Wilfred888的个人专页

潮州菜係中國菜中其中一個主要的菜系，特點有重滷味、善烹海鮮、重湯輕油、注重養生等。講到香港其中一間出名的潮州菜館， 一定要提及到《陳儀興尚潮樓》。 陳儀興飯店有多間分店， 大廚有多年烹調潮州菜的經驗， 記保留了傳統手工菜的技巧， 同時亦跟據當代的飲食習慣作了一些調整，既保留了傳統的味道，亦令口味更大眾化， 可謂老少咸宜。上星期和家人一起到鰂魚涌分店慶祝生日， 分店位於鰂魚湧英皇道1001號，正正位於怪獸大廈對面。餐廳裝修高級雅緻，而且光猛企理，座位舒適， 適合一家大小來用膳。而正宗的潮州菜館在飯前飯後都會提供工夫茶。 功夫茶用小杯盛載著， 茶葉用上了鐵觀音，呷一口，味道回甘， 為味蕾打開序幕。【 20年老菜譜燉鮮豬肚湯】喝過功夫茶後就送上了熱辣辣的老火湯。 燉湯湯頭清澈，喝一口已感覺暖意十足。 時間練成的老菜譜價錢不菲，具有止咳的功效， 令到燉湯有一股清甜， 至於豬肚，亦具藥膳效用，有補益脾胃、益氣補血的功效。喝過整碗湯之後，暖笠笠，暖意入心。【 頭抽煎英䱽】 肥大肉口的英䱽最適合就是香煎、 炆焗。 大廚用上了size十足的英䱽魚， 肉質肥味而且啖啖肉， 鮮甜嘅魚肉配上了鹹香的頭抽豉油， 更加能提出魚的鮮味。 每一口都是啖啖肉， 非常適合大小朋友。【 招牌鵝三寶】 食潮州又點少得鹵水鵝? 每間菜館都有他的自家製「秘製鹵水」。 各自都加入了他的靈魂配方， 令鹵水嘅味道更加提升， 香氣撲鼻。鹵水鵝肥瘦均秤， 鵝肉嫩滑多汁， 滲出陣陣的鹵水香氣，鵝香十足， 味道回甘。另外仲有鹵水鵝腸， 大廚將鵝腸內層過多的肥膏除去，保留了外層爽脆， 帶有油香的感覺。 新鮮鵝腸爽口彈牙， 用來佐啤酒一流。最後一定要介紹這一個鹵水鵝肝， 鵝肝口感棉滑，可謂入口即溶。 火喉拿捏得準確， 保留了肝臟應有的那份細滑細緻。點一下白醋，  平衡了鵝肝的油膩感， 令人都吃幾塊也沒有罪疚感。【 汕頭煎蠔烙】 即是我哋常食開的潮式蠔餅， 蠔烙金黃鬆脆， 蠔仔肉大大粒， 非常之肥美。 而且用料十足， 每一口都帶有蠔仔肉， 點少少魚露， 更能帶出鮮味。【 潮式肉碎魚丸煮汕頭白】 潮州手打魚蛋相信亦是潮州菜的招牌， 白雪雪，滑捋捋的魚蛋， 口感爽滑彈牙。 手打魚蛋包含師傅的功夫， 由於用上了新鮮魚肉製造，鮮甜無比。再加上經過師傅多重手打功夫，一試就知道粒粒皆辛苦。魚湯配上爽甜的黃芽白菜，提出鮮味，大人小孩都喜愛。整頓高級的潮州菜晚宴，用料上盛，食出師傅功架，不枉《陳儀興尚潮樓》這牌頭。…查看更多

