仁愛海南美食 (已結業)

依個年代既年輕一代，大部份都係食開連鎖集團餐廳，今次來到一間小鋪，受到老闆熱心招待，與食客輕鬆閒談，感覺親切。老闆推介我同男友吃2人餐，2人餐包括：1. 海南雞飯 x 2 (+$10)2. 胡椒豬什湯 (大）3. 手拍青瓜4. 紙包飲品 x 2滿滿一桌，都只係$129, 價錢相宜。海南雞飯雞好嫩滑，飯帶椰香味，醬汁同平時食果d 海南雞飯有d 唔同， 食落應該係醋，味道清爽。胡椒豬什湯依個湯正，胡椒味恰到好處，豬什有粉腸，豬肚，豬脷。仲有d 大荳芽，增加清爽感，推介手拍青瓜忍唔住食左幾舊先影相,醬汁一流，不過略嫌青瓜不夠fresh..小店人情味濃，好人既老闆仲話湯唔夠可再添，可惜我已經飽到飲唔落依種親切感多年未見，隨著商場化，舊區重建，人情味小店應該買少見少。