K.Monsters的个人专页

行完山到西貢食個下午茶，我order 左 「果醬9宮格多士」 + 「真紅豆冰」。其實果醬係咩味！？我唔係太清楚，所以每食一格都估係咩味，當中最令人驚喜嘅係木瓜味，因為同平時食開嘅莓味醬比較特別，係少有嘅味道！另外有兩格味差不多，唔知係我地食唔出定係有相同。整體「果醬9宮格多士」係好食每種味都唔太甜，各有特式，值得一試！我地最鍾意係橙味。至於「真紅豆冰」就係將紅豆打成沙冰，底下有粒粒紅豆，所以成杯都係紅豆，名副其實係「真」紅豆冰飲管係紙製的，但好結實…查看更多

一向少黎土瓜灣，因為朋友住附近，今次聚會就試下新嘢，搵到間潮州打冷。7pm左右去到已經幾多街坊食緊，咁多人幫襯應該唔錯。一坐低最吸晴就係個menu，用竹做幾特別，睇落都幾新，整體定價好親民。我哋鍾意食海鮮同惹味嘅嘢，叫左香茅蝦，火焰燒春雞, 招牌豬紅韮菜， 砂鍋鹽焗蟹。香茅蝦中size，炸得幾脆可以連皮食，香茅味唔太重都幾惹味，開胃菜合格。招牌豬紅韮菜比想像中大份好多，好入味，我鍾意，果然係招牌啊。砂鍋鹽焗蟹細細隻，但入口有驚喜，因為幾多肉同埋好鮮味！味道似牛油蟹多過砂鍋鹽蟹，不過都好味道最後燒春雞又係食入口就勁多肉，折肉時幾多肉汁，98蚊好抵。…查看更多

對於有啲人黎講，無肉食會覺得唔飽，食完無滿足嘅感覺。不過對於我黎講，一餐半餐素食，清清地係接受到嘅，而且食完成個套餐，我想講份量好足，夠哂飽肚，款式算多元化，推介家庭樂或帶外國朋友來試。父親節一行五人，午市order左個4人套餐，套餐亦可因應客人需要加份量，例如炸物、「福袋」加錢加多個。野食出餐算幾快，一黎兩個前菜同湯，其中一個前菜就比較重口味，我諗大家睇相會估到係邊道菜式，幾多胡麻醬下如果醬係另外上應該會好啲！接住嘅菜式，個人都幾鍾意食，豆腐好滑！荀炒得爽甜，「福袋」裡面好多料，好好味之後掛住食，所以無影到炸物、炒飯同埋生果，炸物我都幾中意，外面係腐皮油炸，內面又係好多一絲絲嘅材料，其實感覺係「福袋」嘅炸版；炒飯粒粒分明，又係好足料，主要有好香嘅菇同松子；至於生果呢，可以俾多啲就好嗱，我覺得起碼每人最少可以食到4份生果。最後埋單，拎飛可以免費泊停車場！PS. 每人設有最低消費，午餐$120，下午茶$50，晚餐$150，基本上order套餐就過（午餐）！…查看更多

上星期去深水埗尋寶買布，行到攰攰地就黎左呢間甜品店歇一歇。老實說光看裝潢感受有心思，配上暗黃嘅燈光，帶點Vintage&懷舊味，播嘅歌曲都係岩我呢d老餅 。Menu裡嘅手繪插畫，亦好有森林少女系feel。好！唔講咁多！先黎order個玫瑰梳乎厘伴雪糕，聽說玫瑰可緩和情緒，消除疲勞，岩哂我！係等侯嘅時間，店員超好人送我一杯花茶嘆嘆，可能因為平日而且非繁忙時段啦 發達！唔知點解起初會以為雪糕係玫瑰味，原來係草莓味，誤會哂 由此我覺得個梳乎厘好特別，甜味適中鬆軟飽滿，好香嘅蛋白味加上微微的玫瑰香！因為玫瑰味淡淡嘅關係，建議不要order濃味甜品(例如對面那個朱古力心太軟)，唔係就會蓋左呢個咁獨特嘅玫瑰梳乎厘啦！最後，坐坐下就一個鐘喇，so relax …查看更多

