Joyceligeegee的个人专页

難得星期五約左同朋友食晚飯，但出面倒水咁大雨，唯有入商場搵食，呢間經過好多次，望落d野食都幾精緻，最緊要咁岩唔洗等位，就呢間啦🤣頭盤叫左個西班牙蛋餅🇪🇸幾香口都好足料，不過我同朋友都覺得似薯餅多啲😌蛋味反而冇薯仔咁出，但整體都好食，個名改改會仲好😏西班牙海鮮燉飯🇪🇸雖然係一人份，但份量都幾足，材料都幾多，而且整體夠入味，我成日覺得呢個飯都幾代表到間餐廳有冇料，因為有冇誠意係可以好大分別，呢間個西班牙飯係好食的👍🏻帶子外香入邊juicy，仲有個火腿咸咸香香，好加分💯12小時慢烤西班牙乳豬伴焦糖菠蘿🍍呢個就好明顯係俾個名吸引左而叫啦，食落都ok，個乳豬的確係外脆內滑，仲keep到肉汁，伴碟的焦糖菠蘿都幾特別，不過個人覺得菠蘿烤得唔夠耐，可能係為左就層焦糖？咁食西班牙菜當然唔少得sangria啦，個底可以揀紅/白酒，個人鐘意白酒覺得夏天飲清爽啲，飲落味道唔錯，酒味出到之餘都有水果的甜味，好清爽，唔會太甜，但都唔可以睇少，因為飲晒成杯之後有少wing🙈睇黎年紀大啦😿餐飯都ok，係乳豬感覺小貴，因為份量都算細份，不過個海鮮飯份量又比想像中大，平衡返不過不失啦，同朋友靜靜地食個飯傾下計係唔錯的選擇ge😌…查看更多

旺角呢邊其實好多樓上餐廳，不過我成日懶得搵，都會係地舖搵食就算，今日朋友約食飯終於有機會去到其中一間，地點原來都幾方便，係銀城樓上~Mini Friday 一坐低送左呢個脆脆，似係新年食油器果d feel，如果有醬點下可能好啲🤔鐘意食薯仔又想飽肚的我次次都會叫薯條，見餐牌有個咸蛋黃薯角$78，就叫左黎試下，都ok，上枱熱辣辣，又大份，成班朋友叫黎咬下吹下水都唔錯。之後叫左個set dinner share，燒春雞$218，包沙律🥗同1杯飲品。隻雞份量都唔細，而且出乎意料地幾好食，切開隻雞仲係好juicy，好入味同好滑，唔錯。仲有個大大鑊海鮮飯$258，痴線勁大份量，淨係食呢個飯都飽🙈不過呢個飯令人小失望，我覺得唔夠入味，辣味仲出過海鮮味，或者餐廳可以考慮下d野份量唔洗咁大份，就好似海鮮飯其實海鮮緊要過飯，足d料，少食多滋味嘛😌…查看更多

疫情一日未完，一日都未去到台灣，唔知大家會唔會同我一樣，間中就會好掛住台灣野食，但近來好多台灣過江龍係香港開分店，可以稍為解解癮。老媽拌麵係其中一間，仲要開左係屯巿，近我，冇理由唔去會一會佢啦係咪先🤣餐牌都幾多選擇，我地兩個人叫左一個川味紅燒半筋半肉牛肉麵，一個花雕雞拌麵，一個豆乳香香雞，兩杯飲品。整體黎講都唔錯，份量好夠，食得好滿足，兩個麵都好多餸，我碗牛肉麵牛筋好淋，牛展好入味，湯底都好濃，岩重口味的我😋試左一啖朋友個花雕雞拌麵，朋友話好食，但個人就覺得淡左少少，辣會好食啲🙊至於豆乳香香雞係第一次試，都幾驚喜，個雞炸得香口得黎唔會乾，咬落仲有汁，呢點值得一讚，因為我本身有啲怕佢啲炸雞會唔會炸得好乾，但估唔度呢度有認真看待呢個小食👍🏻不過兩杯飲品就冇想像中咁好飲啦，太甜了，如果有得少甜就好了。…查看更多

