑蛋事緣係我係吧枱見到師父整叉粒豆角蔥花炒滑蛋飯個滑蛋水汪汪,好吸引所以加料配返個炒滑蛋啦 (+$10)下次可能會正式試下佢個叉粒豆角蔥花炒滑蛋飯炸芝麻雞翼 $26想試炸芝麻雞翼好耐好彩今日仲有胃口,終於有機會試下啦炸到菂色水好靚金黃色,芝麻都灑得好平均炸雞翼好重要既一點係個雞翼尖尾要脆到可以食埋呢一點炊豕店就做到啦我第一啖就係咬個雞翼尖尾,熱辣辣,卜卜脆味道微辣帶點咸味,調得岩岩好溫馨提示:一定一定一定要趁熱食!!煎蛋焗豬扒飯 $80同場加映上一次黎食既焗豬扒飯早排有報導係關於全港7大焗豬扒飯炊豕店就係其中一間啦唔好睇佢價錢係貴過其他,因為真係物有所值首先芝士落得好足,好多拉絲任你玩蕃茄酸酸甜甜,好開胃飯底就當然係金黃色既炒飯底啦再配會埋個鎮店既炸豬扒不愧為全港7大焗豬扒飯之一份量都係好足,幾經辛苦先至食得哂成兜飯黎到銅鑼灣一定要試下炊豕店,性價比實在係太高啦另外店內播既歌好岩聽,好多都係90後一定會聽過既金曲好多人排隊~…查看更多

係荃灣廣場睇完正義聯盟之後,煩惱緊晚餐食啲咩好,就諗起肉餅哥啦又近又平靚正,即刻行過去先上次試左個流心芝士肉餅覺得好好食今次就試秘制金沙蛋黃肉餅啦一如以往,一坐低就有湯飲,暖暖地,又開胃本身想食油飯既,但係又好想食菜喎,都係叫菜飯啦秘制金沙蛋黃肉餅 $69秘制金沙蛋黃肉餅既定位係中價既$69肉餅係煎既,一出黎都聞到佢啲香味食落口有好濃既蛋黃味,好足料,係幾滋味既只不過係食到一半咁上下覺得有啲濟...比較之下都係上次個流心芝士肉餅好食啲下次再黎試下其他先…查看更多

經常都有去灣仔個間車仔麵之家幫襯食午餐,因為近公司夜晚要去北角,知道佢係北角開左間分店就去食個晚餐啦溫馨提示:千奇唔好由錦屏街入去...因為係兜個大圈 (好似係)出地鐵由書局街入去就最近啦由書局街個位一轉入去第一間就係車仔麵之家啦車仔麵之家真係有好多款餸可供選擇可以見到有唔以關於車仔麵之家既報導呢間新舖比另外2間都大,坐得都比較舒服無灣仔都間咁窄咁迫,亦唔需要好似金鐘個間要立食蘿蔔釀豆卜炸墨魚腐皮卷咖哩魷魚河粉好啦,去到揀餸環節其實我有啲係鐵膽既餸既,包括蘿蔔,咖喱魷魚通常會叫4個餸,今次另外2款係釀豆卜同埋炸墨魚腐皮卷首先講係佢個湯底先,真係好濃郁另外可以見到碗邊有一篤秘制辣醬,自己想落幾多都得我就落左一半左右,辣辣地會開胃啲每次都會叫蘿蔔係因為佢啲蘿蔔夠清甜,無渣,而且整都好夠腍至於咖喱魷魚可以話係招牌餸,佢係會分開上既,等啲魷魚可以保留住啲咖哩汁加上啲魷魚好爽口彈牙,所以真係必叫釀豆卜入面應該係魚肉黎~一啖咬落去有汁標出黎,幾過癮,味道好好最後係炸墨魚腐皮卷,比到我一種好驚喜既感覺,因為無諗過佢可以有咁重墨魚味,同個腐皮卷好爽睇黎炸墨魚腐皮卷會成為我另一個鐵膽之前試過佢啲雞翼都好好食,好入味,另外甜酸齋都好出名,都係會分開上PS.麵底可以揀大/細,想試多啲餸就要個細麵底啦最後加左$10要樽和和既豆漿雖然北角分店坐得舒服啲,但係始終都係灣仔比較方便我…查看更多