慶祝朋友生日，帶他來到旺角彌敦道726號全新銀座式大廈，是該區罕有的全層高檔樓上食肆。踏出Lift門，可見開放式廚房及酒吧，壁畫美化顯格調，而最吸睛的莫過於近落地玻璃的座位，將旺角的繁華鬧市景色盡收眼簾。入夜的景緻更是燦爛迷人，居高臨下的旺角街景，令人忘卻都市煩憂，絕對是一種生活享受！食材方面優質又新鮮，廚師烹調有水準。今次我會主力推介前菜，因為實在太滿意，太滿足了吧！賣相精緻，味道更令人驚喜，泡沫微辣，絕對是難以抗拒的高檔滋味！藍青口肉質好滑嫩，啖啖白酒香味，味道非常好，亦令人再三回味！絕對是一件藝術品，吞拿魚微微煎香成半生狀態，配上色彩繽紛的粒粒(芒果、蕃茄、洋蔥等)好清新，底層本以為是麵包，睇真d，形狀和顏色都像小米，原來這是couscous，是摩洛哥地區的主食，十分健康的！麵包表面呈金黃色，既濃郁又足料，柔軟滲出甜味的洋蔥，讓人沉醉於浪漫國度，即刻好想去旅行！虎蝦彈牙清爽，意粉內軟外韌，每條都鎖上鮮味的汁，yummy！奶凍質感香滑，Baileys酒香氣撲鼻，味道微苦中帶甜。整體而言，環境、食材、服務、及大師級烹調，價錢算合理的！…查看更多

同事Last Day，收工齊齊落老尖搵食，阿姐話打邊爐Farewell最好不過喎，咁緊係由得佢發板啦！一黎到阿姐即叫蕃茄蝴蝶腩湯底(做緊推介)，睇黎阿姐好似係常客！隨後侍應拎個鍋黎，上菜好快手！先黎個前菜-涼拌木耳 醒醒胃，食完前菜，煲湯就滾啦！餸菜都陸續黎到，OK！準備開餐啦！火鍋食材方面堅係同坊間既有D唔同，唔同在 喜喜 喜歡加點創新，釀D配料入食物到。例如招牌「老友鬼鬼」係不容錯過！因為油炸鬼釀入彈牙的蝦膠，口感層次豐富！能夠索滿湯汁，非常美味！老實講，(大鄉里)第一次打邊爐落油炸鬼，個人認為好食過響鈴！另外，有樣野令我好疑或，就係山根釀左配料又點樣保持脹卜卜呢？BTW係好食既，心想同師父講聲：你好野，咁都比你做到！ 而呢個金茹肥牛卷加入泡菜，聽落幾有新鮮感，卷得好實又唔會散收收，但食落唔係好覺有泡菜 食食下覺得冷氣好似唔係好夠，之後叫左渣柚子蜜黎降溫，柚子香唔太甜，不過個人提議有枝攪攪棒比大家撈下，咁就可以食到沈底既柚子皮。最後，令人驚喜既絕對係自家製xo醬帶子餃，名副其實既皮薄餡靚，食落去成隻帶子係入面，好有中獎Feel！xo醬調味也出色！非常滿意！整體來講，食材新鮮創新，款式又多。手打丸好爽口；牛頸脊肥瘦適中，肉質鬆化；蠔肥美大滿足；栗米清甜我鍾意；仲有仲有，烏冬係急凍果隻，即幼滑又煙韌！讚！…查看更多

自從聽朋友講”喜來”爐邊既蛋好好味就一直想試下有幾好食，但每次經過尖咀見到人龍都怕怕無去排。之後得知荃灣開左新店，心諗一定唔洗等，所以即日Book枱，即晚就去食喇！新店關係，環境乾淨企理，枱與枱之間空間大。入座後店員馬上送上前菜，泡菜當然就唔少得啦，辣得黎有少少苦，唔係好岩我口味。隨後店員倒入蛋漿(萬分期待)，一邊係加左泡菜，一邊係純蛋，兩者都重蛋香，個人就比較喜歡加左泡菜果隻，因為味道層次升級。另外我們分別Order左招牌護心肉、五花腩同水冷麵。我想講燒肉係ok既，護心肉口感結實，幾特別！五花腩脂肪平均，肉味濃郁！但係個水冷麵就不知所謂，我未食過咁多碎冰既冷麵，不如改名叫冰冷麵好過啦！ 正宗既話碎冰非水製成的，唉……總之見到佢真係令人失望！…查看更多

