名苑酒家

同同事幫襯過好多次，今次體驗真係令我唔會再去。首先啲嘢食十樣有三四樣係酸的，明顯變壞，嘢食叫咗半個幾鐘都未到，同佢講取消後，個樓面阿姐無反應但衝入廚房拎晒出來～ 話唔要佢就講話「要時間蒸，生既你食唔食？」咩態度？食都算，又係酸的！一台七八個人，每人分少少都食到酸，佢就話我地「食晒」先出聲咁樣唔得～ 其實無食晒，係分件放喺唔同碗！最尾佢死死地氣話比送啲盒我地打包走，我地都驚食物有問題都無拎到！今時今日咁既服務態度真係等執笠啦～ 無得救！