mwong6的个人专页

好多年前行過觀塘嘅華嫂冰室，見到人山人海，一直都好想試。感覺上佢買嘅都係港式嘅食品，應該係鋪頭細細但好有特色嗰種感覺！佢喺灣仔開分店，雖然假期都人山人海。有幸有人先去排隊，大概30分鐘左右。入到去第一個感覺系好迫好迫！如果你有去過蘭芳園大概就係嗰種迫逼嘅感覺，但係本來港式茶餐廳就係咁上下，欣然接受。幾經辛苦等到位，但係等人落order都係另一種幸運，舉手舉左10次都無人應。其實間餐廳都好多夥計，但係分工真係好唔均勻。每一次問親佢哋攞嘢都係叫我地叫另一個。作為食客嘅我哋又點知你哋點分工呢？好啦講返食物，我叫咗個牛肉通粉轉番茄湯底，轉湯底係要加＄8嘅。但因為係招牌都俾錢試吓啦。好老實講我覺得個湯底真係淡嘅茄膏囉，只有酸味冇鹹味架！值唔值得比＄8啦真係見仁見智啦。朋友叫咗個清湯豬扒米線就更加不堪入目啦。其實排咗咁耐隊真係唔應該食清湯囉。最特色嘅應該係芫荽皮蛋湯底，只要你唔怕芫荽味，其實呢一個真係吸引嘅。本來想再叫個包，但係真係飲食嘅環境太差啦。佢雖然未去到澳牛嗰種待慢，但係佢嘅價錢絕對拍得住翠華囉，你去翠華從來都唔會覺得有被待慢或者效率低嘅感覺囉！未試過嘅朋友我會叫勸諭大家叫芫荽皮蛋湯底試，去過嘅朋友應該都唔會再去，係咁先！！…查看更多

星期日早上喺高階附近覓食。見到有間十字冰室，應該同所有人嘅期望一樣嘅。期望有好多懷舊或者特別啲嘅冰室食品。早餐嘅價格唔平，比一般茶餐廳貴一成左右啦。但係歺飲支奶係要另加＄6。其實我覺得作為一間牛奶主題餐廳，餐飲應該係包括牛奶。而且你入邊見到佢一杯熱鮮奶係要＄19，用嘅呢系一般便利店見到嘅盒裝牛奶，其實真係唔值得比＄19囉。叫咗個菠蘿包同熱奶茶，菠蘿包真係翠華好食好多好多好多。價格係貴過翠華嘅！朋友叫咗個辛辣麵索價＄42，其實真係可以食個晏。所以簡單啲講係絕對唔推介呢一間餐廳！如果去到高街其實有好多差唔多價格歺廳或者係貴少少嘅高質素餐廳，茶餐廳都係喺山腳食啦。…查看更多

總括來講：一流嘅價錢，唔見得有一流嘅食物質素同服務。真係邊有半斤八両咁理想。首先我早左到，坐左15分鐘連茶都冇杯。後來我行出去叫侍應姐姐比杯茶我。但係又唔怪得佢，因為成間餐廳得佢一個侍應，你見到佢都覺得佢已經做到面青，口唇白。頭髮亂晒、盡晒力咁嘅樣。食物方面，其實唔難食，當然亦都唔係特別好食。刺身拼盤索價＄680。佢擺盤真係令到無食慾，好好似好伶仃、冷落咁。就算份量唔多都可以擺盤擺得豐富啲啊。其實味道我已經唔記得咗啦，總之唔係特別突出啦。壽司拼盤還可以接受，但係舊飯真係好薄，大概係3片賭神朱古力疊埋咁厚。真係食晒成碟都應該唔會覺得很飽。燒雞翼都好普通絕對唔值＄48兩隻。最後我哋都係叫多個壽喜燒，填下個肚。其實最好食嗰個我唔記得咗影相-沖繩嘅苦瓜炒蛋。最終我哋四個女仔食咗二千幾蚊。其實咁嘅價錢同服務。加上內部裝修又唔係特別靚，喺銅鑼灣應該有好多好多好多好多其他選擇。…查看更多

