一喜‧燒肉

营业中

休息中

發現屯門新開咗間集燒肉同壽喜燒一身嘅放題店，食完之後真係覺得好味同抵食！位置喺以前大快活個位，個set平均$400一個人食90分鐘。本身鍾意食一人一鍋嘅我，無諗過呢度都可以一人一個燒爐，好驚喜～我哋先燒咗牛肉先，有五款牛可以揀，有牛肩胛肉，牛板腱，牛仔骨同牛舌，每款肉都可以揀唔同嘅醬汁，個人推介鹽醬，少少咸已經夠哂味，款款牛都一樣咁好食，細細一塊容易燒，牛味十足，肉質又唔硬，可以盡情燒都唔怕濟。除咗牛都有豚肉雞肉同海鮮選擇，仲有好多小食同牛油錫紙蔬菜，就連刺身都有～燒緊嘅肉嘅同時，隔離仲開咗個煲食肥牛壽喜燒，肥牛嘅質素都唔差，油香滿滿，配埋個湯底一流～飲品方面都好多款式，甜品同雪糕選擇多，時間關係有啲嘢仲未試到，下次要再黎！