雲迪艾維斯 のプロフィール

今日求其搵咗一間餐廳，地鐵站附近， 2點18分上到去，見到佢個餐牌寫住下午茶兩點半開始78折。 等多一陣先入坐。我哋坐喺窗邊環境唔錯。味道唔錯有啲驚喜， 我個孫仔好鍾意食，唔使人餵主動自己食曬。最好食係粉絲裹蝦， 成鍋未熟攞出嚟 喺你面前倒上醬汁煮，焗四分鐘左右就可以食得。菇菌醬肉包都好食， 筆墨酥香好特別， 整到成支毛筆咁樣，裏面係豆蓉， 點朱古力醬， 係一個好特別嘅菜式， 小朋友見到好鍾意， 味道都好食。 香窩花菜有少辣唔食得辣嘅唔好叫， 西施豆腐裏面有蝦同埋芋頭， 仲有我最唔鍾意嘅青豆， 土豆芝士撻就一般般， 好似西式嘅酥皮撻上面係土豆加芝士煙肉，味道唔係特別甲。 雷峰塔係一個甜品， 似牛奶布丁， 味道一般， 我哋每人食咗一啖就冇再食。 佢哋嘅芒果綿綿冰好味，裏面有紅豆仲有爆珠新鮮芒果，上面有個熊貓仔應該係棉花糖， 佢哋打咗一個芒果醬汁倒埋落去好好味。整體水準唔錯。 服務都好好。應該會再去。最後有少少嘢要補充就係最後埋單出去嗰陣時， 入面好多位，但係出面嗰位小姐又要收錢又要帶位，所以積聚咗好多客喺出面等， 我都等咗一段時間先可以付款， 佢應該叫入面啲人出嚟幫手帶位，唔應該畀客人係出面等咁耐。…さらに見る

西灣河新開店，第一次嚟食，我哋大約2045到，冇訂位，要排隊入坐，大約等咗30分鐘左右就有位，可惜好多嘢都賣晒。價錢有啲貴，我哋6人，叫咗6個餸。小炒皇必食， 好有鑊氣。 方魚肉碎粥都好味，湯底好正。其他餸都ok，家鄉米粉淡而無味，可以唔洗叫， 鵝六寶裏面嘅豆腐同埋花生係最正， 鵝腸係新鮮所以好爽好好食， 黑色薯仔牛柳， 薯仔牛柳都好淋， 潮州蠔餅就一般般，蛋唔夠香唔夠油。埋單1100左右。冇得碌卡，只收現金。…さらに見る

午餐真係有驚喜，大大碟，好食， 價廉物美， 白飯唔使錢再添。食過幾次，每次質素都幾好， 每碟都新鮮熱辣煮出嚟椰菜花最抵食，48蚊一客我覺得味道最好食係小炒肉， 嚟過幾次必叫之選， 睇上去好似好辣好多辣椒，其實辣到適中（ 我哋叫咗中辣）。有一樣嘢佢哋要改善嘅：就係飯要熱辣辣先好食， 我去嘅時間係下午三點鐘左右，人唔多， 我哋點好餸之後， 餸都未煮起，佢哋已經裝定飯，再搵另外一隻碗蓋住， 等碟餸炒好就打開個飯畀我哋，所以個飯嚟到係暖嘅， 其實晏晝又唔多人，裝個飯都係十幾秒裏面嘅事，唔使預先裝定囉。…さらに見る

一間唔起眼嘅餐廳， 經過都唔知道佢係一間餐廳， 我哋一行五人， 想搵個地方食下嘢傾下偈， 呢間舖仔好適合。我哋叫咗 大蔥雞串燒 煙肉萬能蔥卷 龍蝦 扇貝 燒鳥皮 牛舌 烤魷魚 燒鱔 天婦羅 等等。主菜未上之前叫咗三款小食， 我哋叫咗榮螺 枝豆 炸魚仔雖然舖頭細細味道一流， 所有嘢都熱辣辣逐樣逐樣上，又唔會急叫我哋走，服務都好好， 不停幫我哋換碟，加茶加水。我覺得最好食就係大蔥雞肉串 雞翼 &煙肉萬能蔥卷， 好香燒得好好食， 另外有一個雞蠔肉都好特別， 佢哋話呢個雞係可以生食，所以表面燒到脆卜卜 裏面半生熟，肉質好淋好 juicy 最後一人一杯豆腐雪糕。咁就畫上完美嘅句號雖然價錢比較貴， 食物質素高，會再嚟，希望繼續keep住個質素ps： 如果想食特別嘅海鮮可以預早預訂， 本來想食斑馬瀨尿蝦，要提前預訂，今日食唔到…さらに見る

