食之肥仔's Profile

翻工咁辛苦，收工可以飲碗冇味精既湯其實已經好滿足。但係翻到屋企都已經抖到不得了，想飲口無味精的湯都唔係咁易架。好彩呢日係灣仔收工，見到呢間100%無味精的寶貝靚湯！用花膠同螺肉做材料去煲既湯，煲出黎非常鮮甜，飲落舒服唔會覺得口乾，証明真係冇落味精。花膠又大片又滑，螺肉食落唔會太硬身重食到甜味，正！大大隻的海蝦，食落肉質都幾結實，蝦肉肉身鮮甜，而且個蝦頭勁多蝦膏，食到成手都係膏同埋蝦汁，但係好滿足！果皮蒸鮑魚，鮑魚肉質彈牙，果皮唔算好重味，重食到鮑魚的本身鮮味。不過食落唔算太甜，甜味稍為欠缺左少少。蒸貴妃蚌係我最愛的海鮮之一，因為佢個種鮮甜味真心係不得了。蒸既時間好似左左少少，食落唔算太熟，但係食落都可以接受，而蚌本身的甜味都加番分。呢盤花膠雞，我真心估唔到自己食下食下竟然食左大半隻雞用浸煮方式烹調，所以食落好滑，雞味出哂黎。不過花膠就咁放係碟上面有D乾哂身咁，有D浪費左D花膠...食到最後加番少少澱粉質，一於叫個銀針粉。麵既湯底清甜，用黎配雞食Fit哂。最後加個桂花糕清一清個味蕾，舒服哂又夠哂飽，抵食！…Read More

談及香港最出色的鮨店之一，我相信愛吃壽司的朋友都會想起鮨文。半年前有緣食過一次黃埔的新店，今次再次有幸到元朗本店品嚐料理前菜先以黑松露茶碗蒸開始，淡淡的黑松露香得黎唔會太濃而搶去其他食材的鮮味，元貝的甜味同松茸的香味令蛋的味道提血了，加添了數片金萡第一道刺身係蜜柑鯛，配上岩鹽去提味，食落有陣陣的橙香味，肉質偏腍，愈咀嚼愈感受到魚肉的甜味。(最愛一路食一路望住師傅去準備之後既料理，更加吸引)呢個油甘魚用為火烤過表面，肉質爽甜而油份非常重，加上淡淡的醬油香味，同前一道鯛真係完全不同的感覺同享受。北海蟹上面加添了蟹膏，食之前將膏同蟹肉一齊食，同時感受埋兔膏濃厚的香味，再點少少醋味道更加鮮明。第二台客已經食緊海膽，我真係流哂口水水章魚肉身部份肉質好腍，而吸管部份脆身，感覺好特別。配上梅醬同埋紫蘇花，增添埋香味添。呢個血鰹用稻草煙過，上面係芽葱丶日本葱同葱，肉質有口感，而食後肉質帶酸味，配上各種葱去中和濃身既魚味，幾特別。我勁愛的吞拿魚黎啦！同時將拖羅同埋赤身用紫菜捲起，可以一次過感受到拖羅的油香味同埋赤身的魚肉味，而中間少許的Wasabi就減卻了魚肉的油膩感，食苟真係好滿足呀！用蛋漿包住龍蝦所做的天婦羅，肉質結實而鮮生。炸露筍同芋頭都好正，但我最鍾意就係芋頭，因為佢食落又粉又香甜。最特別既就係佢用梅做既麵，好得意下！而且佢重用埋龍蝦殼同腐皮去做埋個芡，真係一物多用。新鮮既帆立貝做的壽司，新鮮到可以見到佢表皮一絲絲既纖維。食落口，鮮美！！太刀魚配上梅醬同埋芽䓤，食落舒服，肉質柔軟好正既赤睦魚，係深海魚既一種，肉質勁勁勁肥，軟身的魚質一咬落去就感受到佢的油香，真係好正！沖繩石桓貝係我近年最愛的貝類之一，因為佢肉質勁爽身而且鮮甜，係我最愛的貝類咁濟人手一條條去釣的池魚，因為用人手釣所以魚肉內部冇出血，食落都比較甜滿口一粒粒的醬油積三文魚子，係口腔入面一粒粒咁爆發去感受佢的醬油甜同咸味，好爽！足足超過20片嘅赤海膽鋪滿係醋飯上面，中間加左少少wasabi去中和海膽嘅甜味同膩度。不過20幾片嘅海膽帶來嘅甜味真係太強，連牡丹蝦嘅甜味都被比下去😱😱所以小心食到你會覺得太膩🙈我少少貪心，將5-6片嘅海膽放開係個匙羹上面，再一啖將佢食晒落肚。赤海膽口感較硬身，甜味較濃烈，真係超感動啊食到最後，飲番碗魚湯清一清個口腔，減低番海膽的膩感先。和手做手卷好似都係第一次，比起平時吞拿魚的手卷當然更加重油份，真係一個滿足的Ending!噴左少許威士忌係蜜瓜上面，食落更加甜！…Read More