容許我講：一流嘅位置， 九流嘅食物！連續三年嘅國慶日都去咗不同嘅酒店食自助餐同睇煙花。今年嘅經驗可以話係最差。衛生差其實大時大節食自助餐都預咗同人迫同埋質素參差啲。但係今次我覺得係衛生都好差。其實睇到佢成晚嘅員工都係見習生居多。我哋食燒烤嘅時候就見到佢用同一個鉗夾啲生嘅帶子，再用同一個鉗夾D熟嘅魚俾我食。其實呢一個係好普通嘅衛生常識，生同屬嘅食物要分開處理。自助餐啲食物碟上面有好多水，作為一間四星級嘅酒店，係咪應該花啲錢去裝置一啲暖碟嘅機呢。食物味道差，選擇少沙律嘅選擇就係幾種菜自己mix.冷盤嘅食物海鮮種類尚算可以但,但係味道好難食。我攞咗幾隻蟹鉗拆開出嚟，啲肉係實、完全冇晒水份。老實講即食蟹柳都好食過佢。唯一可以讚嘅係啲即開生蠔，好新鮮但係每次只可以攞兩隻。傳統燒西冷欠奉，有個爐端燒牛肉我哋攞咗兩次，第一次啲牛肉係燒好晒攤喺度：凍嘅，其實可以攞燈照住姐。第二次攞係喺個爐燒緊嘅，結果都只係䁔而唔係而熱㗎。刺身壽司亦都值得一提，啲刺身切完係出緊水。最特別係佢有一個好似蛋糕咁大嚿嘅壽司，我每一次經過都會諗究竟有乜人去食咁大舊壽司？食完應該乜都唔使食。所以成晚我都見到嗰幾舊壽司係冇人攞過。甜品就更加不堪入目，啲蛋糕係遲到切到歪嚟歪斜。睇到都已經無食慾。結果選擇咗食雪糕。總括來講＄638， 我會認為佢應該將＄300放咗佢係煙花。個buffet最多值＄338； $200係比D蠔。不過睇煙花安排係OK嘅，食完安排左大家去宴會廳睇煙花，涼住冷氣唔使咁辛苦又唔使淋雨。…查看更多

星期日想搵個地方Hea下，突然間諗起之前行街見到呢間餐廳有Sunday brunch,試吓即刻book位。5大1小。餐廳環境好舒服，員工以外國人為主。但都好friendly.收費方面成人每位208，小朋友係＄128包主菜。成人主菜就要另加130。＄208係包自助頭盤，少量熱盤，同埋甜品。頭盤有芝士、意大利火腿、沙律、煙三文魚，其中煙三文魚同埋魷魚沙律係非常出色。三文魚好新鮮，可以媲美酒店嘅出品。魷魚沙律係意想唔到咁好食。佢將啲魷魚切得好薄，起初以為係荀片。大家共同推介嘅仲有藜麥沙律。熱盤就有烤豬肉卷、焗茄子、肉醬長通粉、炸薯仔球，同埋肉丸豆。熱盤嘅數目同質量就一般，不算十分出色。甜品都好出色，當日有栗子蛋糕，車厘子酒心朱古力，朱古力慕絲蛋糕，伯爵茶焦糖燉蛋，同埋朱古力撻。小朋友仲有棉花糖同乳酪。俾個小貼士大家，其實佢係可以order雪糕架。不過餐牌上面冇寫,你要自己主動問職員。當日有雲呢拿味，朱古力味同埋血橙味。仲有佢個雜果賓治，有好香濃嘅芒果汁溝橙汁、比起平時飲嘅賓治好飲好多架，入邊冇加汽水。小朋友包嘅主菜分別有Pizza ,意粉或者吉列雞胸。份量都好大份。所以如果大家想帶小朋友係好超值。佢冇包餐飲，我哋自己叫咗咖啡大概＄50一杯，味道係好香濃。我覺得喺太古廣場呢個價錢係可以接受。所以推介禮拜日想Hea 嘅朋友，free flow wine and beer 加$138。Brunch 由11:30到3pm，全程員工都係好好招呼，完全冇壓迫感。我食蝦嘅時候，個員工仲好細心咁為我遞上濕紙巾，我覺得係一間服務好有質素嘅餐廳。大家都可以試吓。…查看更多

今日同班姊妹食晚飯。為咗就喺鐵路沿線返工嘅我，大家就提議左旺角帝京酒店嘅獅子樓。我亦都二話不說咁應承咗，因為印象中佢嘅下午茶係好出色嘅！當晚我哋去到之後，從帶位嘅侍應同埋員工服務都好有禮貌，有高級酒店嘅水準。我哋四個人，點了三個晚餐。分別有龍蝦，牛扒同埋鱼作為主菜。價錢大概三百幾蚊至四百幾蚊不等。係一個三個course嘅晚餐。可以揀沙律或者餐湯跟住主菜同甜品。晚餐嘅沙律同埋餐湯都係普通，主菜方面我哋食得太慢，上菜嘅時候時候已經凍左啦！我覺得三個主菜入面，魚係最好食嘅因為仲有啲滑嘅感覺。牛扒就同普通連鎖快餐店差唔多，我哋叫五成熟，食落有啲過熟。另外我哋都點左一個咕嚕獅子頭同埋炸軟殼蟹。軟殼蟹係一般小食，味道不過不失。亦沒有驚喜。咕嚕獅子頭上菜嘅時候有啲驚喜。食落就好驚。咁大個女都未食過獅子頭入邊有好多蟲草花，而且好多肥豬肉，入邊嘅感覺係好似流質咁，因為太肥啦。可以形容係一個好大嚿嘅魚腐入邊有蟲草花！一碟入面有五件，索家＄268！全晚見到入夜之後有幾多人入嚟飲嘢傾計，我建議大家可以點番酒吧小食啦！但係有機會我都會返去試吓佢嘅下午茶。但係晚餐真係唔推介！…查看更多

