Eat_everywhere09's Profile

位於上環世瑛大廈樓上，Linkzy Cafe 真係好低調,一出電梯就被全白+木系的清新設計吸引。暖燈、寬敞座位、靠窗高腳吧望到街景，氣氛舒服又適合影相，店員態度親切，入到去即刻覺得放鬆。今次食左以下幾樣:🥕甘荀湯＋🥖意式香法包湯底好濃郁，甘荀味好甜好香，完全唔似外邊淡嘅胡蘿蔔湯，配個熱辣辣香脆嘅香法包，一啖湯一啖包，已經好開胃！🥗✨田園沙律（香橙油醋汁）生菜超爽口，配上香橙油醋汁，清新又開胃。🍝🍚藏紅花忌廉汁牛面肉意大利飯 依個係今晚冠軍！藏紅花香氣好突出但唔搶味，忌廉汁濃而不膩，牛面肉超嫩又juicy，意大利飯煮得啱啱好，粒粒分明又入味，真係好好食！🍗🥔法式燒春雞配香草牛油薯仔燒春雞皮烤到金黃香脆，肉質嫩滑唔柴，香草牛油薯仔外脆內綿，好味！整體質素高、出品穩定，價錢親民，環境又舒服。絕對是上 環難得的優質小店!下班想食得輕鬆又滿足，強烈推介大家嚟依度食晚餐！…Read More

今日途經長沙灣，喺一個唔太起眼既位見到依間小店「極之拉麵」🫢，本來只是諗住試下，點知一試就愛上！湯底超好味🥣，拉麵彈牙🍜，食材新鮮，高度高到爆燈💥！強烈建議大家嚟支持呢間小店啦～🙌一入到去既感覺像去日本🇯🇵！四圍貼滿動漫海報🖼️、滿擺身材🎎，仲播住日文歌🎶，氣氛輕鬆😌。店員有禮🙇🏼‍♀️，座位雖然不多，但座得舒適🪑，絕對係放工後放鬆好地方🏮。今次試咗呢幾樣（兩碗麵+兩個小食）🍴：🍜 🦪終極之廣島牡蠣濃湯拉麵 $138 湯底用大量日本廣島牡蠣熬製而成，加上自家製日本廣島牡蠣醬，由大量廣島牡蠣熬煮，總製作約9小時，再結合日本複合醬油，鮮味層次超豐富，飲落超滿足。 (歡迎看圖5無言食評📸)配料：3粒廣島牡蠣🦪 + 溏心蛋🥚 + 醬漬牡蠣 + 3片慢煮叉燒🍖免費加配：迷你芝心漢堡 – 熱辣辣🔥、芝士拉絲🧀，咬落香口又滿足！ 😍（小提醒：湯底用真蠔熬煮，可能有少量碎殼，食時小心⚠️）🍜🌸極之真牡蠣櫻花醬油拉麵$99 同樣濃湯是自家製作，由大量日本廣島產牡蠣熬煮，總製作時間約9小時，屬於風味極濃，結合日本醬油及大量牡蠣熬煮出底湯，令湯底多一種層次複合感，最大限度提升湯的鮮香。這醬油湯底🍲，同樣用廣島牡蠣熬9小時，鮮突出香，帶少少櫻花蝦直接🍤，易入口👌。材料：溏心蛋🥚 +半殼醬漬鮑魚🦪 + 牡蠣 + 慢煮叉燒🍖免費加配：日本烤蟹柳 –烤得微脆🔥，蟹味香濃🦀，好正！ 👍（小提醒：湯底用真蠔熬煮，可能有少量碎殼，食時小心⚠️）🥟炸雞皮餃子 $28外脆內嫩，雞皮香口，味道正😋🍗唐揚炸雞 $29多汁入味，炸得剛剛好，超香口🔥湯底好好飲，一唔小心飲到見底🥣(圖5)，拉麵彈牙有嚼勁🍜，食材新鮮份量！ 依間小店值得支持，下次會再幫襯～👍…Read More

