L1985的个人专页

男職員態度不太好，當外賣客係外買仔咁，見到訂單已準備好去取餐，去到原來飲品未做好，原本諗住企埋一邊等，水吧已經整緊，因為餐廳有好多空位，出面門口已經好多人，男職員都叫我出去等，並立即關上門深怕我歎蝕左你哋既冷氣，眼神不太有善。二、三分鐘後另一女職員便從門罅中把餐給本人，又立即關上門。我想反映既係，無論自取客、或真係外送員都唔應該白鴿眼，其實餐廳開少少門比門口外等候客人或者外送員涼少少冷氣，都唔會做成太大浪費，真環保可以不裝冷氣。主食其實好一般，Egg Benedict 有兩塊又硬又靭既包，各自食材都無特別關連，係想食下pancake先order。跟餐漏炒蛋，飲品比錯。…查看更多

之前食過lunch，尚可，但店員有強迫症，一定要我地打對坐，明明兩位坐一邊，易入易出，龍眼冰有膠條加怪味。不過呢間啲確平，所以今次試晚市。星期六晚九點鐘去，岩岩有人走唔使等位，坐最埋邊四人枱，老闆一落完單即刻將四人枱拆成兩張二人枱，有成2cm距離，如果食完走，隔離兩枱二人要四個一齊出晒門口先可以走到。其實過一陣有人坐，都仲有其他二人位，但老細都係安排坐我地隔離，對於連坐位都計到盡既餐廳好反感，九點幾仲要留位做幾多輪呢😡食物個樣係似泰菜，但呢間餐廳太孤寒，十分吝嗇放香料，生菜包肉碎冇辣味、冇香味、冇青檸味，反而加蔥😓睇幅相都見無辣椒、無金不換等香料。個生蝦刺生醬非常難食，無味，又唔酸辣，所以頗腥。菠蘿冰賣相唔錯，即使飲得出係鮮菠蘿整，但係極淡。冬陰公得個辣字，唔酸無椰香。所有食物調味都好單調，完全唔似食泰菜😩…查看更多

今日想食下燒肉，就搵到呢間試一試，主打鹿兒島和牛既燒肉店。打開餐牌，有多種既SET，兩個人都可以一次過試唔同部位、唔同種類既牛肉。今晚點左極上烤肉二人套餐，裡面包左五種牛肉。和牛肉沙律，和牛肉花紋靚，凍食加埋柚子醋清爽。刺生拼盤~有牡丹蝦、三文魚、北奇貝、帶子、油甘魚刺生。極上牛肉湯~牛肉味濃郁，裏面蘿蔔香甜，配上白飯。牛肉盛合賣相相當吸引~4%奇跡之牛極上牛肩肉(中間)薩摩牛上等牛赤肉(右下)極上牛舌(右上)是日精選牛扒(左上)薩摩生上等牛肋肉(左下)每款都好有牛肉味，牛油香氣十足，4%奇跡之牛極上牛肩肉當然入口即溶。凍奶茶～甜品有紅豆雪糕，檸檬雪巴。餐廳環境座位夠闊、夠寧靜，坐得幾舒服。…查看更多

假日想食個long lunch，好多野都想食，所以就揀左食日式放題，知道夢工房有刺生、壽司、炸物、連火鍋都有，所以就去試啦。入面裝修係工業風，有唔少Marvel電影既擺設。壽司、刺身有十幾種，揚物有九款。刺生賣相唔錯，三文魚都夠厚身，𩶘魚、鮑片同蟹棒。黃金燒蠔、芝士燒蠔，夠熱辣辣。清酒煮蜆，蒜香雞翼尖，芝士焗雜菌，燒多春魚。份量剛剛好，可以試多幾款食物。蟹子沙律；大蝦、茄子、松葉蟹棒天婦羅，天婦羅幾鬆化。蒜味單骨雞翼、炸蠔、日式炸餃子，即叫即炸，火候不錯。三文魚壽司、虎蝦壽司、火焰和牛壽司、火焰芝士三文魚壽司。甜品櫃有蛋糕、乳酪、啫喱、豆腐花，好岩小朋友。甜品仲有芋頭棉棉冰，放題都食到棉棉冰，算幾特別，見枱枱都有叫。飲品有成四大排，啤酒都有幾款選擇。任食兩小時非常滿足，上菜算幾快，每人百六蚊度。…查看更多