係中環番工最後既一星期，見到有間新開既餐廳。中午時間中環排隊都起麻10分鐘，終於入座啦。叉燒滑蛋飯一向都係我最愛既碟頭飯之一，呢度炒既蛋主打用美國丶胡北三個地方既蛋溝出黎既蛋漿，炒出黎既顏色的確幾靚。叉燒偏瘦唔係肥叉亦唔係燶叉，岩哂中環追求健康既上班族，不過我就都係愛好肥燶叉多D蛋炒得夠滑，不過蛋味唔算太香濃，牛油味亦都唔算太濃。不過我就幾鍾意佢個秘制豉油，煮過既甜豉油食落幾惹味，而且唔會太咸，用黎送叉蛋飯真係一流。雖然叉燒偏瘦，不過食落都香腍既，加上豉油同滑蛋去食都唔會覺得乾身。加埋杯凍飲50幾蚊，係中環黎講算OK啦…Read More

要數最愛既日式料理，你會揀咩？師父發板既壽司？熱辣辣既鐵板燒？定係香味都引死人既壽喜燒？好難得係香港搵到一間可以集齊以上咁多款我最愛既日式料理既餐廳，而且係高質既餐廳，每個部門都有專家打理，絕對係港島首推既日式餐廳之一。今次特別既一餐，又食壽司又食鐵板鐵，一次滿足哂兩個願望！左起芝麻醬配山芋，口感清爽帶芝麻香味。再配上右邊的芝麻豆腐配高湯，開左個胃口！之後再食埋個茄子配酸酸地啫喱，我個胃已經Ready for Sushi啦！先黎品嚐生蠔，大大隻勁肥美，邊個話冇「R」既季節食唔到好味既蠔架？蠔非常肥美，再係上面加上少許紫菜，口感同味道都好特別。之後黎個刺身頭盤先，分別有赤陸魚丶蒸龍蝦同梅子。最正既係個龍蝦煮得勁好，肉質彈牙唔會過老，味道鮮美，再配上個海膽醬，真係好味到暈啦！鮑魚，肉質煮到超腍，口感QQ的，真係好豪華呀呢餐！呢個係櫻花木煙燻過既大拖羅，拖羅肉質肥美不在話下啦，再加上煙燻過既味道令到口味更有層次，食落冇咁肥膩，真係好正！因為今次坐台，所以壽司一次過上左7件，但食因為食得快所以唔會影響味道！分別有白身魚丶鳥貝丶海膽牡丹蝦丶燒左口丶右口魚丶燒中拖羅同埋我最愛既海膽！最愛既就係牡丹蝦丶海膽同埋燒左口，正到喊！海膽滿滿的，流哂口水勁鮮甜呀痴左線！食完哂壽司，我就開始食鐵板燒啦！一開始就食個前菜先，就係象拔蚌炒雜菇啦。加左牛油去炒，香味噴到埋身呀！象拔蚌快炒過之後口感好爽脆，但係味道依然非常鮮味！配上牛油炒過既菇，正正！主角之一出場啦！就係九州鮑魚啦！勁大隻！重大隻過我隻手呀痴線！冇咩形容詞，只可以講既就係爽脆丶鮮美丶正！因為新鮮所以唔洗點調味同埋蘸醬，本身鮑魚既鮮味同海水味已經好滿足！再黎既就係炸金鯛，係鐵板上面炸野真係好特別！魚皮炸得勁香脆，下面伴上海膽奶油醬，味道濃郁，魚肉又香滑，好鮮食到唔夠喉，忍唔住叫多份和牛食！呢塊係近江和牛，肉質勁令丶勁厚！聽到充滿油脂既肉係鐵板上面煎既聲音，真係一種享受！和牛煎完之後唔會太肥，岩岩好。入口勁Juicy，陣陣和牛既油香味衝上個腦到，滿足到傻食完最後，加多個炒飯就岩岩好！炒得好令，飯粒顆顆分明，加上用日本雞蛋去炒，雞香味更濃。勁肥美既蜆用黎煮湯，味道真係鮮美到不得了。用其他餐廳用味精去沖既蜆湯真係冇得比！一路飲湯，一路食個炒雜菜清清個口先！最後當然少不免食多個甜品啦。焦糖牛油多士，真係邪惡到呢將日本糖撒上面既過程，真係望到好開心。金黃既顏色勁吸引！味道當然好好食啦！加多個夕張蜜瓜，完美既一餐！…Read More

