Sam5的个人专页

今日朋友生日，都有一段時間好耐冇見，難得佢同我今日都得閒，就提早同佢慶祝生日。搵地方食飯開心吓，當然係上openrice睇下有咩食啦！大家決定咗喺旺角開飯，上openrice度睇到有間樓上cafe好似幾特別，咁我哋就上去試吓。六點鐘上到去已經有幾枱客，好彩我哋早到，晏啲可能驚佢冇位添！睇下餐牌除咗意粉同平時啲飯之外，都幾特別嘅，原來佢仲有burger同All Day Breakfast食，朋友佢就叫咗個美國安格斯牛肉漢堡，我就叫咗個煙三文魚意大利飯，大家share食。估唔到cafe嘅漢堡都有好好嘅質素，塊牛肉好juicy，而且係靚牛嚟！配埋啲薯條好香脆，仲有啲沙律伴埋，食落好開胃。至於個三文魚意大利飯，估唔到質素都好好，意大利飯軟硬適中，而且重都幾多三文魚，仲放得好靚㖭！另外，我哋仲叫咗個串燒小食，都好好味，同朋友都有三四個月冇見，今日同佢慶祝生日，呢度嘅環境氣氛都好好，我相信佢今日都過咗個很愉快嘅生日。…查看更多

同女朋友慶祝拍拖紀念日，選擇了佐敦區的這間西餐廳，環境夠浪漫，女朋友很開心。因為店員說大蜆很新鮮，就點來吃吃，結果大蜆果真很肥美，入口亦很CREAMY，我很喜歡那種濃濃的酒味，絕對是超值呀﹗酸忌廉煙肉薯條炸得很脆口，沾上酸忌廉醬，女朋友更爭住食。吃完大蜆同薯條，就到主菜了，原隻炭燒波士頓龍蝦，配上沙律及黑松露薯條，賣相不錯，很大堆頭，龍蝦肉很爽口，兩個人SHARE食份量剛好。最後就是巴馬火腿pizza，看到餐廳內唔少人ORDER這款PIZZA，相信質素一定有保證，結果不負所望，PARMA HAM配上許多火箭菜，很清新可口，且薄餅底很鬆脆，薄薄地，食幾塊也不會太漏。…查看更多

今天抽空接仔仔放學，再一起在學校附近覓食，來到灣仔的「順興車仔麵」，源自大坑的「順興」當然以車仔麵馳名，但她的滑蛋也是非常出色的，點了一客滑蛋三寶(叉燒、蝦仁和牛肉)撈公仔麵，單看圖片已知非池中物，滑蛋僅熟賣相佳，牛肉嫩蝦仁鮮叉燒香，配合自家製豉油，父子倆都大呼好吃。下次一於嘗試一下這裡最有名的車仔麵腸粉底。…查看更多

一直都好想試下Grand Hyatt Steakhouse，咁啱最近有屋企人係外國返嚟，咁就有借口食好啲。餐廳燈光暗暗，氣氛唔錯。至於食物方面，Maryland Crab Cakes係餐廳的 signature dish，一定要試試，果然好食，全部用蟹肉整成。…查看更多

是晚假座享負盛名，連續多年躋身世界五十佳餐廳行列的Nahm晚膳。Nahm由澳洲籍人士開設，提供西化新派泰國菜，說不上是創意菜式但在調味和香料方面明顯有獨門功夫，味道層次感和質感豐富，徹底刺激人類味蕾，是一個與別不同的新穎泰菜體驗。…查看更多

碩果僅存的後巷街坊茶檔，西灣河太富街近警署“華記士多”。本來想去筲箕灣道“忠記”, 剛好停車在華記門前，無意中發現這後巷小店很有兒時茶檔或“飛髮鋪”風味，早上秋意已濃不怕坐室外，於是二話不說選擇坐下，小店食物選擇不多，但一碗餐蛋麵吃得出慢工出細貨的誠意。…查看更多

 早排成日落雨，趁呢幾日好天氣，約埋朋友去九龍公園游水兼曬太陽，一玩就玩到五點，之後兩個人就行去附近佐敦德興街Pom’s kitchen & Deli 醫肚，我同朋友叫咗個德國腸拼盤，同埋叫咗份安格斯肉眼扒，再加兩支Honey Dew 手工啤。份德國腸拼盤，有四、五款德國腸，旁邊仲附有沙律菜、焗薯仔，份量都幾大下，比著平時兩個人食，再加一份牛扒應該都幾飽下，不過可能做完運動，消耗咗唔少，所以都OK。安格斯肉眼扒我地叫了五成熟，成數剛剛好，D肉好淋，唔知係咪因為係炭燒嘅關係，D肉淋身之餘，肉汁鎖得好好，好juicy，我同朋友都覺得好正，下次一定要再來。至於，支HoneyDew手工啤，雪到凍一凍，聞落有一陣蜜糖味，味道唔會太濃，幾適合夏天飲。…查看更多

