又可能太耐冇出街食，真係咩都想食，加上想同朋友搵個地方靜靜坐下傾下計慢慢食，最後搵左一間滿足晒所有願望，海鮮刺身火鍋放題🦞
首先要揀湯底，我地揀左壽喜燒，跟住staff就會自動送上一個海鮮拼盤，一個刺身拼盤，同一碟和牛。
然後有咩想refill，可以scan枱面個code，刺身、海鮮、肉、串燒通通都有齊。
而丸類同菜，就係出面自己拎。
講真，呢度食物種類真係好足夠，要全部試晒甚至係冇咩可能，但勝在同朋友黎食，可以滿足晒所有人願望，大家想食咩就自己揀，唔岩食海鮮的人又可以食下天婦羅同串燒(串燒我冇試到，但朋友話個雞翼幾好食😋)
總括嚟講，呢度真係好值得一大班人黎食，每個人都可以有野岩食，質素又唔錯，希望疫情快啲完，大家都可以約多d朋友聚會啦。
