北海丼 (已結業)

其實對於刺生丼不太感興趣，因為香港始終無係日本食咁新鮮，但係北海丼就例外，可以做到日本當地食既程度，即使地點唔方便自己都隔幾個月專程去食。

餐廳晚市一般都唔會滿座，所以無需要等位。

我多數食迷你北海三色丼，種類會比較多，間中配搭都會改變。

1

今次都係食迷你北海三色丼，其實同招牌北海丼差不多，不過三色丼飯量同餸量好似少一點點，都平$20，比較岩女仔食。

左上：牡丹蝦、蟹肉、魚仔乾
右上：明太子魷魚、海膽、中華沙律
下面：香蔥吞拿魚、鮑魚、酸薑
最愛係海膽、香蔥吞拿魚、蟹肉、魚仔，只要配少少醬油就夠，因為魚仔同中華沙律已經好送到飯。
刺生丼最重要就係海鮮夠新鮮，飯煮得剛好，大致上都不錯。