講起食雞(唔係打機個隻食雞WO！)，雞煲真係完勝炸雞或者其他煮法，特別係一班人gathering特別方便。講真句，一班麻甩佬食飯，有咩好得過打邊爐或者食雞煲呢。作為一個芝士控，一早就睇中左米走雞個芝士雞煲。又有芝士又有雞煲，一次過滿足我兩個願望，冇得頂呀喂！魚皮同響鈴一向都係打邊爐必備既，魚皮大大片脆卜卜，加埋芝士食真係幾過份XD 響鈴更加正，比芝士煮到小小腍就食得，索哂D芝士味好正！雞煲一上台已經好吸引，因為叫左激量既芝士，所以芝士完整地鋪滿左成個表面。之後要既就係等待，等D芝士溶同煮滾D雞就食得！等左5分鐘左右，D芝士已經溶哂，雞都Ready啦！一夾起舊雞，D芝士就痴住哂雞既表面，芝士帶有少少酸，香味十足，包住一舊舊雞，真係好正！雞肉好嫩，因為有芝士所以唔會好似平時雞煲咁油膩，感覺上食得更加爽！食完哂D雞之後就叫人加左個芝士湯底，正式打邊爐囉！羊肉幾令，唔會太肥而且肉既顏色幾令，唔會太黑太暗，証明都幾新鮮打邊爐點可以冇丸呢？味道都唔錯，又好食價錢唔貴，抵玩！…Read More

半年冇入元朗食壽司之神，重溫古地，去嘗試下春夏季既菜式先！先品嚐個沖繩苦瓜沙律先，上面加左木魚再淋上酸汁，酸酸苦苦，味道清爽開左個胃啦！Omakase最開心就係望住師父係度準備既過程，令人期待！呢個白飯魚配薑蓉酸汁，可以食到白飯魚好清爽既味道，口感脆脆地，好有質感。味道甜甜地，幾特別！昆布醃真鯛都幾有驚喜。經過一晚既熟成，昆布既味道滲哂入去鯛魚入面，味道濃厚而令到魚肉更加軟身，配上酸汁好開胃！平政魚，被認為是最高級壽司食材中的前三名，油脂感好重，魚身軟身，食落口感有少少似白豚玉，但魚油感重好多燒銀鱈魚絕對係我春季壽司既最愛之一，燒完之後魚油滲哂出黎，再加上芝士去炩，味道真係又香又濃，好正春子鯛味道清爽，柚子既香氣令到魚味更加清爽，岩岩好平衡番上一道銀鱈味既味道，果然有心機！好肥既油甘魚，魚油既味道超重，食落去好香既魚油同魚肉既味道。而且魚肉腍身，真係有種入口即化既感覺。牙帶魚燒完之後魚油好勁，配上明荷同埋赤醋飯，平衡左個口感新鮮既鯖魚其實好好食，入口之後就感受到整個口既魚油香沐，當造的時間我覺得比拖羅更好食！邪惡到爆的燒拖羅卷，好食到唔洗講，睇圖啦最後再加上一個超多料既北海道赤海膽手卷，以海膽清甜的味道作為晚餐的總結，完滿…Read More