今晚和另一半慶祝生日， 選擇了這間在元朗非常的西餐廳《Chef's Stage Kitchen 》。 這間餐廳得到元朗街坊青睞， 原因很簡單， 因為「平靚正」。餐廳裝修走田園風格， 用餐時相當舒適。 而食物方面亦同樣高質素，所以吸引了很多客人前來慶祝生辰。一坐下， 應就會送上自家制的餐包， 分別有餅乾條、 番茄香草包、 以及法包， 每款各具特色。 餅乾條香脆可口， 番茄香草包香氣十足， 法包夠煙韌， 配合埋自家製的沙律醬， 酸酸的， 相當開胃。第一道菜是新鮮活藍青口配意大利軟包，餐廳標明用澳洲空運到港的新鮮藍青口， 食落更加鮮甜， 肉質嫩滑， 絕不是雪藏貨的口感。大廚精湛的廚藝令藍青口更上一層樓， 這一個刁草忌廉汁， 非常香滑濃郁， 而且帶有洋蔥的香氣， 和新鮮的藍青口非常匹配。 另外意大利軟包搽上滿滿的蒜香牛油， 濃郁的蒜香味令人垂涎三尺，用來沾青口的忌廉汁最適合不過。來到主菜，德國香脆咸豬手配薯仔沙律和酸椰菜， 這一道咸豬手果然名不虛傳，外皮超級香脆，食落卜卜聲， 而且皮下脂肪被高温迫出， 就算所有脆皮食清， 也對得住心理關口。咸豬手除咗皮脆之外， 肉質亦相當juicy，嫩滑多汁。 而且重點係味道不會太過咸， 大人細路都好鍾意食。 配菜薯仔沙律以及酸椰菜帶有酸酸的味道， 可以清一清味蕾，多吃幾舊亦不覺太膩。加38元還可以加配沙律以及餐飲， 是日的沙律是藜麥鷹嘴豆番茄沙律， 藜麥和鷹嘴豆營養價值豐富， 番茄和沙律菜新鮮， 簡單用黑醋汁來點綴， 已經相當美味。餐飲方面， 這一杯接骨木花玫瑰花茶令人相當驚喜， 除咗茶香之外， 隱隱帶出接骨木花的香甜，以及玫瑰的花香。這間西餐廳果然名不虛傳，由前菜、餐飲到主菜都令人有驚喜， 難怪一晚之內見到有四,五枱客人慶祝生日。…查看更多

這一家位於天水圍t town的日式居酒屋， 剛剛開業不久， 已經吸引咗唔少客人幫襯。餐廳的環境非常寬敞， 而且亦好有日本居酒屋嘅感覺。 食物價錢亦相當之大眾化， 非常抵食。 除了抵食之外， 食物款式亦相當廣。 刺身、壽司、 小食、串燒、丼飯、拉麵等等， 幾乎各款種類的食物都應有盡有， 總有一款啱心水。絹豆腐櫻蝦溫泉玉子野菜沙律， 呢一個沙律絕對唔會令人覺得孤寡， 絹豆腐的豆味相當濃郁，櫻花蝦帶出鮮味， 加埋流心的溫泉蛋， 令整個沙律無論喺色彩方面和味道方面都更加豐富。今次就試咗幾款火炙壽司， 令我印象最深刻嘅， 就一定係呢款 火炙黑松露油甘魚壽司(燒汁) ， 以及火炙三文魚醬油漬壽司。壽司一傳來就已經問到黑松露的陣陣香氣， 經過火炙的油甘魚味道更突出， 魚油溶化後，喺口腔裏面徘徊， 加上黑松露的獨特香氣， 令人更加回味。至於呢一款三文魚醬油漬壽司， 實在係令人有驚喜。醬油漬過後的三文魚入口即溶， 醬油的味道鮮甜， 加上上面的京蔥，味道匹配至極。至於呢一款特大赤海老就之新鮮，亮澤的外表顯示出其新鮮度。 蝦肉夠彈牙， 而且味道非常鮮甜。串燒黎講一定要叫呢串串燒免治雞肉， 免治雞肉加入咗雞軟骨， 食落增加爽脆口感， 重點在於生雞蛋黃，將免治雞肉串點埋蛋汁一齊食， 增加嫩滑多汁。最後呢一碗北海丼， 有齊各款刺身， 除咗有平時常常食到嘅油甘魚、三文魚腩、帶子刺身之外， 仲有比較少食到嘅安康魚肝以及 子持魷魚。 安康魚肝口感細嫩，味道回甘。 黃色的子持魷魚咬落脆卜卜， 而且過醃製味道酸酸甜甜， 非常開胃。三文魚腩相當肥美， 又分充足， 入口即溶， 整碗刺身丼飯材料相當豐富， 可以稱為價廉物美。呢一間餐廳價錢除咗相當底之外， 用料亦相當新鮮， 最重要係好食， 難怪吸引到咁多食客嚟幫襯啦。…查看更多

