ilikepurpleting的个人专页

假期來到K11Art Mall, 原本想食嗰間餐廳4:00仲排緊隊，係未食lunch 既情況下，唯有轉場。嚟到花香，裝修好吸晴，少女風，入座後叫咗兩個飯，分別係黑毛豬肉燥桃膠飯，同埋牛肝菌慢煮和牛飯。等左一陣，肉燥飯送到感覺上擺盆都幾有心思，跟住再嚟牛肝菌和牛飯，點知擺盆同肉操飯係一模一樣，開頭我望左一陣，以為比錯，哈哈。味道方面老實講比較失望，肉燥飯死鹹，一路食一路覺得寡同口渴，另外牛肝菌飯亦都冇乜特別食落覺得似碟頭飯，好多獻汁味道偏鹹冇乜層次感，和牛粒普通。所以總括來講如果來打卡嘅話係OK嘅，如果對食物有要求恐怕會令你失望。最後呢兩個飯賣單差不多$250, 但食物質素唔得, 個人認為性價比都非常之低，不推介。:(…查看更多

皇后餃子有蒸餃，煎餃同炸餃選擇，筆者比較喜歡蒸餃，因為較清淡可以食多d店家提供既醬汁同餃子好夾，食落有醋同蒜，幫助消滯必食莞茜餃餃子入面放滿莞茜同肉，再點店家提供既醒胃醬汁，莞茜怪表示過癮芝士餃另外芝士粟米餃子都不錯，食落去會有芝士味（但你唔會見到有芝士拉絲），芝士同粟米好夾，正👍🏻👍🏻…查看更多

父親大人最鐘意食海鮮，鯉魚門果d 海鮮太油太咸，靈機一觸不如試下蒸海鮮，一位位咁比錢，又唔洗驚比人呃秤，食得舒服安心蒸汽火鍋通常都用草帽做蓋，原來係可以吸收蒸汽，防止倒汗水跌落鍋內影響食材鮮味我地簡左$498一位既套餐：1. 貝類，馬刀貝，韓國芒蜆staff 一開始放珍珠米落鍋底，再放南瓜粒同豬骨，上面再放蒸盤同海鮮，夠鐘staff 就幫我地開草帽。蜆原汁原味，馬刀貝大大隻，肉質飽滿，唔洗點醬汁已經好好味！食完後，staff 幫我地將蒸盤傾斜，令淨低既蜆汁精華落到下面既粥，一路食已經一路好期待個粥2.芝士貴妃蚌加芝士比較新穎，但食落有d 失望，芝士吊唔起蚌既鮮甜味3. 黃金汁蟶子黃金汁，即係燈籠椒汁，好味呀！終於試到唔係蒜蓉蒸既蟶子！而且味道好夾3. 翡翠汁蒸鮑魚staff 話翡翠汁即係菠菜汁，不過我食到似香草味，anyway 都係好味既，鮑魚唔會過熟，口感好，不過有d d 腥4. 龍蝦一人半隻龍蝦，size 唔算大，但好在口感結實啖啖肉，有鮮味5.肉蟹令人驚艷既肉蟹，蟹肉味好濃，又滑又juicy, 鮮甜味最出係肉蟹，所以擺係蒸海鮮既最後一道😜6. 蟲草蒸雞d 雞蒸到連雞胸都滑！調味都唔錯，加上沾到岩岩肉蟹既湯汁，好味！7. 芥蘭蒸完既芥蘭好爽口，發現店家好有心思，芥蘭寒涼，所以擺埋d 薑係上面，完全感受到佢地既用心，加分👍🏻👍🏻8. 紅棗糕&蜂巢糕2 樣都好好味，我食左蜂巢糕先，食落好香甜，質地好特別，唔錯唔錯。紅棗糕ok去食既朋友仔建議食左紅棗糕先，因為蜂巢糕較甜9. 南瓜豬骨粥重頭戲黎啦煲左個幾鐘既粥好綿好滑，重點係超級超級鮮美，每一口都有海鮮既精華！我食到最重既係肉蟹既味，雖然好飽，都忍唔住食左一碗粥😌😌😌10.西瓜食到依到，我已經棄權了🤣老公話ok 甜店家用料新鮮，調味新穎有心思，staff 服務都非常好好細心，會問洗唔洗抖抖再蒸下一樣，照顧你既需要，抵讚👍🏻👍🏻加上父親大人食到眉開眼笑，身為女兒既我份外覺得滿足…查看更多

