Porporchi的个人专页

同2-5月食評比較，真心今次到訪食物種類明顯少了。一直在上環店食晚飯的，今次首次到訪，我以為取食物的地方分了兩邊，原來不是，只得眼見一張長桌。看食評照片得知，原來去年2-5月時食物種類也不少，跟上環境相若，只是近半年少了不少種類，是否因為我們今晚7：45才到？ 味道沒有什麼問題，不過用薑和黑椒太重手了。…查看更多

見到POSTER 有個5人份既燒仙草$70, POSTER 上面有$30 加買5人份既芋圓,  兩樣加埋$100。由卡外賣,  冇即時見到幾多份量, 去到見到朋友, 我地3人, 以為5人份夠食, 點知打開嚇親....$70既燒仙草份量ok (燒仙草根本唔值錢,  唔係因為出街,  其實平時自己都整到,   唔介意硬身d,  去街市/ 超市買$15-20涼粉都一樣咁多份量)$30 既芋圓, 嘩, 我即時law 番張單想去打番去店問係唔係比少左HK地店既租係貴, 燈油火咩都係錢, 明既, 但POSTER 講得5個人份量, 我唔會覺得D芋圓係我平時去甜品店1.5個人既份量 (我好公道, 真係好少,  食開芋圓既一定試過其他店既份量)其實芋圓都係平野....唉, 點解要搞到咁呢?仲有,  佢地既芋頭係成舊芋頭比你, 唔係芋泥, 小妹真係少見…查看更多

做了會員, $280, 每個月都有一張小食卷可以用, 只要堂食$100 就可以換一個小食食物上得好快, 我唔洗45mins 已經食到飽飽,  滷味粉絲賣相好好, 但係味道唔夠, 要讚係料好足, 好希望繼續都會用足料,  如果滷味個湯濃d 會更好, 個粉絲就會好味好多已打算下星期再去!…查看更多

近來經常食放題, 因為生了小朋友之後, 兩個家庭聚會最好就是去吃buffet或放題, 所以對放題都有點心得研究大喜屋規定80cm以上的小朋友就要收費了, 所以一直都沒有帶小朋友到此站吃放題不過聽同事介紹, 說魚生很好質素, 所以就即日打電話到中環/ 尖沙咀, 希望有位, 當然是要WAITING LIST, 最後既然中環那間有位, 我極度興奮, 未夠6時就到了垣白說, 可能期望太多, 所以有點失望失望一:同事說魚生是多麼的厚切, 所以好好吃--> 對我來說厚切不厚切沒關係, 因為我本身覺得食魚生不應該厚切的, 就算要食厚切, 多吃兩片也成, 所以我著重是魚生本身質素, 但百多兩百元的放題, 其實間間魚生我都覺得好好, 又不覺得大喜屋的好吃, 唯一要讚就是他們有油甘魚, 其他地方唔會供應貴價的油甘魚, 呢個係佢賣點, 不過其他的蝦, 三文魚, 等等跟其他餐廳我又吃不出有什麼分別失望二:熱食種類太少了, 可能我之前一星期去了平成22, 平時也會去大吉/ 吉壽同埋和味館, 所以有得比較, 我不吃牛的, 在大喜屋吃了兩轉已經沒有什麼可以再點吃了, 串燒很很很少, 不過我都明白, 因為對付他們人流咁多, 串燒唔會夠時間, 但係肉食既串燒得羊, 同埋雞, 冇豬既, 亦冇sweetcorn, 好多好多其他地方有得食既佢都冇, 我其實覺得佢$219 真係比魚生就值, 去到唔好期望佢有咩食, 我見到A - I 既Order 紙有2-3張冇左, 我以為自己o個台冇, 問左佢地先知道原來真係冇, 我唔多信, 因為冇理由咁多人讚既餐廳冇咩野食, 所以上來openrice 去睇下d 相, d 相既食物都真係呢d, 可能我真係食得太多太多唔同餐廳既放題, 相比之下, 呢間唔多野食囉失望三:因為佢既價錢比好多都係貴$5-60, 我以為級別高些, 對佢既sushi既要求都有唔同, 點知佢地既sushi 其實真係極度普通, 唉!!!!! 問心, 去食過既都知道!失望四:我唔去吉壽係因為佢太迫, 估唔呢度都係, 所以order 野食要好多次, 食到好輪盡總結: 1) 佢地唔係差, 唔計佢地既油甘魚, 剩係佢地既一般既魚生加埋其他食物, 唔會好過其他放題2) 鐘意食油甘魚既, 一定要來, 因為其他地方冇得食3) 如果唔計油甘魚, 佢應該好似和味館咁$159, $169, 又或者大吉既$179, 我先會去食希望佢既食物數目多d啦! 我都想有多幾間唔同既放題比我去食, 本身食開幾間都已經食得太多次了!…查看更多