元朗的這一家的燒肉店，在區內相當之出名。 餐廳搬遷到近街 西菁街容鳳書的一個角落， 餐廳位於上層， 空間更大， 環境更寬敞。一踏入店舖不難會被這個Ironman所吸引， 上到餐廳感覺相當之光猛新淨。飲品方面，除咗有平常罐裝的汽水、啤酒、碳酸飲料等等之外， 還有自助花茶系列， 鍾意飲熱飲嘅朋友就啱晒。校長燒肉除咗提供燒肉之外， 亦有各款壽司刺身，款色雖然唔算多， 但至在新鮮。甜蝦帶子都鮮甜，餐前有少少刺身，令人胃口大增。仲有自助沙律吧， 沙律菜新鮮爽脆， 配埋流心溫泉蛋，更是一絕。 食燒肉一定要配返啲蔬菜咁先夠健康。另外還有一些熱食，蒜蓉蒸勝瓜、 豉汁蒸大魚、梅菜蒸龍利柳等等， 各款小菜都超乎想像， 絕不比大排檔遜色。重點韓式燒烤， 食物種類相當多，牛羊豬雞魚，款款不同口味， 咖哩、蒜蓉、海鮮醬， 每款肉類都醃得好入味。 重點推介， 穀飼牛肋眼心，牛肋眼心雪花分佈均勻，而且牛味濃郁， 肉質鮮嫩， 係有高質素的貴價食材。另外秘製特級豬仔骨亦非常好味，味道醃得出當入味， 肉香滿分。仲有金菇肥牛卷，同埋細細兜嘅牛油金菇和香甜粟米， 無論大人或細路都鐘意。甜品方面，有熱辣辣、香噴噴嘅葡撻， 仲有清熱又清涼嘅冰西瓜。食完啲熱氣嘢， 食番一塊涼浸浸嘅西瓜冰就最爽啦。整體嚟講，呢一間校長燒肉性價比相當高， 環境清潔又衛生， 大家不妨去試下。…查看更多

位於屯門新墟的炻板燒， 獲得米珠蓮認證， 自然食得開心。店內掛滿真。香港人打氣卡， 令人既感動， 亦感慨。餐廳主推日本板燒， 有四款靚牛選擇， 分別係日本和牛、吉列牛板腱、牛小排以及封門柳， 價錢有平有貴， 總有一款啱心水。今次我就選擇了日本和牛板燒套餐$268/10片， 套餐價錢已包括咗麵豉湯， 白飯以及飲品。 假如惠顧咗兩個板燒set， 仲可以免費追加一客封門柳， 相當超值。石板燒講求石板要夠熱辣辣，皆因高溫才能把牛的油脂迫出，食起來就更加香口。在燒之前， 店員會將一舊牛脂肪沾滿板面， 目的除了是為了不易黐底外， 亦增加了牛肉的肉香。自己燒牛肉嘅好處， 除咗夠過癮之外， 最重點係可以自己拿捏牛肉的生熟度。顏色比較鮮紅的是日本和牛， 日本和牛雪花分佈非常平均，牛肉入口即溶， 肉質相當嫩滑。瘋狂嘅油脂喺口入面傾刻爆發，牛味嘅餘韻悠長，久久不散，令人相當回味。至於封門柳的口感就比較厚實， 雪花較少， 但更能體驗出牛的肉香， 假如追求牛味， 選擇封門柳就最適合不過了。一口吃下高質素的和牛， 再呷一口白飯， 感覺令人相當滿足。除此之外， 亦追加了溏心蛋， 溏心蛋蛋味香濃， 醬油味道突出， 8元一隻確實是驚喜價。最令人意想不到嘅係， 呢度嘅唐揚炸雞相當高質素， 即叫即炸， 一口咬落，肉汁爆出來。想清新一點的話， 就不妨點一客蟹籽沙律。 青瓜絲非常爽脆， 味道清新， 加埋無人不歡的蟹籽和bb沙律醬， 大口吃下，令油膩感減低。如此高質素和相當有heart的一間小店， 大家一定要大大力去懲罰佢。…查看更多