香港鮨店愈開愈多，但要數有質素又性價比高的話，銅鑼灣呢間新開既道鮨我應該暫時可以封入三甲之內。原因？價錢係鮨店黎講算中等，但質素丶服務同款式都係用心之作。先黎一道魚肉炸豆腐，配上昆布汁，食落清新。沙律係牛油果配蕃茄，食落感覺舒服，為之後的晚餐開左個胃！食Omakase最鍾意就係望住師傅將食材慢慢變成口中的佳餚呢度叫「愛如女」，第一次食，師傅已經落左豉油同埋Wasabi去調味，連皮燒過為魚肉帶來一陣香味。因為係頭一道魚料理，所以食落唔會太肥，肉質偏腍但有D咬勁，幾得意。之後就係我最愛之一既赤貝。呢個赤貝三吃，師傅分別將赤貝切條狀同網狀，前者口勁爽脆而後者勁有咬勁。加上將赤貝群邊做成卷壽司，滿足我唔同既口感。汁煮八爪魚，食到八爪魚自身的海水咸味，好有咬口。愈食愈食到海水的咸味，心思思要叫埋清酒送下先得我覺得成個晚宴中最有驚喜的菜式之一就係呢道牡丹蝦三吃，北海道牡丹蝦肉質鮮甜，將蝦肉包住蝦膏去食簡直就係無上滋味的享受。鮮甜既蝦肉同濃郁的蝦膏，真係好食到唔捨得吞。蝦頭囉左去炸，香脆的蝦頭之中重有少許的蝦膏味，好正！再加上蝦卯清爽的甜味，好值得回味的一道佳餚！昆布汁煮鮑魚，鮑魚煮得非常之腍，肉質鮮甜。配上濃郁的鮑魚肝係一種享受，再加上山椒葉的壽司飯又係另一種味道的變化。大佬呀，食個鮑魚都三種變化，我個味蕾真係滿足到頂唔順啦開始食壽司啦！第一道就係季節上必食的真鯛。肉質結實又鮮甜，魚味非常濃郁！師傅又準備緊第二道壽司將昆布放係左口魚上面，同時感受到昆布的香味同埋左口魚清爽的魚肉。我覺得昆布味道偏重左少少，有D搶去左口魚的魚肉味。將山椒葉放入兩塊墨魚之中，先感受到新鮮墨魚的彈牙口感，再感受到青檸岩鹽同埋山椒葉較濃的味道，先爽後濃，夠特別！蝦呀！我最鍾意食蝦架啦！車海老大大隻，肉質勁鮮甜，煮得岩岩好唔會太老。另外將蝦腦另外上碟，蝦腦勁甜，正爆！師傅手藝好，將松葉蟹的蟹肉握成壽司，可以唔用紫菜去食就更加感受到蟹肉的鮮甜味，同埋可以更享受到濃濃的蟹香味！高明加高手食完一輪壽司，再試下個生蠔先。加左蘿蔔蓉丶酸啫喱令口感更清爽。生蠔鮮甜味爆出黎，蠔味超濃。雖然唔係好Creamy個種生蠔，但蠔身好脆好飽滿~正！燒新鮮既鰻魚真係唔係個個都忍到唔流口水！燒得香脆既鰻魚皮真係送清酒一流既配搭，加上夏天開始係鰻魚的季節，鰻魚開始肥美，真係愈食愈過癮！高質燒鰻魚！食完鰻魚之後再食燒左口魚，超肥既燒左口魚一直係我既大愛，呢個真係好食到唔洗再介紹第一次食既青柳貝，肉質比較腍身，但係味道比赤貝的更加鮮甜，味道清新又甜，岩岩好可以成為兩道油脂感菜式之間的平衡呢度燒海鰻真心係不得了，海鰻超肥超厚身，用黎包住醋飯去食真係有邊個可以頂得順呀。一入口就感受到滿滿的海鰻香甜味，肉質彈牙又有膠質，真係好食到不得了。醋飯同佢合而為一，呢個壽司真心係不得了。拖羅配拖羅蓉=邪惡海膽手卷，多到滿瀉，邪惡度1000000分！食到最後，要加番個自家制的木魚湯先叫完美！新鮮刨出黎既木魚勁香，做黎煮出黎既木魚湯真係好飲到不得了，香濃又舒服，真係好滿足呀！最後加多個雪糕，為呢個完美的晚餐劃上一個句號！…Read More