同朋友行完始創之後,大家又肚餓又想食甜碞,就搵到係正對面既宮葉啦.主食返面有拉麵有丼食既由放想留肚食小食同埋甜品,我決定叫個拉麵店員提醒返我地加幾蚊就有野飲一於試下佢啲水果茶啦小食就要雞翼,同朋友一人一串甜品就一定要試佢最出名既芭菲啦關西叉燒拉麵 $52會拉麵大大碗都只係52蚊,今時今日黎講,真係好抵照舊,試下佢個湯底先,濃郁既豬骨湯底再加香重既麻油,令到個湯底幾惹味材料都幾豐富,有4塊叉燒,係我最鍾意既半肥瘦,連埋啲湯同埋麵一齊食就最夾啦,叉燒一定要有啲肥肉至好食,但又唔可以太肥喎隻溏心蛋甜甜地,帶點半熟,個黃入口即溶.鍾意既話可以隻蛋都得另外仲有2塊紫菜,黑木耳,筍性價比頗高+$8 士多啤梨縯紛果茶原價要$30既士多啤梨縯紛果茶, 叫主食再加$8就有得飲,何樂而不為呢固名思義,佢係以士多啤梨為主既,但唔代表無其他水果,入面仲有檸檬,火龍果,奇異果等等,相當豐富味道甜甜地,飲得出真係士多啤梨啲甜味黎,茶味幾特別,應該就係'宮葉菓茶既味啦水牛城雞翼 $40通常係西餐先會見到有水牛城雞翼呢間日式餐廳既水牛城雞翼又出奇地好食喎微辣程度岩岩好,唔會掩蓋雞翼本身既味道值得一試揀甜品個時太多選擇,唔知揀邊款好掀到呢頁見到上面個2款反轉左覺得好搞笑香橙西柚乳酪抹茶芭菲 $48最後要左香橙西柚乳酪抹茶芭菲本身都諗住食芭菲,要呢個既原因係個雪糕係2溝抹茶同埋乳酪溝埋一齊食,啲味道係偏向乳酪個邊,酸酸地另外都要讚下材料好大方,有香橙,西柚,火龍果,奇異果食落少少仲有米通同埋涼粉添,所以層次都係好豐富既食完之後都覺得好飽好滿足,值回票價呀…查看更多

有時午飯時間行過見到御藏都心郁郁想食,但因為唔買買返公司食,所以一直都未試.今日太多野做,要加班,諗住買外賣返公司食,就即刻諗到御藏啦.$42就有交易,都幾抵試.買滿$150 就有得免費送外賣去公司,其實好方便提早打電話黎叫定外賣自取都得,可以慳返啲時間原來登記做會員就有$100優惠券,不過我趕時間,無登記到.一睇個MENU,真係好豐富,咩種類都有.想食飯既話有刺身丼,炒飯,便當,滑蛋飯,咖哩飯,蕃茄飯,蛋包飯.另外都有烏冬,壽司,刺身等等.岩哂我呢啲鍾意食日本野既人,逐樣試既話真係有排都試唔完,唔會厭呀諗唔到既話可以去睇下凍櫃,個度都有唔少選擇不過我已經有心水想食咩啦就係最受歡迎既刺身丼啦做野咁辛苦,要對自己好啲,要個最豐富既至得落完單等左陣就有啦即刻比錢就拎返公司邊食邊做野啦飲品係送既,我就揀左麵豉湯啦拎到返公司仲係熱辣辣既呢個凍凍地既時候真係好需要飲返啲熱野味道同日本餐廳個啲一樣,唔會因為係外賣而降低左佢既質素御藏特選刺身飯 $95跟住就食我最期待既刺身丼啦一打開,眼睛食先,因為就咁睇已經睇到好豐富啦有三文魚,三文魚籽,甜蝦,帶子,海膽,好足料首先一定要食海膽先,怕佢係室溫會好快變到有腥臭味好彩御藏既海膽仲係好新鮮,拎黎送飯就最岩啦之後就試三文魚啦,有5塊,唔會太薄身,而且魚身沾滿魚籽,熷添口感,再沾啲wasabi,再黎就係三文魚籽,大大粒,成堆放入口咬,啲汁濟哂出黎,好滿足,呢樣要黎撈飯都係好爽既最後就係甜蝦同埋帶子,前者有4條,後者有2粒2樣都係好鮮甜,唔會因為外賣而令到個質素差左食完之後都飽飽地,,不過唔多夠喉,應該好快會再去試其他食物啦~PS.其實都有堂食,如果唔介意係立食既話都可以考慮下.…查看更多