因為工作關係, 間中都會去青衣城食lunch, 咁多年我no.1 之選一定係La Parole, 好傷心係前日去青衣時, 一心諗住同老公dinner去食餐好既, o個度已經裝修緊做另外既食店, 好在open rice有info知道搬左去上環!我咁多次都係食lunch, around $110左右1個set lunch, 有個buffet既starter任食, 樣樣都賣相靚之餘仲好味, hk好多地方都有fine dining, 但係呢間意義重大, 可以幫到小朋友, 真係非常難得希望佢地生意越來越好時, 可以去番青衣開分店啦!!…查看更多

我諗左好耐, 唔係好想用個咁-ve既標題, 但係最後都係忍唔住我係某一間酒店既member, 可以用買一送一既價錢去食buffet, 香港有好多間既酒店我都做哂members了, 所以食buffet都真係食到熟哂今日我一家三口(其中1個係bb) 唔想又去d 做member既酒店食buffet, 我就上openrice搵下酒店啦, 本來想去九龍酒店既, 但係記起有朋友話朗豪酒店既club 唔會好似其他酒店有成半價咁高discount, 所以令我覺得佢地幾high, 咪想去試下囉唉.....openrice, 唔該你地update番個資料呀, tea buffet唔係$158呀!!!!我地用ＤＢＳ有88折, discount 左兩個人都成$36x, 我估本身都成$18x 一位!同你地既info出入好大坦白講, 如果係呢個價, 我真係一定十萬個唔會去1) 甜品本身唔係我杯茶, 我唔介意佢冇cake, 只係得d細細碟既，但係冇中式糖水, 只得豆腐花2) 冇湯...可能我比其他酒店寵慣了, tea time我期望都會有湯3) 冇魚生...連sushi上面既都係得甜蛋呢d4) 沙律bar真係勁少choices, 得a)番茄仔, b)豆, c) 青瓜, d)菜, e) 都好似冇喇....5) 現成既沙律味道平平...有一隻係吞拿魚沙律, 但我覺得幾苦, 唔知係唔係太多吞拿魚6) 點心唔錯, 有4-5款, 係表現最好架喇...7)熱盤冇咩好食, 得好似5-6樣已經數哂了....我其實好唔忍心打呢個食評, 因為d服務員態度好好, 同埋個環境都幾好, 幾靜 (入座率好低), 同埋d 廚師好有禮, 見到人都好有笑容同打招呼, 不過諗起我地兩個人以為$158有88折, 最後兩個人食左$36x 又食得唔飽, 又唔多野食, 同埋都幾後悔點解唔去其他選擇!可憐既係香港就係咁既地方, 太多選擇, 為左生存, 真係要諗下計仔! …查看更多