話說疫情打斷左好耐我的打邊爐癮，呢排終於可以出街食飯，第一件事都係打邊爐先😂又可能太耐冇出街食，真係咩都想食，加上想同朋友搵個地方靜靜坐下傾下計慢慢食，最後搵左一間滿足晒所有願望，海鮮刺身火鍋放題🦞首先要揀湯底，我地揀左壽喜燒，跟住staff就會自動送上一個海鮮拼盤，一個刺身拼盤，同一碟和牛。然後有咩想refill，可以scan枱面個code，刺身、海鮮、肉、串燒通通都有齊。而丸類同菜，就係出面自己拎。講真，呢度食物種類真係好足夠，要全部試晒甚至係冇咩可能，但勝在同朋友黎食，可以滿足晒所有人願望，大家想食咩就自己揀，唔岩食海鮮的人又可以食下天婦羅同串燒(串燒我冇試到，但朋友話個雞翼幾好食😋)總括嚟講，呢度真係好值得一大班人黎食，每個人都可以有野岩食，質素又唔錯，希望疫情快啲完，大家都可以約多d朋友聚會啦。…查看更多

環境一流，有白沙灣碼頭無敵大海景，而且所有裝修、佈置、擺盤都好靚好講究，所以一坐低就令人好期待。不過佢價錢都有返咁上下，我地冇食omakase，叫左兩個lunch set，分別係鰻魚飯($380)，和牛三文治($420)，另外叫左杯酒。可能因為賣得呢個價錢，事先已經有一定期望，但實際食完，我個人感覺淨係食物係唔值呢個價，唔係唔好食，但有少少到喉唔到肺的不滿足🙈鰻魚飯份量偏細，鰻魚係燒得好食的，甘口帶焦香，而且冇骨，不過得一塊，唔夠喉。至於個飯勁乾，又唔夠汁，食落好掛念印象中好食的鰻魚飯連飯都好好食的感覺，人地每粒飯都飽滿軟糯，加埋香甜甘香的鰻魚醬汁，令人每啖都好滿足，但呢度好坦白完全做唔到一半。個和牛三文治更奇怪，用得咁肥的肉，都可以唔係入口即溶，而係有筋又靭又咬唔開🤦🏻‍♀️ 順帶一提，高級餐廳連杯茶都冇，淨係俾左杯普通熱水🙈總括嚟講，如果真係好有錢，又唔介意俾貴少少價錢食個靚環境，呢度都係一個幾有私隱度的好選擇，可以靜靜地睇下海景傾下計，但如果淨係計食物質素，同一價錢出返巿區，我相信有好多更好選擇，所以我就冇下次啦🤣…查看更多

想食想左半年，先搵到機會過黎食，但結果冇想像中特別。一片片的烏冬，望落好似好少，其實好夠飽，因為每一片都好厚，我本身想像係同餃子皮咁上下，但更真實的想像係平時烏冬未切成一條條之前的模樣🍜烏冬好滑好滑，不過就會有個問題，每片都好有份量，一啖係唔會食得晒一片，要分兩三啖，但因為好滑好難夾，一路食又會跌返落碗湯度🙈味道係好食ge，但我叫呢個鴨肉沾烏冬，得3件鴨胸，然後就係大量吸入烏冬，以我一個咁喜歡食烏冬的人，都覺得食到最後有d膩🙈嗯，打下卡就好，可一不可再。…查看更多

半年都去唔到旅行，間中都會想念日本的居酒屋，無意中發現尖沙咀鬧巿都有，就膽粗粗去左試。居酒屋係樓上舖，環境幾舒服，而且睇得出係花足心思裝修，所以整體好有風味，一出lift就有去左世外桃源的感覺，真係有去左旅行的feel🤣再睇餐牌，其實價錢都算合理，而且款式好多種類，雖然居酒屋係主打食刺身，海產，不過都多熟食，而且有即燒的燒物，所以就算係唔食生野的朋友，都依然有好多選擇🍣🦪🍧🥃首先我覺得值得一讚既係佢地d刺身同壽司，食得出好新鮮，唔會似某d連鎖店，解凍都未解晒就上碟，雖然呢度係貴少少，但有交足功課👍🏻玉子燒好明顯即叫即整，上碟仲出緊煙，食落好有香蛋味，不過唔算太特別，反而係簡簡單單，有家常菜的感覺。燒物就有staff幫你燒，岩我呢d懶人🤣特別推介個甲羅燒，係蟹蓋裡面有齊蟹肉、蟹膏、蟹籽、鵪鶉蛋⋯⋯攪勻燒完一齊食，成口勁香勁惹味，搞到好想叫碗飯食😂至於其他貝類同鮑魚都好新鮮，食落超鮮甜，總括黎講成餐係好滿足的一餐，而且呢個價錢呢個質素完全交足功課有餘😋唯一可以挑剔係酒類少貴，少飲怡情算了😂…查看更多