Happy Friday, 要慰勞下辛苦工作既自己，孖住老公兩口子搵食6 點到達餐廳，岩岩開鋪所以唔洗等，餐廳細細，一入內就嗅到海味既香味😀筆者點左原味花膠撈麵，中式醬汁淋係花膠上，而且有d 蝦子再將味道再帶出來，味道是可以的，抵食。老公鐘意試Fusion 野，於是點左中西合壁既黑松露花膠撈麵，黑松露味好香，比起原味更加好味，好特別👍🏻筆者最欣賞既係燉湯👍🏻湯好清，帶有濃濃既海味味道，仲有塊花膠添小食有冰鎮鮑魚，跟原價餐加28蚊，味道可以，有濃濃既8角味。是次晉餐經驗幾特別，平民價錢，CP 值高，唔怪得經常排長龍！…查看更多

係炎炎中午，從太子地鐵站走左一段路，為既係鯛魚魚湯烏冬非常抵食，中午只係48蚊，簡直係抗通漲。魚湯一入口有鯛魚既鮮味，湯底濃厚順喉，唔咸，應該無放味精，因為筆者飲晒d 魚湯都無覺得口渴料方面我最鐘意佢既鮮魚片，好味而且有鮮甜味，其他配料1條蟹柳，一粒蝦，2舊魷魚。另外仲有跟d 菜，配上魚湯味道好夾，烏冬方面係我鐘意既煙煙un un 口感，good👍🏻👍🏻老公鐘意香口野，簡左吉利豬扒定食豬扒炸到酥脆，有厚度，咸咸地有點點胡椒味，非常對我地既胃口😍跟餐既係一小碗鯛魚湯，大滿足😆到太子旺角唔洗每次都打邊爐放題，可以試一試魚湯料理…查看更多

紅磡美食雲集，見到社交媒體報道快食館為"平價美食，酒店級數"，為食既筆者當然要去會一會到門口已經係2點半既時候，但仍然客接客，令筆者更加好奇同期待，入到店舖，播住頗大聲既音樂，環境不適合交談，大家就專注食美食吧搵到位後就自行到Cashier 下單，大約十多分鐘就有店員送上。筆者選了蟹膏蕃茄肉碎檬粉送上時店員教，要將蝦膏均勻撈在蟹湯，再加上檸檬汁。未加任何配料時筆者先喝一口湯入口鮮美，飲出蟹既鮮味，驚喜！加上蝦膏後再喝一口，的確去到另一層次，味道不單鮮美，而且帶咸香，筆者已經好喜歡，跟住再滴上幾滴檸檬汁，味道會再Fresh d, 但下次再食，筆者偏向喜歡只加蝦膏，純粹個人口味。介紹完湯底，入面既餸都唔少，原隻蟹，蟹仔細細，但有鮮味唔會梅，絕對唔係雪藏貨色。仲有蕃茄，豬肉丸，豆卜，豬紅，蜆肉，芽菜，好豐富既一碗！一整碗被筆者吃光光！筆者老公簡左同樣出名既無骨雞飯，依味功夫菜，竟然只係30大元，天阿，究竟點賺錢🤔雖然好抵，但絕不馬虎，雞脾肉去骨後，啖啖肉，無太多既調味，加上面頭既甜鼓油，室溫既雞肉食出純粹既雞鮮味。食後感：雖然價錢十分相宜（2個人只係食左72個大元咋！），但絕對食到店家對自家美食既用心，食物出色絕不將貨就價令筆者覺得非常欣賞，無論美食，或者對美食的執著追求，都值得大家支持…查看更多

