放工就去，無咩人，兩三枱。
叫左榴槤水晶冰，榴槤味都夠，不過冰係好實個種，個人比較鍾意綿綿冰既質感。
落單個時已經show比店員like左佢facebook同share，見單無顯示買一送一，店員話收錢時會自動減一個。咁咪放心繼續食。
之後加多個榴槤班戟，見係出面個櫃已經整好，但等再十分鐘都未有人去攞，所以問另一店員，原來無落單，之後先見佢去攞。
埋單時，要等入面唯一一個廚師出黎收錢，佢就照收兩分榴槤冰價錢，我地話like左facebook有買一送一，佢話要收錢時出示，剛好第一個店員食完煙行過，就話同左我地講收銀時出示，感覺好差，講一套做一套，而你本身都檢查左我地like左啦，又掛住食煩無落單，收銀見同事幫口，立即黑我地面囉，服務太差啦，買一送十都無咩興趣再黎囉。
