姬斯的個人專頁

早茶飲過兩次水準都能夠保持先敢留低食評! 大圍美食有好多, 但大件夾抵食唔算好多, 川粵菜館不論早巿晚巿都出色~  餐廳地點位於美林商場附近, 巴士總站隔離, 長者來都好方便。幫襯客人大多係街坊同老人家多, 好好坐算唔上因為坐位係貼坐位的, 但早巿早晨孖寶$36蚊, 假日茶錢$8一位, 一行三人叫咗四份孖寶共八碟點心! 免收加一, 共$168 都無咩可以投訴, 大家都满足地離開~ 晚巿酸菜魚都好好食!…查看更多

同同事幫襯過好多次，今次體驗真係令我唔會再去。首先啲嘢食十樣有三四樣係酸的，明顯變壞，嘢食叫咗半個幾鐘都未到，同佢講取消後，個樓面阿姐無反應但衝入廚房拎晒出來～ 話唔要佢就講話「要時間蒸，生既你食唔食？」咩態度？食都算，又係酸的！一台七八個人，每人分少少都食到酸，佢就話我地「食晒」先出聲咁樣唔得～ 其實無食晒，係分件放喺唔同碗！最尾佢死死地氣話比送啲盒我地打包走，我地都驚食物有問題都無拎到！今時今日咁既服務態度真係等執笠啦～ 無得救！…查看更多

中央廣場選擇的極少, 尤其茶記~ 下午茶時段打算買個幾個Tea食, 零選擇下去咗排頭餐廳, 叫咗一件奶醬多, 一件奶油多, 一件蛋牛治, 一碗雪菜肉絲米, +兩杯熱檸水, 佢夠膽100蚊。。。問佢點計, 個阿姐就支支gel gel係咁話啱啦！話係咁啦！ 以下係價錢 break down (單買/ 餐價): 一件奶醬多 ( ??/ 24)一件奶油多 (??/ 24)一件蛋牛治 (20/ 26)一碗雪菜肉絲米 (28/ 28) *係！唔知點解餐同散係同價兩杯熱檸水 *外賣加兩蚊阿姐死都唔肯講單買奶醬多加奶油多幾錢, 只係係咁將嗰兩杯熱檸茶加入去做餐, 其他計散 = 24+24+20+28+4(四個餐外賣各加一蚊)= 100。其實最抵係應該兩個多士散叫其餘配餐, 仲要用混亂法將我地打發, 太可惡! 我發誓唔會再幫襯!…查看更多

之前跟朋友經過, 看到門面裝潢十分討好, 決定有機會便會來試試! 朋友為我興祝生日, 問我有沒有心水餐廳, 我便提出Buono Italino。當日大約七時到達, 可能價錢比同區的貴很多, 所以餐廳沒有太多人, 亦沒有人在等位, 最頂峰時段都只是滿坐。餐廳內燈光偏暗, 環境舒適, 略嫌桌與桌之間, 距離有點窄, 由於坐位偏窄, 餐廳亦很窩心地提供籃子為客人放手袋! :)今晚SET DINNER選擇不多, 價錢由HK$128-188不等, 價錢不算太貴, 但選擇不吸引。套餐包含餐湯, 沙津, 主菜及餐飲, 餐湯由紅白可選擇, 是日沙津為芒果蟹肉沙津, 除以上食物外, 每台都會送意大利麵包條。我跟朋友點了蓄茄忌薕湯, 帶子意大利飯及香煎魷魚并雜菜。蓄茄忌薕湯 - 似雜菜湯多於忌薕湯, 蓄茄味道足, 整體不錯! 芒果蟹肉沙津 - 份量算多, 材料新鮮, 蟹肉沒有太多雪藏味, 芒果鮮甜, 只是調味跟沙津沒有拌勻, 不時食到鹽粒。帶子意大利飯 - 不少食評評論他們的意大利飯很油, 我倒沒有此感覺, 意大利飯濕度剛好, 但飯粒有點硬, 有起骨感覺, 還可接受的, 帶子大小一般, 質素及味道正常。香煎魷魚并雜菜 - 第一眼看到便覺得不值HK158, 所有材料只是煎香, 排好便上菜, 幸好魷魚質素還好, 沒有煎很過火而導致大硬, 其他雜菜質素及味道全屬正常。整體來說, 食物沒有太大驚喜, 用同樣價錢, 相信可以換到更好更合心意的食物, 若果再來, 相信我會試蠔, 這似乎才是他們的賣點。…查看更多

