泰仔

尖沙咀海港城附近新開咗間由泰國人主理、環境充滿泰式風情嘅泰國菜餐廳 Thai Jai, 一入到去覺得佢裝修好特別, 真係有啲去咗泰國嘅feel （有冷氣版!）

和牛船麵係餐廳嘅招牌之一, 湯底用牛骨同豬骨熬製, 帶少少香料味～ 佢用嘅果種粉透明卷狀, 有啲似有咬口嘅粉絲😂 晶瑩剔透, 都幾索到湯～

另外試咗泰式燒雞河同泰式蠔餅, 兩款都用咗蛋去包裹住, 冇咁乾身, 配埋辣醬就惹味啲～

推介呢度嘅甜品椰子雪糕鴛鴦醬吐司 - 又係冰火嘅組合🤪 椰子雪糕配上脆邊內軟吐司, 兩款醬汁各有特色 - 斑蘭醬清新、泰奶醬濃而不膩, 甜品好食!