每次到天水圍天澤商場的呢間日本餐廳千葉鳥進餐都必定不會失望這間日本餐廳除咗價錢優勝之外食物質素亦相當高餐廳採用咗日本居酒屋嘅佈局設有一間間嘅廂房方便三五知己一邊把酒談天 一邊分享美食頭上掛滿了日式燈籠以及貼滿了日本嘅poster感覺就有如到了日本居酒屋一趟食物方面選擇尤其多壽司 刺身 佐酒小食 鍋物 爐端燒 串燒 定食應有盡有火炙三文魚壽司以及火炙左口魚背壽司火炙三文魚壽司選擇咗沙律醬而火口左口魚背壽司就選用左岩鹽火炙之魚油逼出嚟入口溶化 魚油滿佈口腔 大甜蝦壽司 甜蝦size有手指尾咁大而且味道相當鮮甜咬落亦相當彈牙生芥辣八爪魚軍艦外面嘅紫菜仍能保持脆卜卜生芥辣非常之攻鼻配埋口感煙韌嘅八爪魚 令人回味牛油果軟殼蟹反卷用上非常之新鮮嘅牛油果牛油果夠creamy 配埋脆卜卜嘅軟殼蟹小朋友的至愛芝士年糕 色澤金黃一咬落就可以就做年糕軟糯的口感年糕非常之軟熟 裏面嘅芝士亦都流心吃的時候真是要小心燙嘴串燒鰻魚 搽滿了日式燒汁吃起來非常香甜另外鹽燒厚切牛脷芯串燒採用了牛脷最嫩滑的部位除咗口感煙韌 同時亦非常軟熟調味方面簡單用上了海鹽和黑椒簡單帶出鮮味章魚小丸子 熱辣辣 脆卜卜上面灑滿了木魚絲而且裏面真材實料用上咗好多章魚粒係小朋友至愛菜式整體而言 每次幫襯這家日式居酒屋都必定令人滿意大讚！…查看更多

之前太太生日， 跟家人去了這一家《新華苑酒家》吃晚飯。 意想不到的，這家餐廳無論小炒或者海鮮的質素都相當之高。餐廳除了提供中菜之外，還有近期大熱的蒸氣海鮮鍋。由於太太最喜歡食紅燒乳鴿， 唯有下次才嘗試蒸氣海鮮鍋。紅燒乳鴿48元一隻， 燒得非常香口， 皮脆肉嫩， 入口juicy， 一點都不會炸得過火。金蒜蒸北海道元貝皇， 每一隻元貝都有手掌那麼大隻。 帶子肉厚， 而且味道鮮甜。 火候拿捏得好， 保持到海鮮的嫩滑。 至於金蒜用來撈飯則非常美味。漁村小炒王鑊氣十足， 有非常香口的韭菜花， 而且更加加入了蝦乾和鮮魷， 食起來更加鮮味。 這間酒家的小炒王特以加上炸銀魚仔， 吃起來脆卜卜， 用來配襯啤酒一流。黑椒薯仔和牛粒， 非常夠鑊氣，和牛粒牛味不俗，不會因為加入太多梳打粉而變得太軟梅。黑椒汁帶有微辣， 惹味十足。芝士焗龍蝦伊麵底， 令人絕對有驚喜。 龍蝦大隻兼且夠新鮮， 肉質爽口彈牙，伊麵亦吸收了芝士汁， 非常入味。整體而言， 這間新華苑酒家無論是食物價錢， 抑或是質素都令人相當滿意， 而且待應的招呼亦非常周到， 這一餐晚飯一家人都吃得相當滿意開心。…查看更多