放假同朋友到Patisserie Tong Wong 休閒tea一tea，食一件cake約$4x，堂食最低消費$50，所以叫個Cake Set 夠哂經濟抵食。Cake方面:Chocolate Truffle 朱古力香濃，裡面既Cream幾滑，脆片好好味，層次幾有趣。再食一口Green Tea Opera時就令綠茶苦澀起來，但整體口感豐富，朱古力無前者咁膩。經過呢次我不會同時叫呢兩件Cake一齊食。Drink方面:凍朱古力奶質感幾”傑”，唔似平時飲既朱奶，雖然唔甜，但唔太習慣所以不太喜歡。Cappuccino咖啡同奶比例ok，味道唔苦，飲落幾舒服，泡沫既圖案唔肯定係咪想拉個心，樣子怪怪地，不過都唔太緊要既！相信係新屎坑既關係，店舖比較多人，旁邊會有人企係到等你果位，非常不自在！我想講呢到唔係快餐店囉！店員見到咁既情況既處理方法係……當你食完就即收回你的杯碟。嗯……所以我會建議店員應安排客人在店外等待，讓環境變到舒服些！朋友話條义可以細少少，好似岩feel而且會高級d！…查看更多

心血來潮想食生蠔，於是跟朋友情迷意亂之下入左山林呢間mini club把酒談心蠔蠔佢，估唔到咁有驚喜。整間酒吧的裝潢好開放式，自然風能吹入店舖，感覺輕鬆舒服！枱面擺放蠟燭製造情調，個人就認為燈光稍為暗左少少，在一片幽黑的環境之下，就難以看menu上的字，好在有shop manager 介紹，唔洗摸黑搵食！首先佢話Facebook打卡即有青口送，心諗送生蠔會吸引我地多d！哈哈…當然打一打卡就有著數又點可以走雞呢，你話係咪？青口味道清甜，一d都唔腥。我地order一支友人的”飛佛”白酒，送了6隻生蠔，分別係巴西生蠔（肉質明顯地肥美結實）及Fine de Claire（爽口海水味濃，好味道）充分享受到生蠔的鮮味！6隻對我地黎講太少唔夠喉，再叫多8隻Fine de Claire。另外，唔食生野既朋友都唔洗怕，因為呢到有提供熟食，例如pizza、牛柳粒、鴨胸肉、炸薯條等等埋單是驚喜的重點，原來做緊Happy Hour全單７折優惠，據說抵過旺角分店，堅係好抵！總結：環境優雅，服務員友善及新鮮優質的食物，絕對可以翻兜！…查看更多

經過新蒲崗見到呢間店，起初以為只係賣包包，睇真d原來係食沖繩菜。裝修環境乾淨，卡通公仔可愛又色彩繽紛，令人開懷。沖繩菜對我黎講好有新鮮感，因為未去過，而係旅遊節目中最有印象既沖繩野食就係低卡路里既海葡萄，眼見門口有個水箱養住好多海葡萄正呼叫我來！好喇...坐低睇menu喇。識食既，一定order定食套餐，可一次過品嘗各式食物，價錢又好合理！海葡萄沙拉- 終於知佢係咩料子啦，食落去清爽，散發海味既芳香，沙拉有少少wasabi味，不會刺激鼻子！壽喜燒清湯手延麵- 麵條好滑，清清地幾好味。水雲沙律醋 – 唔肯定水雲係咩，似粉絲、髮菜一絲絲，酸酸甜甜好清新開胃。苦瓜奄到- 表面似燒餅有少許紫菜沙拉醬，而苦瓜我覺得有少少硬同苦，內存蛋汁幾香，都ok既。紫芋年糕炸包 – 最吸引、最好食就係佢喇，外皮香脆一d都唔油，甜味適中，入面既年糕超軟超煙韌，不會燙口！飲品-玄米茶正正常常啦，個杯設計拎上手唔覺熱。甜品- 黑糖芝媽咪(花生豆腐)質地極奇特別，似年糕又非年糕，絕對唔似平時食既豆腐咁，友人食左一淡就無食，令到我食食下都覺得個口感有d嘔心停左手啦！怒我地唔識得欣賞！總括：不妨一試，份量ok，而且幾抵食！…查看更多

西京便當對我來說是高級版飯盒，要欣賞一陣子才捨得放進口裡，喜歡日食的絕對會被俘虜（即是我）。起初見份量可能不夠飽肚，但食到最後原來是大滿足！整盒最喜歡食的是煙肉卷，煙肉包著蝦膠內裡有紅、黃蘿蔔，層次分明；大蝦彈牙，大帶子有點硬身，玉子普通，燒上「森川」兩個字，仿佛現時人們都會給玉子一個名分！漬物方面爽口醒胃，個人認為比坊間的較為酸；講到酸度，飯上的紅梅子是極級酸，平日不抗拒酸的我也頂不住要吐出來！我覺得飯比較實，有待改善！雖然食物涼冰冰，但水份並沒有被全部抽乾，食物算新鮮而且好味。由落單開始計起，九龍灣送到新蒲崗需時15分鐘，價錢也算合理，如果自己整的話就要花時間及心機，何況難以每樣食材買少少，那不如下次再幫襯啦  …查看更多

