Burger Shot

見到元朗體育館附近開咗間漢堡包店，店面睇落好乾淨，有少量座位，我地就買外賣返屋企食～menu 上全部都係手工burger, 睇啲配料好吸引！
我哋叫咗個$248嘅二人餐，有兩個burger兩份小食同兩杯嘢飲。

千島脆脆哈蝦蝦漢堡，入面嘅配菜有蕃茄，洋蔥，生菜，千島醬都落得好夠，有三條蝦手指，炸得都唔錯！包面有烘過，正！

雙層手打牛肉芝士漢堡，芝士溶咗之後味道更濃，同快手打牛肉味道好夾！而且牛肉煎得啱啱好，免頭有少少脆，好味！

炸大薯條，配黑松露醬，好香口！

炸洋蔥圈，配蜜糖芥辣醬，好惹味～

嘢飲方面，除咗汽水之外，推介藍莓爆爆，係由藍莓醬+爆爆珠+梳打水溝埋，好特別，有口感又解渴！