大鴻輝係食火鍋的集中地，呢間牛大人係新開的台式火鍋，睇落已經好吸引，所以同朋友兩個火鍋愛好者就揀試新野🥳餐牌好多選擇，而且好有台灣特色，真係好正宗的台式火鍋。一坐低有職員問我地揀咩餐同湯底，我地揀左最貴的澳洲極上和牛餐$288，同我地去至邊都要食的麻辣湯🤣唔知係新開定跟餐，職員每人送左兩粒和牛牛丸，忍唔住第一時間煮左食先，嘩，真心讚歎，勁香勁juicy，認真我平時唔太好牛丸，覺得會有筋，又難咬，話呢個係顛覆我諗法的牛丸冇誇張😂至於個湯底好夠濃，夠味，辣都恰到好處，食得好過癮。至於其他肉類，就係QR code落單，蔬菜類/丸類就出去自己拎。選擇好多，想食咩都有，而且食得出用料係新鮮(我呢個鐘意食牛餐肉同芝士腸的人可以證實呢點😂因為有d餐廳好hea對待呢d配料，但呢度食得出唔係拎最cheap的貨)仲有一點好驚喜，係佢個飲品區，除左有平時的汽水，仲有一大櫃自家製的茶，岩晒我，而且仲有好多款選擇添，多到有選擇困難症的我企左兩分鐘先揀左桂花烏龍🙈食到最後仲有movenpick👏🏻成餐好圓滿，$288有咁高CP值好抵食，係出面散叫的質素，但呢度係放題的價錢，希望唔係新開先有呢個質素啦，要keep住呀，因為我一定一定會再黎食。…查看更多

上星期行過，發現粉嶺竟然開左咁大間酒吧餐廳，就決定一定要搵日黎食。印象中區内好似真係冇咁大間酒吧，仲要有波睇⚽️唔知係唔係新開的關係，個酒list超級齊全🥂有好幾版，好適合一班人黎happy friday👬👭住附近的街坊就方便啦，以後又多個happy friday聚腳點，約人唔一定要出巿區。我地一坐低就叫左個炸單骨雞翼送下啤酒，食落有驚喜喎，辣辣地，但又唔會太咸，送酒一流。之後仲叫左青口，都幾入味，而且個汁好creamy好香，個包點汁食勁好食，我地後尾食晒唔夠喉再追加左一份包🙊另外我地仲叫左鵝肝多士，意式手打肉丸意粉，同啤酒，食得好飽好滿足，兩個人買單$7xx，唔算貴。總括黎講，餐廳唔只酒的種類多，食物種類都好多，而且質素都唔錯，加上可能粉嶺少咁高質又大間的西餐，所以同場見到好多一家大細黎食👨‍👩‍👧‍👦仲有至少3枱係黎慶祝生日🎂好誇張😂可以encore!…查看更多

呢間係我地係元朗happy friday的回頭之選，因為男朋友鐘意飲返兩杯，而我就無澱粉質不歡，所以有酒飲又有正餐食的餐廳，岩晒我地。其實呢間我地已經食過幾次，通常食完飯先過黎，就會叫個松露芝士薯條，加個ham，再飲下啤酒🍻但今次食正餐，就當然唔只咁少🤣首先都有叫薯條，因為個薯條真係好好食，淡淡的松露味，好岩配啤酒，如果再多d芝士更好🤣雖然望落好大碟，但我地每次食下食下就會食晒🙈然後係我最愛之一的鵝肝多士，呢個真係好驚喜，中間層焦糖蘋果簡直係神來之筆，中和左鵝肝的油膩感，但又唔會搶左重點，為成件事加左好多分💯廚師的心思好值得一讚。跟住仲俾我發現左餐廳有威靈頓牛柳，又點可以唔叫，我鐘意食酥皮又鐘意食牛，呢個菜簡直係一次滿足我兩個願望🤣Btw，我覺得呢個餸真係好考廚師功力，要酥皮烤焗得岩岩好，牛柳要香口，又要鎖住肉汁，實在估唔到係元朗小店可以食到，而且可以做到呢個級數👍🏻I’ll be back😌…查看更多

天氣終於涼少少，嗜辣的靈魂就忍唔住。呢間野經過好多次，終於食到。睇餐牌有烤魚同雞煲，仲有串燒食。而我地兩條友叫左毛血旺烤魚🐟配左3個配菜，5串串燒，兩杯啤酒，一渣蘋果汁，好豐富，好耐冇食得咁滿足。烤魚叫左中辣，好有驚喜。最怕有時出去食所謂烤魚，美其名烤魚，其實純粹係浸熟條魚，但呢條係真烤魚，烤得好香口，魚皮好香脆，魚肉好有咬口，再加埋個辣係好食的辣，好正🌶冇錯，個辣好食係好重要，尤其最近打左幾次唔好食的邊爐，一係唔夠辣，一係重味精，難得食到個岩口味的麻辣，算係解左我幾星期以來的癮。我會再來。…查看更多