聖誕節去咗將軍澳探朋友，去到商場唔知食咩好，好多都要排隊等位，剛好哩間店唔洗等就入咗去，我哋一行三人，見到有個聖誕餐，就叫咗個聖誕二人大餐880蚊，再加多個海鮮意粉，諗住三人叫咗二人餐再加一個意粉應該夠食。睇上去餐牌好似好多嘢食，出嚟只係每樣兩件，就算兩個人都食唔飽，大餐唔包飲品。好彩食物都算ok，不過不失，最好食都係個餐包，但係二人餐得一個餐包。真係唔抵食。假期又冇得用會員優惠。三個人食咗1200蚊，食唔飽下次唔好要餐，散叫會抵食啲…さらに見る

上網話哩間炸雞店，係韓國炸雞點嘅名牌，所以特登去試下。打算book位，電話一路都唔通，打咗十幾二十次。特登遠道而來，18:15攞飛等位，等到約19:30，就囉左個牌出嚟話SOLD OUT，等左個幾鐘，真係嬲㗎。我都明白假期會多人去食，但係可唔可以做得好啲，預計左個量，知道唔夠，早啲唔好比人攞飛排隊，佢哋外賣一條龍，堂食一條龍。我曾經去過一間店，人哋公司嘅做法，計完人數食物就唔比人攞票等位，攞到票嘅一定食得到。咁樣做法比較人性化。希望貴公司會改善等位安排…さらに見る

好隱蔽嘅一間餐廳， 都係無意中發現， 途經銅鑼灣條天橋，見到有人派傳單，剛好又唔知食咩，咁就走咗入去。我哋一行三人，叫咗下午茶， 分別係壽司餐天婦羅丼同埋魚生丼，另外有烏冬同埋蕎麥麵選擇，可以選擇食熱或者凍， 另外仲叫咗三個小食， 明太子雞翼、餃子、天婦羅。天婦羅丼熱辣辣脆卜卜好好食， 烏冬都好滑。魚生好新鮮又大塊。壽司餐98天婦羅丼78雜錦魚生丼88餃子三隻20明太子雞翼兩隻30天婦羅40味道都幾好，服務都好好，環境都唔錯，應該會再來哦，希望可以keep住食物嘅品質…さらに見る

去過樂天其他分店，覺得不過不失。朋友提議嚟呢間銅鑼灣店，話坐得好舒服。當日係平日，訂咗四位，去到唔洗等就有位。呢度坐得好寬敞，靜靜哋，燈光柔和，真係好舒服。食物味道一般，唔係話好好食，叫做ok喇，起碼唔難食先，地方舒適服務好搭夠。 呢度係朋友三五知己傾偈嘅好地方我哋叫咗特價4人餐，＄588，有醉雞，海蜇皮，小籠包，糖醋骨，酸菜魚，肉鬆四季豆，豆沙鍋餅，海鮮炒飯。 本來我哋嗰個係炒年糕，因為佢搞錯咗，我哋已經食過， 佢話要收返入去再比過炒年糕我哋， 我哋話攞入去都係去咗垃圾桶，不如我哋食飯算啦。 所以我哋係炒年糕變咗做炒飯。…さらに見る

今日一行三人四處去，去到青衣城，唔知食乜好，就揀咗哩間。入去時候有位身穿經理制服好親切嘅男仔迎接我哋，坐好後，另一位身穿都係經理服嘅另一位男仔介紹餐廳下午茶餐，最後我哋揀咗和牛牛舌腩燒套餐，698蚊一set， 另外再叫咗半隻韓式 蜜糖牛油炸雞$118。 飲品叫咗水果茶＆青檸梳打。蜜糖牛油炸雞熱辣辣脆卜卜，食完又想再叫。有前菜送，辣泡菜好好食，同經理講話好好食，佢話有得買，我哋好鍾意食，每人買咗一樽，每樽68蚊。和牛好淋，肉質多汁。好食 八爪魚太大隻食唔曬。我哋有個愉快嘅下午茶，服務好食物好。有機會會再嚟。…さらに見る