我黎車品品真係N咁多次, 由佢地仲o係舊店開始到今日都有好多年我仲記得老公特登打我去佢舊店Farewell, 因為知道佢地未必會開新店, 到有一日老公同我講會帶我去食好野, 話好有信心我一定鐘意...點知比我無意中發覺原來車品品終於又開番喇...提起車品品, 真係好多回憶!仲未結婚時我放夜, 男朋友就會去舊店搵位, 等我去食個夜飯!到結左婚喇, 每個星期四我地都會去, 因為星期四我放夜!到我大左肚喇, 勁緊張及小心既我, 除左屋企食飯, 仲有咩選擇呢? 車品品就係我既唯一選擇!到亞女出左世喇, 估唔到, 變成左我地星期日, 工人放假既好去處...因為我個女好識食, 咩都唔係好吸引到佢, 但係車品品既菜飯佢就食哂!最重要既係我好驚出面食野d 味精, 亞女太細, 根本同佢出街食飯唔係易事, 所以有車品品令我好安心好喇, 點解咁多年都唔打個食評, 今日無端端又打呢, 因為我好想o係呢度多謝Florence同埋肥叔叔!!我兩個星期日前, 同亞女又去食dinner喇! 叫左個白粥 <-----我超鐘意既白粥, 我將佢放埋一面, 等冇咁熱先比亞女食, 點知亞女整跌佢落地!!天呀! 我嬲到不得了, 因為咁熱既粥整到我身旁既一對哥哥姐姐, 我連聲say sorry之後, 佢地一d都唔介意, 仲同我講最緊要小朋友冇事! 呢對哥哥姐姐, 我都好想借呢度同你講聲多謝!之後肥叔叔走過來, 我真係好唔好意思, 因為人地已經好忙, 仲要同我地摸地, 唉! 最感動既係.....Florence同肥叔叔再law多個白粥比我!!!!!!!!!!!!!!!!!!!!或者旁人覺得冇咩野啦, 但係當時既我好感動, 因為個女已經搞到人地又拖地, 又做多好多野, 之後仲驚我唔夠食, 比多個白粥我!!!我係愛吃之人, 亦係對食物好尊重既人!白粥跌落地, 我心痛, 因為浪費了Florence的心血, 亦浪費了咁好既食材!!老板娘Florence同埋肥叔叔, 真係好多謝你, 呢d人情味就係我鐘意你地呢間小食店既原因!最後我想講, 如果你地習慣食快餐食物既, 車品品既食物未必o岩你! 想知自己識唔識食, 去車品品叫個白粥呀! …查看更多

我唔係坐呢一區, 坐MTR都要20mins先到, 唔係有朋友叫我去搵佢, 我都唔會去到呢度約7點, 點知等到7:30都未有位, 見到好多人等, 心想: 唔係呀...已經朋友6點幾就去等位喇, 等咁耐有咩咁吸引o係出面見到d 食物話由$20/ $25起, 以為又係o個d宣傳手法, 點知坐底打開menu一睇, 原來真係咁平是日食素, 所以我只係叫左個salad, 白飯, 湯, 朋友就叫左pizza, pasta, 同埋一個唔知咩肉既餐, 我樣樣都夾左旁邊既伴菜食, 味道唔錯, 以$2x 一碟既價錢, 我絕冇complaint!5個人食, total $240! 係就要等好耐同埋地點唔多就腳, 不過佢開分店o係MK/TST呢D地方既, 我一定會去再光顧 (不過去得MK/TST開時, d 租咁貴, 到時d野食又未必咁平了) …查看更多

因為老公對英國情有獨鐘, 比我地o係openrice 見到有呢間餐廳, 所以決定一試。最衰遇唔到佢既promotion, 唔係既, 真係超級抵食!今日星期四, 佢既set lunch 係有3樣揀 - 魚, 牛, 素菜pie。由於我同老公唔食牛, 揀左魚, 同埋素菜pie。soup of today 冇得揀, 得白湯 - cauliflower soup。另外可以揀salad。老公同我一人揀一個, 兩個都係水準之作, 但唔係太有咩驚喜。主菜我就好滿意, 個魚好好好嫩, 好肥, 食哂成舊都唔夠喉, 個感覺好似食左成舊大seabass落肚。老公既素菜pie 既topping 係mashed potato, fillings 係d 西蘭花呀, carrot呀, 呢一類既vegetables, 食落去好有咬口, 因為佢用左既fillings 全部都唔會因為baked完已林哂, 食落去有咬口之餘亦有啖啖cheese 香。dessert 就係banana bread pudding, 但係我食唔到banana味, 食到花生味多d wow。由於我對食dessert 冇咩講究, 我唔comment喇。唯一對呢餐lunch 批評既係...我想apart from 個set lunch 仲order d side dishes, 不過個menu 唔係太多野揀, starters 都係得d saland, 我想order 既fish and chips portion 又大左d (我估乍, 因為見到成$16x 一份), 所以最後我都係食個set lunch, 冇再加野食喇。一個set lunch, 包starter + main course + dessert + drinks $98, 以食物既quality 而言, 絕對抵。加埋對英國既情意結, 我對呢一餐好滿意。…查看更多