之前食過和牛燒肉純一次，對於冇假期去日本既我黎講，可以係香港食到高質的和牛真係好吸引。呢排思鄉病發作，唯有再黎食和牛啦一開始整番個清新既沙律先，凍豆腐配麵包脆粒同蕃茄等等，味道幾清新，開左個胃準備食肥肥既和牛啦和牛配豬腩肉，正正子特選和牛同埋牛肩肉，真係望到都流口水，未燒都餓啦！一開始就整番件最肥既精選和牛先！和肉最正就係一路燒一路聞住D油香味，真係愈燒愈肚餓精選和牛比較肥肥，如果真係唔想太肥既可以選擇牛肩肉。肉質都好腍，但脂肪感冇咁重雖然呢度主打食牛，但係豬肉既貿素都唔錯。個五花肉燒2分鐘左右食得，好香！和牛最正既食法就係點少少鹽丶檸檬汁同埋燒肉汁，再配上白飯去食。和牛既香味配上白飯減低油膩感，完美既組合！話時話，幾時可以再去日本食和牛呢？好掛住日本立食和牛呀！…Read More

西環而家愈開愈多食肆，食為一個為食的人，最開心就係見到屋企附近有好多唔同既餐廳選擇。呢間日本料理新開冇耐，襯住呢排得閒食晏就去試試。一坐低就當然叫番兩串串燒食下先，燒豆腐用左硬豆腐，食落豆腐香味幾濃。配上大量木魚碎，香氣吸引。呢度竟然有好少食到既雞頸肉，當然要試下啦。雞頸肉好嫩滑，啖啖都係嫩肉，好爽呢個海鮮丼飯，勁足料！牡丹蝦最正，大大隻又甜又新鮮。所有魚料都真心好新鮮，呢一點已經可以解釋到呢個丼飯係真心好食！叫個師傅發板既壽司拼盤，白身魚丶魚油重的吞拿丶蛋壽司樣樣都齊全，唔錯唔錯香港主要食到既都係關西的生燒鰻魚，比較少食到關東既醬汁燒鰻魚。可能因為咁，香港廚師對關西式既燒鰻魚都比較有技巧。叫左份蒲燒鰻魚(148)，有D驚喜！有別於平時鰻魚切件都係大大份，呢度切得比較細件，原因係咩？一食就知道！呢度的鰻魚肉質都好結實又彈牙，如果切得大件的話反而會比較難咬。但係切得細細份，反而可以感受到佢彈牙的口感同埋魚肉的味道。醬汁唔會太濃或者太結，呢個鰻魚真心係唔錯。…Read More

要數香港最吸引既甜品，我諗ATUM既油畫甜品都可能係近年數一數二既作品之一。今次好難得可以去試下呢個藝術品，對於我呢個對藝術天份近乎0既人黎講，都真係一個特別既體驗。係食野前先飲番杯果汁先，呢個果汁可以品嚐到好原味既士多啤梨汁，飲落唔會太甜，但果香幾濃，清甜！終於開始畫幅畫啦，揀左白色紙做底之後，廚師就係「畫紙」上面用各種果漿同朱古力去繪畫，真係好彩我冇出手畫埋一份，否則就破壞左幅令畫！配料有可可脆脆丶朱古力布丁丶抹茶麻糬丶桔果凍丶焦糖脆脆同埋好特別既Wasabi蛋白！樣樣都好神奇，我就最鍾意個焦糖脆脆之後就開始用分子料理既方式去整個雪糕！用左液態氮去即左兩款雪糕出黎(紅酒同埋竹炭雪糕)，味道甜甜地唔會太死甜，最特別係個口感重係凍凍脆脆咁，好似冰既口感的雪糕，好清新又特別！廚師一路煮時一路好好笑容咁同人傾計，呢種好似Omakase既甜品我真係第一次試，好開心又舒服既感覺！真心想玩埋一份~好得意係個甜品上面最後加上自家制既龍鬚糖，口感冇平時傳統個種痴口既感覺！一個咁令既作品真係唔捨得去食去破壞佢，不過對食物最大的尊敬就係食左佢加埋杯咖啡，真係一個好Chill好完滿既周末…Read More

