花見日本料理 (已搬遷) 新店位置

總括來講：一流嘅價錢，唔見得有一流嘅食物質素同服務。真係邊有半斤八両咁理想。首先我早左到，坐左15分鐘連茶都冇杯。後來我行出去叫侍應姐姐比杯茶我。但係又唔怪得佢，因為成間餐廳得佢一個侍應，你見到佢都覺得佢已經做到面青，口唇白。頭髮亂晒、盡晒力咁嘅樣。食物方面，其實唔難食，當然亦都唔係特別好食。刺身拼盤索價＄680。佢擺盤真係令到無食慾，好好似好伶仃、冷落咁。就算份量唔多都可以擺盤擺得豐富啲啊。其實味道我已經唔記得咗啦，總之唔係特別突出啦。壽司拼盤還可以接受，但係舊飯真係好薄，大概係3片賭神朱古力疊埋咁厚。真係食晒成碟都應該唔會覺得很飽。燒雞翼都好普通絕對唔值＄48兩隻。最後我哋都係叫多個壽喜燒，填下個肚。其實最好食嗰個我唔記得咗影相-沖繩嘅苦瓜炒蛋。最終我哋四個女仔食咗二千幾蚊。其實咁嘅價錢同服務。加上內部裝修又唔係特別靚，喺銅鑼灣應該有好多好多好多好多其他選擇。