約咗附近返工嘅朋友仔食午餐。餐廳環境尚算舒服。特別鍾意去望街嘅座位。有啲遠離繁囂嘅感覺。午餐有四款可以選擇。我哋揀咗芝士批同南瓜意大利飯。午餐可以揀餐湯或者沙律。我哋每人揀左一款分享。粟米湯好濃郁，好好味值得一試。今餐沙律我就覺得一般，芒果汁dressing 好淡，可以話係冇咩味。啲菜都好新鮮，但就好似食新鮮菜囉。芝士批＄98，我覺得呢個係最差嘅。冇咗素食嘅清新感覺，仲有啲油膩南瓜意大利飯＄118 ,呢個係最好食嘅。一邊有好多同埋蒜頭，食落去有好多口感。佢仲會咗啲炸素魷魚，好真實又好好味。餐飲叫咗熱檸茶同mocha.,個檸茶真係非常非常普通，冇乜茶味。建議大家都係加錢換其他野飲。如果想食素食嘅人士，可以值得推介。但如果肉食嘅朋友，附近應該有更多…查看更多

天后新開小店。價位與一樂差無幾。但師傅出手較闊綽，全部大大碟。仲有鵝肶！味道方面，真係有好名顕木醺味。十分出色。友人大讚比甘牌來得好，來得便宜。重點係暫時不用排隊！！…查看更多

環境:環境尚可，地點亦方便。食物：叫咗2個主食1.牛肉石頭飯-賣相同一般石頭飯不同。上面有很多生菜。味道其實0k。都係個句，food court 價錢。food court 味道。同food Republic有得比，隨套餐附上泡菜同湯2辣炒辛辣麵年糕-味道尚可，年糕軟韌，唯芡汁多了一點。配上辛辣麵，好味服務：自助形式，但姐姐都有幫我哋搵位👍回頭率：😁😁😁 （5為最高） …查看更多

環境：一般，到板X差不多。談不上高檔食物：原本打算去同一層嘅山頭火食拉麵。但原來山頭火已結業😫。結果去咗壽司廣食雞肉蕎麥麵。完全係錯誤嘅選擇。賣相實在是差。想唔通點解要用咁大隻碗，D餸漂開。好唔decent...味道亦清淡。雞肉有D油味。其實個碗大，份量唔多。所以追加一個甜品-焦糖香蕉法式多士。喜出望外，不太食蕉嘅我亦吃了一大半。如果焦糖再脆啲便perfect.下次tony wong無位，可考慮到此吃甜品。服務：0k，有禮貎。常主動加熱茶。回頭率：😊😊😊(5為最高）都係食返壽司啦！…查看更多

環境：等候區很逼，進入店內非常開揚。等咗咁耐，坐下時，真係有D守得雲開見月明嘅感覺。食物：食肉獸慎入。點了兩個主食加兩個甜品1．冷麵，味道一般。全靠個汁才吃罷2·抹茶湯烏冬。個烏冬似拉麵多D，幼幼的。個腐皮最好味，帶少少甜味3.紅豆年糕，好味。年糕煙軔，係甜咗少少。但以甜品來説，可接受4．大拼盤－D蛋糕真係水凖以下，莎X仲好味D。焙茶同抹茶只有顏色差異。texture 同味道也不出眾。抹茶雪糕有茶味，但奶味更濃。服務：貼心。等候區備抹茶享用。侍應生亦有禮貎回頭率：🙈(5為最高）等待時間過長，抺茶產品亦不算出眾。利申：軟雪糕當天沒有供應。可能軟雪糕係0k嘅…查看更多

環境：鬧市中的後花園,好有歐洲feel.但因為有人等位，唔好意思坐得太耐。食物：主要係食麵包，如果麵包可以加熱會更加分。麺包控應該很喜歡。點了3個早餐1.Petit Dejuner $78 -最平，又抵食。大個麵包藍，再試多款麵包，跟餐有大杯橙汁加咖啡。平過去連鎖咖啡店. 都係個句，麵包如果熱D，真係加晒分。2.HK breakfast- $98-HK 限定。老實說，適合非港人多D。rice pudding 像凍咗嘅潮州粥。個set 跟一杯米水同咖啡。試下可以，但應該無下次。3. the Farmer- $148.presentation ok. 但性價比最低，cheese 同ham 係一般貨式。個yogurt 就幾好味。但是個set 係唔包咖啡㗎。所以算幾貴服務：安排入座到食物presentation花心思。回頭率：😁😁😁😁(5為最高）去飲杯咖啡加靚環境，絕對好過同平過星巴巴。駱駝漆一族(食裝修)至like…查看更多

環境：在大型商場內，環境清潔。但店內很逼，談不上舒適。以香港第一分店為譽，選址有點失當食物：老實話，只有吐司會再幫襯。其它食物真得很一般而且不便宜。服務：非常好。侍應姐姐見我哋要入座。即刻執枱，又會推介吐司。回頭率：😝😝(5為最高）…查看更多