係香港愈開愈多唔同既鮨店，但係我心目中一直想試而未有機會試到既，首推就必定係鮨文。係元朗紮根既鮨文終於黎到紅磡開分店。近我咁多，當然要約埋一班好友去豪番晚啦！食物未到，清酒先黎！叫左冬季限定的清酒，一年都係得一段限定時間可以飲到。飲落口味清爽，唔會有平時清酒個種辛辣味，反而口味順口，岩大家既口味！頭盤先黎個蟹肉金箔蒸蛋，用高湯去煮味道已經夠鮮甜，入面重要加上原粒既元貝，味道更加鮮味。蟹肉份量唔少下，每口都係鮮與甜！再黎既係塩辛，將烏賊既肝去醃上兩日，口味超重，最岩用黎配上幾杯酒，真不愧為我最愛的酒盜之一！來自日本佐賀的真蠔，每隻都勁飽滿漲卜卜，勁Juicy。配上柚子汁既清香同埋辣蘿蔔蓉少許辣味，完全唔會食到有任何腥味，反而可以好感受到蠔既鮮甜味同埋滑身的口感又到左我每次飲酒必點既鮟鱇魚肝啦！係香港要食到高質既鮟鱇魚肝真係唔係咁易！呢度既鮟鱇魚肝係自家蒸，確保質素既穩定。加上清酒去蒸，一點點的腥味都唔會食得出，反而可以感受到魚肝個隻濃厚的味道同埋Creamy的口感，真係可以感受到師傅對質素既要求唔講你真係唔會估到佢係咩，佢竟然會係鰻魚既BB！燈光照之下重可以見到鰻魚隻眼睛。加上日式酸汁，食落好爽口。少少酸，鰻魚BB既口感勁滑，馬上開左胃！魚子醬！魚子醬！係魚子醬阿！食日本野竟然見到魚子醬，真係驚喜！見師傅將魚子醬堆係岩岩煮好的白子上面，真係口水都流埋！白子即係魚既精巢，日本人視之為補身既美食，最常見既就係鱈魚白子。白子食落勁creamy又香，口味濃厚，比起鱇魚肝個種濃厚的口味真係不相伯仲！加上魚子醬既鮮味，我要暈啦呢道吞拿魚真心不得了。係將吞拿魚BB囉去煙燻，油脂咇哂出黎一拎起蓋，個陣香味真係不得了呀喂！蒸鮑魚！我D口水呀蒸好的鮑魚再去配上鮑魚肝醬！人間美味鮑魚蒸完好腍，鮑魚肝醬又濃，好正呀！食左咁耐，係時候食下壽司了。因為食左咁多前菜，第一道既石鲷就已經比較油同重口味！岩哂我針魚係日本冬季必食的魚類之一，當造呀麻！食落都幾清爽，唔錯！象拔蚌仔真係我既大愛，因為我勁鍾意係貝類的鮮甜味道！新鮮，自然有咬勁爽口又鮮甜！冇咩更好的形容詞了三文魚子壽司食左咁多年咁多次，我真心覺得呢度既三文魚子壽司可能係香港最好食的版本！首先佢個紫菜夠脆身，食落冇渣，呢個係軍艦既基本，但香港都唔係每個地方都做到！三文魚子粒粒都漲卜卜好大粒，夠新鮮，咬落口卜卜聲，脆身的口感配上醬油配上醬油醃過的味道，真係好滿足！最誇張既係呢個三文魚軍艦要多兩隻手去食，否則滿到瀉既魚子會趺哂出黎，真係正到痴線呀！上到台都重勁生尷既海老，真係唔食你都對你唔住呀！蝦頭囉左去炸，脆卜卜可以成個蝦頭咁食！新鮮既蝦肉好鮮甜，爽口得黎有少少蝦肉的黏口，好正秋冬之時正是沙甸魚最肥美的時，師傅用火槍去燒D沙甸魚，魚油既香味真係隔住張台都聞到D香味呀！真心冇講大，入口即溶，沙甸魚豐富既油脂入口即刻化到成口都係，好正！So far香港食過幾次沙甸魚壽司，呢次最正！吞拿魚BB面頰！係香港第二次食，呢個部位真係成條咁大既吞拿魚得個手掌咁多既份量，重少過大拖羅！因為呢位部位成日郁，所以入口除左嫩滑之外，口感都好特別！好滿足真心。伊達卷日本傳統過年既便當之中會有既菜式，由魚漿同雞蛋做成，好似蛋捲既形狀象徵住一家團圓，係日本年節不可或缺既菜餚。食落口甜甜地，口感好充實，好似蛋糕咁，有好香蛋味！海膽控 必食嘅牡丹蝦海膽杯兩款馬糞海膽將壽司飯蓋住哂，起碼超過15片嘅海膽真係成座小山丘咁。再加埋大大隻海老刺身係上面，真係引死人咩左邊嘅馬糞海膽口感比較軟身，食落口好又滑身又甜，入口即溶👅💦右邊嘅係赤馬糞海膽，口感比較結實，食落味道濃厚D！ 個人偏好赤海膽，將佢一片片咁夾起再用黎送清酒🍶真係fit到爆😋😋或者將幾片海膽一次過咁放入口，個種衝擊力真係，冇得頂啊‼️最後，勁甜既蜜瓜上面噴上少許威士忌，令到蜜瓜除左甜之外加添少許酒香，好特別既一個結尾…Read More