對於老牌茶餐廳本人比較少光顧, 基於年紀關係 , 熟悉可能只有花園餐廳! 今日朋友要求到馬華餐廳吃晚飯, 出發前亦有在openrice做了資料搜集(非常認真!), 知道餐廳出名海南雞飯及串燒! 到步後, 看到餐廳的裝潢非常懷舊, 用上偏暗的黃燈泡, 四人坐亦是以前偏窄的那種, 侍應態度冷淡, 落單快狠準亦是意料之內! 店內客人除老街坊外, 亦有老外! 似乎亦有很多遊客慕名以來呢! 餐牌上除了出名的星馬菜外, 亦有老牌排餐及中式小炒! 我跟朋友最後點了海南雞飯, Gado Gado同褔州春卷。海南雞飯 – 份量比較少, 還要跟朋友分享略嫌未夠喉! 海南雞色澤豐富, 令人下垂涎三尺, 雞皮下還有一層啫哩! 很不錯! 肉質鮮滑, 骨亦不太多, 很好!! 只賺拌雞的辣汁味道不配。福州春卷 – 一碟HK20, 只有兩條, 價錢比酒樓要貴而且味道一般, 不值得試!Gado Gado – 份量比想像中要大, 賣相很好, 沙津有烚蛋、芽菜、蝦仁、沙葛絲及蘿蔔絲, 再配上比肉醬浠一點的醬汁, 拌勻後吃感覺良好!! 我一個人能夠完成大半碟, 可想而知味道有多好!整體來說唔錯, 價錢平, 下次要試一下鐵鈑餐!!…查看更多

一直對FULL/HALF都十分鐘情, 因為裝潢特別, 環境舒適寧靜, 係一個可以跟三五知己相聚的地方。星期六到百老匯看過電影後, 看過餐牌後便決定到這裡來一個優閒午餐, 因為所有餐牌上的食物都令我們食指大動呢!餐牌上的Brunch Set價錢由$80-138不等, 包沙津或餐湯 +主菜+餐飲, 而我跟朋友都點了吞拿魚沙津 + Italian Prama Ham & Rocket with egg benedict + cappuccino。吞拿魚沙津 - 份量比想像中少, 半生吞拿魚拌上沙津汁配上蔬菜拌少量黑醋, 感覺清新Italian Prama Ham & Rocket with egg benedict - 份量適中, 一邊英式muffin配上水煮蛋及荷蘭汁, 另一邊則有Prama ham及rocket, rocket上還淋上少量蜜糖。先來一口水煮蛋muffin, 水煮蛋本身沒有味道, 所以配上荷蘭汁是必需的, 可惜包上荷蘭汁太少, 所以味道很淡, 有點失望。切開水煮蛋, 中間有蛋汁流出, 合格! 而Prama ham & rocket muffin + 蜜糖, 味道出乎意料, 其實本人不太喜歡rocket, 賺味道太苦, 但當它配上蜜糖及Prama ham 後, 味道出奇地配合而且苦澀味全消, prama ham亦是中上質素, 食後口內不會满口油, 口感細膩, 很好~Cappuccino - 奶泡夠豐厚軟滑, 味道良好, 略賺湯匙太短, 差不多跟咖啡杯一樣高, 所以攪拌時都沾上了奶泡, 可以改善一下。整體上都十份滿意, 期待下一次再光顧!…查看更多