因為見到食評好, 而去一試。呢晚成11點鐘去到佢地既旺角分店, 唔係太多人等, 買左個兩溝 - yogurt 味+肉醬味, $28, 有小小貴, 因為份量唔係多, 只係potato + 個汁, 不過見有幾十個好既食評, 去試下無訪。等唔係太耐, 5分鐘就有得食, 不過等既過程見到佢ding番熱d肉醬, 即係減左d 分, 覺得好似唔係太健康。佢地好認真將d french fries 用個磅秤佢, 一份份之後law 去炸。兩溝就係名副其實兩溝, 將兩隻醬溝埋o係個杯度, 結果上面我街係食到yogurt味, 食哂上面o個d下面先有肉醬味。yogurt 好食, 唔"流", 好似食緊乳酪咁, 有小小酸酸地。肉醬味就好一般, 只係有小小spicy, 又食唔到有咩豬肉。我下次買未必會再叫肉醬味。見到佢地有hot dog 賣, $18一隻, 用既腸係靚野, 係sogo/ taste 買都要$4x 一pack, 佢賣$18一隻唔叫太貴, 不過我見到佢有個套餐, 好似包埋細french fries + 細汽水, 都係$2x, 好似好吸引, 下次會一試。總體來講, 唔係因為一杯french fries 成$28, 我諗我會經常去買, 不過呢個價錢可以有更多更好既選擇, 我未必會極力推薦。…查看更多

真係估唔到一朝早又比呢間野搞到我好嬲, 要上來打篇野講下。自從呢間bakery 冇左三文治賣之後 (sales 姐姐話因為做唔切), 我都少左去買野, 因為佢面包既選擇太少, 全部都係甜既, d 料唔係沙律, 就係菠蘿包, , 以健康為主題, no way 啦!最主要係我食完之後會即時有痰, 所以我只好等佢既三文治再次推出之後先去買。今朝見到佢有番三文治賣wow, 不過貴左咁多既, 單買都要$10, set 即係加野飲就$14, 貴左成$2 (冇記錯之前係一set 好似$12), 我估佢可能多左d 咩料, 又或者大份左, 所以我就要左一set: 即係三交治 + 豆漿。點知去”do”時, 姐姐收我$17, 我問佢唔係$14 咩, 佢話$14 只係包奶茶coffee呢一類, wa, 即係枝豆漿收我$7! 我話太貴, 唔要喇, 姐姐話因為do 左, 用八達通, 冇得唔要, 我冇野講, 我走人。好喇, 食哂成個三文治之後，我仲激氣，又有痰喇，唔知關唔關d 沙律內既糖事事, 定係d 方包有糖。真係好激氣, 單買件只有兩片番茄, 一”乍”生菜絲, 一片薄cheese, 同埋一片煙肉 (我唔好彩, 有半片我食唔到, 只得肥膏) 既三文治都要$10, 我真係嬲到呢….去美x, 東xx 買都係呢個價, 都已經有成隻蛋, 成塊大火退, 又或者健康10陪既吞拿魚喇, 仲有麥包揀, 唔係39” 所引以為豪既唔同味唔同色既 ”甜健康方包”。根本同之前幾個月前所賣既三文治一樣, 為咩要加價呢? 呢個MARKET而家個個搵到好多錢? 呢個咁既金融環境下, 仲加價, 我估真係39” 你地先做到。想打電話同shop 再問多次係唔係真係個set 要$17, 打左3次都冇人聽, 唉!!! 雖然我係好唔滿意呢間bakery , 因為我討厭以健康為主既shop 所賣既野唔健康, 但係都有其可取之處 – 就係佢地有竹炭包賣。竹炭包唔係度度都有得買, 所以次次都係去呢度買比我亞媽食, 不過都係o個句, 唉, 我唔敢日日買, 如果marketing 做得好d 既, 請列出有咩成份在內啦, 美x, 聖安x 既方包全部都有張label o係後面, 一睇就知有冇加糖, 牛油, etc。面包係日日食既食糧, 我地係唔係有權知道佢既成份呢? 最衰係次次打去問, 永遠將線transfer 來transfer 去, 都答唔到。39”, 我都好想日日去你度買面包, 唔洗我日日食美x 都食得悶喇, 但係你多d 由消費者角度 (特別係老人家, 小朋友, 有糖尿病問題呢一類既消費者) 出發啦! 良心經營先可以得到大眾既信心同光顧。我面前呢枝你地姐姐收我$7 既豆漿我放好當眼位置, 時時刻刻提醒我, 比錢時要小心!…查看更多

