eat_dun_think的个人专页

喺旺角女人街附近嘅「Grind Size Coffee」，真係幾好坐嘅Cafe，環境夠chill，啱晒同朋友hea住傾偈。🍝手工意粉方面，慢煮牛面頰沙爹奶油捲麵真係有驚喜，牛面頰煮到超腍，沙爹奶油醬香濃惹味，捲麵掛汁力強，每啖都好滿足。另一款慢煮八爪魚羅勒蕃茄肩麵，八爪魚爽口彈牙，配上酸香嘅蕃茄醬同清新羅勒，味道層次分明。🍫飲品推介72%濃爆朱古力奶，朱古力味濃郁但唔會過甜，口感滑順；焦糖燉蛋咖啡就好有創意，似係飲緊燉蛋版Latte，焦糖香氣滲透整杯。🍰甜品方面，「不是飲品」系列嘅凍檸茶心太軟真係玩味十足，切開有紅茶醬流心，配埋雪糕一齊食，冷熱交融，茶香濃郁又唔膩。整體嚟講，Grind Size唔止食物有創意，服務都幾有心，店員親切有禮，係一間值得再訪嘅文青Cafe。…查看更多

成日聽爸媽講佢哋年代興啲餐廳有嘢食嘢飲有歌聽🤭 而家有live band嘅餐廳都買少見少! 原來銅鑼灣一間樓上西餐廳, 主打扒類同特色cocktail, 仲有呢個最大嘅賣點 - 每晚7:30-9:30都有live band表演, 之後9:30-11:30仲有open mic環節俾客人即場唱歌, 成件事幾特別😂食物飲品方面都有唔同嘅選擇, 又唔係淨係得cocktail, 養生花茶都有! 😬 配呢個環境體驗慢慢坐, 好適合朋友聚會或者想chill下嘅人…查看更多

尖沙咀海港城附近新開咗間由泰國人主理、環境充滿泰式風情嘅泰國菜餐廳 Thai Jai, 一入到去覺得佢裝修好特別, 真係有啲去咗泰國嘅feel （有冷氣版!）和牛船麵係餐廳嘅招牌之一, 湯底用牛骨同豬骨熬製, 帶少少香料味～ 佢用嘅果種粉透明卷狀, 有啲似有咬口嘅粉絲😂 晶瑩剔透, 都幾索到湯～另外試咗泰式燒雞河同泰式蠔餅, 兩款都用咗蛋去包裹住, 冇咁乾身, 配埋辣醬就惹味啲～推介呢度嘅甜品椰子雪糕鴛鴦醬吐司 - 又係冰火嘅組合🤪 椰子雪糕配上脆邊內軟吐司, 兩款醬汁各有特色 - 斑蘭醬清新、泰奶醬濃而不膩, 甜品好食!…查看更多

有冇試過日式兩餸飯? 俾夠四餸五餸你!尖沙咀丼燃食堂自選四、五、六餸丼飯價錢非常親民, 選擇又多🤤 - 搵咗個鐘意試唔同魚生嘅朋友幫大家試試佢 - 三文魚、吞拿魚、帶子、赤蝦, 性價比都好高! 平日lunch仲要冇收+1～ 仲可以揀唔同醬汁 - 海膽醬、明太子醬、蜜糖芥末醬、芝士蟹籽醬, 自己揀出最愛最配搭嘅味道~ 如果好似我咁唔食生呢, 呢度都有選擇喎! 乜蟹都有丼飯係一大亮點 - 超多蟹肉舖滿飯味, 仲有香香嘅蟹膏加持, 揀埋明太子醬, 濃郁豐富😋 芝士年糕煙韌又邪惡, 鰻魚玉子燒一人一件啱啱好, 至於金龍卷, 有驚喜地店員會即場點火炙燒, 睇得又食得, 5點半後仲會有不同串燒選擇～ 餐廳成個vibe都好日式熱血🔥 餐具又好用心🤣 配合埋熱血啱聽歌單, 一路食一路想唱k🙊😂 坐得舒服, 都好適合同朋友聚餐😗…查看更多