要在大圍找到好食的不難! 但要假日在大圍找一間人唔太多, 中價又要有好質素, 相對地比較難!和暉地理位置不錯, 除街坊外, 應該不會有太多村外人知, 所以今日餐廳沒有擠得滿滿的, 可以慢慢享用~和暉亦成為我家最近的飯堂, 爸媽經常厭其他餐廳食物質素差, 又貴又多人, 但現在常常光顧和暉呢!今日點了肥牛石頭鍋飯, 翠玉瓜雲耳班腩煲, 加錢點了白菜仔及羅宋湯+蒜蓉包。肥牛石頭鍋飯 - 我最喜歡的就是這個飯, 差不多每一次都要點, 今日亦不例外! 但失了水準呢~ 因為容器過熱, 令到肥牛太老, 飯亦燒焦, 平日底部香脆的飯焦一點都沒有, 失望!翠玉瓜雲耳班腩煲 - 味道唔錯, 盛菜的容器亦特別, 有保温效果! 所以餸菜不易變冷~ 食物有擭氣, 唔太油! 不過不失!羅宋湯+蒜蓉包 - 近期至愛! 亦因為他們的羅宋湯令我迷上了紅湯! 坊間羅宋湯湯面有很多紅油, 蕃茄偏淡, 沒有半點辣! 但他們的羅宋湯做得不錯, 不會太"杰", 亦不會太浠! 用料十足, 亦有微辣, 正宗的是應該有一點辣的! 點餐加$8便可以有羅宋湯+蒜蓉包了, 十分抵!!整體來說, 不過不失! 亦會再幫襯!!…查看更多

一直對甜蜜蜜好感一般, 價錢貴, 份量少, 人多, 趕客 (其實因為人多, 所以趕客呢~ 還抱怨!), 想傾計慢慢享受甜品美點, 甜蜜蜜一定不會是首選!今日再去原因是時間尚早, 九時多襯人龍還未出現時光顧才可以慢慢享受及朋友要求食心太軟~ 我們仨, 一人一心太軟!落單後約十分鐘, 熱辣辣既心太軟便送到! 大家都急不及待舉機拍照~ 心太軟份量比想像中大, 而且蛋糕頂沒有太多的灰色麵粉漬, 感動!因為坊間心太軟上, 或多或少都會留有灰色的麵粉漬, 就算那個心太軟有多好味, 一看到那些麵粉漬, 胃口便全消了~心太軟外面鬆脆, 內部鬆軟並帶有朱古力香, 打開中間部份, 看到中間朱古力漿慢慢流出, 已經食指大動, 要將佢消滅了! 哈~暖暖的心太軟配上冰凍軟滑的雲尼嗱雪糕, 味道配合得天衣無縫! 原本熱熱鬧鬧的對話頓時停止, 因為大家正在享受那個感勳時刻呢! ~吃過心太軟, 內心是甜甜, 暖暖的! 期待下一次的光顧~…查看更多

