瑰花甜戀愛甜品屋 (已結業)

上星期去深水埗尋寶買布，行到攰攰地就黎左呢間甜品店歇一歇。老實說光看裝潢感受有心思，配上暗黃嘅燈光，帶點Vintage&懷舊味，播嘅歌曲都係岩我呢d老餅 。Menu裡嘅手繪插畫，亦好有森林少女系feel。好！唔講咁多！先黎order個玫瑰梳乎厘伴雪糕，聽說玫瑰可緩和情緒，消除疲勞，岩哂我！係等侯嘅時間，店員超好人送我一杯花茶嘆嘆，可能因為平日而且非繁忙時段啦 發達！唔知點解起初會以為雪糕係玫瑰味，原來係草莓味，誤會哂 由此我覺得個梳乎厘好特別，甜味適中鬆軟飽滿，好香嘅蛋白味加上微微的玫瑰香！因為玫瑰味淡淡嘅關係，建議不要order濃味甜品(例如對面那個朱古力心太軟)，唔係就會蓋左呢個咁獨特嘅玫瑰梳乎厘啦！最後，坐坐下就一個鐘喇，so relax