每年諗母親節去邊度食飯都令我非常頭痛….今年母親大人又比一個大難題我!! 要冇味精, 又要自己煮唔到, 價錢又要經濟…真係諗到我頭痛!! 咁啱我上網見到火猴會做緊名門私房菜母親節套餐優惠, 見啲菜色都唔錯, 仲標明係唔用味精添…, 好決定訂枱店舖裝修都唔錯, 光線充足, 感覺乾淨舒服, 傾吓計坐耐啲都唔錯, 之後我先發現原來有獨立房間! 最後因為母親大人想食一啲經典巧手名菜, 所以我哋放棄咗鮑蔘翅肚 順德煎釀鯪魚母親大人最愛, 不停重覆話很久未品嚐過此菜色, 更說出比她小時候嘗過的更好味, 本人也第一次嘗此菜色, 鯪魚肉結實,非常足料又惹味! 值得推介刴椒魚頭刴椒煎釀豆腐本人幾鍾意食刴椒, 酸酸地不太辣 哈哈哈菜煲蝦乾大隻足料鮑汁生扣抽皮又一味功夫菜色, 正..完全沒有苦澀味!! 值得推介鮑汁扣鵝掌夠入味服務態度真係好好, 每樣食物都詳細介紹, 仲會吸取我們意見!下次有機會試埋其它功夫菜埋單平均每人$300, 價錢合理!!!…查看更多

其實本人不好酒精，但有位朋友話旺角火車站附近有一間酒吧有生蠔、芝士火鍋、海鮮拼盤、黑毛豬火腿等美食，服務質量也不錯，聽到後流口水就幾個朋友一齊跟佢去見識一下喇！到場感覺服務員親切，環境舒適，入座後服務員先放下小食及padpad，原來padpad係Menu，真高科技！(大鄉里)隨即他推介至Top系列， 只要Order任何支裝紅、白酒即送朋友之前所講的美食，樣樣都好吸引好想試，最後叫左１紅１白配８隻生蠔和黑毛豬火腿，再另叫海鮮拼盤。服務員亦好細心照顧我呢位０酒精既客人，特意調製一杯椰汁特飲，起初飲落以為加左爆炸糖，實質是碎冰的感覺姐，對我來講味道淡左D，唔夠椰香。上菜時服務員會講述生蠔來自那國家，由淡至咸順序排列，而我食了兩隻法國蠔，雖然不算太大隻，但新鮮爽口，海水味強烈，濃味帶少少咸。海鮮拼盤的蝦就最普通；藍青口味道鮮甜；翡翠螺肉爽有嚼勁；第一次食麵包蟹，膏味獨特，蟹肉散味淡；至於小龍蝦只有兩隻，手快有手慢無，我係食唔到，聽朋友話比自助餐好味十倍，都唔知係咪真既。哈哈…最讚係黑毛豬火腿油分平均，不咸不溜，絕非”city超級”試食的黑毛豬火腿所能比美，小多士好脆不硬，再配上加洲提子乾的甜味，層次升級，一試難忘！朋友話飲淡紅酒仲正，怒我唔識欣賞。總結：呢餐食得好滿足!推介！！…查看更多

一去到Ramen Champion就派一張膠卡...點餐時...出示此卡...離開前...用此卡結賬...去到都唔知揀邊間食好.....所以好膚淡咁睇咩料(menus),人流,間隔....(姐係表面功夫)後來揀左"北海道毘沙門零 Hokkaido Bishamon Zero"叫左碗札幌味噌特製拉麵及日式什錦燒風味的廣島餃子...服務員隨後比左個呼叫機我.....當部機呼叫時就可以上前取食物.....呢個方法之前去日本及韓國都見過....等大約10mins就叫醒我....第一時間試拉麵湯底...湯底濃厚...面層芽菜...粟米堆得高高的...蛋就太熟...有點失望麵條煙韌彈牙...叉燒肉質及厚度適中...整體過得去....至於餃子放了鰹魚花與特製醤汁好似係小丸子....幾好味!臨走就喝冰凍的玄米茶。…查看更多