選擇困難症嘅朋友叫佢哋嘅九宮格盛合燒肉，真係超值之選！$388已經食到好多款牛！！每個格仔都擺滿唔同部位嘅牛同漬肉-想食脂肪多啲嘅有和牛三角腩、一口和牛、極黑和牛，想食多啲醬料嘅有韓式護心肉同壺漬牛肋肉，冇咁膩啲瘦啲嘅部位中和下又有和牛赤身同和牛三筋！！連好有咬口嘅牛舌芯都係包嘅！性價比確實好高，用親民嘅價錢享受咁豐富嘅燒肉組合！另外抵讚嘅係佢必配嘅醬汁，柚子蒜蓉汁•仲有紫菜月見飯都好好送肉台除咗九宮格燒肉，仲可以散叫原條或半條咁上嘅牛舌、充滿膠質，亦唔係好多地方有嘅牛腸，、同埋配上松露蛋汁嘅和牛壽喜燒，全部都有專人喺你面前幫你燒志想食熟食嘅仲可以試我叫咗嘅和牛月見棒，平時月見棒多數配免治雞肉，呢個係炸脆咗嘅牛味配蛋都好夾，有驚喜~九宮格燒肉以及其他食物選擇一定會令你滿足而歸午市12點後同夜晚9半後仲有59折…查看更多

你有冇試過帶一個對嘢食好有執着 (aka偏食嘅朋友🙃) 諗唔到食乜嘢餐廳… 於是, 我又唔知幾多訪返嚟燒烤堂😆 佢都係仍然充滿驚喜, 果然不愧為朋友間嘅愛店! 今次發現佢荃灣分店嘅服務真係好貼心! 不停主動收碟等更多嘢食可以安放, 仲而家仲提供咗暖爐!!! 同朋友一路吹水又咁多嘢食咁豐富都可以keep住個溫度, 堅係抵讚! 加上佢嘅選擇keep住係多到令人眼花撩亂, 每次食完都覺得仲係有啲嘢未試過! 好似今次咁, 又漏咗試個花生湯圓, 下次又可以再嚟🤪食物繼續係高質啦～ 燒烤堂嘅海鮮串燒 - 推介元貝、生蠔同埋蟶子, 每一樣都新鮮又香口- 燒蟶子啱啱好熟, 保持咗嫩滑嘅口感~ 元貝外層略帶焦香, 鮮甜多汁, 多春魚係小編新嘗試, 都唔錯, 味道偏原始唔重調味～ 牛小排同A4和牛都令人印象深刻, 兩款都牛味濃郁, 食過牛小排之後又更食得出A4嘅分別, 肉質軟嫩多汁, 油香啱啱好啲～當然, 經典燒烤選擇亦唔少得, 好似燒菠蘿、燒粟米同燒金針菇see u tmr🤪作為愛店, 燒烤堂咁多選擇都可以滿足到唔同口味嘅朋友, 仲幫你輕鬆搞掂偏食嘅嗰位朋友添🤣😆…查看更多

如果你喺馬鞍山搵高質又抵食嘅日式料理, 嚟到mos town三期呢邊匠山係一個好選擇~ 呢度嘅午市套餐幾抵食 - 多數都係$100左近, 例如日式鰻魚便當, 套餐又配埋漬物同湯～ 鰻魚醬汁甜身, 撈埋返食好滿足～ 唔想食咁多澱粉質嘅話呢度又係居酒屋咁有好多其他選擇, 有串燒例如雞軟骨棒, 配蛋汁永遠冇得輸😬 估唔到仲有章魚燒, 外脆內軟熱辣辣, 仲有好多其他燒物小食可以試～ 壽司方面, 火炙左口魚裙邊係唔食生嘢嘅我都接受到嘅程度🤪 輕輕炙燒過後, 超強油脂香氣, 入口即溶再加少少醬油提升鮮味～ 食魚生嘅朋友又可以試佢嘅油甘魚壽司同其他定期日本直送刺身供應～ 整體嚟講, 匠山係一間性價比極高嘅日式餐廳, 食物水準唔錯, 價錢又親民, 絕對值得一試！…查看更多

喬居酒屋位於太子花園街嘅小巷入面, 雖然位置隱蔽, 但由佢小巷條小路掛滿燈籠佈置, 到一踏入店內, 就好似瞬間置身於日本嘅街頭～ 店內裝潢以木系為主調, 充滿濃厚嘅日本風情, 舖頭唔大但俾人感覺溫馨又親切, 呢度嘅氣氛非常適合同三五知己一齊暢飲暢談, 享受一個愉快嘅夜晚! 喬居酒屋主打串燒, 選擇多樣化, 包括雞腎、雞心、雞肝同雞尾等, 每款都係精心烹調, 有溫度同味道😂 佢嘅伴碟都好特別係一個食得出有啲日式木魚調過味嘅蒜頭, 香得嚟唔會太過濃味～ 牛小排、提子黑豚肉、蘋果黑豚肉、燒西京芝士同黑糖菠蘿等特色串燒亦非常受歡迎, 每款都係用心製作, 有驚喜😁特別推薦佢哋嘅蘋果豬肉卷, 豬肉鹹香, 好新鮮咁搭配清甜爽脆嘅蘋果, 口感層次豐富! 另一款必試嘅係免治雞肉棒配日本初生蛋, 雞肉鮮嫩多汁, 配上蛋漿更加滑溜😍喬居酒屋唔單止食物出色, 服務亦非常貼心, 店員親切友善~ 令人覺得係一間充滿人情味嘅居酒屋, 無論係同朋友聚會定係想搵個地方放鬆心情, 都係一個幾好嘅秘密基地😜…查看更多