經OPENRICE FANS NANA介紹, 知道THE MARKET好好食! 大推! 於是個多月前訂位, 今日終於等到啦~ 等位期間, 收到THE MARKET來電, 八月開始加價, 價錢會由$218加到$288, 一加就$70! 實在有點不值! 還好後來再通知由於我大早已訂位, 所以價錢不變! 開心~!今日大約11:55AM到達, 門口有好多人都等待入場, 不久就有職員通知可以入坐~ 門口旁邊已是甜品部, 看到甜品, 食慾大增呢! 我地被安排到一個窗口位, 旁邊有樹, 感覺良好~坐位未坐暖已經出去拎野食, 大堂地方寬敞, 有陽光打入室內, 心情都會好D! 經過水果, 沙拉吧枱及煙燻食品部就會見到魚生部及其他食品部, 再入會見到海鮮及熟食部! 食物種類很多, 一時間太開心, 只掛住影相, 未捻食乜好~最後決定先拎魚生同海鮮, 本以為今日會有生蠔...可惜...是沒有的!三文魚 - 肥美, 厚切, 唔錯!青口 - 味鮮, 連同青口旁既淡紅色既汁一齊食, 份外好味~長腳蟹 - 本人不太喜歡, 因為大部份長腳蟹都好咸, 但THE MARKET既長腳蟹還可以, 但味道唔算太鮮, 可能唔夠凍!翡翠螺 - 同青口一樣, 味鮮, 連同旁邊既汁一齊食, 份外好味~再來就係煙燻食品及沙拉煙三文魚啫喱 - 麻麻, 啫哩太實, 做唔到入口即溶, 三文魚亦太咸豬肉粒啫喱 - 跟三文魚啫喱一樣, 啫哩太實, 做唔到入口即溶, 肉粒冇乜味, 麻麻大蕃茄加芝士粒 - 好好食, 蕃茄好鮮好甜, 同芝士亦好夾!自選沙拉 - 因為自選, 所以好味, 食材都好新鮮, 款式種類亦多, 只係醬汁都有五個以上! 唔錯!煙豬腿肉 - 味道唔錯, 食得出唔係平價貨, 咸淡道適中, 亦唔會油膩! 再來熟食類PIZZA - 新鮮出爐, 除皮邊有少少燶外, 其餘唔錯燒羊架 - 好味! 大約五成熟, 好JUICY, 多肉但都有D脂肪, 唔會太"鞋"燒牛肉 - 都好味, 跟羊差唔多喇沙 - 之前睇OPENRICE都知道好味, 所以平時唔太好都會想試! 味道比想像中還要好, 唔太油, 椰香味濃, 唔太辣~ GOOD!最後! 甜品~太貪心, 樣樣都好似好好味, 所以每樣都拎! 將碟填滿滿~其實餘咗黑森林蛋糕比較一般之後, 大部份都好食, 綠茶奶凍好滑, 蘋果金寶鬆脆, 員工仲會窩心地問要唔要加MOVENPICK既VANILLA雪糕! 甜品過後, 肚皮都已經脹到食唔落啦~點咗一杯CAPPUCCINO作為完結! 可惜! 對THE MARKET一直良好既感覺因為杯咖啡而扣分~ 食品水準可以做得咁好, 但點解杯咖啡既質量會唔著重? 咖啡泡唔夠多亦唔夠幼滑! 味道亦唔好, 有苦澀味! 希望佢地可以改善一下!總體來講, 食品味道唔錯, 用料亦係中上水平, 值得再來!! 希望佢唔會太快又加價啦~…查看更多

第一城返工, 可以食飯既地方唔多, 最近算係第一城! 第一城食肆比以前更多更新潮! 經同事推介認識麵軒廚房, 過去幾星期都有去食飯! 差不多變成我地既飯堂。LUNCH HOUR人唔算太多, 至少一點準時離開公司, 大約一點十分到都仲有位! 外面仲有職員派COUPON~ 餐廳內坐位舒適, 台灣派食物為主流! 午餐大約HK$35-49, 加HK$3還可以飲凍珍珠奶茶! 喜歡飲珍珠奶茶既我都覺得佢地既珍珠奶茶做得唔錯, 有台灣風味, 至少茶面有奶泡, 表面功夫做得唔錯, 珍珠大少及軟硬適中, 加HK$3可以飲到其實算抵呢!先前午餐大約有五六個可以選擇, 但今日發現只有三個可以選擇, 但飲鮮果汁不用加錢! 而我今日點既係秘制滷水三寶肉燥飯 + 西瓜汁本以為滷水三寶是滷蛋, 滷豬腩肉或雞翼及大腸, 可惜, 碗上三寶是滷蛋, 滷豆腐及珍寶腸! 有點失望, 但味道還可以!飯比較乾身, 所以肉燥拌飯後, 濕度剛好! 滷蛋 - 夠入味, 蛋亦有蛋味! 唔錯滷豆腐 - 好淋, 豆腐 充滿淡淡既滷水汁, 好入味珍寶腸 - 味道正常, 皮有少少脆, OK!整體來說唔錯!:)西瓜汁亦正常, 夠鮮味, 飲得出係鮮搾! GOOD! …查看更多