一向出街食飯唔係中菜就西餐，開始食到有啲悶，今年老公生日想試下新口味，一家人去咗尖沙咀諾士佛臺嗰度試咗一間未食過嘅餐廳。我哋揀佢嘅原因係貪佢地方寬躺、座位舒適、裝修夠特色，而且今次我哋選擇了午餐時段，人流相對比較少，環境唔會太嘈吵，令我哋可以靜靜地咁享受呢餐生日飯。我哋先order 一個前菜 《特製雞翼配水牛城雞翼醬&沙律》，雞翼炸得夠香脆配埋呢個醬汁一齊食仲出奇地夾，加埋個新鮮沙律菜，真係好開胃。老公勁愛食牛，所以主菜我哋試著咗佢個《牛肉千層麵》同《鐡板烤牛肉配炒洋蔥、甜椒，配軟肉米餅》，個鐵板烤牛肉熱辣辣夾在鬆軟肉米餅上，米餅能幫助吸走油份又可以增加飽肚感，再加上佢哋隨餐附送嘅3款醬，各有特色，我自己就最愛佢個鱷梨醬，比較少食倒，真係好味到停唔到口。話明係同老公慶祝生日又點少得蛋糕呢！最後我哋食埋件《紐約芝士蛋糕配雪糕》&《 朱古力布朗尼》，呢餐生日飯就完滿結束了。原來將雪糕配芝士蛋糕嚟食都一樣好夾喎！而個朱古力布朗尼係用香草雪糕配新鮮藍苺&士多啤梨再淋上了朱古力醬，甜得嚟帶少少果酸，味道亦都好good 呀！…查看更多

早前朋友介紹過大角咀開咗一間特色馬來西亞餐廳，讚佢價錢大眾化，但食物質素一啲都唔輸，今日約咗兩位好姊妹出街shopping，專登過去試一試。一去到街口已經被佢嘅外觀吸引，佢嘅懷舊木門很突出，有別於其他鄰近嘅店舖。由於大家傾得太投入，忘記了食午餐，所以我哋決定早點食晚飯，6:30前已經成功入座，驟眼看佢嘅座位已坐滿9成，不消15分鐘已經全店坐滿食客了。因為我哋勁肚餓，所以點到全枱放滿食物，有《牛肉配椰漿飯》牛肉算幾淋而綠色椰漿飯亦好香好味道。《古仔路肉骨茶-一字骨》個湯好香材料味，T 字骨雖然大大舊但都非常入味，望落以為啲肉質會鞋，但食落又比想像中好好多。另外仲有點咗《招牌芽菜雞飯》，不愧係佢哋嘅招牌菜，D鷄肉好夠滑，雞油飯完全不覺得油膩、飯粒分明、軟硬度剛好。我哋仲點咗兩款小食《香炸滷肉春卷》、《馬拉沙嗲串燒》，同一個小炒《蛋黃奶油花甲》，全部食物都頗有水準，冇一款令到我哋失望，特別要讚下個《蛋黃奶油花甲》，因為我本身好怕係街食呢啲有殼食物，怕會洗得唔乾淨有沙入口，但佢完全冇呢個問題之餘仲要隻隻花甲都好肥美，令我一試便愛上。總括來說呢間食店係好食兼夾抵食，多謝朋友嘅真心推介，我哋已約定了好快再嚟食過！…查看更多

今日經過創興廣場搵食，見呢度個放題好似好多嘢食咁，就俾呢個咁豐富嘅餐牌吸引咗入去。魚子醬拖羅甜蝦波子壽司，波子壽司賣相可愛，圓形一粒粒好似粒波子咁，甜蝦選料新鮮，配合魚子醬嘅味道作出適當嘅提鮮，非常好味。脆炸貓山王，貓山王嘅榴槤味果然零舍唔同，炸得脆身得嚟又唔會話太油，出色。鹽燒牛舌，牛舌厚切更顯口感，牛味比起其他餐廳嘅更加高上一個層次。沖繩黑糖牛仔肉，呢一樣作為樂天大喜屋嘅精選食物實在最合適不過，牛仔肉本身已經相當juicy，可能落咗沖繩黑糖嘅關係，味道份外細緻。焗孜然黃糖雞翼，孜然嘅味道同雞翼呢個配搭，正宗得有點像食緊重慶燒。吉品鮑汁燴花膠盛宴，盛宴裏面堅秋有大大嚿嘅花膠，花膠炆得好林，索盡吉品鮑汁嘅味道，正啊。泰式燻蹄，燻蹄個厚度大約係平時燒臘檔嗰啲燻蹄嘅四倍，更見口感，點一點個泰式醬汁，更有風味。朱古力布朗尼，呢度嘅甜品都相當有質素，其中我最鍾意嘅係呢個朱古力布朗尼，朱古力味夠濃之餘口感又夠鬆，唔會話太硬，我前前後後食咗成四五舊。侍應姐姐喺百忙之中都會同我哋傾下計，問下我哋對食物質素嘅意見，值得一讚。…查看更多