有時經過銅鑼灣想買啲嘢食返去就會諗起紫菜包飯, 夠簡單又好味～ 原來呢間生生市場韓國食品店都有好多款揀, 仲幾抵食～ 今次就揀咗牛肉紫菜包飯, 每件大大件另外韓國炒年糕, 醬汁甜甜辣辣, 食下食下又幾過癮～韓國豆腐海鮮湯就更加正, 湯底鮮甜，豆腐滑溜, 份量足, 真係暖胃又滿足～仲有好多款韓式拌菜選擇 - 涼拌菠菜清爽可口, 蒜茸味道濃郁, 係一個好好嘅開胃拌菜～ 細份都已經好夠食!最後一定要提嘅係蒜茸糖炸雞外脆內嫩, 濃郁香口, 又係細份已經好多！舖頭仲有凍肉同其他食材買, 好多選擇呀, 想食韓國嘢又多個選擇…查看更多

嚟到K11 MUSEA想食下韓菜, 可以好似我咁試下入面Food Playground B2層嘅EGGWING韓國菜～ 見到佢有韓國大熱三文治, 幾特別, 望住隔離bakery嗰條人龍成日都排到勁長, 心諗不如好地地坐低食個有豐富餡料嘅三文治包啦~ 三文治一望真係夠晒澎湃, 鬆軟嘅吐司夾住香濃嘅炒蛋, 仲有脆口嘅蔬菜同濃郁嘅韓式醬料, 每一啖都好有層次感, 食完真係好滿足! 忍唔住試足兩款- 雙層芝士煙肉同埋韓式牛肉～佢哋嘅釜飯其實都唔錯, 我哋揀咗牛排釜飯, 用鋁鍋上好有feel, 食到底仲有飯焦! 米飯粒粒分明, 熱辣辣, 配埋豐富特製醬汁更好味～另外仲試咗佢嘅紫菜包飯同埋魷魚餃子年糕總括嚟講, EGGWING主打韓菜喺foodcourt入面無論你係想快快手解決一餐, 定係同朋友分享美食, 都係一個穩妥選擇…查看更多

人生有限杯係中環一間超高性價比嘅串燒店, 睇睇menu格局有啲似曾相識, 原來好似係燒烤堂嘅副線, 咁掂喇, 姐係有提供多款美味嘅串燒選擇, 性價比又好高! 但係款式又真係同燒烤堂再有唔同有特別嘢, 又係匿埋眼亂嗌都應該冇伏特推: 呢度嘅蒜香菜莆燒蠔真係一絕, 超肥美! 蠔肉鮮嫩多汁, 配上蒜香同埋菜莆嘅獨特風味, 令人一試難忘, 每一口都充滿濃郁嘅蒜香味，再加上菜莆嘅微辣微甜, 真係好正! 另一個必試嘅係焦香雪糕三文治, 呢個真係要講粗口先掂, 係好L好食😆 佢將香脆嘅三文治同滑溜嘅雲呢拿雪糕完美結合, 外層焦香酥脆, 內層雪糕口感層次豐富, 冰火組合冇得輸, 每一口都係一種享受🥹人生有限杯嘅環境亦都好舒適, 服務員態度親切友善, 無論係同朋友聚會定係家庭聚餐, 呢度都係一個好選擇…查看更多

近日到訪屯門小胖台灣麵餐廳, 試咗幾款招牌菜, 整體感覺非常滿意, 而且啲嘢相當抵食!首先係半筋半肉紅燒牛肉麵, 湯底濃郁, 仲有野菜蕃茄味, 真係有回憶中台灣食過嘅好味道～ 牛肉軟腍, 筋嘅部分都煮得好入味, 口感豐富! 麵條係彈牙嘅質感, 吸收咗湯汁嘅精華, 食落好舒爽, 每一口都充滿香氣～至於乾撈麵嘅麵質就更出色, 試咗藤椒豬扒干撈麵, 食落超惹味帶辣🤪 豬扒調味又幾好, 成碗麵充滿藤椒嘅香氣, 帶麻辣嘅感覺, 配奶茶食就啱晒😆小食都好多揀大腸麵線都有得叫過下口癮啦～飲品方面都有好多選擇, 珍珠烏龍奶茶好飲～ 真係飲到幾濃郁嘅茶香, 珍珠Q彈有咬口香黑糖味唔膠～ 然後連手打檸檬茶都有得嗌, 清新解渴～小胖都係主打抵食親民台灣味嘅很不錯選擇, 推薦俾所有喜歡臺灣美食嘅朋友~ …查看更多