今日Lunch去左青衣城"食好野"。食左個long lunch, 成兩個幾鍾呀!次次去親La Parole食lunch, 我都稱之為"食好野"。因為佢既starter 係buffet來, 真係可以盡情咁食, 食到飽飽先來個main course。今日我叫左個main course係seafood pasta。好好食, 我覺得佢換左個chef, 上網check 番先知道原來佢而家請左米芝蓮星級廚師Benoit Gersdorff擔任顧問廚。坦白講, 以前覺得佢地既main course 真係麻麻, 有時仲會食剩 (我呢個人極少情況會食剩野架)。今日個個同事都清哂, 個個異口同聲都話d野食好食左。雖然係好食, 不過今時唔同往日了, 我仲未check 血糖, 點知有冇事o者, 所以我starter buffet 都係食salad多, 到main course 時都係食左一半pasta 就算。Buffet starter + main course + dessert + drinks = $98 + 10%。唔係太貴, 亦唔係平。不過我間唔中都會去呢間restaurant 支持下啦, 因為: "餐廳所有收入扣除開支後，全數撥款支持庭恩兒童中心，幫助低收入家庭有語言障礙的兒童接受治療"食野之餘可以做下善事, 好有意思架!…查看更多

去元朗當然必買吳匡壁記既麵, 不過途中, 見到元朗阜財街既"好到底"原來唔止提供外賣, 仲有堂食, 好過癮呀, 橫掂o係大榮華唔好食得好飽, 所以入左去食左碗炸醬麵。我極少會食炸醬麵, 但都發覺呢碗炸醬麵同平時麵店o個d好唔同:1) 見到一條條豬肉條細細條2) 有洋蔥, 有番茄味, 似西式整法出面麵店o個d其實見到都唔係好開胃, 因為一pat pat, 用埋唔知咩肉。好到底呢碗就擺明比你睇到佢用既係咩料。好細碗, 熱熱既蛋麵o係底, 上面加左炸醬, 另上一碗細"上湯", $20。唔係平, 不過蛋麵完全無鹼水味, 爽口彈牙, 上湯飲完冇口渴喎。同行老公叫左雲吞麵, 不過落錯左單, 加上我已經食哂成碗麵都未到, 所以cancel 了。呢個麵店好鬼有feel, 成間花樣年華, 亞飛正傳咁既feel!奇: 點解呢度無辣椒油, 得辣椒醬既? 本身只係諗住買幾隻搖柱麵番屋企, 但發覺得佢既蛋麵都得wow, 買左一盒, $25。…查看更多

