cc.chow的个人专页

電視見到有介紹，見到好吸引，所以落嚟試吓！先試呢度嘅名物：蝦子撈麵！撈麵夠乾身，唔會腍bat bat, 口感彈牙，將蝦子撈勻之後，味道好香濃！必試！撈麵會跟一碗湯，飲落似係魚湯，好鮮味！另外試咗個牛腩撈麵，牛腩嘅肉質唔錯，軟硬適中！推介！而水餃麵都好正！賣相同一般嘅水餃唔同，好大粒好足料，好味！腩汁蘿蔔，夠腍，索晒腩汁更加好味！炸鯪魚球同炸雲吞，炸出嚟一啲都唔油，火喉控制得好好，香脆惹味！蠔油生菜都好爽脆～最後試咗杯紅棗豆漿，養生之選！…查看更多

見到元朗體育館附近開咗間漢堡包店，店面睇落好乾淨，有少量座位，我地就買外賣返屋企食～menu 上全部都係手工burger, 睇啲配料好吸引！我哋叫咗個$248嘅二人餐，有兩個burger兩份小食同兩杯嘢飲。千島脆脆哈蝦蝦漢堡，入面嘅配菜有蕃茄，洋蔥，生菜，千島醬都落得好夠，有三條蝦手指，炸得都唔錯！包面有烘過，正！雙層手打牛肉芝士漢堡，芝士溶咗之後味道更濃，同快手打牛肉味道好夾！而且牛肉煎得啱啱好，免頭有少少脆，好味！炸大薯條，配黑松露醬，好香口！炸洋蔥圈，配蜜糖芥辣醬，好惹味～嘢飲方面，除咗汽水之外，推介藍莓爆爆，係由藍莓醬+爆爆珠+梳打水溝埋，好特別，有口感又解渴！…查看更多

友人搵到喺尖沙咀有間特色泰國菜，食完覺得真係唔錯！位置旺中帶靜，入面座位唔多，睇落似係做酒bar 生意，但原來食物都整得好專業！先試個安格斯牛肉沙律，沙律醬帶酸，同生菜mix 牛肉嘅味道好夾，而且唔係用普通嘅牛肉，所以口感相當有保證！炒芥蘭，有泰式風味！豬肉生菜包，少辣，不過好惹味～生菜爽脆解膩。椰子雞湯，好香椰子同香矛味，雞肉嫩滑，大量草菇，飲完好滿足！蟹肉蛋餅，份量十足，蟹味香濃。魷魚筒，友人至愛，魷魚入口柔軟，不錯。燒豬頸肉，又係好大份，好香口，正！…查看更多

一直都好鍾情於食手工拉麵，難得見喺元朗開咗間中式拉麵店，當然要試試！呢度除咗拉麵，仲有好多小食同小菜～先試半隻湛江水蒸雞，都幾新鮮，肉質彈牙結實但又唔會好硬，有咬口，雞味都有，唔錯。羊肉串味道香濃，想食串燒都可以試試。藤椒魚皮，雖然係辣，但會心思思不斷食，口感爽脆，鍾意食就會明。生煎包，應該係招牌野，底好脆，多汁，合格。酸菜魚拉麵，個湯底會令人念念不忘，走辣一樣咁好味，拉麵係即場人手拉，食落真係唔同，麵條都好掛湯，正～紅燒牛腩拉麵，呢碗試咗龍鬚麵，再幼少少，湯底好香濃，牛魔王必試！…查看更多

喺yoho 對面，見到好大個招牌寫住有火鍋，睇餐牌被湯底吸引到就入去試試！睇餐牌已經覺得係間有認真經營的火鍋店，湯底設計好特別，我地就叫咗個平時好少見嘅冬瓜雲腿素翅湯底。本身以為係嘅普通養生中式清湯，點知原來真係有原個大冬瓜喺個鍋度！金黃色素翅閃令令咁鋪喺面，真係令人食慾大增！煲到咁上下店員會幫忙剪開個冬瓜，服務周到！唔少得火鍋必備嘅混醬～牛肉揀咗馬扇古吊龍伴，呢個部位真心推薦，肉同油脂比例剛好，口感好嫩好柔軟又重牛味，值得細嚼品嚐！而且色澤紅潤十分新鮮！食完牛肉啲冬瓜差唔多夠林，湯底亦變得再濃咗，冬瓜入味，濃湯又好正！然後再試咗個小菜客家豆腐，都唔錯，煲仔上夠惹味，豆腐都夠滑！最後食個瑤柱蛋白炒飯，炒飯唔油，好味！…查看更多