作為一個澱粉質怪，基本上我對所有粉麵飯包點都好難抗拒，而呢間明星生煎包放左係我個待食list都一段時間，一直想試，今日終於試到。有點失望😞🥟其實生煎包還好，不過不是我喜歡的種類，它外皮很厚，個底煎到十分乾脆，甚至口感咬落有點硬，驚奇的點是，裡面的湯汁很多，而且很清甜，咬一小口，喝了裡面的湯，再食個包，口感是豐富的。不過整體上，我覺得有點淡，可能我食開重口味，而且食包我一向偏好有咬口，而呢個算是脆身，我不喜歡。我比較喜歡街邊那種油淋淋，肉餡超級多又夠咸的生煎包😛 🍜至於個上海厚切排骨擔擔麵，嘩，完全是我無法理解的口味，排骨軟腍到接近霉的質感，是醃製的時候放得太多鬆肉粉吧，完全失去了肉的咬口，調味也偏甜，甜到有點像果汁豬肉乾。期待左咁耐真的有點失望，或者只係唔岩我口味，因為我在店內食的同時，門口一直有好多人排隊外賣生煎包，證明都有好多人鐘意吧。…查看更多

食肉獸恩物——巴西燒烤semi dinner buffet 🍖餐廳位於中環蘭桂坊，$398一位，唔知係咪睇我地個樣都知食得唔方多，職員offer左個90分鐘內食完的early bird discount俾我地，每人減$100👏🏻 好快我地就發現好彩有呢個discount😂因為飲完welcome drink，食完沙津吧，食埋餐包，我就已經飽左一半🙈 沙津吧好多種類，除左有各式芝士，冷盤，火腿，仲有幾款熱食，每樣都好高質。至於主菜烤肉種類都好多，豬、牛、羊、雞、蝦都齊晒，仲有唔同部位，而且上菜超快，個staff會不斷地拎住成串肉行過黎問你要唔要，要就即切俾你。枱上面有個牌仔，一面寫住i am still hungry，一面寫住no more thank you，如果你食唔切想停一停，可以將no more thank you向上放枱面，到你想繼續先轉返另一面向上，職員見到就會識serve你，唔需要係過程中不停問你要唔要，好貼心。總括黎講係幾特別的體驗，不過其實我唔太好食咁多肉，亦都食唔到太多🙈見隔離枱d外國人食完咁多肉，仲可以食一大碟薯條真心佩服，我地戰鬥力太低啦😂…查看更多

忽然想食酸菜魚，然後上網搵左呢間。係蘇豪區，所以好多外國人。幾好食，夠酸，可惜唔夠辣(明明已經叫左中辣)，好多魚，仲有好多粉絲，粉絲入晒d湯ge味，啖啖粉絲岩晒我🙊另外叫左幾個小菜都唔錯。炸饅頭炸得有驚喜，岩岩好，外脆內軟。傷心涼粉辣得好香，食得好滋味，而家諗返都有d流口水。至於個花甲其實可以唔叫，味道係ok，但同酸菜魚唔太夾😂不過私心覺得都係太二好食d🙊因為太二淨係食魚都令人好滿足，唔需要其他野陪襯。…查看更多

元朗新開餃子店：維港灣餃子坊🥟餃子控又點會唔去試，同朋友兩個人試左兩款煎餃，一款湯餃，仲有小食，飽到🙈最近愛上左食芝士餃，呢個芝士粟米豬肉煎餃口感超好，外脆，一口咬下去是濃郁芝士，但有爽口粟米粒中和返，成件事好完美。但另外我地仲叫左白菜豬肉餃同另一款餃，就相對普通少少。反而小食唔錯，而且跟餐送左兩碗湯，是日湯係，花生眉豆豬腳湯，寫明不加味精，唔記得影相，但好清甜，值得一讚。平時食餃子，我一定加好多醋，食湯麵又一定會加辣椒油，但呢度感覺好真材實料，望住人手即包餃子，好新鮮，令人不禁好唔想破壞佢原味，所以我就咩調味料都冇加到啦。而且叫到成枱野，買單都係$178。總括黎講值得一試…查看更多