12月擺到明係男人洗錢既旺季之一啦。如果比我揀，我竟然去食日本野，好過12月去食西餐比人搶錢係日本最鍾意就係去居酒屋，咩都有得食，加埋兩杯，真係好Chill好想去日本！而家想食日本野又好，唔知食咩都好，去登龍街就點都有間岩食既，真係方便。軟殼蟹沙律呢樣野真係永遠都冇得輸。新鮮炸出黎既軟殼蟹永遠都好Juicy又香脆，味道唔錯，配上流心蛋既蛋黃流出黎，味道濃厚得黎幾清爽~夠特別！呢條魚叫做「魴鮄」，真係第一次聽第一次食。口感都幾脆身，味道唔算好濃或者好肥既魚種，配上酸汁去食幾開胃。百幾蚊咁大盤，抵食wo！好鮮既加拿大海膽。大大片，肥妹唔鍾意食，所以比埋我食哂佢！兩年前食完人生第一次既甲羅燒之後，我真係差唔多每次見到Menu有得食既都會叫黎食！份量超多既蟹肉蟹膏，味道好濃幾鮮，將佢抹係麵包上面，味道既Balance做得唔錯！食食下，又係時候諗下幾時去日本啦！份量好多既燒牛肉粒，用左日本和牛去燒，真係味道都唔同D燒完之後和牛唔會太肥，幾香口。燒牛肉粒，最適合既就係配啤酒。一口肉一路酒真係麻甩得黎又好爽！…Read More

平安夜最怕出去食D又唔好食又貴既餐廳，今次揀左係旺角食間高質小店。係旺角食到間值得encore嘅餐廳的確唔容易，估唔到一間小店竟然有廿幾年經驗嘅酒店大廚坐鎮，質素絕非普通小店可比日式咖喱漢堡蛋包飯🍚($98)每日限量20客嘅手打👊🐮安格斯牛肉漢堡勁大份，食落口好豐富勁滿足，漢堡入面都幾Juicy下，Size連我都覺得夠哂大蛋包飯最重要就係蛋滑又夠香，採用🥚美國靚雞蛋做出黎嘅蛋絕對香夾滑望上面張相你就明哂啦加埋大量蔬菜燉煮嘅日式咖哩汁，味道甜得來有咖哩嘅香味，真係送飯一流唔夠喉既我再加多個沙律同埋餐湯。沙律新鮮，用緊酒店既貨源，質素有保証。餐湯就飲左粟米忌廉湯，好甜又順口，味道真心唔錯。餐廳平均都係幾十蚊就食到好味嘅蛋包飯，值得推介…Read More