終於黎到拜訪平昌！想食韓燒好耐了！！我地揀咗個世子御膳，星期一至四食120分鐘，加一後價錢$350, 都算合理～有齊牛豬雞同海鮮，我地就主打牛肉！趁男友人燒緊肉，先食碗水冷麵，麵條好煙韌，個湯汁酸酸甜甜，食親韓國野一定要食返碗先安落。叫咗各式各樣嘅牛肉，講真食完真係唔記得自己食咗邊款，總之全部都好新鮮好食！睇相都feel 到。牛前胸腹肉有大量油脂，但入口又唔會好油～牛舌係必食，夠薄易入口！T 骨牛扒同ribeye 都可以試，超大塊，好考燒嗰個人嘅技術！韓式料理都有好多款揀，我地仲試咗牛骨湯，紫菜飯，炸粉絲卷等等，仲有供應醬油蟹，都幾抵食！…查看更多

喺銅鑼灣嘅樓上舖發現到間正野，食物水準好高！先叫咗碗究極炎之丼比自己獨自享用，唔建議share, 因為真係太好食！入面有大大粒嘅帆立貝，油甘魚蝦，左口魚等等，輕輕炙燒下個感覺真係唔同哂，材料新鮮，大滿足！男友人都唔輸蝕獨自食咗個蟹皇丼，有成座山嘅蟹肉，蟹籽嘅香葱，個蟹皇汁好creamy, 好出色！除咗丼飯，啲小食都唔錯！京蔥地雞配芝士忌廉汁，有啲似韓國炸雞但又配西式嘅芝士忌廉汁，出奇地好食！薯條仲可以點埋個汁食！鰻魚芝士玉子燒，玉子燒得好juicy, 有半生熟嘅口感！粟米天婦羅，幾特別，愛粟米之人可以試！海膽右口魚邊蝦卷，右口魚口感超油，配海膽一齊食好好味！！一人一杯抹茶牛奶，香濃抹茶+香滑牛奶！…查看更多

又到咗同友人相聚嘅一晚，今晚選址荃灣，餐廳近荃新天地，旺中帶靜，晚飯時間都坐滿哂！坐低先叫個沙律享用，呢個係Prawn mango avocado salad, 超大盤好足料！！淨係牛油果同芒果都成排上，夠哂食唔洗爭，爽口嘅蝦肉同酸酸地嘅沙律菜一齊食好fresh~~友人要求點嘅Chicken nachos, 又係好大盤好抵食！nachos 好脆，同啲芝士醬焗埋一齊實在太正！點埋秘製sauce 根本停唔到口！Main course 叫咗個Ham in pineapple pizza , 賣相好地道，新鮮即焗，而且係薄批，同批面嘅餸比例剛剛好，口感好正！甜品 share 個Sunday chocolates , brownies 嘅朱古力味超濃！…查看更多

今晚想買外賣壽司返屋企食，發現呢間食物好多款式咁，就出發去採購。嚟到發現價錢唔太貴，買咗啲壽司同刺身小食，同拉麵作為今日晚餐～啲壽司好大件下，好足料，而且好新鮮！舊鰻魚係長過舊飯，好少有，正！珍寶帶子又係超大嚿，一啖呑入口勁滿足！滿滿蟹膏嘅軍艦，勁惹味！腐皮沙律船同腐皮芝士玉子都好特別，口感豐富，餡料同甜甜嘅腐皮好夾！三文魚同三文魚腩刺身都切到好厚，好抵食！買咗罐撈汁墨魚咀，好有咬口，不過都幾辣～叉燒拉麵分湯裝，好多料，叉燒好冧又大塊，仲有原隻糖心蛋，湯底濃郁，食完飽哂！…查看更多

是日同友人相聚，想搵個靜靜地嘅餐廳傾吓偈，友人好貼心搵到呢間好lady 嘅餐廳仔，入面燈光比較soft, 感覺好warm, 而且野食都相當唔錯～因為友人今日晏食野，所以到晚飯時間都未餓，咁我地就淺嚐少少無咁飽肚嘅野。食沙律就最啱唔肚餓嘅我地，叫咗一個柚子大蝦沙律伴秘製甜酸汁。賣相好清新好吸引，個甜酸汁好開胃，沙律菜好脆好新鮮，蝦都好彈牙，有助我地消化一下。再試下煎盲曹魚柳伴香辣蕃茄莎莎，魚味好香無腥味，同蕃茄醬都幾夾，仲有薯蓉伴碟。甜品試咗提拉米蘇, 口感好綿滑，唔太甜，整得幾有心思！飲品試咗white orchard, 茶具好精美！…查看更多