為慶祝母親節，多日前搵食，book 好枱，決定跟家人一行五人到潮福試試蒸海鮮。Book 了8點半，一到埗就覺得中伏，跟知客交代了book 位詳情，她似理不理，手忙腳亂，5位又記錯13位。。其他食客都等得唔耐煩見有枱便自行入坐。到入坐後，5人卻安排4人位，多出的一個位只是加張凳係枱邊，要求轉圓枱（圓枱有多張吉枱），部長話安排轉枱又走左去，我地唯有坐係到等，搵另一位部長甚至態度好差，大大聲話出面仲有4枱客！想請問：我地都有book 枱，何以這樣安排！！？在等待途中，整間餐廳忙忙亂亂，碟子油立立，濕淋淋，跟無洗一樣！跟本無法用來進食！衞生情況差，碟子換左2次先正常返想下單，4樣又無2樣，成肚氣之下，與家人憤然離坐，寧願到樓下酒樓晉餐。一間多間分店既集團，於特別節日是否要加多點人手應付人潮？對部長是否應加強訓練，何以部長都是以大聲粗野既方法對待客人？…查看更多

依個年代既年輕一代，大部份都係食開連鎖集團餐廳，今次來到一間小鋪，受到老闆熱心招待，與食客輕鬆閒談，感覺親切。老闆推介我同男友吃2人餐，2人餐包括：1. 海南雞飯 x 2 (+$10)2. 胡椒豬什湯 (大）3. 手拍青瓜4. 紙包飲品 x 2滿滿一桌，都只係$129, 價錢相宜。海南雞飯雞好嫩滑，飯帶椰香味，醬汁同平時食果d 海南雞飯有d 唔同， 食落應該係醋，味道清爽。胡椒豬什湯依個湯正，胡椒味恰到好處，豬什有粉腸，豬肚，豬脷。仲有d 大荳芽，增加清爽感，推介手拍青瓜忍唔住食左幾舊先影相,醬汁一流，不過略嫌青瓜不夠fresh..小店人情味濃，好人既老闆仲話湯唔夠可再添，可惜我已經飽到飲唔落依種親切感多年未見，隨著商場化，舊區重建，人情味小店應該買少見少。…查看更多

久仰三多既大名，最開始應該在頗遠的上水附近地區朋友先可品嗜到，身為九龍人既我好羨慕。話說筆者有一日搭車經過觀塘，驚見三多，即與男友去嚐鮮！男朋友諗都唔諗，當然簡炸肶！三多雞肶果然出色，外脆，內嫩滑，有肉汁，再自行加上辣粉，作為消夜實在人生一大樂事😋😋筆者怕肥，只好簡豉油皇雞肶。豉油汁與別家不同，汁較杰身較能掛汁，豉汁唔會死咸，甜甜地，不錯～唯一唔好既係。豉汁雞肶吃出雪味，有點扣分。。。總括來講，三多值得一試，都值得再光顧，三多登陸觀塘，大家有口福了😋😋…查看更多

再到新蒲崗搵食，七喜一直都係我想試既食店之一，今次2點先食lunch,終於少d 食客，又唔洗等位。首先上既係煲仔粥，賣相吸引，面頭散上蝦子，將鮮味再提升一個層次！而個粥，煲得綿又滑，螺同雞令粥底鮮而且甜，雖然北菇起既作用不大，但煲仔粥十分推介😋😋2 人只食煲仔粥份量又唔太夠，所以叫埋蝦子撈麵（$35), 蝦子同蠔油混和十分夾，而且蠔油又唔會死咸，撈埋爽口彈牙既麵，讚👍🏻高質價錢又相宜，證明唔係貴野先有好野七喜成為筆者會再光顧的店…查看更多