平日想搵間泊到車既地方食頓簡單午餐，華嫂冰室絕對係熱門之選。一到現場，就即刻感受到人氣爆棚的威力，好多人排隊等位。餐廳室內有冷氣的位子比較少，室外位反而好多，有風扇吹。至於能坐室內還是室外，完全看運氣，純粹考驗你今天的手氣如何。如果你想室內都可以，但要等位等更耐，建議食客們早點出門，或者可以避開午市高峰，否則要等好耐位。我們點了兩款招牌蕃茄湯通粉第一款「豬扒雞翼蕃茄湯通粉」湯底濃烈蕃茄味撲鼻而來，湯底比較濃，酸甜平衡得啱啱好，豬扒好大塊，外脆內嫩，雞翼咬落多肉，整碗通粉吸飽了湯汁，食落去暖呼呼又滿足，絕對是午餐想慰藉胃袋的首選。第二款「鮮嫩牛肉豬潤蕃茄湯通粉」牛肉片薄薄一層卻鮮嫩彈牙，豬潤Q彈有嚼勁，配上那同樣濃郁的蕃茄湯，層次豐富，食完好飽肚。如果你係蕃茄湯控，或單純想食個麵解饞，兩款都好好食，價格親民。每碗約$50-60，這裡絕對值得過嚟食。…Read More

旺角花園街嘅 甜悅 絕對係甜品控必去既打卡地方📸。環境舒適、甜品質素高，店員態度又加分，難怪吸引咁多人慕名而來。店內座位意外多，空間感十足，但假日人氣爆棚，要排隊等位，唔想等位既朋友就記得早啲到！今次試咗三款甜品，每款都各有特色🍓士多啤梨雪糕窩夫 (開心果味雪糕)窩夫外脆內軟，配上新鮮士多啤梨同藍莓，再加濃郁開心果雪糕，層次感好豐富！開心果雪糕帶點堅果鹹香，食落真係正到爆！🍌香蕉班戟班戟軟綿綿，香蕉天然甜味滲透每層薄餅，甜得嚟唔膩。無論係下午茶定宵夜，呢款都係必試之選，好好味！🥭原個鮮芒果楊枝甘露鮮奶麻糬芋圓用料真誠，足料一個鮮芒果，果肉甜美多汁，但雪得比較冰，鍾意食冰嘅朋友肯定會鍾意！配上楊枝甘露嘅清新奶香，仲有Q彈麻糬同軟糯芋圓，口感豐富。食落既涼爽又滿足，絕對係夏日嘅救星！無論係想同朋友分享，定還是一個人靜靜地享受甜品，依度都是不二之選。甜品控們，快啲約埋成班朋友一齊去食啦，食完保證心情都會好！…Read More

行開元朗，見到呢間「田中」日式料理，門面簡約但好有日本小店Feel，忍唔住入去試吓佢嘅魚生系列！一入到去，環境乾淨企理，坐得舒服，服務員態度親切，落單用code落又會推介特色菜。整體感覺好Chill，適合同朋友輕鬆食個飯。三文魚刺身 $85依碟三文魚刺身真係不得了！每片都係厚切大片，色澤橙紅鮮艷，脂肪紋理分佈得均勻，望落已經好吸引。入口啖啖都係嫩滑嘅口感，油脂香濃但唔膩，鮮甜味喺口腔爆發，簡直係三文魚控嘅天堂！份量夠多，食完好滿足，質素完全值回票價，強烈推薦！ 三文魚腩碎飯 $72（帶子、北寄貝、赤蝦、紫菜，配麵豉湯）：呢個飯可以揀多飯定少飯（我揀咗正常），飯底係壽司飯，酸酸甜甜好開胃。主角三文魚腩碎油脂豐富，入口即化，配上大大隻嘅帶子，爽口彈牙；北寄貝味道鮮美，略為脆口；赤蝦真係超大隻，肉質結實又鮮甜，咬落去滿口蝦香！紫菜好新鮮，點綴得好好，攞嚟包住啲飯同埋三文魚碎一流。仲有碗熱辣辣嘅麵豉湯，味道濃郁，飲落暖胃又解膩，成個組合完美！魚生飯 $98（三文魚、帶子、北寄貝、赤蝦、八爪魚）魚生飯同樣用壽司飯做底，酸甜味同魚生好夾。三文魚依然新鮮，切得厚實，入口軟滑鮮甜；赤蝦同樣超大隻，甜度爆燈；帶子同北寄貝表現穩定，鮮味十足；八爪魚普通，口感爽脆但味道相對中規中矩。整體嚟講，依碗魚生飯食材豐富，每款魚生都好有質素，份量夠多，食完好有滿足感！田中嘅魚生質素真係無得彈，特別係三文魚同帶子，淡淡肉！壽司飯同配搭嘅魚生都好有心思，份量足，價錢抵食，絕對係元朗日式料理嘅隱世好店！如果你係魚生迷，嚟元朗記得Mark低田中！…Read More