這家十八樓雞煲在荃灣甚具名氣，皆因出名平靚正， 而且雞煲質素相當高，價錢亦相當超值，$178 就可以食足兩個鐘， 配料質素一點也不馬虎， 絕對係物超所值。先介紹一下餐廳的環境， 餐廳位於大鴻輝中心18樓， 窗邊的座位可以居高臨下， 景觀開揚 。設有卡位坐， 座位寬敞舒適。 除了用點菜紙點菜之外，中心的位置更設有食物雪櫃、醬料區以及雪糕機。 飲品方面選擇亦不少， 有韓國飲料、無糖茶、涼茶、汽水等等。雞煲上台的時候大約七成熟， 大火煮多幾分鐘將香料的香氣迫出來。 雞煲的質素可謂相當高， 我們選擇了中辣， 食落夠麻夠香， 醬汁亦夠濃郁， 非常之惹味。 雞件分量相當多， 仲有我最鍾意的紫洋蔥以及芫茜。雞肉嫩滑， 絕對令人食過返尋味。丸類方面， 我比較欣賞芝士豆腐丸， 以及龍蝦沙拉丸。 芝士豆腐丸夠軟熟， 龍蝦沙拉丸裏面醬爆， 吃起來要小心燙嘴。韭菜餃， 同粟米餃餡料豐富，餃子皮唔算太厚， 韭菜餃香味濃郁， 粟米餃比較香甜， 兩者皆不錯。炸響鈴夠香脆， 而且不會一夾就散， 用來打邊爐可以吸收湯汁， 絕對不能錯過。雪花肥牛和特級肥牛兩者同樣是任點項目， 雖然是任點， 但質素卻沒有令人失望。 特級肥牛肥瘦較為均勻，而雪花肥牛油脂比較豐富， 令人不禁一叫再叫。白鱔片已預先骨， 肉質都幾爽口， 而且又唔腥， 令人有驚喜。整體來說， 這間餐廳的雞煲味道調配得相當好， 夠惹味， 又夠火喉。 打邊爐的配料選擇又多， 又新鮮。 最重要的是價錢超值，百零蚊就可以嘆到雞煲， 仲有任飲任食嘅邊爐， 一個字 「抵」！…查看更多

今日約咗幾個朋友去觀塘釣蝦，佢哋就帶咗我去附近揾嘢食。因為我哋有個半歲大嘅baby，要推住架BB車，所以太迫同人多嘅食店絕對唔太適合我哋去。行咗一round，最終我哋決定入去食《板上》，之前大家都從未試過，不過就被佢嘅外觀同舒適環境吸引了，見佢裝修新穎、地方寬躺、枱與枱之間有足夠空間俾我哋放到架BB車，而且仲唔會阻擋條行人通道，認真夠 gd。價值方面，雖然佢比一般嘅連鎖快餐店貴少少，但就勝在食物款式多，有包、有飯，仲有多款小食仼揀，我哋每人先點一個套餐，加$8可以加配一款小食，加多$10仲可以轉埋特飲，每人消費只係$100 有找，都算相當抵食。我自己就點咗一個《安格斯牛肉漢堡•脆薯皇》套餐，加配了兩隻餃子，再配埋柸胚芽港式奶茶，已經好飽了。個漢堡嘅牛肉肉質剛剛好夠juicy，啲脆薯皇同餃子亦係新鮮炸起，好脆口、好味道。平時飲親台式飲品我一定要少甜，今次失策竟然忘記咗叫，好彩柸港式奶茶嘅甜度都算適中，不會過甜。另外見朋友點嘅一口牛珍珠飯同唐揚炸雞也很不錯，但今次太飽了，留返下次先再試其他食物。最後我哋仲一邊傾偈、一邊等朋友餵埋BB食完奶先離開，呢度地方夠大座位夠多，真係唔怕被人催你走，絶對係一個傾偈嘅好地方呢！…查看更多

