tdddd的个人专页

叫左個廚師發版鹽水雞+滷肉飯餐 $55 + 阿宗麵線（大） $60 + 滷肉雞絲飯 $29 + 芝士粟米強餅 $29 + 木瓜奶$29第二次幫襯了食過翻尋味見佢個位偏偏地租個鬼場無乜客，寫篇好評幫得就幫，驚無得再食。店名叫百元鹽水雞但最好食係滷肉飯55蚊餐好抵夠餵飽一個人 鹽水雞偏淡口味 同兩間連鎖味道好大分別 個人覺得唔錯，重口味者可skip叫其他上次叫左泰式口味，建議改良下呢款😅滷肉飯無得輸 香港食過top3 入味肥瘦均勻 咸甜剛剛好加埋油香 個汁超送飯 用左珍珠米更有咬口 濕左都唔會過爛，外賣食都唔驚，細份量都好多夠女仔食蛋餅好食足料，木瓜奶同台灣飲無分別。仲有個阿宗麵線（大），自己係台式麵線控，HKxxmall買同品牌急凍包都要$6x-70, 鋪頭仲要煮埋俾你🙈咁有良心得唔得架整體間店都係調味偏健康，好家庭式有feel…查看更多

叫左個半肥瘦叉+冰燒鳳凰雞黯然銷魂鴛鴦飯加例湯俾個分先： 6/10 (湯加分）賣得比普通燒味鋪貴double 驟眼睇靚仔但沒什麼內涵 缺點頗多 性價比低 同區有更多好選擇標榜半肥瘦叉但好瘦 好彩唔鞋口但超燶 苦過廿四味 有幾舊困哂黑邊 睇圖喺兩舊到已經刮左勁苦既燶焦 燶邊叉燒唔是咁的 差評👎🏻雞就玩啅頭 燒完再凍？ 甜甜地唔太香 雞肉好實淨但唔鞋 口感味道都似超市賣凍既即食雞胸 油雞會更好吃 可能有fans也不定蛋煎到漏哂黃 唔知係特登定失手 個人非常唔欣賞飯量唔夠 如要改善可以俾人揀多/少飯最尾讚下個湯幾出色 喺食到躁底既情況 餐加六蚊算下到火 …查看更多

店內枱櫈 杯碟都好有古代feel菜式有花心思設計，唔係大路野食過三次每次試唔同野都無中伏 全部高分推介連大路到多過公廁嘅all day breakfast入面粒菇都內有乾坤癈話唔多講，唔信自己試下…查看更多

手製幼蛋麵非常出色，彈牙有咬口，煮意粉時間剛剛好。但可能就唔太啱鍾意食港式意粉嘅師兄。龍蝦醬重蝦味，格硬要挑剔就可以多返少少醬令意粉稠身啲食落更順滑更c伏。炸埋個蝦頭你啜抵讚。闊蛋麵都出色但無幼幼食落咁舒服。蟹膏蟹肉落得算慷慨，幾香的。記得趁熱食一凍就腥。幾十蚊lunch set 有呢個質素手工意粉抵到爛，絕對唔差過百幾二百蚊價位。係需要小小耐性等食同埋一碟意粉男仔可能唔夠飽。建議有得揀點都支持下小店，唔係疫情過左得返連鎖/大財團揀。…查看更多

如圖所見，配料豐富，擺位精美，賣相係靚仔，顏色一睇就知重椰香味。可惜既係微熱上菜，唔夠熱力谷啲香味出黎，聞落唔夠香。食落，啲炒過嘅辣椒同香葉亦都輔助唔到碗野。米粉太軟淋，唔係我鍾意嘅口感但可接受。淋得黎唔太索到汁又掛唔到湯，新加玻機場食仲好食啲。講個湯底，椰漿味夠，可惜除椰漿味外湯頭味道偏薄，同正宗足料娘惹叻沙距離甚遠，完全對唔住佢menu濃厚呢兩個字。煮湯前香料一定未炒好，熬湯嘅料/時間都唔夠，導致各種味道唔平均，椰漿味，甜味太出，感覺更膩。湯既味道老實講百勝廚唔會差過佢。由於佢主打叻沙冇乜賣其他野，未食前期望甚高。其實喺香港食，呢碗野都合格。過口癮係OK，但講到出色就稱唔上。另外有位謝頂眼鏡大叔侍應態度麻麻地，整體不太推介。…查看更多

冇黎食兩年，行過屎忽痕叫左碗凍雙皮奶已經唔記得以前係咩味道，只係記得幾好食而家食返感覺就係太甜，可能年紀大左唔好太甜既野熱食應該會好d碗野係唔差，夠滑溜奶味重，可能係我口味變左…查看更多