今日有啲事所以要遠赴堅尼地城,一出地鐵站已經餓餓地,決定係附近搵間餐廳食近排幾鍾意食越南菜,咁岩隔離就有間睇落幾好既miss saigon,就食你啦一入到去坐低見到個擺位咁靚,即刻影返張相先雖然未到食飯時間,但係入座率都幾高一個人,胃空間有限,淨係叫左2樣野食西貢小姐火車頭湯河粉 $105一睇個名就知係招牌菜,雖然一舊水,但真係好大豌,好足料首先試啖湯先,又係一種幾特別既味, 味道香濃,飲得出係牛肉湯底黎,而且應該係真村實料,煲左好耐,所以啲牛肉味出哂黎,忍唔住起勢咁飲多幾啖啲料都幾豐富,有生牛肉,牛腩片,牛丸,牛柏葉,牛筋,蘿蔔等等生牛肉同埋牛丸啲味就最出,不過,蘿蔔就爭咁少少味O但整體黎講都唔錯既芝士牛油果酥炸珍貴軟殼蟹米紙卷 $83另外叫左個小食-芝士牛油果酥炸珍貴軟殼蟹米紙卷我幾鍾意牛油果同埋軟殼蟹呢個配搭,所以食親手卷/米紙卷都會揀佢呢個仲要有埋芝士添,成舊放入口岩岩好.味道好新鮮,軟殼蟹似係岩岩炸好出黎,仲有醬可以點下,正呀不過一個人食完呢2樣之後,實在係太飽啦洛神花茶本來係想叫杯沙冰既,但經理好細心,見我病病地,推介左我試呢杯季節限定係洛神花茶,估唔到越南餐廳都有啲咁養生既飲品一上到枱,熱辣辣,聽經理講係岩新鮮煲好既.味道酸酸甜甜,易入口,飯前飲就可胃,飯後飲就消滯,幾有諗頭不過最值得讚既係個經理,夠細心,見佢全埸周圍行同啲客傾計,應該都留到唔少客.唔怪得6點幾間餐廳都已經有唔少人氣最後見到佢有啲午餐同埋下午茶餐牌,好似好抵食,可惜我好少過黎堅尼地城.…查看更多

放工約左朋友食飯,想食日本野同埋靜靜地傾下計,就黎左呢間食啦去到金百利樓下,要排隊已經係平常事,不過好彩時間肖早,唔洗排好耐就有得搭上去啦去到坐低飲啖熱茶就望餐牌點餸啦同朋友決定每人叫啲唔同種類既菜式呢度既上菜速度都好快,咁岩我趕時間,實在太好啦三文魚腩刺身 $58食刺身通常去食放題,因為抵啲, 但黎到日本料理餐廳都忍唔住要叫返樣.其實好想食拖羅,但係要$230,太奢侈啦,都係叫個三文魚腩過下口癮算啦。一黎到已經見到又厚身既三文魚腩,一食落口,真係好肥美婇新鮮呀,如果可以多幾塊就好啦.真係諗返起都想食.改制空間係如果可以多啲冰就好啦,因為覺得塊三文魚腩唔夠凍.拖羅壽司  $38唔捨得食拖羅刺身,就食夠拖羅壽司啦,雖然唔算好厚,但都好肥美好新鮮,可惜太貴,食一舊滿足下算了火炙芝士三文魚腩壽司 $12嘻嘻,又係三文魚腩, 不過係壽司,加上火炙同埋芝士,啲芝士都落得好大方,所以口感好好,味道好夾,啲,正呀龍蝦沙律軍艦 $10呢個都好食,足料,真係食到啲龍蝦肉既,味道都好好火炙芝士玉子 $8三文魚壽司 $7最後2個係朋友食左,聽佢講返都係好評既青龍 $50主角係吉列蝦同埋海膽,配角係青瓜,外邊再加啲紫菜粉~配得幾好,有賣相,味道又好牛油果軟殼蟹手卷 $35叫手卷既話我通常都係叫牛油果軟殼蟹手卷, 貪佢大大叫,夠吸引,又好食汁燒墨魚筒 $52本身以為同普通個啲燒汁一樣,點知係甜甜地,味道幾特別.個魷魚口感唔錯,不過如果可以再大條啲就好啦.石鍋鰻魚炒飯 $88相信好多人同我一樣都係好鍾意食鰻魚,係就唔好錯過呢個石鍋鰻魚炒飯啦,味道香濃,鰻魚粒都有唔少,最後食埋佢就岩岩好夠飽啦,另外仲附送麵鼓湯一碗添…查看更多