今日中午喺鴨脷洲大街閒逛，見到呢間「漁港艇仔粉」係香港仔區好似幾出名，就入去試下。依間餐廳既裝修好有漁村風情，牆上仲有舊相介紹鴨脷洲嘅漁港歷史，坐低食飯有種懷舊感覺，餐廳入面仲寫明「大地魚湯，不含味精」。午市人流算爆滿，好多人捧場，環境舒適，價錢親民。招牌艇仔魚湯飯 (紅腸、燒味、魚片、炸魚皮)湯飯用大地魚湯底，米飯吸飽咗湯汁，粒粒彈牙。餸料勁多，紅腸煙韌有咬口，燒味（燒鴨+叉燒）皮脆肉嫩，魚片厚身新鮮彈牙，仲有脆卜卜嘅炸魚皮浮喺上面。整體幾多餸，食到最後一啖都仲有料，夠滿足，食落唔覺得口渴。炸魚條一條依份小食，份量真係幾多！金黃酥脆，咬落去鬆化即碎，冇腥味仲帶淡淡魚香。食完完全頂肚，性價比高到爆燈。漁港艇仔粉唔只係艇仔粉專門店，係鴨脷洲嘅隱世午餐好去處！下次嚟香港仔，必食呢度，記住試下佢哋嘅大地魚湯底，保證上癮，強推畀愛艇仔粉嘅你！…Read More

最近同朋友去咗天后英皇道嘅「坐忘」，一間以日式咖喱飯聞名嘅人氣小店。要喺出面排隊，冇得拎飛，仲要人齊先入得座。餐廳環境有啲細，坐位略為擠迫，但整體乾淨企理，氣氛都幾熱鬧。野菜豬頸肉咖喱飯 ($78)咖喱醬汁濃郁香滑，帶點微辣同甜味，配上粒粒分明嘅飯。豬頸肉燒得軟嫩，油脂同瘦肉比例啱啱好。野菜包括紅蘿蔔、西蘭花同翠玉瓜，爽脆又健康，平衡咗咖喱嘅濃味。整體份量都幾夠，抵食！雜菇茄子牛肋咖喱飯 ($77)牛肋肉炆得幾好，肉質軟腍，吸收咗濃濃嘅咖喱汁，味道好豐富。雜菇同茄子嘅搭配有層次，菇類帶點咬口，茄子入味，咖喱嘅濃度同野菜豬頸肉款差不多，適合鍾意牛肉同菇類嘅朋友。豬軟骨七小時煮咖喱飯 ($75)招牌必試！豬軟骨慢煮七小時，軟腍到入口即溶，咖喱醬汁同樣濃郁，帶點甜味同微辣，配上野菜同飯，層次好好。相比其他兩款，依款嘅豬軟骨係MVP，食完令人「坐忘」咁回味無窮！店員態度還可，雖然忙碌但服務都幾有效率，會主動幫忙添茶同收拾枱面。由於餐廳比較細，坐位安排得密密咁，食飯時可能會覺得有啲逼，但整體而言都尚算唔錯。…Read More

