樂天皇朝 (利舞臺廣場)

去過樂天其他分店，覺得不過不失。朋友提議嚟呢間銅鑼灣店，話坐得好舒服。
當日係平日，訂咗四位，去到唔洗等就有位。呢度坐得好寬敞，靜靜哋，燈光柔和，真係好舒服。
食物味道一般，唔係話好好食，叫做ok喇，起碼唔難食先，地方舒適服務好搭夠。 呢度係朋友三五知己傾偈嘅好地方
我哋叫咗特價4人餐，＄588，有醉雞，海蜇皮，小籠包，糖醋骨，酸菜魚，肉鬆四季豆，豆沙鍋餅，海鮮炒飯。 本來我哋嗰個係炒年糕，因為佢搞錯咗，我哋已經食過， 佢話要收返入去再比過炒年糕我哋， 我哋話攞入去都係去咗垃圾桶，不如我哋食飯算啦。 所以我哋係炒年糕變咗做炒飯。