因為接朋友放工，所以黎左大角咀搵食，見到呢間鋪頭幾新淨，小食十零蚊一碟，岩晒兩個人share，所以就試一試。鋪頭好新淨，入面幾張枱、簡約風。七款主食加十種小食選擇，貴精不貴多。凍西洋菜蜜、凍桔仔水。桔仔水有一點點桔皮，清新醒胃，一般好少見既飲品，一定要試。淨蘿蔔，軟硬適中，個醬微微辣，更突出蘿蔔清甜。芝麻手撕雞，味道清新。才哥蝦湯麵，侍應話想食更入味就揀米粉，所以轉米粉。湯既顏色已經好吸引，飲落有濃濃既蝦糕香味，配料有蝦、豆卜、豬肉、生菜等。去骨雞飯，飯粉粉分明，無雞油，同平時海南雞飯有分別，配上醋、醬油糕、薑蓉。右上角係冬瓜湯。每人八十蚊，有肉、有蝦、有菜，簡單一餐，食得舒服。…查看更多

星期日中午想舒舒服服食一餐，決定黎亞蘇爾食，之前食過覺得座位夠大坐得舒服。今次黎坐卡位。食物種類係主要澳門式葡國菜，平時去澳門必食既，呢度都有。凍奶茶，奶味夠亦夠滑～小食拼盤好大碟～包括左芝士馬介休球，好鬆脆；中間係霹靂魷魚，辣辣地、少少橄欖油味；黑醋豬手，有咬口，比較脆；辣肉腸芝士脆多士，滿滿芝士同黑松露醬。好厚既芝士～十月初五黑松露意粉～有多過四種菇煮成，可以試到不同既蘑菇口味。豬扒包伴馬介休牛乳炒蛋～本來以為得個包同炒蛋，原來仲有薯角同沙律，成個階磚咁大碟！豬扒好厚身，包都焗得好脆，非常大件。炒蛋有馬介休一齊，有魚香味，亦食到牛乳味。薯角都有兩個醬可以點，對於唔食茄汁既我多個選擇。總括食物都滿意，食晒好飽呀，大食朋友就岩晒。…查看更多

情人節太遲訂枱，幾間有位既都係打邊爐，男朋友2月14即日先經openrice訂，都仲book到，所以揀左呢間，聽落都已經驚驚地。訂左九點鐘，其實樓下有卡位吉既，但都安排我地上左閣樓，係閣樓走廊都等左五分鐘，明明樓下有位都唔安排要客人繼續等入到去見到已經有兩對情侶，我地係第三對，但得兩個爐，我地其實想燒肉先揀呢間餐廳，但係竟然唔夠爐之後問侍應，佢話如果叫燒肉會幫我地燒埋，或者用人地個爐，附近一對情侶即刻主動話佢地好快走，個爐可以比我地燒，立即非常唔好意思話唔使啦，大家都係想慶祝姐，我地唔好彩都唔想阻人，所以迫住叫左海鮮餐。餐廳安排得有夠差，賣單走都係十點姐，發現樓下有八成吉枱，明明就無人book，都唔比你坐，要啲客迫埋一齊，等你地快啲食完、快啲走囉。食物上菜次序勁怪，我就依番次序放相。湯係第二樣上，刺生最後囉，仲要所有食物十分鐘內齊晒，熱野都凍晒，食唔切。呢間餐廳真係好趕收工，應該改賣早餐先岩喎。另一樣侍應好喜歡大叫，送菜大叫「邊個叫左咩咩咩呀？」，你要認領自己碟餸，衰過茶餐廳。呢度仲有童工玩送餸，個小朋友似老闆既仔仔，同侍應一齊傾計一齊食餸，亂送一通，坐左十分鐘就送甜品比我地。賣單簽卡都係小學生著住校服送過黎，仲要無人緊住，小朋友又係房大叫侍應姐姐幫手。呢間餐館都算另類，食物都還可以，但服務同理境都比唔上翠華。情人節真心掃興…查看更多

其實對於刺生丼不太感興趣，因為香港始終無係日本食咁新鮮，但係北海丼就例外，可以做到日本當地食既程度，即使地點唔方便自己都隔幾個月專程去食。餐廳晚市一般都唔會滿座，所以無需要等位。我多數食迷你北海三色丼，種類會比較多，間中配搭都會改變。今次都係食迷你北海三色丼，其實同招牌北海丼差不多，不過三色丼飯量同餸量好似少一點點，都平$20，比較岩女仔食。左上：牡丹蝦、蟹肉、魚仔乾右上：明太子魷魚、海膽、中華沙律下面：香蔥吞拿魚、鮑魚、酸薑最愛係海膽、香蔥吞拿魚、蟹肉、魚仔，只要配少少醬油就夠，因為魚仔同中華沙律已經好送到飯。刺生丼最重要就係海鮮夠新鮮，飯煮得剛好，大致上都不錯。…查看更多