泰初夏位於荃灣, 係一間以泰式火鍋為主題嘅餐廳 - 佢哋嘅$278午市放題套餐真係物超所值～ 首先食咗雞煲, 都係無限量添加, 再有泰式打邊爐！有牛板腱、牛胸爽同豚肉等多款選擇, 仲有多款泰式食品包括炸物串燒等可以揀。湯底方面, 泰初夏提供咗多種選擇, 我就揀咗泰式冬蔭功湯同椰子雞湯, 味道濃郁, 超有泰國風味，特別係冬蔭功湯, 酸辣適中, 配合各種食材同泰式醬汁, 非常唔錯 (ps豬比牛更有驚喜呢！)值得一講嘅係除咗火鍋食材, 泰初夏仲提供咗特別嘅泰式甜品, 好似椰汁糕同斑蘭千層糕, 甜而不膩, 係完美嘅餐後甜點。整體嚟講, 泰初夏嘅午市放題套餐唔單止選擇多, 質素亦唔錯, 餐廳環境舒適~ 推薦俾所有鍾意泰式火鍋嘅朋友！…查看更多

最近去咗K11 MUSEA新開嘅Red Mamamia餐廳, 諗住呢個場啲嘢出名貴, 但係好驚喜地佢真係一個高性價比嘅選擇！必試二人份嘅龍蝦海鮮海龍皇湯意粉！$299大大份, 仲配好好味嘅麵包, 想試佢其他嘢, 真係要叫下少意粉先得唔好嘥嘢😆另外dinner set都好抵食, $200頭嘅價錢有晒前菜、湯品、main、甜品同飲品話說小編平時唔係好食洋蔥但係佢呢個法式洋蔥湯煲到啲洋蔥腍晒, 加埋牛油香同好似有少少牛(!?)味, 飲落真係好香好順口😍 前菜方面小編平時都係唔好食草😂 同生啪cheese, 但係佢又係將黑醋青醬撈埋沙律菜同蕃茄度, 夾住順口嘅mozzarella cheese, 一啖一啖好清新咁就食晒😱講返龍蝦湯意粉本體 - 龍蝦湯濃郁香滑, 意粉煮得剛剛好係我鍾意嘅質地, 海鮮都食得出唔係一般急凍而係新鮮好味, 特別帶子好彈牙, 青口好creamy🤩 本身見到咁多麵包覺得會飽到食唔晒, 但係試咗一舊佢好食到要打包做第二日早餐! (ps佢係沿用隔離GC Bakery高質麵包)Dinner set入面嘅油封鴨腿都做得好出色! 最怕啲肉會柴但係佢就做到外皮香脆, 內裡嫩滑, 配上特製醬汁, 味道非常豐富, 蒜蒜愛好者仲可以加蒜! Dinner set嘅甜品仲一啲都唔欺場, 食得出係3.6牛乳好香嘅奶凍🥹總結嚟講, 呢度的確係喺尖沙咀更甚musea入面值得回頭唔嘅餐廳, 好食而且價格合理, 如果一大班人聚會都值得推薦😍…查看更多

不嬲性價比超高, 質素又好好嘅燒烤堂原來而家荃灣都有新店喇！環境仲好寬敞新淨好好坐, 啱大班人嘅大枱又有！裝修以木系為主, 充滿日式風情, 餐廳座位間隔又寬闊, 感覺非常舒適☺️有食過嘅都知望住燒烤堂嘅menu, 真係隨便放題式咁叫都得㗎喇！每串又唔係貴, 亦冇伏嘅機會！特別推薦幾樣啦😆 包括燒廣島蠔, 蠔肉真係好鮮甜多汁, 配上蒜蓉醬汁, 真係wow咗一聲！檸蜜多士外脆內軟, 熱辣辣即燒起, 上面嘅牛油融融哋, 入面又有芝士粒, 邪惡之選！但檸檬香氣配上蜜糖, 甜而不膩～ 雞軟骨月見棒必叫啦, 口感爽脆, 配上生蛋黃真係冇得輸～ 豚肉蘋果串配搭有驚喜酸甜開胃😋 牛魔當然都要食和牛、牛舌拖羅～ 豚肉櫛瓜波枝糖亦非常特別, 仲好打卡-able🤣荃灣人又多個好選擇呀！…查看更多