米芝蓮推介特色甜品小店 I Love You Dessert Bar，位置喺銅鑼灣希雲街，呢度啲 pancake鬆軟蛋味濃郁，無負她的名氣，然而慢工出細貨要有耐性等候。…查看更多

一嚐由何超蓮小姐牽頭引進的臺北馳名「玖五牛肉麵」香港店，間店位置喺銅鑼灣駱克道近橋底，佢地啲牛肉麵，湯底夠味牛肉夠腍，以香港臺灣菜平均水準來說已屬上選。另外，叫咗三款滷水小食，啲滷水甜甜地。…查看更多

早幾晚去到介乎炮台山站和天后站之間水星街的「甘飯館」，個人一向覺得「甘飯館」乃幾家鏞記傳人中做得和舊鏞記最相像的，馳名中外的燒鵝當然是一貫的皮脆肉嫩，也保留了不少鏞記招牌名菜的原味，相對灣仔軒尼詩道官小旁邊的兄弟店「甘牌燒鵝」而言，地點稍偏但用餐環境舒適，而且不會時刻在門外有一條長龍。…查看更多

一向好鍾意NOC個氣氛，好有美國日本Blue Bottle嘅影子。:)通常去中環歌賦街店多一啲，今早來到西環德輔道西近水街朝光街嘅分店，仍然係香滑嘅Flat White加熟悉嘅味道，當代簡約橡木風格設計，樓底高，車可以就咁泊在橫街，巨幅落地玻璃方便睇住「走鬼」，但係位處鬧市客人較多，唔及歌賦街店有一種悠然恬靜加一點文青風的優雅。…查看更多

已有一段時間沒來筲箕灣東大街上的《金東大》蜑家漁村菜，今晚飯聚於此，風采依然，菜單上不少只此一家的特別和古法漁村菜式，傳統煲仔飯盅頭飯和已幾近失傳舊式茶居點心也有供應，雖然也因應香港生意難做加添了一些貴價海鮮而整體菜單價錢也漲了一截，仍無損其吸引力尤其適合宴請海外友人。…查看更多

上星期舉家由荃灣搬來佐敦區居住，附近盡是美食，今晚來到德興街食晚飯，這家Pom's Kitchen & Deli算是這條街中較有規模的西餐廳，裝修很英式，整體感覺很舒服，之前已經同朋友食過。我和媽媽二人點了一個西班牙巴馬火腿薄餅，與普通pizza hut的薄餅不同，這個薄餅是又薄又脆的，且是新鮮焗起，一份共有六塊，兩個人食岩岩好。另外我們還order了一份白酒煮蜆，個人幾鍾意食海鮮，呢個蜆湯很濃，蜆亦很肥美，很juicy，食完真係再encore。由於啲蜆湯實在太好味，所以我哋order咗一客蒜蓉包，蜆湯點埋啲蒜蓉包簡直係絕配。雖然兩樣野食完已經飽飽地，但係我媽決定要再叫甜品，她點了一個紐約芝士餅，中規中矩。如果100分是滿分的話，這家餐廳我會給85分。…查看更多

是日午宴位於銅鑼灣禮頓道皇冠假日酒店內的新加坡星級過江龍「御寶軒」。我一向迷戀於星馬菜系，對不少融合了南洋特色的星馬中菜都帶好感，「御寶」系早已譽滿星洲和大中華，今日首次來到香港的其中一家分店，一道「乳豬釀生炒糯米飯」，皮香夾脆糯米飯夠乾身夠香，此道菜甚費功夫準備，對烹調的要求也高，美食當前也得破例吃上幾口糯米飯。…查看更多

中環素來是精英薈萃中西交融之地。近年來中環區開設了不少裝潢帶民國雅緻傳統，燈光和氛圍卻具西式情調，菜式新穎精巧，廣泛使用世界各地食材融匯入中式食法的餐廳。這類我覺得是有點向倫敦和紐約高級中菜館參考的新派食肆，使香港中菜開拓了一個新光譜，上升了一個新台階。位於渣打銀行總行大廈地庫的 ‘Mott 32 卅二公館’正是屬於這一類別。接待處聘了幾位金髮白人帶位員已經使人懷疑自己有沒有訂錯西餐，餐廳環境非常舒適，招呼殷勤，小菜和點心菜單都頗具創意，食材挑選見用心，出品也具高水平，以中環核心地段來說取價合理，個人認為乃商務應酬或朋友聚會的合適之選，外籍人士和西化年輕人會特別喜歡。…查看更多