横浜終極MAX拉麵（幼麵） - $118
湯底係典型家系豚骨風味，濃郁得來略為偏少少咸，個人覺得味道還可。幼麵口感彈牙，配搭湯底算順口，但如果湯底可以淡返少少啲會更好。
極上和牛野菜拉麵（黑椒風味） - $158
和牛有得揀正常或全熟，我就揀咗正常，肉質軟嫩，入口鬆化，幾滿足！湯底黑椒味好突出，香濃得來唔會太油，仲有啲新鮮野菜增加口感層次，唔錯！
餃子（3件） - $30
餃子味道皮薄餡香，煎得外脆內軟，幾好食，但份量偏少，價錢略貴，性價比一般。
餐廳環境舒適，燈光柔和，座位寬敞，坐得幾舒服，適合同朋友輕鬆聚餐。服務態度OK，店員反應尚算快。點餐同上菜速度都OK。價錢偏高，拉麵價錢（$118-$158）如果同市面上其他拉麵店比，略為偏貴，飲品偏貴，一罐罐裝飲品要$20，仲要加一服務費。整體黎講，係一間唔錯嘅拉麵店，係性價比差少少。
1