好耐無食過日式放題，所以揀左近近地既滿屋。選擇左8:45pm開始個段，星期日瞓得比較晏，呢段時間食晚飯剛剛好。放題時間有兩個半鐘，可以慢慢傾下計。一入到去有甜品櫃、生果櫃、沙律吧、湯等。餐廳中間位係飲品櫃，有成三大個，果酒都有三種味，啤酒有兩款。有刺生、壽司、迷你手卷，手卷有海膽，值回票價。刺生～迷你手卷唔多飯，上面鋪滿海膽，每人起碼食左三件。熟食有芝麻雞翼、咖喱蟹、炸薯塊。適逢冬天，叫咗一啲暖胃既蟹粥、人蔘雞湯。天婦羅蝦、蘑菇焗帶子。燒物有豬腩、海蝦、雞軟骨，即叫即燒。另外有一個獨立既生果櫃、有多種生果。每人可以點一個哈根達斯、geleto等既甜品。榴連geleto第一次食，都幾濃榴連味。餐廳佔全層，地方夠大，兩個人坐四人卡位。整餐點單都無錯，唔需要追單，收碟亦都好主動，不錯～…查看更多

呢幾日天氣好凍，晚餐決定食千賀，因為即燒海鮮夠晒暖。依家仲做緊二人同行一人半價，抵食～有架位，同足夠抽風，整體都無油煙味。有蘋果酒、啤酒同其他無酒精飲品任飲。一坐低就有生猛海鮮拼盤，生蝦、鮑魚、帶子、螺、螃同蜆。一邊點食物，已經可以一邊燒海鮮。海鮮可以任點，仲有刺生、壽司，其他熟食等。好快就encore海鮮，密密燒天婦羅夠鬆化～後段燒蔬菜同菠蘿，菠蘿好甜，牛油蜀米夠香甜。另外有沙律吧，可以自制蟹子沙律。甜品櫃，有豆腐花、泡芙、芝士蛋糕等。甜品仲有雪糕雪條、吱吱冰等。食左維記雪糕同大腳板雪條，夠晒兒時回憶。天寒地凍，室內燒海鮮都係好選擇…查看更多

今日放大假，連晏晝都想食好啲，本身都鍾意打邊爐，所以揀左過江龍寬巷子，因為每次過台灣都會食一餐台灣麻辣鍋，覺得台灣餐廳食物同服務都有保障啲。門口古色古香，入到去就係優雅路線既裝修。湯底有五種選擇，麻辣有兩種，唔辣都有三種選擇，貴精不貴多。今次揀左紅泥小染拼東方美人，湯中間係麻辣鍋既香料，獨立放中間係防止香料混入麻辣湯裡面影響到口感。兩邊湯底都有鴨血同豆腐，紅泥小染係麻而不辣，不太食辣既都食得舒服；東方美人係溫和既豚骨味。肉類方面，多數係較高品質既選擇，有松板豬、黑豚、牛小排、和牛、溫體牛等。賣相非常精美。另外都有多種海鮮。烏梅汁、蔥蒜醬油。上菜啦～每樣都擺得好精美!玫瑰松板、菠菠糖（彩虹款）、花團錦簇。中間菠菠糖用菠菜、豆皮及白芝麻卷成，煮完吸收湯既精華同濃濃芝麻香，喜歡芝麻味既一定喜歡。右面花團錦簇，擺到成盆藝術品，睇得又食得，份量起碼夠四人。玫瑰松板，真係好似三朶粉紅玫瑰一樣，每煮一朶前粘上蛋白，煮緊既時候，松板豬一片一片散落，都有十幾二十片，肉質係好爽脆冬甩子(基本款)，上層有一啲果仁、入面係蝦沙律，用芥末調味，非常有趣既配搭。鳳梨酥(基本款），可以打邊爐既鳳梨酥第一次見、裡面真係粒粒鮮鳳梨，又有魷魚，酸酸甜甜鹹鹹既，充滿台灣風味。另外附上小沙漏用來計時。手工蛋餃，裡面有馬蹄、蝦仁等，味道清爽。餐廳整體坐得舒適，服務主動。另外食物有創意，用甜品做成火鍋配料，加上台灣風味，值得一試。…查看更多