同老公從未去過呢度食野, 去左openrice 睇d 食評, 139個好, 33 個唔好, 咁即係值得去試下啦!!!已經預左星期日去會多人, 好在友人o係11:45am 去law 飛, 12:15已經有得坐底。3個人, 食左10碟野左右, 埋單$179。我覺得好reasonable! 食左以下: 1) 奶皇馬拉糕: 有d 甜, 細細舊, 但係好香, 同埋好軟2) 南瓜餅: 冇料o係內面, 有4舊, 不過相信佢冇加糖, 我食左喉嚨都冇起痰 (食親有加糖既食物我好快就會起痰架喇...)3) 煎魚餅: 去排隊出去law都等幾耐, 因為即叫即煎, d 魚一d 都唔鯹, 同上湯魚肉鮮竹卷既魚肉一樣4) 上湯魚肉鮮竹卷: 腐皮包住魚肉, 清過一般既鮮竹卷, 好彈牙既魚肉, 唔知係咩魚呢? 5) 排骨: 麻麻地, 肥過頭, 骨頭多左d6) 蠔豉髮菜燒賣: 三粒燒賣但得兩隻蠔豉, 點解呢? 燒賣內有大蝦一隻! 7) 芝麻糊: 明顯係自家磨, 唔太甜, 比起大良八記, 佢冇咁滑, 但係味道討好, 睇得到既粒粒磨好既黑芝麻8) 麥米粥: 我食左小小, 因為"家姐"叫既, 同出面賣既唔同, 就係佢加左眉豆, 冇花生, 亦都唔太甜, 顏色偏深, 我估食哂成碗都會幾飽9) 菜心: 一般貨仔囉...好似係中點, 都十幾蚊架10) 紫心番薯水晶包: 好大粒, 3隻, 唔租, 外面既皮我覺得唔厚, 唔甜係正常, 因為佢內面既料係紫心番薯, 都已經甜喇, 唔洗皮都加甜, 但在座其餘兩位都覺得皮加番小小甜先好喎...11) 臘腸包: 兩件, 咬左一口條臘腸, 好juicy, 連d juice 都"射"出來, 整到我條絲巾呀!其實仲有好多野食叫左, 但係唔黎, D 野都叫做上得慢, 所以食極都覺得唔飽咁。其實唔係因為我怕食得太多, 對BB 唔好, 我真係唔止叫咁少野。當然去到大榮華, 一定會見到食神 - 個肚仲大個我7個月既tao tao 哥啦!!…查看更多

呢個地方o係係太子MTR 旁好易搵去到之後見到佢出面已經有好多人買佢既甜品, 佢唔止大家所講既糕點, 仲有d 中式糖水, 不過未食攦粉, 緊係唔食甜品住啦!大部份攦粉只係$15, 真係抵食, 不過去到想食最hit 既墨魚卷就冇哂喇, 當時係7點幾左右, 佢有d 特別d 既好似炸魚球, 就$18, 有個酸甜排骨 (唔係好記得) 就$25, 如果加料就加$5我就食左個$18有3粒既炸魚球攦粉, 加$5 有豬腩肉, 掂呀! 炸魚球大大粒, 好好食, 有3粒, 佢一碟6粒都收$2x, 而家$18 就有3粒, 我覺得抵不過呢, 佢既份量唔算大, 不過以一般$15既來計, 算好食得過!另外order 可以平價去叫飲野, $5 就有一杯熱/ 冷桂花茶, 正!我太貪心喇, 之後仲order 佢地挂介既餃子, $15好似有8隻, 唔錯, 如果唔夠食既, order 呢度既餃子都係一個好選擇!最後當然外賣$20, 一共6件糕點, 我都忍唔住, 見到佢大大個牌寫住係choi 生推介既糕點, 緊係買左之後即刻試下啦, 同大家所講既都係一樣, 雪耳o個件幾特別, d雪耳整到好碎食入口有d 似食雞軟骨咁既口感, 我鐘意!大家所講既南瓜牛奶我老公就話麻麻地, 不過我就鍾意佢軟綿綿, 所以我成件1個人食哂總括而言, 全部都唔太甜, o岩我地唔食太甜野既人既口咪!! 咁既消費, 當然會有下次啦!!! …查看更多