半年前黎食過一次私房菜，當時念念不忘佢隻大肉蟹。半年冇食，一於番黎食多次先！前菜先黎個香芒沙律大蝦球。雖然唔係夏季，但係芒果都幾甜。蝦球炸得唔錯，唔會太油膩，食落幾清爽又好味。白胡椒大肉蟹上次試過薑蔥炒，今次就試下白胡椒係咩風味先！同上次一樣，肉蟹大大隻而且好惹味，用白胡椒炒既風味十足，蟹肉既肉質又令，鮮甜。食完之後忍唔住要黏光手指頭既汁先夠喉。蒜蓉粉絲蒸蟶子王一人一隻既蟶子真係食極都唔夠喉！好鮮甜超正！夠新鮮所以肉質好爽身，加上蒜蓉好惹味當然啦，放係度墊底既粉絲索哂味，一定要食哂！生煎東星班成世人真係第一次食東星斑食用煎既方式去煮。效果相當唔錯，煎完之後唔會覺得好油膩，而且條斑夠新鮮，材料已經WIN左9成。不鮮不吃，呢個原則堅持到！唔錯！白胡椒爆炒南非鮑魚鮑肉用香胡椒去煮真係聽都未聽過。冇咩好講，鮑魚又係新鮮貨，加上惹味既白胡椒，又香辣又肉質甜美，滿足！上湯浸時菜食左咁多濃味野，整番個菜消一消膩先！江南百花雞雞加埋蝦膠，兩種既鮮味溝埋一齊就當然正啦！最重要既係雞皮既油份滲入左蝦膠入面，味道真係不得不讚。招牌御膳炒飯炒飯最鍾意係要炒得顆粒分明，呢一點做得好！紅豆椰汁糕一個完美晚餐當然要食埋個甜品先滿足！食完之後，Fit哂！…Read More

入秋既時候，正是蟹的當造季節。毛蟹丶鱈場蟹丶松葉蟹，全部都係我呢個秋天的目標。可幸的是，最近工作順利，可以有少少閒錢去食餐蟹，一於同去食下先！一就唔食，一食就要食最好，呢個就係我格言！成日去到日本餐廳，都會對佢地個前菜失望，因為賣相好而味道欠佳。但勁真心，我第一次食一間餐廳既前菜已經令我滿意到不得了。右下，山芋蓉配蟹肉海膽，磨得好溶既山芋，食落係真正既拉絲，酸酸地，好開胃。配上蟹肉既甜，正！左面，蕃茄仔入面加芝士再烤，芝士好香濃，係口腔爆發！滿足！右上，蒸冬瓜配蟹肉絲，簡單的味道，但好舒服！鱈場蟹壽司，冇特別，真係冇特別，非常冇特別！唯一既特別就係勁鮮美！超鮮美！非常甜同新鮮同勁好食！真係冇特別呢只不過係好食到我想Encore咁解之麻hahaSay Hi to my Crab!!!!!呢個毛蟹配刺身五款真係不得了！所有刺身都係厚切，加上冰浸過既毛蟹起哂冰花，味道非常都好鮮甜同新鮮！好滿意茶壺蒸食得多，但係將蟹肉既甜味同精華發揮得咁好既真係第一次。食落每口都好甜，加上白果既香氣，為蛋香同蟹味味加添第3種味道！極上海鮮就係蒸蜆，再係上面加上蟹肉再打個汁，蜆本身已經勁鮮甜，加上蟹肉既甜味，我真係飛左上天咁等左好耐既燒蟹腳終於黎啦，呢隻係鱈場蟹腳黎！下面烤，上面再用火槍燒，加添香氣同上色。你可以見到燒得勁令，蟹肉一梳梳，食落唔會乾爭爭，而係七成熟重有蟹肉汁係入面！真係不得了蟹腳，燒到7成燒勁Juicy，好甜呀救命！蟹甲羅味噌燒一向都係我最愛，呢度既甲羅燒都係唔會燒到乾爭爭，口感勁香滑！真係痴左線，每一款菜式都咁甜咁香蟹味，呢道甲羅燒重要加埋味噌既香味，真係囉我命！蒸毛蟹，最簡單最直接去感受毛蟹既鮮甜！一梳梳肉既毛蟹，加上薑汁去配搭不單止可以驅蟹，重可以令到甜美既蟹肉味道更豐富，最後，整埋最後一款蟹 - 松葉蟹既釜飯先！入面除了勁多蟹肉外，重加左松茸，令到香氣更加濃厚。煮完之後焗一焗，重有少少飯焦口感添！係食之前，加少少三文魚子上去真係豐富到有D過份！最後食埋個紅豆配綠茶蛋糕，真心既滿足！大滿足！…Read More