平日夜晚去咗位於Airside嘅横濱家系町田商店食拉麵，第一次幫襯，總體感覺唔錯。横浜終極MAX拉麵（幼麵） - $118湯底係典型家系豚骨風味，濃郁得來略為偏少少咸，個人覺得味道還可。幼麵口感彈牙，配搭湯底算順口，但如果湯底可以淡返少少啲會更好。極上和牛野菜拉麵（黑椒風味） - $158和牛有得揀正常或全熟，我就揀咗正常，肉質軟嫩，入口鬆化，幾滿足！湯底黑椒味好突出，香濃得來唔會太油，仲有啲新鮮野菜增加口感層次，唔錯！餃子（3件） - $30餃子味道皮薄餡香，煎得外脆內軟，幾好食，但份量偏少，價錢略貴，性價比一般。餐廳環境舒適，燈光柔和，座位寬敞，坐得幾舒服，適合同朋友輕鬆聚餐。服務態度OK，店員反應尚算快。點餐同上菜速度都OK。價錢偏高，拉麵價錢（$118-$158）如果同市面上其他拉麵店比，略為偏貴，飲品偏貴，一罐罐裝飲品要$20，仲要加一服務費。整體黎講，係一間唔錯嘅拉麵店，係性價比差少少。…Read More

上個週末同朋友一齊去屯市食「佐賀燒肉谷」，第一次食，試吓佢哋嘅燒肉放題，估唔到咁有驚喜😳我哋夜晚9點先入座，原來8點半後入座有$40折扣優惠(level 1-3)已經即刻覺得幾抵食！原本我哋打算揀Level 1嘅套餐，但經理好熱情咁推介我哋試Level 2嘅美國和牛海鮮放題（每人$418-$40=$378）另收加一，仲特別提到煙燻壺漬封門柳係必試之選，話好新鮮又好味。見經理咁有誠意，我哋就決定試吓Level 2，結果真係冇失望！煙燻壺漬封門柳肉質好新鮮，店員仲幫我哋燒好，技術一流。咬落去完全唔韌，肉質鬆化，入口即溶，味道濃郁，我覺得絕對係今晚嘅MVP！美國和牛肩胛肉眼肉片切得好薄，好入味，燒完仲保留到肉汁，食落真是一個「嫩」字！新鮮度同質感都好有水準。牛舌 牛舌燒得啱啱好，爽脆又唔會太韌，簡單調味已經好夠味，係燒肉迷嘅必點之選。安格斯牛小排依款牛小排油花分佈均勻，燒完後外層微焦，內裡保持嫩滑，肉汁鎖得好實，每一口都充滿牛肉嘅濃香。雖然唔及和牛肩胛肉眼咁入口即化，但味道同口感都好有水準，值得一試！澳洲殼飼原塊牛板健牛板健切得厚實，肉質結實有咬口，燒到七成熟時，肉汁同牛肉嘅原味好突出，帶點嚼勁但唔會韌。調味簡單但好能突顯肉質嘅鮮甜，特別適合鍾意食厚切牛肉嘅朋友。另外，飲品同雪糕都係任食，飲品選擇多！雪糕可以加上唔同既配料，甜品控既我真係好滿足。服務方面真是一個大加分！經理同員工都好有禮，仲好貼心咁教我哋點樣燒肉會更好食，仲幫手燒，確保每件肉都燒得完美。環境方面，餐廳坐位寬敞，坐得舒服，通風又做得好，食完燒肉都唔會成身油煙味，呢點真是一個大讚！下次仲想再試吓其他款式，強烈推介俾鍾意燒肉嘅你！…Read More