形薈開咗好多間店，淨係食過薩莉亞。今次揀咗呢間川菜食，唔係好大期望， 所以有驚喜。今日星期六去到已經接近七點，全場爆滿。 我帶住八十歲嘅媽媽去食， 入面有位著西裝但係冇名牌嘅肥肥哋男士，唔知係唔係經理呢？ 佢即刻攞咗張凳比我媽媽坐住等，好好人。一間餐廳只要唔太難食，服務好，一定會有回頭客。我哋叫咗辣子雞，毛血旺，川椒皮蛋，最後再加多一碟避風塘炒麵。另外可以喺佢哋門口買嘢飲，第一杯正價第二杯半價， 我哋叫咗兩杯水果茶，合共47蚊。辣子雞（中辣）唔辣，雞件太大舊，唔係太夠味。川式皮蛋，好味，皮蛋好靚。毛血旺，正宗四川毛血旺， 有魷魚、萵筍、大豆芽、午餐肉、牛柏葉、雲耳、鴨血。 適合香港人嘅口味，我覺得可以重味啲。最後叫咗碟避風塘炒麵， 味道幾好，可惜炒得濕咗少少，如果炒得乾身啲會更加好。本來仲想叫多個紅糖糍粑，但因我哋實在太飽，留番下次。…さらに見る

亂衝亂撞搵到一間坐得又舒服又好食又抵食嘅地方。放飯一小時，成個登龍街已經食過晒，行到最後見到要落地庫新開嘅台菜，姑且一試，原來有驚喜喎。下午茶由48蚊到100蚊， 有鹹有甜。 我哋去食午餐，所以全部都揀曬鹹點嚟食。最抵食就係鹽酥雞翼，大大隻有三隻，48蚊再加一杯飲品。必叫豬手套餐， 滷肉飯再加原隻豬手四寶鵝套餐牛三寶麵，係我最鍾意食， 麵嘅質地煙煙韌韌好有咬口。 有牛肚牛展牛筋。呢度嘅環境好舒服，員工服務都好好。可惜呢度啲wi-fi收得好差，好彩佢哋有免費wi-fi比我用。…さらに見る

98蚊pizza炸雞任食任點，咁平的確好吸引，可惜唔係預期中嘅韓國炸雞， 我一路食開韓國炸雞係原隻雞斬件炸。今日食過啲就係急凍雞扒切件炸，炸完之後淋啲唔同味道嘅醬汁上面， 咁就可以變成唔同味道。 pizza食咗一客，實在太普通， 所以我哋冇再encore。 炸雞唔同味道每樣叫咗兩件。 真心有期望，就會有失望。最後我哋每位加咗20蚊食沙律同冷盤，加咗20蚊我淨係食咗一客凱撒沙律同埋炒雜菇。同我預期之中嘅韓國炸雞簡直係兩回事。…さらに見る

母親節前兩日當日我哋book咗兩張枱食蒸海鮮（提前兩星期book位）海鮮好新鮮，＄1088四位。我哋叫咗兩set。真係有好多嘢食，鮑魚好大隻南非鮑， 蒜蓉扇貝，牛肉， 沙巴龍躉，鮮蝦丸鯪魚肉丸，蜆，淮山，仲有澳龍食添。最鍾意就係龍蝦同鮑魚。最後我哋食唔曬， 成條沙巴龍躉打包返屋企，第二日再蒸嚟食。最後可以選擇食粥定係食八寶飯， 我哋一枱要咗粥一枱要咗八寶飯。八寶飯真係好大盤，四個人食真係食唔曬。真係夠飽肚…さらに見る

唔打誤撞就嚟咗呢一間食我哋嘅晚餐，我哋一行三人，上到去座位唔係好多，但係都舒服嘅。店員同我哋講佢哋嘅雞煲有折扣， 我哋就叫咗一隻雞加一份牛雜再加一份豬大腸。熱辣辣嘅雞煲，味道幾好，我哋要咗中辣，辣度剛剛好。食完雞煲之後我哋再加水打邊爐。 我哋叫咗黑栢葉、鴨血、墨丸、蝦丸、皇帝菜、 鮮蝦雲吞、韭菜雲吞 、牛肉。牛肉最好食，又淋又有牛肉味，貴咗啲288蚊一碟， 黑栢葉好難食， 漉咗幾秒都韌到死， 最後我哋玩咗一啲蝦滑。…さらに見る

冇得去泰國，食住泰國嘢懷緬下先， 好掛住泰國嘅陽光與海灘。第一次嚟， 座位都好寬敞，三點嚟到，冇乜人。我哋兩人叫咗兩份下午茶加小食。肥牛冬蔭功湯薯粉好味，牛肉出嚟仲有啲紅，放曬落湯底之後熟曬，牛肉煮得啱啱好。湯都夠酸微辣，唔食辣嘅朋友應該都食到。黑豚肉冬蔭功湯黃麵冬蔭功湯裏面有青口，蝦， 秋葵，秀珍菇，蟹柳。48蚊，真係抵食。我哋再叫咗個半價小食炸雞翼一般，冇咩特別，都好好食。加五蚊就可以叫罐裝汽水。 下次會再嚟食其他食品。…さらに見る