APPLE GREEN一直都係我同朋友既聚腳地, 對於食物質素亦心裡有數, 但我幫襯時間係晚飯居多, 今日心血來潮想試一下佢既BRUNCH SET。睇過BRUNCH SET MENU, 左捻右捻, 因為對ALL DAY BREAKFAST情有獨鐘, 所以最尾揀咗最為相近既EGG IN THE HOLE。點餐後先來一杯熱咖啡, 咖啡質素唔太好, 普普通通, 有D似M記既非即磨咖啡。飲過咖啡後, 開始對己點既EGG IN THE HOLE期望下降, 大約十分鐘後, 大大盤既食物終於來囉~EGG IN THE HOLE既賣相相當唔錯, 大大份, 色彩豐富, 令人食慾大增!!碟內食物包括有:蛋+麵包 - 味道偏淡, 冇乜特別, 如果變為SCRAMBLE EGG 同TOAST會開心D薯片 - 明顯係自家製既薯片, 所以偏厚同有質感, 可惜焗得太耐, 有D乾同味粉唔夠均勻厚火腿 - 肉質粗糙, 唔好食肉腸 - 味道一般, 冇特別生果杯 - 杯內生果新鮮, 配搭亦唔錯, 食後有REFRESH既感覺, 成份餐最好, 相信都係生果杯!\今次試過佢既BRUNCH SET後, 相信下次都係叫佢地平時既散餐好D!…查看更多

是日休息, 見星期五就睇吓有冇D餐廳平日好想去, 但星期六日會多人既試試。上OPENRICE就見到BRICKLANE於十強榜上有名就去試試囉~! 除此之外, BRICKLANE對於我黎講更有特別意義, 因為BRICKLANE係位於LONDON一條好出名既街, 以前我成日都去呢~所以希望能夠0係BRICKLANE尋回當年既感覺。今日大約十二點就去到, 但似乎未開門, 還見到工作人員正在開會, 幸好佢地見我左望右望就出黎話我知佢地差唔多開門! 入面環境還算舒適, 但比我想像中細, 等朋友到後就點了一個EVERYTHING既ALL DAY BREAKFAST, BURGER, LATTE 同CAPPUCCINO。可能我地係當日第一個客人, 冷氣同抽氣都未調較好, 開爐後油煙四散...唔太歡喜。大約五分鐘後, 飲品就到囉~ 賣相唔錯, 而且叫早餐加$15就可以飲到COFFEE算唔錯呢! 但係待應小姐放低飲品後就走咗, 糖都冇比...我地就自己去拎, 放咗1.5包糖後, 發現飲品過甜, 似乎本身已經落咗糖, 但待應小姐從來冇提及! 算啦...味道還可以的!再過十分鐘, ALL DAY BREAKFAST到, 賣相好吸引, 之後便跟朋友SHARE, 樣樣一齊食, 大家都覺得蛋同MUSHROOM都好咸, 我還食到一粒粒既鹽! 蛋亦炒得太老, 我相信我比佢地做得更好! 我明明點咗EVERYTHING, 理應佢碟上應有佢餐牌上ALL DAT BREAKFAST餐既配料, 但我發現GRILLED TOMATO同CHEESE都冇呢...失望! $98食一個咁細PORTION既一D都唔抵! FIRST CUP COFFEE比佢還要抵同好味!十分鐘後, BURGER到, 賣相唔錯, 有D期待! 朋友先食, 再話BURGER既麵包唔太好呢...好易散, 應該係嘉頓出品! 我再食, 的確係~ 而且覺得牛肉都係好咸呢...好失望! 全份餐只有薯條好食, 粗粗的, 炸得剛好~ 我相信應該唔會再有下次!…查看更多