琴晚食完餐西餐,同朋友分享,傾開個時,佢介紹左一間隱世既西餐比我.咁岩今日有時間,就去試下啦.不過平時我就唔鍾意連續食同一種類既菜既.呢排唔洗加班,一收工就去食飯,所以一般都好少人,唔洗排隊等位就入得啦.見到第一個MENU,諗住叫set既時候發覺原來係lunch set黎唔緊要,咁散叫啦,就食朋友推介既菜式牛肝野菌忌廉濃湯 $38好鍾意用大大隻碟去裝啲湯飲,因睇感覺上氣派啲,好彩呢碟湯都唔貴中間用忌廉畫左個圖案出黎,幾靚,係碟邊仲放左個蒜蓉牛油多士添一黎到已經聞到濃郁既香味,飲落啖啖都有野菌,好足料,味道都係適中既蒜蓉牛油多士 軟身既蒜蓉牛油多士,加上香脆既包邊,食落都好新鮮就咁食又或者沾啲湯食都可以蟹肉野菌意大利飯 $138朋友推介一定要試下呢碟菜.第一個感覺係個risotto整得幾好,濃淍度適中同埋好大方,係面頭上有一大舊黑松露,蟹肉都係密集式地平均分布果然係隱世樓上店,係有返咁上下水準既本身想試下個日本北海道千層蛋糕,但因為太飽了,都係下次先最後想讚下啲員工服務幾好,我飲水飲得好快,佢都好勤力咁好快幫我斟返,搞到我都有啲唔係幾好意思走個時見到呢個位整得幾靚,下次要試埋啲飲品至得.其實百樂中心唔單只多選擇,質素仲唔差添,得閒要再黎試下先得…查看更多

係九龍公園做完運動,好肚餓,決定係附近搵間西餐食,就行左黎pom啦.比大家睇下個餐牌先食西餐我通常都係叫set dinner,貪佢包埋湯同埋野飲.紅湯白湯之間,我每次都係會揀白湯,因為真係好鍾意飲忌廉湯pom既忌廉湯有2種, 包括甘筍忌廉湯同埋野菌忌廉湯不過就無得揀既,視乎返當日餐廳預備既係邊一隻如果有得(揀既話我會揀甘筍,因為鍾意佢個色,靚啲而我今晚飲既係野菌忌廉湯,,雖然飲唔到甘筍忌廉湯,但個野菌忌廉湯都唔錯,幾足料,同埋濃度適中,幾好飲.無幾耐侍應就送上蒜蓉包啦,味道香脆,就咁食又得,沾一沾啲湯食又得~得左蜜糖香草雞翼 $56諗緊食咩小吃既時候好爭扎,薯條定雞翼好呢,想食多啲肉,就雞翼啦雖然火辣水牛雞翼先至係廚師推介,但我都係鍾意蜜糖香草雞翼底下仲有啲野菜中和返,等你唔洗咁熱氣添.黎到既時候熱辣辣香噴噴咁,上面仲有啲芝麻添.味道都唔錯,有甜甜地蜜糖味,正呀天使紅蝦香辣蒜片墨魚麵 $178其實本身想食D6個龍蝦飯既,但唔想食咁貴,所以就叫左天使紅蝦香辣蒜片墨魚麵,反正都係有'tasty' label.同埋都幾鍾意食墨魚麵, 貪佢黑黑地,夠特別.我覺得呢個天使紅蝦香辣蒜片墨魚麵既特別之處係有啲薄芝士係度,同個麵好夾.2隻紅蝦食落啲蝦肉都幾新鮮,整體黎講對呢碟菜都係好滿意既其實仲包杯餐飲既,但我實在太飽所以無要到,費時浪費啦希望下次黎可以試到佢既甘筍忌廉湯啦,同埋想試下佢啲薯條&水牛雞翼…查看更多