最近喺元朗搵到一間隱世小店，食物質素唔錯又唔洗排長龍，今次試咗佢哋嘅炭燒豬頸肉肉燥飯（小鍋）同埋豬頸肉米線 (酸辣湯)真心唔錯！適合情侶，如果一個想食飯，另一個想食米線？依間小店幫到你啦！炭燒豬頸肉肉燥飯（小鍋）炭燒豬頸肉燒得香口，肉質嫩滑，帶有微微焦香，配上濃郁嘅肉燥，飯吸收晒肉燥汁，份量足夠，食完幾飽。小鍋端上嚟熱辣辣，幾滿足！豬頸肉米線（酸辣湯）湯底酸中帶好少辣，味道濃但又唔膩，飲一淡湯都幾開胃。米線爽滑，份量足夠，配埋豬頸肉，咬落有質感同湯底嘅酸辣味幾融合，唔錯！仲有啲小菜配料，增添層次感，成碗米線夠飽。呢間店環境舒適，最重要係唔洗等位，隨時走入去都可以即刻食到！炭燒豬頸肉肉燥飯同酸辣豬頸肉米線都各有特色，味道同質感都唔錯。元朗街坊或者路過嘅朋友，記得嚟試試！…Read More

某日夜晚同朋友去咗食元朗嘅譚仔三哥米線，趁著晚市有優惠，試下睇下有幾抵食！但估唔到晚市優惠真係幾抵食，又有雞翼，又包野飲！雞肉乍醬米線 (胡辣湯底)胡辣湯底帶點花椒嘅麻香，我覺得唔辣，飲啲湯落好過癮。雞肉份量ok，肉質嫩滑，配上乍醬，幾好食。由於係晚市套餐，所以仲有兩隻土匪雞翼，外皮香脆，肉汁鎖得好，微辣嘅調味好開胃，完美配搭米線！雞肉乍醬米線 (蕃茄湯底)蕃茄湯底濃郁，蕃茄味好突出，酸甜平衡。雞肉同乍醬嘅組合依然好食，米線吸晒湯底精華，每一口都好滿足。同樣配咗兩隻土匪雞翼，同胡辣湯底嗰款一樣咁好味，保持一貫水準。素菜卷大纖米線 (姬松菇湯底)依個湯底適合鍾意清淡口味嘅朋友。姬松菇湯底好清甜，帶有菇類嘅鮮香，飲落好舒服，感覺上冇咩味精。素菜卷新鮮爽脆，大纖米線口感煙韌，食完覺得好健康，係一個唔錯嘅素食選擇。整體黎講，譚仔三哥嘅出品穩定，湯底選擇多，配料同小食質素都唔錯。晚市優惠係一個大賣點，性價比高，食得滿足又唔貴。…Read More

最近去咗鴨脷洲大街試下泰國野，餐廳環境好舒服，裝潢帶點泰式風情，坐得輕鬆自在，適合同朋友一齊嚟食個lunch。我嗌咗一道普通午市套餐——豬頸肉冬陰公金邊粉冬陰公湯底酸辣得宜，味道濃郁但唔會過火，辣度有少少辣，飲完一口仲有陣陣香茅嘅清香。豬頸肉ok，配上金邊粉嘅順滑口感，份量幾夠，食完幾飽。整體黎講，泰國野嘅環境同食物質素都正常，價錢合理。午市套餐都有好多唔同種類既飯同麵揀，適合打工仔既人嚟食lunch。…Read More