喺東薈城入面有間古色古香嘅北京菜館，因為比門口餐牌嘅片皮鴨吸引咗入去～入面環境真係好靚，卡位都坐得好舒服！睇完餐牌之後比其他嘢食吸引到，唯有下次先再嚟試片皮鴨。我哋叫咗一鍋拆骨肉燉白菜，肉同埋白菜窩都係男友人嘅最愛，其實都幾大鍋，湯底好鮮甜又濃味，飲到停唔到！一鍋入面都有大量嘅肉絲同白菜，正～主食試咗石鍋海皇野米貴妃泡飯，真係原個石鍋上，熱辣辣的，加埋米通入個海皇湯真係超好食，脆脆地口感一流！再叫多松露蝦球伊麵，呢個相對嚟講比較清淡，啱啱好可以襯托到個松露香味，伊麵底夠晒汁唔會乾爭爭，蝦球好新鮮彈牙，唔錯！食北京嘢想試埋個濃湯水餃，都好味，有水準！最後是啲特色嘢 - 羲和小肉餅，每一嚿都插住支醋，個肉餅係一層層肉捲起，最外層係酥皮，將啲醋唧入入邊食會冇咁漏，而且帶出到肉餅嘅鮮味，可以一試！…查看更多

突然好想食牛扒，搵到附近呢間叫musicbox grill house 好似幾特别，評價又高，就試一下。環境以木系為主，感覺好warm, lunch 時間食覺得特別chill。我哋叫咗個7course tasting menu 同一個brunch set 蒙古豬扒配雙蛋一齊食。第一道菜係湯，分別叫咗羅宋湯同周打湯。跟咗舊好脆嘅蒜蓉包，brunch set 有個沙律菜，湯嘅texture同味道都幾好，唔會太杰或太稀。第二道菜係大蝦廚師沙律，色水唔錯，酸酸地幾開胃。第三道菜係蒜蓉牛油海鮮拼盤，有青口，蜆肉，蝦，尤魚等，食材都幾新鮮，牛油味好香！第四道菜就係主角肉眼牛扒，品種係黎自阿根廷嘅安格斯牛，120days, 8安士都好大塊下，有網紋燒得好靚，肉質仲好粉嫩，入口勁juicy, 牛味都幾濃，好滿足！！而個蒙古豬扒就無牛扒咁驚豔，食落比較似港式叉燒，口感都幾扎實。第五道菜係黑松露意大利雲呑，好creamy, 好味～第六道係甜品creme brulee, 口感幼滑，少甜。最後係餐後小點同飲品作結，weekend 值得黎食brunch!…查看更多

發現屯門新開咗間集燒肉同壽喜燒一身嘅放題店，食完之後真係覺得好味同抵食！位置喺以前大快活個位，個set平均$400一個人食90分鐘。本身鍾意食一人一鍋嘅我，無諗過呢度都可以一人一個燒爐，好驚喜～我哋先燒咗牛肉先，有五款牛可以揀，有牛肩胛肉，牛板腱，牛仔骨同牛舌，每款肉都可以揀唔同嘅醬汁，個人推介鹽醬，少少咸已經夠哂味，款款牛都一樣咁好食，細細一塊容易燒，牛味十足，肉質又唔硬，可以盡情燒都唔怕濟。除咗牛都有豚肉雞肉同海鮮選擇，仲有好多小食同牛油錫紙蔬菜，就連刺身都有～燒緊嘅肉嘅同時，隔離仲開咗個煲食肥牛壽喜燒，肥牛嘅質素都唔差，油香滿滿，配埋個湯底一流～飲品方面都好多款式，甜品同雪糕選擇多，時間關係有啲嘢仲未試到，下次要再黎！…查看更多

為慶祝友人回港，揀咗喺山林道嘅一間西餐廳食好野～先試咗個前菜沙律，係松業蟹肉沙律。都幾大碟，而且蟹肉份量都算多，肉質都好香好新鮮，配咗麻醬，好fresh.燒牛舌芯串，燒得好香口，擠上檸檬汁超好味，入口軟熟。牛油炒螺片，螺片好爽口彈牙，好新鮮！牛油炒什菌，不過不失，牛油味好香濃！叫咗友人最愛嘅燒日本原隻尤魚，賣相好靚，嚼頭十足，好惹味～五成熟嘅美國安格斯肉眼，肉質好粉嫩，入口牛味最極濃，又大塊，推介！最後食多個松露蟹膏意粉，都幾creamy, 松露同蟹膏同樣濃味，一齊食都好正！…查看更多

喺尖沙咀發現有間串燒專門店，門口都聞到好香！入到去急不及待嗌咗一打串燒，啲串燒本身已經食得，擺上木盒上面就可以keep 住暖暖地慢慢食～食物種類都算多～先試新疆羊肉同肥牛，雖然啲燒烤粉好惹味，但都食到好香嘅羊肉味！仲有原來燒肥牛係幾好食架！唔夠味仲可以自行再加孜然粉同辣粉。唔少得燒雞翼～當中仲有比較特別嘅渣男五花肉，口感好厚身，幾juicy!連台式香腸都有～好有風味！相比起肉更加鍾意燒菜～例牌一定要食燒茄子，好多蒜味，逐條茄子肉撕出黎食好入味！燒金菇係成幅咁樣燒，好味！仲有韮菜，秋葵，翠肉瓜，娃娃菜，土豆片，會愈食愈上癮，不過個粉都幾辣，唔食得辣嘅可以走辣～…查看更多