聞說位於形點的這家【極尚大瀛喜】日本放題餐廳質素相當之高，幾乎每天晚上任何時段都是坐滿客。 第一節放題時段由五點九開始，未開始時門口已經排了一條人龍。入到餐廳便知道原來空間感十足，地方相當大。除咗有卡位外，仲有長枱， 啱曬一大班朋友來開餐。黎食日本放題又點少得先呢黎個刺身船呢？ 呢度嘅刺身出名選擇多，而且又夠新鮮。 由於唔好眼闊肚窄，每樣刺身都只係點左兩三片， 不過其實這樣已經夠滿足。劍魚腩刺身以及油甘魚刺身可謂必點項目。劍魚腩出名油香十足，口感爽身。而油甘魚獨特嘅油香喺口腔裏面徘徊，肉質較為幼嫩。北海道帶子刺身亦同樣甜美。另外我最喜歡珍寶赤海蝦，蝦肉預先已經挑腸，包保唔會有沙，讚~肉質爽甜，又夠新鮮。蝦頭嘅蝦膏更是極為甘香。除咗落單order之外，仲有自助沙律吧同埋少量熱食區。熱食推介老火湯 ，呢個魚翅蟲草燉雞湯夠曬火喉， 老火湯唔會太鹹 。而自助沙律吧亦有中華沙律、八爪魚、同螺肉等日式前菜可以選擇。黎到重頭戲，壽司放題啦!! 呢度嘅壽司有成三、四十款。選擇可謂令人花多眼亂。 特別推介有香蔥鵝肝帶子壽司，甘香嘅鵝肝同鮮甜嘅帶子出奇地匹配 。另外呢個芝士鰻魚玉子燒，用咗玉子來代替白飯， 味道更豐富。 而且燒過嘅鰻魚上面鋪上咗熱溶嘅芝士， 新穎嘅配搭令人難忘。另外不得不叫既有呢款穴子壽司， 呢款壽司份量十足 ，原條穴子配上甜甜地嘅照燒汁 ，極之吸引。另外軍艦壽司方面有我最鍾意嘅香蔥拖羅蓉軍艦以及三文魚籽醬油漬軍艦。 軍艦壽司講求即叫即製，紫菜一定要脆。 呢一方面餐廳確能做到。 香蔥拖羅魚蓉肥美十足，而三文魚籽易粒粒飽滿。熱食方面一定要食嘅就一定是紐西蘭香草羊鞍，呢個羊鞍可謂人氣選擇。羊鞍騷味十足， 咬落去肉嫩多汁， 配合埋香草調味， 令人百吃不厭。此外比目魚西京燒同樣出色， 佈滿魚油，外皮燒得香脆。仲有燒有機新鮮菠蘿可為我嘅至愛， 菠蘿甜美， juicy多汁，燒過後嘅菠蘿甜度提升，係飯後嘅一個好選擇。要健康一點來一個爆炒日式雜菜， 雜菜色彩繽紛， 包含唔同嘅蔬菜，有韭菜、蟲草花、椰菜、翠玉瓜等等。用上咗惹味嘅xo醬嚟炒 ，食起上嚟帶點微辣 ，非常開胃。總括而言，呢間日式放題簡直係物超所值，淨係食壽司刺身已經可以回本。加上有各式各樣嘅熱食，真係十個胃都食唔曬 ，下次必定encore!…查看更多