放左工,突然好想食越南野,搵到Fûhn, 就即刻過黎食啦。時間仲早,未算好多人,所以唔洗等就位啦。一坐低,員工同我講岩今日開始轉左新menu. 心諗,咁好彩,等我睇下先.新Menu幾靚, 一開始有講解唔同份量適合啲咩人食.由於我自己一個,又想食啲小食,一於跟佢最尾個個,要個regular啦.之後個頁好詳細咁講解唔同香草既特性同埋用途,幾有心幾有用,長知識了.呢間越南餐廳幾特別,連wine呀,shooters呀都有.餐枱紙有講餐廳名既由來,都幾有意思幾特別. 點餐個時同員工吹左幾句.原來呢間餐廳係北美風既越南餐廳~風味會同一般既越南餐廳有啲唔同.不過佢地既廚師都係越南食廚返黎,所以手法都係正宗既。另外聽佢地員工之間係用英文溝通既,幾特別.員工都特別介紹隻是拉差醬係正宗既,一定要試下.之前好似有報導講過fuhn既水好特別,係奧地利水黎,經過特別處理之後,水質好好,夠衛生,飲都飲得安心啲.牛油果奶昔 $48見其他食家一致推介呢杯野食,一定要試下.一入口,不得了,實在太好飲.牛油果既味調較到岩岩好,同奶昔好夾,黎呢到真係一定要飲呢杯飲品.小食拼盤 價錢忘了好想食佢個小食拼盤,但我得一個人,試下問可唔可以整個一人份量比我,好彩員工話見未到繁忙時間就破例整一次比我試下啦.(如果佢唔肯既話,我應該會叫二人份量,雖然會食唔份).春卷同雞翼都唔錯,熱辣辣,幾好味.係特別想提一提個蝦餅真係落足料,入口一咬,嘩!真係可以食到原隻既蝦,之前食既蝦餅多數都係肉碎黎,食完仲想食多幾舊呀.員工一拎啲香草黎,我心諗,嘩,咁多既!真係好大方呀!想落九層塔,但原來係因為唔新鮮,所以無拎比我,夠老實! 所以就落左啲紫蘇葉同埋芽菜啦.生牛肉湯粉 $65如果唔係想食小食,又或者同朋友一齊黎既話,我會想叫特式牛湯粉試下,因為有好多款牛可以食.最後唯有叫生牛肉湯粉. 個湯望落清清地,飲落唔會太濃都唔會太淡,唔錯!生牛肉紅紅地,色水唔錯.食落都感覺到係新鮮清甜既,絕對對得起個價錢.員工介紹左好多種唔同食法,又可以點下唔同既醬啦,又可以加唔同既香草啦,咁多配搭,一次真係試唔哂. 員工特別指出,平時我地食越南野可能會將湯,肉,粉分開食,但佢話北美風既食法係,湯+肉+粉+醬一齊放入口,由於加左香葉會令個湯底變味,所以員工就拎左碗純湯底比我飲,個分別又真係幾大喎, 因為本身個碗有埋牛,粉,香草etc既味道係度.總結黎講,fuhn比我既感覺好好,唔單只啲食物飲品出色,佢背後所花既心思同埋創意真係好難得,呢間應該係全港好食既越南菜之一啦…查看更多