最近有好多日本食肆食物中毒既消息傳出, 尤其是板前。但我對於新聞一於少理, 因為我深信唔會有邊間食肆發生問題而唔去解決,所以事後既衛生程度應該係最高既!! 我今日就去0左食APM新開既板長壽司啦!我一直係板前壽司既擁護者, 一直都好支持, 幾多人都會去排隊食~今日六點幾去到板長竟然冇乜人, 兩個日去食等十分鐘就有位,哩間板長同其下集團舖頭有點不一, 哩間舖頭係冇迴轉龍, 全部都係即叫即做, 而且上菜速度奇快,order後約十分鐘就送到, 所以食物唔會咁容易變壞, 最怕D壽司暖暖地, 唔凍唔熱既食物最易有問題...今日食0左玉子壽司, 杋立貝壽司, 海膽軍艦壽司, 火灸三文魚壽司, 火灸鰻魚壽司, 墨魚壽司, 森巴卷,仲叫0左客日式caesar salad添! 其中最好食既當然係火灸三文魚壽司啦, 其次係日式caesar salad,個salad好fresh, 其實除0左森巴卷冇乜芝士味同海膽軍艦壽司唔夠多海膽外, 全部都好好食!朋友食過咁多間都話哩間d飯最好食!…查看更多

因為朋友好想去食個sunday brunch hea吓, 我地四圍咁揾吓邊度有得食sunday brunch~但坊間食肆只有幾間酒店或餐廳有得食, 而且價錢唔平, 我地最終選擇0左 - cafe deco。雖然地點唔係太方便, 但如果想遠離繁華既都市同人群, 哩度都係一個唔錯既選擇,至少眼見最多既都係外國人而唔係見慣見熟既本地人~Buffet時間由11:00am-2:30pm, 我地10:45am就到啦, 佢地都冇話要夠鐘先可以入坐!入到去就開始食野囉~由於時間既關係, 餐廳既人唔多而且靜, 我地先食一下頭盤,Caesar salad同parma ham唔錯唔錯, 當我地食緊野既時候, 又留意到台上面有個extra menu for sunday brunch,裏面有d泰式, 中式同英式既早點可以叫, 而且係唔駛錢, 每人包一份。我就食0左一個英式早點, 佢係一d菜, 菇, 蛋同英式鬆餅疊埋一齊,都幾特別, 但味就就咸0左d, 我另外一個朋就點既就好味d,佢同我0個份差唔多, 但佢係ham+蛋+英式鬆餅, 唔錯唔錯~除此之外我地亦都見到佢個menu寫住白酒, 汽水任飲,但估唔到mocha, latte同cappuccino都係唔駛加錢任飲, 而且味道唔錯,我一日就飲0左三杯咖啡, 有mocha, latte同一杯普通咖啡~另外哩度既羊架同生蠔好非常好味, 一添再添~最開心係佢既雪糕係任食0家, 係已經絕跡市面既new zealand牌子,個蜂蜜脆脆係最好食既!! ^^ 因為時間充裕, 所以抱住輕鬆既心情食buffet,係可以比平時食得多同冇咁滯, 我地由上晝10:45am坐到04:00pm都冇人趕,望住山下既景色真係令人心曠神怡, 所以三百六十蚊食個sunday brunch真係好抵!…查看更多

逄星期一都會去灣仔返學, 每個星期都會去哩度食飯, 因為迷上哩度既海南雞飯!!大大話話都食0左五六次, 次次都覺得唔夠食同好好食。0係哩度食飯既人唔多, 但個個都會食哩個飯, 海南雞飯有分碟上同套餐,碟上: 一碟海南雞飯(雞油飯) + 三色醬油+ 例湯+ 凍/熱飲= $35 (凍飲加2蚊)套餐: 一碟海南雞飯(雞油飯) + 三色醬油+ 油菜+ 例湯+ 凍/熱飲= $45 (凍飲加2蚊)*外賣減5蚊我次次都會叫碟上, 因為我主要都係食海南雞飯而唔係食菜, 而且一個人都唔會食得到咁多野~ 我次次都會食晒0家!!其實佢已經比0左好多雞我, 但因為太好食, 次次都覺得意猶未盡~!! 最鐘意係佢個泰式醬同黑豉油, 點0左佢地d味真係出好多。由於次次都係一個人0黎食飯既關係, 好多時都會留意吓身邊既事物, 有時見到老闆仔同一個男人望住d客一陣, 又再細細聲講野, 又睇吓d位點擺都, 好驚佢會轉手(因為人客真係唔多)。所以一到灣仔都會食佢, 驚遲d冇得食~哈!…查看更多