唔係用餐高峰時間去，疑似係老闆既阿姨口黑面黑，似乎心情麻麻ok, 呢個價錢我接受到只係食味道唔要服務叫左個斑蘭椰香黃薑飯，即係雜錦黃薑飯呢碟野計埋加一120蚊，性價比奇低。有好多食評話地道，我唔知佢地搵咩比較喇，同粵菜比咪偏東南亞風味囉。我係去過峇里，每一間當地餐廳都好食過呢間好多倍。詳細逐樣講下雜錦飯最易睇出間餐廳整體水平成大碟野最好食就係魚乾花生飯係有椰香味，但黃薑味欠奉，呢樣已經係第二好食，都算幾大鑊再黎講下廣受好評既巴東牛肉，可能係我口味問題，太甜。香料味道層次唔出，俾甜味遮蓋哂。仲有唔知係氣流產生既錯覺定係我飲大左，食落有浸好奇怪既菠蘿味浮現...可能佢為左迎口唔知邊眾口味，將辣味降為0, 去菁存蕪留返嘅只有甜膩感。同我鍾意食嗰幾間味道好大分別，而家諗返起一路打字都有少少反胃...燘菜不過不失，冇加分位個炸牛肉薯蓉餅好伏，味道怪，口感唔討好其實碟野整體唔算難食既，如果佢價錢同大家樂一樣我會收貨。但而家收一夜夫妻價百二蚊就感覺心理有d唔平衡。可能睇左之前人食評期望太高，唯有自己都寫返篇渲洩下:(幫後人拉低返d個期望值可能會感覺好d。另外仲有樣野係佢地燈好光好熱，加上間餐廳少人冷氣較細左，照到我出汗。女仕黎食記得搽夠防曬…查看更多

嗌左碗狀元及第粥加碎牛窩蛋腸炒腸粉要等耐d,值得既狀元及第粥姐係豬雜粥加兩粒肉丸，豬雜有豬肚，腰，潤，粉腸好嫩味道濃又洗得乾淨。豬腰爽口，豬潤難得地粉嫩，呢兩樣最好食。好食過元朗出名食豬雜果間x小姐粉腸有酒煮過，略嫌淋得滯冇左咬口，個人口味問題。見佢有生滾豬雜賣，下次可以試試。要挑剔既係粥底冇之前咁綿密，味粉味重左，要改善返。腸粉睇賣相就知夠薄夠滑。甜鼓油味道剛好，食完都唔口喝。腸粉食落質感似潮式，米香味重，非常好食。一擺入口就好似識滑落去喉嚨。唔似好多酒樓咁一舊粉落口。之前食過佢粉仔同煎咸肉糭都係好出色粉仔個人認為好食過xx座狗仔粉好多…查看更多

四串分別蒜芯、雞、牛舌同脆豆卜。蒜芯同雞大路味道，格硬要形容就係平凡/無過失。牛舌燒到外乾內軟，軟淋得黎都係好dry, 乾海綿咁。牛味無乜，唔怪得要大兜既芥末醬。脆豆卜係最好食亦都係最唔抵！豆卜呢d下欄野12蚊原以為有四五六舊啦，點知好大驚喜！一開二有四舊！即係六蚊舊豆卜！仲要係細舊果款豆卜仔，佢就好似牛某種器官咁一燒完就縮！有種食梳乎厘班戟既空氣感。四串野66蚊，其實係廟街牛雜冇開先轉呢間，其實有更好選擇。…查看更多

嗌左五寶米有牛腩、肚、根、脷、尾。每款大概二舊到四舊，推斷係隨機分派真實味道排序為脷>>>根>肚=尾>>>>>>>腩先呷一口湯，感覺雞粉/味精太重手，一啲都唔清。 湯有少少胡椒味，冇乜果種淆出黎既感覺食多兩啖，果斷狂加辣椒油。嗯，味道即刻好好多。牛脷好好食，軟淋得黎有牛脷果種口感，牛味重。其餘除左腩冇野值得講。都係湯果種味，唔太討好，要靠辣油助攻。主角腩就好野喇，可以話係我近年食過最難食既牛腩！最難食既有四舊，鞋過煲湯豬肉，唔入味，牛味亦欠奉。連肥腩都咁鞋真係要俾個服字佢。咁都有米痴蓮唔服唔得。唯一食左舊係肥既有根爽腩，唔鞋又有牛肥油香。老實講果舊係好食既，一啖砂糖三舊屎，好似人生寫照咁。埋單62, 抵唔抵食唔食得過見人見智。整體講我就唔會有再食既衝動。…查看更多

見到推介走黎試下叫左碗滑雞飯同埋一碟淨排骨落雨得我一枱客，點完光速上菜癈話唔多講，飯同鼓油要讚飯就挺身仲係一粒粒，有飯香，蒸飯黎講算難能可貴鼓油幾香，應該有豬油到d雞喇，雞件係極之少既皮骨同埋肉既比例大概係5:1雞係好肥既黃油雞，冇雪味亦都冇雞味，咁肥既雞d雞油撈埋d飯到都食唔出d雞油香肉都冇多舊既情況下，好彩叫多碟淨排骨，唔係就要鼓油送飯雖然飯同鼓油ok, 但一碗鼓油骨頭飯收四十五個大洋未免太唔抵（可能我黑仔，但雞既質素都麻麻，好多地方既北菇滑雞飯好食好多）奉勸黎食既朋友仔食其他款避免中伏彈完都有野讚下，排骨軟淋入味調味剛好，食到本身既肉味唔會話好似d hea酒樓啤水啤到唔似舊肉，送飯一流埋單73蚊，當中有三十蚊當跌左我當今次叫錯野食或者間野失手姐，會再翻食試其他，畢竟蒸飯黎講個飯底係合格有餘希望店家睇到改善一下，接受唔到批評同唔改進只會被淘汰，下次黎食完再寫多次希望下次淨係得推介:)…查看更多