話說有一次和屋企人走到天水圍探朋友， 之後便去附近的天澤商場食晚飯。 初時還以為一個普通的屋邨商場並無什麼特別好吃，誰知女兒選擇的這一家《千葉鳥》 日本餐廳質素奇高， 而且可謂價廉物美， 性價比超高!餐廳裝修非常有日本風味， 最令人有印象的莫過於牆上具有日本特色的大壁畫，另外又有卡位坐，更有獨立間隔， 聚會一流。這裏的壽司質素相當高， 這個【牛油果軟殼蟹反卷】， 份量十足。 選用咗一級的牛油果， 口感creamy之外，油潤度十足，跟脆卜卜的軟殼蟹非常匹配。 而且反卷一點也不鬆散， 最怕便是一夾起跌到滿枱都是飯。 軟殼蟹新鮮炸好， 入口時還帶有微熱。黑豚吉列豬扒咖哩掛手打烏冬配溫泉蛋同樣出色， 吉列豬扒炸得非常酥脆， 由於選用咗黑豚肉， 肉質嫩滑多汁。 咖哩味夠濃， 加上溫泉蛋的蛋香，配合彈牙的手打烏冬， 確實是一流。另外串燒也是不俗的選擇，串燒粟米燒得金黃， 粟米粒粒飽滿， 而且甜度十足。串燒安格斯骰仔肥牛粒， 不枉安格斯之名，牛味濃郁， 而且熟度恰到好處， 裏面呈現粉紅， 有保持肉汁。芝士年糕令人有驚喜， 年糕夠煙韌， 一口咬下竟然是流心的芝士，好吃!最後來一客甜品抹茶蕨餅， 蕨餅口感煙煙靭靭， 非常q彈， 上面灑滿了抹茶粉，抹茶粉帶點甘香， 非常特別， 未試過的朋友一定要試試呀!如此高質素的日本餐廳價錢平民化， 難怪晚市時段坐滿客人啦。…查看更多

荃灣的大鴻輝中心出名美食多， 今日就試了這間日式放題店【滿屋日本料理】。 這間滿屋日本料理可為平、靚、正。晚市放題亦只是250元左右， 並可以食足三小時，和屋企人食飯、朋友聚會等都是不錯的選擇。先講一講環境，設有卡位坐， 而且窗邊的座位更可以望到荃灣市的夜景。而且食物方面選擇眾多， 令人花多眼亂。 有放題必食之選：刺身以及壽司。 另外還有各款燒物、炸物、天婦羅、日式一品料理、以及甜品等等。除了點餐紙的食物之外，還有自助沙律吧， 有各款新鮮沙律菜、番茄、日式小食例如：中華沙律、辣味螺肉、八爪魚仔等等。 可以隨各人口味，在餐前吃點蔬菜， 更加有益健康。另外我最欣賞的就是有即叫即製的梳乎厘， 平時在甜品店吃到的梳乎厘都要數十元， 這間放題的梳乎裡質素實在拍得住甜品店， 空氣感十足，發得夠高，而且蛋味香濃，可謂相當出色。串燒方面推介鹽燒牛舌， 牛舌爽口， 簡單用鹽和黑椒來調味，味道已經相當出色。加上一抹檸檬汁，減低串燒的油膩感，令人食過返尋味。燒菠蘿亦非常甜美，菠蘿多汁juicy， 經過燒烤之後， 菠蘿味更為濃郁，清新之餘亦幫助消化，又可以再戰幾個回合。炸物方面我最推薦人氣的榴槤炸彈， 榴槤炸彈果然不負其名， 一咬下就爆出榴槤，香氣逼人。另外的南瓜芝士薯餅亦同樣美味， 薯餅炸得金黃香脆， 裏面的芝士可以流心， 所有的炸物隔油程序都做得相當好， 不會吃到滿口油。最後仲有每人限量一杯的高級雪糕，有Haagen-Dazs, Movenpick，Fruttato榴槤gelato三個牌子選擇。 有美味的雪糕做結尾， 加上多款高質素的自家製甜品， 好像木糠布甸、椰汁糕、桂花糕和奶凍等等， 為今頓放題晚餐上完美句號。…查看更多