為左保持身心健康，同食更多美食，放工到新蒲崗做運動😆出左一身汗，到附近搵食。洋洋小龍蝦，無小龍蝦賣，轉賣川式碟頭飯，但絕唔係Hea 底，價錢相宜。筆者叫左麻辣班片炒薯粉（小辣）。班片滑有甜味，但無辣味。薯粉吸收左麻辣味，加上薯粉滑溜溜，加上椰菜既清爽，好快就食晒男友叫左麻辣雞扒薯粉（bb 辣），雞扒其實係由雞肶製成，但比較薄身，味道可以。薯粉同樣地好食，唔太食得辣既男友都嘗到麻辣既滋味😋😋走既時候老闆親切道別，食物特別味道都唔錯，幫襯小店都不錯！👍🏻👍🏻…查看更多

餐廳坐落係工業大廈林立既新蒲江。店面sharp 醒，進入餐廳卻感覺好不同，裝修清新，簡約。生牛肉濛粉，湯底清淡帶肉的香甜味，味道簡單純樸，牛肉嫩滑味美。將油炸鬼放落熱騰騰既湯中，油炸鬼卜通卜通的，外皮變成半脆，內面吸收清甜既湯汁，別有一番風味，十分特別。不得不對依道心機菜讚好有3大磚腩肉，煮得十分鬆化味美，肥瘦多重層次，食落口無油膩感，回味無窮另外，椰香飯香甜，有陣陣香矛香味。北正宗絕對稱得上係隱世美食，味道清新，每一個細節位都感受到佢地既用心及認真👍🏻👍🏻…查看更多

郊遊後，來廟街食熱騰騰又地道既煲仔飯最好不過😁6點較有名氣既2間煲仔飯已經大排長龍，記起宏興既評價都唔錯，又唔洗排隊，就到宏興試試。白鱔份量算多，鋪滿晒係飯上面，但預期中飯底應該有鱔既魚油脂香，但飯只食到少少薑味，有d 失望。潤腸煲仔飯，筆者認為食煲仔飯，臘腸潤腸必不可少，因為蠟腸既油香滲透到飯中，真係十分有風味宏興既潤腸味道甘香，咬落鬆化美味👍🏻蠔餅較失色，唔脆，凍左更有好重既油益味，蠔份量唔多，但唔會腥。宏興味道可以，但有d 唔均真，我地睇店員提供既Menu落單，但收錢時發現收多幾十蚊，向店員查詢，店員先反映價錢尚未更新，係真係假無從稽考。…查看更多

今日來到得寶商場，四處欣賞牛下特色風光，再到Food court 品嘗價錢相宜既美食！麻辣燙，即係麻辣火鍋既簡化版，將食材係麻辣湯底燙熟，食材吸收麻辣汁，暖身又美味！減肥中既筆者叫左魚腩水餃粉絲（中麻辣）。湯底麻同辣味平均，魚腩有鮮味但略嫌多幼骨，水餃味道正常，粉絲盡吸收湯底精華，每口都係濃濃既麻辣香過癮👍🏻男友叫左大大碗，乜都有既麵都係38個大洋，價錢十分相宜呢👍🏻豬紅無腥味，牛腩有大約3大件，香濃牛肉味，無過火，推介👍🏻仲有好多餸，例如魚旦，魚皮餃，時菜，豬皮，但蘿蔔唔夠淋同唔夠入味，可改善一下。總括來講，依間麻辣燙味道不錯，價錢大眾化，難怪大部份食客面前都有碗麻辣燙😆下次會再來食…查看更多

想念係日本食過脆口既煎餃，係香港見到即本試試筆者叫左辣肉碎拉麵，拉麵帶點港式風格，味道普普通通，差燒得一塊，但入面既荀同芽菜份量唔少。男朋友叫左煎餃定食，煎餃煎得香脆，餡普普通通。依間餐廳食物唔係特別美味，但價錢尚算相宜。…查看更多