最近去咗觀塘一間西餐廳試咗幾款菜同飲品，真是一個眼前一亮嘅體驗！首先嗌咗大蝦杯配雞尾酒醬 ($118)，蝦肉爽口彈牙，雞尾酒醬酸酸甜甜好開胃，作為前菜真是一個不錯嘅開始。之後試咗香煎法國鵝肝 (2件, $158)，鵝肝煎得外脆內軟，油香濃郁，雖然貴咗少少但真值得！主菜方面，香煎挪威三文魚柳配海鮮忌廉汁 ($168) 絕對係全晚嘅亮點！三文魚煎得外皮香脆，內裡嫩滑多汁，海鮮忌廉汁濃而不膩，帶出三文魚嘅鮮甜，簡直係最好食嘅一道菜！露荀軟殼蟹忌廉意大利飯 ($188) 都好食，軟殼蟹炸得香脆，意大利飯軟糯入味，露荀增添咗清新口感，份量好夠，食完真係好飽好滿足。飲品方面，Old Fashion (Whiskey, Sugar, Angostura Botters, $108) 好濃好正，威士忌嘅香氣同橙皮嘅微苦完美平衡，飲落順滑又夠回味，絕對係 whiskey 愛好者嘅心頭好！Apple Sunrise ($98) 就比較清新，帶蘋果嘅甜香，飲落輕鬆易入口，適合想飲啲輕盈嘅朋友。整體黎講，依餐飯質素幾高，三文魚同 Old Fashion 令我覺得驚艷，味道同擺盤都好有水準。價錢雖然唔算平，但以食物質素同環境來說，我覺得值回票價！強烈推介俾鍾意西餐同 cocktail 嘅朋友！…Read More

最近喺尖沙咀試咗間日本野，晚餐體驗真係唔錯！整體嚟講，食物質素同味道好食！價錢亦合理。激突三文魚丼 (三文魚，三文魚腩，三文魚籽，帶子，甜蝦)呢個丼飯既三文魚同三文魚腩好鮮甜，帶子口感豐富，甜蝦爽甜得黎有咬口，再加上三文魚籽入口即爆漿，鮮味爆棚。配料同飯嘅比例啱啱好，醬汁唔會太濃，保留咗海鮮嘅原味，令人回味無窮。九公丼 (海膽，三文魚，三文魚籽，牡丹蝦，蟹肉，時令魚，帶子，拖羅蓉，壽司薑)呢個係一個豪華版海鮮丼！海膽入口即溶，甜美得令人陶醉；三文魚同三文魚籽一如既往鮮甜；牡丹蝦同蟹肉都新鮮；時令魚同帶子都好食，拖羅蓉就係點睛之筆，濃郁嘅油香同壽司薑嘅清爽幾平衡。整體份量十足，食完滿足。焦糖三文魚卷呢個卷物小食好有驚喜！上菜個陣會即刻點火，成碟小食好似噴火咁，好特別！食落去覺得三文魚外層微微焦糖化，帶點香脆同甜味，配上蟹籽嘅爆汁感、青瓜嘅爽脆、玉子嘅軟滑，蟹棒嘅彈牙，口感層次豐富。每件卷都整得好精緻，食落好有口感。餐廳環境舒適，服務員態度親切，食物上枱速度都好快。價錢方面，以尖沙咀嘅地段同食物質素嚟講係合理。無論係想食個豪華海鮮丼定係簡單嘅壽司卷，呢度都係一個唔錯嘅選擇！…Read More

今日去左盈豐食下午茶餐，幾抵幾好食，嗌左兩個餐，估唔到個西多幾高質，同其他餐廳唔同，點唔同？睇埋落去啦！港式西多磚配香炸雞 港式西多磚係經典之選，估唔到西多個餡，係用左粗粒花生醬！烤得外脆內軟，咬落口感鬆化，依家好少餐廳會用粗粒花生醬，所以今次堅有驚喜！正呀！再配上香炸雞，雞肉外皮炸得香脆，內裏嫩滑。兩者一齊食，既有西多嘅濃香，又有炸雞嘅惹味，我覺得係下午茶嘅黃金組合。迷你蕃茄肉粒湯通粉 配香蒜雞翼 (3隻)湯底用蕃茄熬製，酸甜適中，配上少量肉粒，增添咗口感。通粉煮得軟硬適中，香蒜雞翼幾好食，炸得金黃酥脆，雞肉嫩滑，三隻份量啱啱好，作為下午茶小食幾滿足。呢個下午茶套餐份量適中，味道唔錯，性價比高，係一個唔錯嘅下午茶選擇。…Read More