朋友提意去食甜品，因為新張買一送一。放工就去，無咩人，兩三枱。叫左榴槤水晶冰，榴槤味都夠，不過冰係好實個種，個人比較鍾意綿綿冰既質感。落單個時已經show比店員like左佢facebook同share，見單無顯示買一送一，店員話收錢時會自動減一個。咁咪放心繼續食。之後加多個榴槤班戟，見係出面個櫃已經整好，但等再十分鐘都未有人去攞，所以問另一店員，原來無落單，之後先見佢去攞。埋單時，要等入面唯一一個廚師出黎收錢，佢就照收兩分榴槤冰價錢，我地話like左facebook有買一送一，佢話要收錢時出示，剛好第一個店員食完煙行過，就話同左我地講收銀時出示，感覺好差，講一套做一套，而你本身都檢查左我地like左啦，又掛住食煩無落單，收銀見同事幫口，立即黑我地面囉，服務太差啦，買一送十都無咩興趣再黎囉。…查看更多

剛剛去完日本旅行，已經好懷念當時既食物，所以又揀左間日本料理，呢間燒肉店已經第二次食，因為款式夠多，味道亦都岩自己。是日推介～唔同既燒肉拼盤～是日推介，磯煮鮑魚～鮑魚夠入味，亦好𡁻口，配上大大舊醃蘿蔔。日本安曇野豆腐沙律，配胡麻醬，豆腐滑，好開胃。豚腩肉同美國Prime牛小排～豚腩燒到少少燶，好香口；牛小排雪花平均，唔會太油。下面係醬汁，有柚子醋、燒汁、芝麻醬。日本帆立貝，上面有黑松露蒜蓉同牛油，除左帆立貝鮮味，仲陣陣松露香。美國Prime牛角切，厚身一啲，比較juice。日本阿波尾雞腿肉，我覺得夠嫩，有驚喜。另外叫左杯Peach Mocktail。牛油炒雜菜，充滿日式醬油味，亦都幾大碟。海膽炒飯，賣相幾靚，有唔少小元貝，三文魚子，夠乾身夠香。和匠海神稻庭烏冬醬油湯底，配料非常多，有蜆、蝦、魷魚圈、大帆立貝。環境幾舒服，二人枱都幾闊唔會好嘈，慢慢歎燒肉既好地方。…查看更多

一直都偏好日本料理，所以今日順路去左銅鑼灣試一試新野。餐廳佔地一層，推門入去就見到裡面，居酒屋既裝修。兩個人坐四人枱，夠闊落。首先侍應幫我地落左兩杯飲品，梅子果酒同水蜜桃梳打。梅酒伴上大大粒青梅。水蜜桃梳打夠大杯。有多款既前菜。我地揀左沙律代替前菜，冷番茄～上面加左胡麻醬，番茄事先雪凍左，夠消暑。刺生拼盆：真鯛、八爪魚吸盤、魷魚、活海膽。面盆咁大，砌得靚一靚，夠晒吸睛。真鯛幾鮮，重點夠嫩；八爪魚食得多，第一次淨食吸盤，口感好脆，配上特製柚子汁，真係一粒接一粒；魷魚片都夠鮮；最後係最愛既海膽，底層有拖羅蓉，鋪上新鮮海膽再加魚子，鮮美、多層次。海膽特寫，魚子滿出黎。刺生仲有以下等等。汁煮魚翅，第一次食未曬乾既魚翅，魚翅會較粗身、質感似雞軟骨，配上日式醬汁，魚肉夠入味。和牛炒飯，飯配上和牛一齊炒，牛油令飯啖啖肉香，加上蒜片，夠乾身夠香口。最後送上豆腐雪糕，滿足既一餐。…查看更多

養心殿係近期常食既火鍋，因為坐得舒服、味道又岩心水，所以又黎幫襯啦。七點半前有折～中式裝修，氣氛不錯。火鍋湯底有六種，可以雙拼，每樣都有獨有配料。有五種常見配料，不過湯底都夠入味，醬料只係多個選擇。今次湯底揀左寧神養心鍋：有烏雞、大魚頭，配上多種中藥，喜歡當歸等藥材味既可以一試；仲有秘製薑母鴨鍋：裡面有凍豆腐、豆腐皮、冬筍、紅面番鴨，鴨肉份量好多，另外附上腐乳醬配鴨肉，湯底鮮甜，夠薑味。配料賣相精緻😍極上雪花肥牛，雪花平均，夠嫩，每次都叫。雜錦蔬菜盆，有蜀米、冬菇、金菇等、後面係沙律菜，沙律菜非常爽脆。鵝肝墨魚丸（半份）、韮菜餃（半份），墨魚丸夠彈牙，韮菜餃菜肉平均。酒香白肉，充滿燒酒味，令肉更香。自家製杞子貴圓玉露，清甜解渴。個人認為做到台灣質素，呢期大愛。…查看更多